3 / 8

الأربعاء

قصر باكنغهام (Buckingham Palace)





قصر باكنغهام هو المقر الرسمي لملوك بريطانيا , وحاليا يعتبر مقر السكن الرسمي لملكة بريطانيا الملكة إليزابيث الثانية ..

وهو يعتبر مكاناً لجل الأحداث المتصلة بالعائلة البريطانية المالكة، ومكاناً لانعقاد العديد من الإجتماعات وزيارات قادة الدول ..

بالإضافة لكونه مزار سياحي ..

زين قصر باكنجهام بالعديد من التحف الفنية التي لا تقدر بثمن , والتي تشكل جزءاً من المجموعة الملكية, أحد أهم المجموعات الفنية في العالم .

وفي شهري أغسطس وسبتمبر من كل عام ، عندما تسافر الملكة إلى اسكتلندا للإقامة في بالمورال ،

يفتح قصر باكنجهام أبوابه للجمهور لمشاهدة غرفة الأنيقة الـ 19، وقاعة الاحتفالات الفاخرة وحدائق القصر التي تعد أكبر حدائق خاصة في العالم.

يمكن زيارة غاليري الملكة , والاسطبلات الملكية التي تؤوي الخيول الملكية طوال العام ,

كما تجري مراسم تغيير الحرس الشهيرة خارج قصر باكنجهام في الصيف يوميا وفي الشتاء كل يومين ..
وتجد السواح مكتظين امام ابواب القصر لمشاهدة هذا الحدث مع تواجد الشرطة لتنظيم السير .

بعد هذه المقدمه من الاب قالت المدام / معقوله بنشوف قصر ملكه بريطانيا ؟؟

فتبسم الاب وقال / نعم ولكن جزئي .. بمعنى أن المسموح فقط كما قلت هو ثلث القصر حوالي 19 غرفه ..

وأزيدكم من الشعر بيت , عندما دخلت على موقعهم بالنت لشراء التذاكر ذكروا أن الملكة اليزابيث هذا العام سيبلغ عمرها 90 عام .. وسيكون هناك عرض لملابس الملكة التي ارتدتها طيلة حياتها .. وترى موعد زيارتنا للقصر الساعة ( 11.45 ) ..

وياليت الاب لم يحجز على هذا الموعد !!!

انطلقنا بالمترو كالعادة بعد شحن بطاقات المترو من المكائن الموجودة بالمترو

نزلنا في محطة مترو ( قرين بارك GREEN PARK STATION ) القريبة من القصر

البنت الكبرى / ما شاء الله هذي الحديقة مليانه !! عكس حديقة ريجنت بارك !!

فقال الاب / بسبب الشمس اللي طالعه فوق راسنا اليوم !! ما صدقوا ها الانجليز وهاتك يا تبطح على الزرع ومقابلين أشعة الشمس !!

فقالت الام / نعم صحيح , يوم ريجنت بارك كان مطر , عشان كذا كانت الحديقة شبه فاضيه

أخرج الكل نظاراتهم الشمسية بعد أربعة أيام من بقائها في الشنط ههههه , وتوجهوا نحو القصر مخترقين الحديقة

ويالطيف الطف مليون مره !!!

خمسة الاف شخص امام القصر !!! وحوله وفوقه وتحته !! ويمكن أكثر من خمسة الاف شخص !!!

تعجبت المدام وقالت كل هؤلاء سيزورون القصر !!

فتذكر الاب أن تغيير حرس القصر يكون 11.30 أي قبل موعدهم بربع ساعه , وقال لم أكن اتوقع أن تغيير الحرس وشوية خيول بيجيبون كل ها البشر !!!

قالت المدام بقلق / الان كيف بندخل القصر ؟؟ لا يروح علينا الموعد , تعرف الانجليو ونظامهم !!

احتار الاب , ولم يعرف أين بوابة الدخول , ولم يجد أحد يسأله !! فالعسكر مشغولين بتنظيم الناس , وما حد يعطيك وجه !!

