10 / 8

الأربعاء

استيقظ الجميع متأخرين كحال آخر ثلاثة أيام . ماخذين راحتهم في النوم لعدم وجود برنامج محدد كزيارة متحف أو معلم سياحي بتوقيت معين

بالاضافه لارهاق الأيام الماضيه

قالت المدام / ما هو برنامج اليوم ؟ باقي شئ ما شفناه ؟

الأب / بالنسبة لي أنا باقي لي زيارة نادي الأرسنال

المدام / الساعه كم حجزت ؟

الأب / ما حجزت , باخذ التذاكر من النادي مباشرة , اتوقع ما عندهم زحمه

البنات / ودنا نروح معاك يا بابا .. عمرنا ما دخلنا نادي أو ملعب !!

الأب / ابشروا .. لكن مو اليوم .. أنا حاجز لكم معايا زيارة نادي مانشيستر يونايتد بعد يومين

وأصلاً انتم اليوم مرتبطين

الام / مرتبطين !! وين ؟؟

الاب / شكلكم نسيتوا عرض ( شريك )



المدام / اوووه .. صح .. ياذي شريك كل مره يتأجل !! ان شاء الله اليوم نلحقه

الأب / خلاص اطلعوا من بدري لأن آخر عرض اتوقع الساعه خمسه أو سته .. الطريق صرتوا عارفينه .. أنا باروح نادي الأرسنال

ونتقابل عند مجطة مترو ( الهايد بارك كورنر )

المدام / الهايد بارك !!

الاب / نعم الهايد بارك .. اليوم آخر يوم بلندن . نبي وداعيه من أحلى شئ بلندن ( الهايد بارك )

ذهبت المدام وبناتها من مترو ( ليفربول ) إلى مترو ( ويستمنستر ) لمشاهدة عرض شريك المتواجد في المبنى القريب من لندن آي

ذهب الأب من مترو ( ليفربول ) إلى مترو ( الأرسنال ) لزيارة نادي الأرسنال

وصل الأب .. قص تذاكر زيارة النادي والمتحف . بالاضافه لمتجر النادي

سأل عن مشرف وقائد الزياره !! قالوا له / انت برأسك !! خذ هذي السماعات واتبع اللوحات الارشاديه

( جميع الأندية التي زرتها كانت بقروب ومشرف ما عدى نادي الارسنال )

استمرت الجوله ساعه تقريباً , وختامها متجر النادي , وكان عدد الزوار قليل !! وان كان أكثر من زوار نادي تشيلسي































عاد الاب لمقابلة عائلته

في محطات المترو كان لابد من المرور على أحد محلاته المفضله

( ماركس اند سبنسر سمبلي فوود ) ( M&S Simply Food )



هذى المحل احس براحه نفسيه إذا دخلته

محل طازه في طازه

لحوم .. فواكه .. أسماك .. عصيرات .. كيكات .. معجنات

البان وحليب .. سندوتشات .. حلاو .. شوكولاته

كله طازه

خليط ومزيج عجيب من العصيرات والكيكات والزبادي

بالقوه اطلع من ها المحل











احد المفضلات عندي .. واللي لازم اشتريها

كيك بالجزر .. امتاع ولذه .. طعمها لا يزال في فمي





وصل الاب وعائلته عند مدخل الهايد بارك

الهايد بارك غنية عن التعريف .. من أشهر الحدائق في العالم



جلست العائله عل البساط الأخضر بين الاشجار والورود وأمامهم البحيره الجميله







قال الاب / ها ايش رأيكم ؟ مين أحلى ؟ لندن ؟ أو اسطنبول ؟

بعد تفكير لم يدم طويلاً قال الجميع / لندن تكسب

الاب / لماذا ؟

المدام / اسطنبول حلوه مافي شك , لكن لندن امتع , فيها فعاليات سياحيه أكثر , ولا ننسى التسوق فهو افضل

الاب / تسوق !! اها , قولي كذا !!

