142الاعجاب
26-08-2016, 02:54 PM
| #21 |
| مسافر متألق   تاريخ التسجيل : Jan 2015 رقم العضوية : 1021 الدولة : المملكة العربية السعودية الجنس : ذكر المشاركات : 527 | 
الجزء الثالث السلام عليكماليوم بعد ما رجعت من صلاة الجمعة حسيت إن فيني كتابة عن رحلة أكسفورد فقلت خلني أكمل اللي اقدر عليه قبل ما يروح الحماس في الجزء الثاني ذكرت لكم عن زيارة كنيسة الجامعة وزيارة كلية Balliol ورحلة تجديف ورمت برجولي  في نهر التيمزعلى فكره سمعت ان منبع نهر التيمز مو بعيد عن اكسفورد وما ادري عن صحة هالمعلومه من كثر ما مترنا اكسفورد اكتشفنا بالصدفه كشك أو بالأصح سيارة تبيع مأكولات خفيفه وكان اللي يبيع شاب مغربي اسمه أحمد وأكله طبعا حلال , تعرفنا عليه وصرنا كل يوم نجيه وارتاح لنا فصار يتفنن في تحضير الأكل لنا ,, طبعا الأكل على الواقف ,, مأكولات الشوارع وكنت أسميه أكل المسلمين وكان فيه كشك ثاني أو سياره ثانيه مو بعيده لواحد ايطالي حاط فرن خشبي داخل السيارة ويسوي بيتزا ولكنها من أفضل البيتزا اللي أكلتها تنافس البيتزا اللي أكلتها في روما وكنت أسميها أكل الكفار المشكله ان صاحبي كان يحب أكل الكفار أنا كنت شاك فيه بصراحهمره أكل عنده لما تغيرت ملامح وجهه وصرت ما أعرفه من كثر ما أكل بيتزا وكان من كثر وناسته عيونه قامت تصفر من الفرحه . كان سعرها 9£ للحجم الكبير و 5£ للحجم الصغير وأحمد المغربي كان يسوي دجاج مسالا ب 4£ ولكن مثل ما قلت لكم كان يحب أكل الكافرين ولقيت لكم هذي الصوره لسيارته اللي كانت توقف من 7م إلى 3ص كل يوم زرنا Christ Church وهي عبارة عن كلية فيها بالطبع كنيسه ومعرض صور وصالة الطلاب وموجوداتها من لوحات وتحف ثمينه كلها تستطيع الدخول لها ب 9£ واذا كنتم عائلة تتكون من زوجين وطفلين الدخول يكون ب 22£ وتفتح الى الساعه 5 العصر والأجمل هو اللي حوالين الكنيسه من حدايق وساحات خضرا وممرات نهرية تلقى الجميع متسدح فيها والأطفال يلعبون .. كنا نجلس فيها ونسوي الشاي والفله ومرات كانت تمطر ونخلي أغراضنا ونجلس تحت شجره لحظات ويوقف المطر ويرجع كل شي طبيعي . وبجنبها للي يحبون يشوفون الأزهار .. حديقة الأزهار Botanic Gardens الدخول لها 5£ وفي آخرها تلقا النهر ومكان استئجار القوارب النهرية دخلنا قلعة اكسفورد ب 11£ وفيها فندق مكان السجن اللي كان بالقلعه والغرف هي زنزانات وفي يوم من الأيام لقيت لوحة بالشارع باللون البني .. وأي لوحة باللون البني تعني مزار تاريخي او سياحي ومكتوب عليها blenheim palace وكان يبعد 10 كم صوره من النت معلومه عن هذا القصر : هذا القصر بني قبل 300 سنه وهو هديه من ملكة بريطانيا يمكن اسمها ان ما ني متأكد الى دوق مارلبورو واالي ساكنه للحين الدوق رقم 12 وهم أهل ونستون تشرشل رئيس وزراء بريطانيا ايام الحرب العالميه الثانيه وأهل الأميره ديانا دخلت قوقل مابز وطلعت رقم الباص اللي يروح له وقلت لصاحبي اليوم بوديك لمكان ما راح تحلم فيه وافق ابو الشباب لأنه يثق فيني... المشكله إني ما أعرف هالمكان ولا مره سمعت عنه .. بس شفت لوحة بالشارع وتوقعت انه شي