هــذا الجديـد .. آسـيا الـحقيقيـة .. من الجـدة إلى الحـفيد .. (اغسطس 2016) - الصفحة 16

Fahd · 07-11-2016, 09:16 PM

الدبابات

# هناك أكثر من مكان لإستئجار الدبابات في لنكاوي ورأيتهم على طول الطرق المتوجهه للتانجونج رهو سواء من الجنوب (كواه) Jalan Ayer Hangat او من الغرب (المطار) Jalan Ulu Melaka ..

# يتوفر مرشد لهذه الجولات والأسعار تتباين بشكل كبير جدا وتستطيع تجربتها حتى لو لم يكن لك خبرة سابقه ..
# هذا النشاط يناسب اللي ما عندهم خبرة ابدا أو خبرتهم قليلة جدا أو الخوافين ههههه لكن الناس المحترفه مايسوى عليهم إلا إن يستأجروا بشكل مستقل ..
# توجهنا بعد الصلاه لمحل قريب من مدخل رحلات المنغروف اسمه Langkawi Adventure & Xtreme Park
# المحل وضعه غريب تدخل مكتب محجوب تماما عن الخارج ومن ثم تدخل لغرفة أخرى يوجد فيها عدد من الموظفين وكان كل الزبائن كانوا خليجيين وعرب ..
المحل عندهم أكثر من نشاط منها حلبة سباق لكن كنا نبغى الدبابات .. قابلت موظف هندي وسألته عن السعر قال 350 رنقت للساعه قلت شكرا .. لحق وراي قال انت جاي بنفسك ولا مع سواق .. قلت لا جاي بسيارتي .. قال خلاص بــ 150 للساعه (من 350 !!) قلت حنا 4 كبار ومعانا طفل ولا ابغى الا نص ساعه .. قال اخر شي احسب لك بـ 100 رنقت لكن لازم تاخذون 3 دبابات .. رفضت وقلت ما ابغى الا 2 لكنه رفض وقام يمدح في شغلهم .. بصراحه وضع المكان على أسلوب الموظف ما شجعني ابدا والأمر اختيار .. اعتذرت وخرجت ..
# اتجهنا عائدين باتجاه التانجونج رهو ووجدنا محل قريب من مدخل شلال Durian .. وكان يعمل فيه شباب ماليزيين .. واتفقنا على سعر 60 رنقت لنص ساعه واخذنا 3 دبابات .. كان معنا مرشدين .. واحد في الأمام والثاني في الاخير كان المفترض يقوم بالتصوير لكن معنا جوالاتنا والكاميرا ..
# هناك أمرين يجب أن تضعهم في الإعتبار .. وجوب توفر الخوذه للجميع وكذلك الحذر الشديد عند السير على الشارع الرئيسي .. احتجنا لقطع الشارع مرتين ولكنهم كانوا يوقفون السيارات عشان نقطع ..
# كانت الجولة على مزارع الأرز وبعض المنازل الريفية من جهة شلال دوريان ..

فيصل, عشقي السفر, أبن السلطنة و 5 آخرون معجبون بهذا.

Fahd · 07-11-2016, 09:19 PM

الينابيع الحارة
Air Hangat Village

# هذي ما زرتها شخصيا ولكن راحو لها الوالدة واخوي واختي اخوي بالذات من عشاق الينابيع الحارة وقالوا لي إنها مؤهلة بشكل بسيييط جدا ورسم الدخول لها رمزي وكانت شبه خالية من الزوار .. وكانت الشمس حارة وقت ذهابهم فالوضع ما ساعد كثير ولاتنصح أختي بزيارتها.

فيصل, عشقي السفر, أبن السلطنة و 3 آخرون معجبون بهذا.

Fahd · 07-11-2016, 09:20 PM

مطعم صقر الهندي ..