البنات / الجو أحلى والحدائق أكثر , خصوصاً حديقة ( ريجنت )

الاب / انا معاكم , الحقيقه لندن فاجأتنا . لم اكن اتوقع انها ممتعه لهذه الدرجه

وكله كوم والغيوم كوم .. الجو خرااااافي

ثم سأل الاب / ما علمتوني !! كيف كان عرض شريك ؟؟

المدام / حلو .. لكن ولدك خاف في البدايه !! الدمى والعرائس حجمها كبير , لكن بعدين انبسط

قالت البنت الصغرى وهي سعيده / مره حلو يا بابا .. وحتى اخواني ناسبهم

استمرت السواليف والمحشات

جلسه رايقه .. نفسيه مرتاحه .. منظر طبيعي رائع .. جو منعش

بدأ الليل يحل .. تمنى الأب لو يطول اليوم

المدام / الساعه تسعه والبرد زاد !! ما تيغانا نمشي !! ورانا شنط وعفش !! ورانا سفر لمانشيستر بكره الصباح

جر الاب قدميه جر !! لا يريد مغادره الهايد بارك

غادرها ونظر خلفه وهو يقول / لا نقول وداعاً .. ولكن نقول إلى لقاء آخر باذن الله

البنت الكبرى / حلوه يا بابا .. لا نقول وداعاً !! ذكرتني بإذاعة المدرسه

وصلت العائله لمترو ( ليفربول ) .. جوار الشقه العديد من المطاعم

اختار الاب بيتزا بالسلمون من محل بيتزا اكسبرس

والام والبنت الكبرى ( سوشي ) من مطعم ياباني

والباقي اخذوا ساندوتشات من ( صب واي )

خلال تناول العشاء في تراس الشقه قال الاب

اكثر شئ كان قالقني هو الجو !!

المدام / كيف !!

الاب / عندما كنت ابحث عن السكن كانت اغلب الشقق غير مكيفه !! واحنا سفرنا في اغسطس .. يعني عز الحر !!

وتعليقات بعض النزلاء في المواقع كانت تشتكي من هذا الموضوع .. اللي طلب مروحه من صاحب الشقه

واللي فتح النافذه يبغى الهواء كان ازعاج بالشارع !!

المدام / معقوله مافي شقق مكيفه !!

الاب / قليله جداً وغاليه !! اغلب التكييف كان في الفنادق !!

أنا توكلت على الله .. وحجزت الشقق بدون مكيف .. والحمدلله الجو طلع ممتاز .. حتى النافذه ما احتجنا نفتحها

المدام / بكره قطار ما نشيستر الساعه كم ؟

الاب / الاقلاع الساعه ( 10.45 ) باذن الله .. المحطه قريبه من هنا .. ممكن بالمترو نروح لها .. لكن أنا طلبت تاكسي

وليته لم يفعل !!

يتبع ..

حلووو انت تكون مشرف لنفسك
نفس متحف البيتلز بالجهاز

اما مارك سبنسر اووووه هذا اللي استانس عليه وايد
أصلا يشوق على الطباخ
بس ماعندهم بصل مقصص جاهز
أقول لكم سالفته بعدين
الهايد بارك وناسه وقعدتها مع سوالف العايلة اونس واحلى

عوافي العشا للجميع
بانتظار مانشستر
وشنو سالفة التاكسي؟؟

حلوه وليته لم يفعل .... ذكرتني روايات ادهم صبري
حلوه صولاتك وجولاتك بلندن ... يلا خلينا نشوف وشس قصتك مع التاكسي ...

اااه يالندن هذا كل اللي اقوله
ياحلو اكل ماركو ( ماركس اند سبنسر ) [emoji23]
لو قاعدين بالريجنت احلى
اي والله نقول الى لقاء يا لندن [emoji174]
اشفيه التاكسي ناطرين موقفكم معاه [emoji15]


Sent from my iPhone using Tapatalk

ماركس مميز فعلا

الهايد حلوه
وممتعه خاصه مع المحشات

إيش قصة التاكسي