يسوى قالي تدله قلت افا عليك هذا اصلا أشهر مكان في اكسفورد واللي ما يعرفه ما يعرف اسكفورد صح قال توكل على الله ركبنا الباص ومشينا .. طلعنا من اكسفورد وتعدينا المطار .. ووصلنا لقرية Woodstock ولا فيه سور كبير وبجنبه محطة باص صغيره انا لما دخل صاحبي .. قلت للسواق واللي يرحم والديك اذا وصلنا لقصر بلنهايم قولي أشر لي قالي تراكم وصلتوا يا شيوخ العشيره شفت السور العالي وبعدين بوابة كبيره .. قلت أكيد هذي البوابه ودخلنا طلع صح هذي البوابه .. لكن اللي أذهلنا وخلانا نناظر بعض .. بعد البوابه فيه ساحه كبيره جدا ومنبسطه وكلها خضرا وهناااااك قصر رائع كأنه من قصور دزني .. هنا انا تنفست الصعداء قلت هالمره نجيت من خويي الظالم صراحة شي ولا أروع مشينا تقريبا 5 - 10 دقايق متجهين للقصر ولقينا قدامنا كشكين صغار واحد للسيارات وواحد مو للسيارات هههههه للمشاةحق التذاكر .. سعرها 25£ للفرد واذا عندك سياره فالمواقف مجانيه مع التذكره ومشينا ايضا 10 دقايق الى ان وصلنا لبوابة الدخول للقصر طبعا واحنا نمشي الحدايق على يميننا ويسارنا نشوف أولها ولا نشوف آخرها الحديقة اللي على اليسار فيه داخلها قطار صفير طبعا يوديك للحديقه ب 1£ وهو يحرك كل نص ساعه واسمها Pleasure Gardens واللي على اليمين ساحات خضرا ونهر وفيه نصب تذكاري تقدر تاخذ تور بدراجات ناريه او بقيات ب 3£ المفاجئة قبل الدخول قالولنا تقدرون تمددون التذكره وتخلونها لمدة سنه ومجانا ويسمونها Annual Pass Adult قلنا ما عندنا مشكله .. قالت الموظفه عب الاستماره .. عبيناها وقالت وقفوا نصوركم صورتني عطتني كرت بصورتي واسمي وحتى صاحبي زيي وقالت تقدرون تدخلون الآن مجانا ولمدة سنة وتقدر تدقع لنا الحين 5£ على شان يشملك خصم 15% للمطاعم والكافيهات اللي داخل اما القصر من الداخل فحدث ولا حرج عن التاريخ والأبهه مقسمين التور للقصر على هيئة غرف كل غرفه لها اسم ولون ولوحات خاصة فيه اترككم مع الصور وبعدين فيه مطاعم وكافيهات تريح فيها أو تاكل .. لأن الرحله هذي ما يكفيها يوم عني أنا رجعت للقصر بلحالي مرتين .. يعني حللت التذكره ولا قدرت أشوف كل مرافق القصر كالحدايق والشلالات وغيرها وأنا اعتبر زيارة هذا المتحف درة تاج رحلتي سبحان الله .. مرات تجي معاك على البركه وتصير هي أفضل السفره .. ومو اللي انت مخطط له أصلا ودي أكتب لكم عن زياراتي للقرى اللي حولين اكسفورد لكن أعتقد اني مصختها حبتين ولكن لا زم اذكر لكم هذي القريه اللي زرتها مشيا على الأقدام من فندقنا الى هذي القريه بدون اي تخطيطشفتها بقوقل مابز فقلت لازم اشوفها قلت صاحبي تعال .. المسكين ماكان فاضي لي .. كان ياكل بيتزا لما ارسلت له فيديوات .. دقايق ولا هو صاف سرا وراي يصور القريه اسمها كننقتون kennington قرية رايقة وشكلها حقت ناس مرتاحين يوجد فيها شارع واحد رئيسي واسمه kennington rd ثم يصبح اسمه افنيو رود فيها 3 بقالات تبيع كل شيء وتعتبر هي البريد وهي توزيع الطرود وفيها مركز صحي وعياده خاصة واحده فيها مركز شرطه وكنيستين وقبل الدخول لها يوجد egrove park حركة المشاة فيها