21-09-2016, 02:49 PM
|
#1 |
مسافر فعّال
تاريخ التسجيل : Jan 2015 رقم العضوية : 1004 الجنس : ذكر المشاركات : 1,093
| أوسـمـة: Fahd |
كل الاوسمة:2 (more»)
| | 
البــاصـات
# عندما تتعود على القيادة هناك .. راح تستثقل الباصات والتكاسي .. لكن بينانغ ليست مثل لنكاوي : ) ..
# بسبب العدد ماشالله .. ماكانت التكاسي الصغيرة مناسبة .. لذلك احتجت للباصات أكثر من مرة: من مطار بينانغ إلى الباتو فرنجي, والجولات على معالم بينانغ (يوم واحد), والانتقال من الباتوفرنجي إلى فندق لكزس, ومشوار بينانج-كاميرون وكاميرون-كوالا, ومرة للجولات في كاميرون.
# أهم مافي الأمر هو الرحلات بين المدن, والباقي كان يسهل تدبيره لسهولة الحصول على المواصلات وسط المدن.
# رغم وجود الباصات الكبيرة بين المدن لكن كنت أفضل الباصات الصغيرة الخاصه حتى نتحكم في الوقت والتوقف. ومع ذلك كانت الباصات الكبيرة خطة بديلة فيما لو لم نجد الباصات الخاصة. وهذا الشي ماخلاني ارتب الأمر بشكل كلي قبل السفر.
# الحصول على باص 10-11 راكب ما كان مشكلة وهي منتشرة بشكل كبير, المشكلة كانت في صعوبة الحصول على باص 14-15 راكب وهو اللي كنا نحتاجها اذا معانا الحقائب وسبب قلتها لأن اغلب السواقين الخاصين مايفضلونها بالنسبة لجدواها الإقتصادية وقلة الطلب عليها مقارنة بالباصات ذات عدد الركاب الأقل. وهذي النقطة ما عرفتها إلا هناك وسببت لنا بعض اللخبطة.
# حتى أكون فكرة عن الأسعار تواصلت قبل السفر بأشهر عن طريق الواتس مع السائق عبدالرحمن اللي تكلمت عنه الأخت Deena في موضوعها ( http://www.arabtrvl.com/vb/t2411.html ) سألته عن تكلفة مشوار كاميرون كوالا قال 800 رنقت ومشوار جوهر ذهاب وعودة نفس اليوم بسيارة أصغر قال حدود 750.
# لأن بينانغ كانت أكثر مكان نحتاج فيه الباصات , ارسلت قبل السفر بأسابيع عن طريق الواتس لأكثر من سائق في بينانغ من الموجودة أرقامهم في المنتدى وكان أكثرهم تجاوبا معي هو (ريس) ماليزي يتحدث الانجليزية والعربية بشكل مفهوم. قال المشوار من بينانغ الى كاميرون بـ 650 لباص ال 11 راكب وارسلي صورة الباص و سألني عن عدد الشنط قلت راح ارسلك لما اكون هناك. وذكرت له اني احتاج كذلك بعض المشاوير داخل بينانغ كالتوصيل من المطار والجوله دون ان نتفق تحديدا على سعر وطلب مني معلومات رحلة الوصول وارسلتها له. بقية السائقين بعضهم أعطى اسعار أغلى وبعضهم لم يتجاوب وبعضهم ترسل اليوم يرد بعد يومين.
# في يوم السفر من لنكاوي إلى بينانغ أرسلت صورة الشنط (الحقائب) للسائق ورد علي قال هذي كثير وماراح يشيلكم الباص ابو 11 راكب لازم ابو 15 راكب أو تحتاج تاكسي زيادة ونا ما عندي اليوم الا الباص ابو 11 راكب قلت خلاص بندبرها من المطار.
# طبعا مكتب التكاسي في المطار يسألونك عن عدد الحقائب قبل الركاب وقرأت لأحد التعليقات للأسف لا أتذكر وين بالضبط إن هنا لعبتهم و كان يوجد العديد من العوائل غير مقتنعين بالموضوع. في البداية قالوا تحتاج 4 تكاسي والتاكسي في حدود 70-80 رنقت إلى الباتوفرنجي ورفضت قلت ابغى الميني باص وكان تكلفته حدود ال 140-150 رنقت قالوا ماعندنا إلا باص 11 راكب ويجي بعد نص ساعه قلت مو مشكلة وطلبت معاه تاكسي إضافي. والتكلفة الإجمالية كانت 220 رنقت. ركبنا التاكسي مباشرة معي انا والوالدة وزوجتي وأطفالي واخذت معي الشنط اللي قدرت احطها في شنطة التاكسي وانتظر البقية وخلال دقائق قليلة جا الباص اللي كان مفروض يجي بعد نص ساعه!!
# في بينانغ كان تواصلي مع السائق ريس هو اللي ودانا جولة بينانغ لكن بقية الوقت كان يرسل سائقين آخرين يعملون له.
# مشوار كاميرون كوالا وكوالا جوهر مع السائق عبدالرحمن, أرسل لنا قريب له لمشوار كاميرون كوالا لكن هو اللي ودانا لجوهر.
# جولة كاميرون مع سائق من كاميرون.
# حتى اكون فكرة أكبر عن الأسعار كنت اشيك على اسعار الباصات مع فندق القولدن ساندز في بينانغ والكوبثورن في كاميرون وكانوا اللي ماسكين الشغلة من الهنود واسعارهم توصل احيانا للدبل.
# الجدول التالي يوضح أسعار جميع الباصات اللي استأجرناها مع السائق:
التعديل الأخير تم بواسطة Fahd ; 21-09-2016 الساعة 03:54 PM |
|  |
1114الاعجاب
العرض المتطور
المواضيع المتشابهه 
