بداية رائعة بمشاعر متضاربة ..

قلبي وجعني جدا مع تكرار كلمة اسرائيل في كل مكان .. خفت لما الضابط دقق في صورة الجواز.. ورقصت باكتافي على ظريف الطول .. ووصلت لـ "جدلي يا ام الجدايل" مع نهاية الجزء ..

جعت على صور أكل الطيارة - الوجبة الاولى ! ونعست قد ما طوّلتو بالطريق ..
انقبض قلبي مع جموع الصينيين في السوق وقلبت معدتي من صور الحشرات ومن ذكر الريحة .. (بتذكر متلها في بانكوك) ... وضحكت على محاولة المقلب تبع الاسوارة والحجارة الكريمة ..

حزنت عليك طالع مع تلات ستات .. السيطرة صعبة هههههه

خلصنا من المشاعر .. نيجي للكلام التاني مشكلة الانجليزي عند هالشعوب في منهم عندهم انجليزي مستقل بذاته ومختلف عن اللي بنعرفه.. ومتلهم الطليان قدّس الله سرّهم ..

موقف تدقيق الجواز ذكرني بنفسي.. تقريبا ما الي ولا صورة رسمية -جواز او هوية او غيره- بتشبهني بالمرة، ودااااايما التدقيق بيطول لانه شكلي فعلا مختلف عن الصور ..

بذكر في الجامعة ضاعت هويتي الخاصة بالمكتبة فصرت اخد هوية أختي التوأم واستخدمها، لحد ما لقيت هويتي بعد سنتين ونص .. لما رحت استعير كتاب لقيت الموظف بيدقق بالهوية وبيحكي لي: هاي مش انتي!!!
قلت له انا صار لي سنين بستخدم هوية أختي وما حدا حكى معي .. معقول هي بتشبهني اكتر مني هههه


بخصوص الأسعار اللي ذكرتها فهي عادية برأيي (تي شيرت 7 دولار يا بلااااش) .. هو العادي عندهم ارخص من هيك؟ (يلا عالصين) ...

فكرتي عن التجار والبياعين الصينيين انهم لئيمين .. لاحظت هالكلام ولا بكير عالسؤال؟؟


متابعة جدا وجدا جدا ..