شاطيء سينانغ
Saqr

# انتهى اخوي والوالدة من الينابيع الحارة قبلنا واتصلوا وين تبغون تعشون قلنا على راحتكم حنا باقي لنا شوي ونخلص .. روحو أي مكان وعلمونا .. واختاروا الذهاب إلى مطعم صقر الهندي في سينانغ .. كان المشوار حدود نص ساعه من المكان اللي حنا فيه .. في نص المسافة توقف اخوي وارسل لي موقعه قال تعال خذ ولدك هههههه .. وكان فيصل الله يحفظه (8 شهور) معاهم من بعد الصلاة ومن يوم ركبوا السيارة استلمهم بكاء خط واحد الين ما عاد قدر اخوي يركز في السواقه .. يحاولون يسكتون فيه ماله حل الولد كأنه زعلان ليش ما اخذناه معنا للدبابات ..
# توجهنا للمطعم وكان سهل الوصول له عن طريق ال Google maps .. دخلنا المطعم وكان الجلسات مظلله ومفتوحه والأسقف خشبية .. أول ما جينا بنجلس على الطاولات إلا الوالدة الله يحفظها تلمح "وزغ" في السقف وطلبت تغيير المكان أو المطعم .. حاضرررين .. كان فيه جلسات خارجية مناسبة وجلسنا فيها ..
#مستوى الأكل في المطعم ممتاز جدا .. سواء البرياني أو المشويات (دجاج سمك لحم) أو المسالا أو حتى خبز النان بأنواعه .. والأسعار معقولة .. ورجعنا له مرة أخرى بعد يومين ..

فيصل, عشقي السفر, أبن السلطنة و 5 آخرون معجبون بهذا.

Fahd · 07-11-2016, 09:29 PM

اقتباس : المشاركة الأصلية كتبت بواسطة a.aziz

ماشاء الله تبارك الله

الله يحفظ لك العائلة الكريمه

بصراحه معلوماااااااات جميله
وتساعد اي شخص يرغب في الذهاب الى ماليزيا

ابداع * ابداع

توقفت قراءة التقرير عند صفحة 11 بداية الدخول الى لانكاوي

استمرررر ياراااااااااااااائع

ياهلا وغلا اخوي a.aziz ..
تسلم ياغالي وتستاهلون كل خير
وإن شاءالله بقية التقرير يليق بمستوى تطلعاتكم ..
شاكر لك مرورك وتفاعلك ودعائك الطيب ..

توبليرونمعجبون بهذا.

Fahd · 07-11-2016, 09:35 PM

اقتباس : المشاركة الأصلية كتبت بواسطة fahad_q8

اعجبتني ملخصاتك وطريقه الطرح

فعلا لخصت العيوب والمميزات بطريقة حلوة تشكر عليها

بإذن الله يمكن اروح لها الاسبوع الجاي

ويعطيك الف عافيه

أرسلت بواسطة iPhone بإستخدام Tapatalk

ياهلا وغلا اخوي فهد ..
الشكر موصول لكم بتفاعلكم وحاضرين ياغالي ..
وأتمنى لك سفرة ممتعه بإذن الله وتروح وترجع بالسلامه يارب ..
تحياتي لك ..

توبليرونمعجبون بهذا.

Fahd · 07-11-2016, 09:38 PM

اقتباس : المشاركة الأصلية كتبت بواسطة فيصل

تسلم علي الجزء
التلفريك والجسر هم الأفضل
الابار بدون مبالغ تدقع

100 رنجت لركبوب الفيل كثير

حياك الله اخوي فيصل ..
فعلا التلفريك من أهم المعالم اللي تستاهل الزيارة في لنكاوي ..
وبالنسبة للأبآر ... نعم من دون رسوم سوى رسوم المواقف 2 رنقت ..
بس لازم يتنبه الجميع لمسألة الجفاف خلال أكثر من 9 شهور في السنة ..
و فعلا بالنسبة لرسوم ركوب الفيلة مبالغ فيها لكن الباكج لشخصين ..
شاكر ومقدر لك ياغالي تفاعلك وإثرائك للتقرير ..