اخترقت العائلة الصفوف متوجهة نحو البوابة الرئيسية لعله يكون باب الدخول , وبعد عدة محاولات لسؤال المشرفين والعسكر , أخبرهم أحدهم أن باب الدخول في الجهة الجانبية للقصر , وان عليهم الدوران حول القصر والحديقة للوصول للباب القريب ..






تلاحظون في الصوره أعلاه ان باب الدخول كان قريب من البوابه الرئيسيه ولكن العسكري لف بنا لفه محترمه

20 دقيقة سيرا ً على الاقدام والعائلة تبرطم ومحتقنه على العسكري !!

وين الباب !! وين الباب !!

راح الموعد علينا ! راح الموعد علينا !!

واخيراً وصلنا الساعة الواحده ظهراً وموعد دخولنا قبل ذلك بساعه وربع !!!

عند البوابه أخرج الاب تذاكر الدخول مطبوعة من النت , رحب المشرف وتبسم وقال / انتم حاجزين كمان دخول ملابس الملكة . الدخول القادم سيكون الساعه 2 , وبعدها ستدخلون للقصر ,
زين ما جاب سيرة ان احنا متأخرين !!
باقي ساعه على الساعه 2 , وكان بالقرب من البوابة كافيه ..
3 ساندوتش بيض وجبنه , الواحد 6 باوند !! يعني 18 ريال الواحد !!
على أساس انه ساندوتش ملكي جنب القصر !!! الله يخلي كافتيريا القريات الواحد 2 ريال فقط ويزود الشطه كمان

دخلت العائلة الساعه 2 وكانت البداية بفساتين الملكة

الام وبناتها لفه بطيئة للغايه ,, شوفي القماش , شوفي القصه , دانتيل , هذا مطرز ..

الاب لفه سريعه , وجلس ينتظرهم نصف ساعه !!

وبعدها دخلنا للقصر











ثم الاسطبل , الخيول والعربات الملكيه , السيارات





العربيه الملكيه لشارع العرب

وبعدها حديقة القصر , تعجب الاب عندما رأى مطعم وكافيه ملاصق للقصر داخل الحديقة !!!

وكراسي وناس جالسه ولا كأنهم في القصر الملكي !!!

استمرت الجولة حوالي ساعتين ونصف .. وبعدها محل وهدايا يبيع تذكارات راقيه عليها شعار القصر الملكي
اشترينا عسل ومربى وشكولاته وبعض التذكارات ..





وبعدها توجهنا للهدف الثاني الذي يقع بالقرب من القصر

حديقة ( سانت جيمس بارك ) St James's Park

حديقه صغيره جميله تتميز بوجود ألعاب خفيفه للأطفال .. وبحيره كمان صغيره بها بط ووز ..







المدام / معاك تذاكر ( عرض شريك ) ؟



تصنم الاب في مكانه وفتح عينيه منصدماً / افاااا , كل يوم اجيبها معايا وكنت أخاف انها تضيع مني , ولما صار دورها نسيت أخذها ..

قالت المدام / طيب الحين وين ؟؟ كنا مرتبين نشوف عرض شريك , وبعدها نجلس قدام لندن آي وساعة بيج بن !!

فقال الاب / ماعليك نروح لهم .. ترى كلها 20 دقيقة مشي واحنا قدامهم

وبالفعل وقفت العائلة فوق جسر ( ويست منستر )

منظر في غاية الروعه والجمال .. والسفن من تحتنا تقطع نهر التايمز

عادت الغيوم وبكثافه وأعطت للمنظر جمال مختلف









قال الاب / الان الساعه حول السابعه وباقي ساعتين على المغيب .. خلونا نروح حديقة هايد بارك ..

من محطة مترو ( ويست منستر ) إلى محطة مترو ( هايد بارك كورنر )

وصلنا الحديقة ويا عيني ياعيني

خضار وورود وفراشات وسنجاب

بشر وعالم وركض ورياضه ودراجات



















توجهت العائلة للبحيره الكبيره

أمامها تله مرتفعه تطل علىيها بها كراسي ..

