السلام عليكم
ان شاء الله ناويه اروح للكويت بعد 3 ايام وعندي كم استفسار الله يسعدكم
سمعت عن البلوكات وبسأل هي تبيع جلابيات او بس اقمشه ؟ وإذا بس اقمشه وين مكان الجلابيات الرمضانيه وتكون رخيصه ؟
وبعد اسواق السلطان عباره عن مول وسوبرماركت او ايش بالضبط وهل المحلات الي فيه من نوع سيتي سنتر او ماركات ؟
وقريت بتقرير اختي هاويه الاسفار عن مطعم ( الغدير - الكلحه ) هو تيك اوي وينفع عشاء او بس فطور
وايش مخيمات الشرطه وهل هي مفتوحه الحين او لا ؟
ومجمع الري والصالحيه محلاتهم مثل سيتي سنتر او كيف ؟
ومجمع ميرال وين مكانه ؟
وايش فيه اماكن حلوه غير المولات نزورها ؟

يعطيك العافيه
انتظر الاجابه على باقي الاستفسارات

ماقصر بوعبدالرحمن عطاج المفيد
وهذه بعد للاستفادة اكثر

اقتباس :  المشاركة الأصلية كتبت بواسطة أسماء السلام عليكم ان شاء الله ناويه اروح للكويت بعد 3 ايام حيااااج الله وتنور الكويت بوجودكم وعندي كم استفسار الله يسعدكم سمعت عن البلوكات وبسأل هي تبيع جلابيات او بس اقمشه ؟ وإذا بس اقمشه وين مكان الجلابيات الرمضانيه وتكون رخيصه ؟ البلوكات فيها أقمشة وفيها بالدور الاول محلات الدراريع وكلها حلوووة وأسعارها ما تعدي ال 30 دينار وبالمعارض تلاقين اسعارهم 100 وفوق وانتي اذا رحتي البلوكات اسئلي عن الدراريع بيدلونج المحلات الموجوده هناك وعندج بعد عمارة الأوقاف الحين دراريعهم نفس اللي بالبلوكات وكمان الاسعار نفسها وبعد يمكن تحصلين أغلى بس مو أكثر من 70 وانتي وذوقج مكة مول بالعقيلة سوق صغير فيه محلات دراريع بس افضل روحي البلوكات لان محلات مكة مول قليلة العربيد والفروانيه هالسنة ما يمدحونهم وبعد اسواق السلطان عباره عن مول وسوبرماركت او ايش بالضبط وهل المحلات الي فيه من نوع سيتي سنتر او ماركات ؟ اذا قصدج مركز سلطان فهو سوبر ماركت يبيع مواد غذائية مميزة واواني منزليه غيره ما اعرف اسواق السلطان تبين اسواق الماركات روحي مجمع الصالحية كله ماركات قسم البريستيج بالافنيوز الثريا بمنطقة السالمية الغيت مول في ماركات قليلة بالسرداب هذه عن الماركات والبوتيكات الغالية اما الماركات العاديه بتحصلينها بكل اسواق ومولات الكويت وقريت بتقرير اختي هاويه الاسفار عن مطعم ( الغدير - الكلحه ) هو تيك اوي وينفع عشاء او بس فطور الكلحة مطعم في قعدات بس مو كل الأفرع في فرع بالسالميه عندهم قعدات وتقدرين تتصلين عليهم وتستفسرين عن الأفرع اللي توفر جلسات المطعم يصلح ريوق وعشاء مفتوح للعشاء وايش مخيمات الشرطه وهل هي مفتوحه الحين او لا ؟ المخيمات فقط بالشتاء والربيع من شهر نوفمبر الى اخر مارس ومجمع الري والصالحيه محلاتهم مثل سيتي سنتر او كيف ؟ قصدك الراية والصالحية لا هذه مجمعات ماركات وأسعارهم غاليه تعتبر ومجمع ميرال وين مكانه ؟ مجمع ميرال بالمنقف وهو مجمع مطاعم وايش فيه اماكن حلوه غير المولات نزورها ؟

الله يسعدك مره استفدت منك اختي ويحييك ربي منوره والله بأهلها الكويت
القبه السماويه عباره عن ايش
والقريه المسيله للاطفال او الكبار
ومشكورين جميعاً

حياج الله بالكويت
بالنسبه للدراريع في البلوكات الدور الارضي يبيعون الجاهر وفوق الخياط لكن الحين زحمه وايد لمناسبه رمضان والعيد مااتوقع يخيطون بسرعه
ومركز سلطان عباره عن سوبر ماركت فيه كل شي جميل جدا وله عدة افرع اذا حطيتيه بقوقل ماب راح تلاقين اقرب فرع يمكم
تنورين الكويت بوجودج

الله يسعدكم كلكم
لا خلا ولا عدم مررره استفدت منكم

الله يعافيكم بسأل وين مكان البلوكات ؟