فيصل و توبليرون معجبون بهذا.

Fahd · 07-11-2016, 09:40 PM

اقتباس : المشاركة الأصلية كتبت بواسطة المسافر2020

ما شاء الله تقرير جميل ملئ بالتفاصيل الدقيقة والصور الرائعة

الأروع متابعتك وتفاعلك أخي الكريم وتستاهلون كل خير ..
شاكر ومقدر لك ..

فيصل, المسافر2020 و توبليرون معجبون بهذا.

Fahd · 07-11-2016, 09:44 PM

اقتباس : المشاركة الأصلية كتبت بواسطة قصة حب

يا زين التلفريك
المكان حلو ولو الجو عليل بعد يكون احلى واحلى

تحياتي لك
تقرير جميل جدااااا

فعلا يستاهل التلفريك ..
والجلسة في الكوفي اللي فوق كانت ممتعه بصراحه ..
شاكر ومقدر لك اختي الكريمة متابعتك وتفاعلك ..

فيصل و توبليرون معجبون بهذا.

Fahd · 07-11-2016, 09:50 PM

اقتباس : المشاركة الأصلية كتبت بواسطة Al-Hajri VIP

بالفعل هي اذواق الباص البرمائي جربناه هذا العام وصادف نزولنا للبحر امطار غزيره جدا اضافت اكشن غير متوقع..
الباص قديم والمفروض يستبدلونه لكن التجربة الجديده تظل ممتعه حتى لوكانت اقل من التوقعات..
جزء جميل جدا في انتظار المزيد ..

ياهلا وغلا اخوي Al-Hajri VIP ..
فعلا اتفق معك ولاحظت هذا الأمر حتى في التقييمات لما سويتها ..
كلنا طالعين مع بعض وشايفين نفس الشي ناس تعطي 5 وناس تعطي 2
والحمدلله انكم استانستم فيه وهذا الأمر اللي يخليني انصح الجميع بقراءة تجارب متعددة
حتى يستطيعون تكوين خلفية وفكرة أفضل عن الأماكن اللي يودون زيارتها ..
شاكر لك ياغالي متابعتك وإثراءك المتواصل للتقرير ..
تحياتي لك ..

فيصل و توبليرون معجبون بهذا.

فيصل · 07-11-2016, 10:49 PM

الأماكن في لنكاوي قريبه من بعض غالبا

البعض يحب أن يتفرج فقط وأنني زرت المكان من باب أنه رأي بعض فعاليات البلد

هل الحارس اللي يوقعك علي عم المسئوليه يتبع للمنتجع أم للبلديه
الجسر الخشبي القصير في منطقه الشلال أعجبني

من 350 الي 150 يعني السائق بيطلع من ورا السائح ضعف المبلع اللي يأخذه

وصلت الي 60 رنجت بس في النصف ساعه

ليش الأماكن ما أعجبك الأول ؟؟؟؟

صقر أثني عليه الكثير

شكرا لك

أبن السلطنة, Fahd و توبليرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي الى استراليا اغسطس 2016 ملبورن سيدني قولد كوست	ali pontiac	بوابة استراليا ونيوزلندا	110	05-03-2020 06:52 AM
37 ليلة بين احضان الساحرة زيزا من 7 يوليو الى 14 اغسطس 2016	himzmz	ماليزيا	429	08-04-2018 07:38 PM
رداً للجميل ... تجربتي مع شنغن المانيا اغسطس 2016	un33	فيزا	15	04-10-2016 12:00 PM
نبارك للجميع الترقيات الجديدة ( اغسطس 2016 )	ادارة المنتدى	أخبار واعلانات الأعضاء	33	24-09-2016 01:22 AM
شنغن المانيا 2 اغسطس 2016	مبتدأ	فيزا	6	18-08-2016 10:42 AM