مغامرات؟ ملاهي وطبيعة ومولات؟ شواطئ جميلة وغابات... أكيد ماليزيا!!

Deena · 14-04-2016, 02:47 PM

اقتباس : المشاركة الأصلية كتبت بواسطة أبو عبده

طيب .... السلام عليكم ورحمة الله وبركاته

معلش الرد هاد يمكن يكون طويل شوي .... بس .... مبسش

أولاً: عظم الله أجركم ورحم ميتكم وأحسن عزاءكم

ثانياً: أنا ندمان جداً جداً إني ما كنت قادر في الفترة الماضية إني أرفع راسي من كتر الشغل و شوية الظروف اللي مريت فيها واللي انتهت أخيراً والحمدلله ..... ولكن للصدق قرأت كل الحلقات اللي فاتت بدون استثناء ودققت في التفاصيل اللي كاتبتيها لسبب واحد وحيد وهو باختصار :

أي كلمة بتكتبها دينا لازم يكون لازم أتعلم منها إشي جديد..... بصراحة كل شيء كتبتيه مفيد ومهم ...وكيف بمر الوقت وأنا بقرأ وبتفرج على الصور ...... ما بعرف طبعاً هذا لا ينفي إنه ذاكرتي نوعيتها تيفال (لا شيء يلصق إلا بعد المحاولة الرابعة تقريباً)

نورت التقرير أبو عبده .. بتذكر تقريرك العظيم كنت مسنترة فيه واول ما تكتب رد "أفصفصه" لغايات الاستفادة ومحاولة الالتصاق ... ذاكرتي اصلية أكتر منك ولا يمكن يلصق شي بسهولة ..

ثالثاً: نيجي عاد للجد.

إيبوه: صور تاريخية والمطعم أول يوم بيكون الموضوع روعة وهما بيخدموا عليكم ....وإحنا قاعدين

الصينيين عندهم الأربعة والألمان الثلاثة ...وبعدين !!! شو رايكم نبطل نعد مثلاً ؟؟؟ شو هالأمم هاي ... عنجد هاي المعلومة أكلتن راسي
اول مرة بعرف عن الألمان ورقم تلاتة .. شو قصتهم؟؟
على فكرة انا دارسة لغة وأدب وحضارة ألمانية .. مش بس بشجع منتخبهم ههههه فاحكيلنا شو قصة التلاتة الله يرضى عليك

قصة أطول نهر كسوووول تحشيييييششش ...متخيل الملل وهو النهر بدزكم دز ... الله يعينكم على هالموقف
يا ريت يدز .... كنا ماشيين بالعكس

بس العالم المفقود كله شكله رووعة ما شاء الله ....

الفلم اللي بيعمله سيف فيكم وهو بيرجع بنط رهييييب .... ما شاء الله عنهم أولادك دمهم خفيف من قلب

أما المطارين فأنهف من بعض ...قعدت ساعة أدور على الشرطي بالصورة هديك ...مش شايف غير مزهريتين كبار

المكان اللي نزلتوا فيه بجوهور بارو ما شاء الله فخم ورائع ...وعجبتني فكرك الأولاد يلعبوا غميضة في البيت ...أنا ولادي كان لعبوا سيوف وسكاكين ..... بس شفتي بعد المكان شو عمل فيكم ...من إيمتى ست دينا بتبعيش ورا هادا الموضوع ؟؟!!

عملتي حالك رايحة تشتري مناشف وسلختي واحد مانغو من ورا ضهر الأولاد صحتين وعافية

ههههههه الله يديم عليك هداة البال .... ما انا قلتلكم بس شكلك مش مذاكر كويس ... الحجة صاحبة البيت القريب غيرت رأيها في آخر لحظة..و على فكرة راسلتني واحنا في كوالالمبور واعتذرت كمان مرة وقالت مستعدة تعطينا البيت كمان مرة بسعر أقل بس انا كنت متنّحة شوي

أخيراً الليجو لاند أظن إنها لازم تعتبر من عجائب الدنيا الحديثة ....سبحان الله، كل هذا الوقت وما خلصتوا نصها، وكل هاي التفاصيل والأشياء الدقيقة ولسه في كمان أشياء بس قعدت أتخيل كم حبة ليغو استخدمت في بناء كل المدينة....

أخيراً أنا الأسبوع الجاي إجازة ...فقاعدلكم إنتي و أم زياد إن شاء الله ... اليوم قعدت ساعة على التقرير تاعك هينا اتبهدلنا ...بكرة إن شاء الله الصبح بقرأ لأم زياد وبراجع التقرير تاعك كمان مرة وعلشان أعمل في امتحان

قربت تخلص الإجازة على ما يبدو.. يا رب تكون استمتعت فيها انت والفانتاستك فور والمدام .. جبتلها ساعة صحيح ؟

ألف ألف شكر على الحلقات والصور الماتعة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رسوم دخول منتزهات و ملاهى ماليزيا - اوقات الدوام ( موضوع محدث )	أبوعبدالله (الاسفار )	بوابة ماليزيا	35	31-05-2019 10:53 PM
للعرسان و محبى الرومانسية ..... أقدم لكم أفخم المنتجعات و أجمل شواطئ ماليزيا	أبوعبدالله (الاسفار )	ماليزيا	35	31-03-2018 01:59 PM
شواطئ ( الهرهورة)	ساري أحمد	بوابة المغرب	19	24-02-2016 09:52 AM
شواطئ مسقط	شارلوك هولمز	بوابة سلطنة عمان	20	13-08-2015 08:16 AM