قليلة جدا اما حركة السيارات فهي اقل من الطبيعي بسبب قلة سكانها ما لفت نظري كثرة كبار السن ولا شفت أطفال فيها ونظافة الخارجية للبيوت والاعتناء فيها كان شي مميز وفيها منطقه استرخاء كبيره لاهل القريه وهي عباره عن مساحات خضراء جلسنا فيها , كأننا عايشين في فيلم كرتوني سنجاب يطلع من هنا .. وفراشه تطير .. وبطه تسبح ولا تسأل فيها عني أنا قلت الحين نشوف سنان منو اللي يذكر سنان وهذي الصور من القريه مو هذي كل فعاليات السفره لكن هذا اللي تذكرته واللي قدرت اذكر بعض الأمور تبقى للأصدقاء فقط بعد 15 يوم قررنا انا نروح لندن 5 أيام وبعدها ليك دستركت 5 أيام وبعدين نرجع لندن 5 أيام وبعدها للملكه المضحك اننا رحنا لندن بالقطار وكان ويك اند !!! بقينا واقفين من اكسفورد الى لندن بادنقتون ومو بس واقفين ,, منحشرين ما تقدر تلفتت من الزحمه .. وكان سعر التذكره 25£ رايح اذا رايح وراجع 27 واللي الشي الجديد ان تذكرة ارجعه تقدر تستخدمها ثانيه مو شرط رجعه .. تقدر تاخذ القطار مره ثانيه من اكسفورد الى لندن كذلك الباص ولكن سعره 23£ رايح اذا وايح وراجع 25 ان شاء الله ماكنت ثقيل عليكم و يمكن اكتب موضوع مستقل عن ليك دستركت او عن امبلسايد خصوصا .. اذا كان عندي وقت والسلام عليكم
|
|  |
|
27-08-2016, 01:53 PM
| #23 |
| مسافر متألق تاريخ التسجيل : Jan 2015 رقم العضوية : 1021 الدولة : المملكة العربية السعودية الجنس : ذكر المشاركات : 527 |
|
|
| |
|
27-08-2016, 08:56 PM
| #24 | ||
| مراقبة العرب المسافرون  تاريخ التسجيل : Dec 2014 رقم العضوية : 73 الدولة : وطن النهار الجنس : انثى المشاركات : 17,499
|
| ||
|
| |
|
15-10-2016, 02:56 PM
| #27 |
| مجلس الإدارة تاريخ التسجيل : Dec 2014 رقم العضوية : 15 المشاركات : 15,812 |
|
|
| |
|
16-10-2016, 01:42 AM
| #28 | ||
| مراقبة العرب المسافرون  تاريخ التسجيل : Dec 2014 رقم العضوية : 135 الجنس : انثى المشاركات : 2,156
|
| ||
|
| |
|
17-10-2016, 08:38 PM
| #29 |
| مجلس الإدارة  تاريخ التسجيل : Dec 2014 رقم العضوية : 16 الدولة : فضاء العرب المسافرون الجنس : ذكر المشاركات : 31,778 |
|
|
| |
|
18-10-2016, 01:08 AM
| #30 | ||
| مجلس الإدارة  تاريخ التسجيل : Dec 2014 رقم العضوية : 26 الدولة : حبي الكويت الجنس : انثى المشاركات : 26,001
|
| ||
|
| |
 |
« ملاهي وبرج بلاكبول بعدسة ابومشاري 2017
|
عندي رحلة نهاية هذا الاسبوع سياحة الى لندن وعندي إستفسارات »
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| اندونيسيا التي رأيت ( محدث باستمرار ) | الطائرالجريح | بوابة اندونيسيا | 273 | 06-12-2021 01:38 PM |
| قرغيزستان كما رأيت | ياسر المنسلح | بوابة الدول الاخرى | 89 | 10-06-2021 05:51 AM |
| االسنغال التي رأيت لمهـ رحال ـاجر | فريق التطوير | بوابة الدول الاخرى | 24 | 22-12-2020 12:42 PM |
| . | اوروبا عشقي | اوروبا | 13 | 08-04-2015 08:50 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO
Search Engine Friendly URLs by vBSEO
