نكبات السفر ( تسلية و فائدة )

احمد الحربي · 05-10-2016, 01:17 PM

اقتباس : المشاركة الأصلية كتبت بواسطة توبليرون

يعطيكم العافيه
مواقف حلوة وما تنسى وحتى لو مواقف تكدر بس بعد تقعد تذكرها

كنت قايله لكم هالسالفه قبل وبعيدها لأعضائنا الجدد
كنا برحلة مع سايق في بلغاريا
كان الاتفاق نزور عايلة مسلمة ونروح نصيد سمك ونرجع للعايله نتغدى عندهم

١- العايله استقبلونا بحفاوة وقاموا يركضون ورا ديك بيصيدونه لغدانا قال لهم بوحسين لا لا احنا ما ناكل ديك
ناكل دجاجه

٢- الدجاجه صادوها وجابوا دلو مليان ماي عادي
وقاموا يغطسون الديايه ويطلعونها
يخنقونها وبعدين بيسيلون دمها بالذبح
قال لهم بوحسين لا خطأ لازم تذبحونها اول بعدين تحطونها بالماي الساخن لنزع الريش
وقام بوحسين بالذبح وعلمهم عدل

٣- الديايه كبيره وعرده هههه رحنا ورجعنا وللحين ما استوت عدل
غلفوها لنا واخذناها معانا ... كملت طبخها انا في المنتجع اللي كنا ساكنين فيه
مع البهارات وشغل عدل .... كان فيها بيض اكلوه عيالي عند العايله مع غداهم

٤- الرحله لصيد السمك
وقف السايق السياره ونزلنا
ويأشر على البحيره والا احنا على جبل والبحيره تحتنا واايد
بعيده ويقول ننزل لها جذيه الجبل كله نباتا شوكيه
واحنا ننزل وراه ومنحدر شديد
خفت على العيال غير الشوك والله لو واحد فيهم يطيح يقعد يدهرب لحد ما يطيح بالبحيره

قلت لبوحسين ما راح انزل
قال كملي وناسه نتذكرها بعدين
قلت له لو نزلت شيصعدني بعدين
النزله محنا قادرين اشلون الصعود
قلت له بتروح روح معاه ... ترى هالكلام السايق واصل تحت وبلش يصيد
واحنا ربع ساعه المسافه ماعديناها
قلت برجع اقعد انتظركم مع العيال وشغالتي معانا بعد فوق عند السياره
قال بوحسين انا معاكم بعد

وطلعنا فوق سوالف لحد ما يانا السايق
ويقول ليش ما ييتوا السمك وايد
قلت له زين احتا ما صرنا سمك

٥- رجعنا للعايله ومثل ماقلت لكم عن الديايه والغدا
وعطانا السمك ما اعتقد طبخته خليته بالثلاجه يمكن

كانت رحله احلى مافيها تعليم اصول الدين للمسلمين المحرومين منها

الله يكتب لكم الاجر

بس حلو انك اخذتي الدياية وكملتي طبخها

توبليرونمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اقتربنا من موسم السفر، ما هوالشيء الوحيد الذي لا يمكنك السفر دونه؟	وليد عنبه	البوابة السياحية	76	09-05-2019 02:25 PM
تعرّف إلى شخصيتك من خلال طريقتك في توضيب حقائب السفر / ما هو مصير أمتعة السفر المفقود	sniper.ksa	البوابة السياحية	6	17-12-2016 05:45 AM
استفسار عن بعض الامور ( لاتبخل بمعلوماتك ربما كلمه منك تفيدنا فائدة عظيمة )	YASER	بوابة مصر	13	03-11-2016 08:50 PM