اها شوفوا ربعنا .. التله كلها مليانه ربعنا

فرشات وشاهي وقهوه .. وأطفالهم جري ولعب حولهم على البساط الاخضر وخلف الاشجار ..
تبسم الاب وأحس بالطمأنينه ..
ربما لا يجب البعض العرب ,, وربما يتجنبهم البعض.. وقد يتعجب البعض من رأيي خصوصا وانا لدي بنات وربما يتعرضن لبعض المضايقات .. ولكن الفتاه المؤدبه المحتشمه لن يتعرض لها أحد أو يكلمها .. الا اذا بدر منها ما يشجع الشاب على المغامره !!

جلسنا والغيوم فوقنا وبدأ الجو يبرد قليلاً .. كان يجلس بالقرب منا عائله , فأرسلت الام ولدها ببعض القهوه لنا ..
يا زين ربعنا

ويا زين طعم القهوه بالهايد بارك

والغيوم فوقنا والبحيرة امامنا والخضار من حولنا

المدام / شوف العائلة ذي مشيت .. يا بنات جيبوا الكراسي اللي تركوها .
وفجأة طلع شخص أفريقي .. من شجره من فوقها من تحتها من خلفها !! والله ماندري من وين طلع
لو سمحتم الكرسي عشره باوند !!!!
رفضنا وأخذ كراسيه وراح

صارت الساعه تسعه وبرد الجو شيئاً فشيئاً .. وهاجم الجوع بطن العائلة

توجهنا نحو شارع العرب قاصدين مطعم ( زعفران ) العراقي

قالت المدام / المطعم مليان وكمان انتظار بره !! فقالت البنت الكبرى / دليل انه زين يا ماما

هدف الاب كان أكلة المسقوف العراقية المشهورة .. وهي السمك المشوي



كان اختيار موفق .. وكل الأكل كان لذيذ ... الرز والكباب والايدام والسمك المشوي كان جداً لذيذ
كان الحساب أيضاً للمرة الرابعة على التوالي ( 70 ) باوند .. طبعاً ينقص اثنين باوند يزيد اثنين باوند , لكن متوسط الحساب لعائلة خمسة أشخاص وطفل 6 سنوات ( 70 ) باوند ..

أخذت المدام ابنائها وذهبت للشقه , وبقي الاب يتمشى في شارع العرب .. يهضم المسقوف .. ثم جلس يتفرج على الرايح والجاي مع مشروب السفن اب , ويتبادل الحديث مع الجالسين من الاخوة العرب بجواره .

كان يوم جميل متنوع وغداً يوم أجمل بإذن الله ..

يتبع ..

برنامج اليوم الرابع /

زيارة قصر باكنجهام .

حديقة سانت جيمس بارك .

التمشيه والوقوف على جسر ( ويستمنستر ) المقابل للندن آي وساعة البيج بن .

حديقة الهايد بارك

شارع العرب

.........................................

اكرر اعتذاري بخصوص الصور فهي من النت ..

لأن تصويرنا كان اغلبه سناب شات ..

وما حبيت اكثر من الصور عشان تشوفوا بأنفسكم اذا اراد الله

بالفعل يوم جميل

خاصة أنكم دخلتوا قصر باكنقهام
و جربتوا أكلة المسقوف العراقية الشهيرة

جميلة الصور من فوق الجسر
الواحد ما يمل من منطقة ويستمنستر بفعالياتها الكثيرة

فتح القصر للجمهور فكرة ذكية
شوف كم يومياً يزورونه ومقدار الدخل اللي يجيهم منه

حلو حلو ... شغل ملكي اليوم ... افهم من كذا انكم اجلتوا مغامرات شريك لليوم التالي ؟ وبالعافيه عليكم ..
قهر فايتتني هذي ابو طنبول !!
متابع معك

برنامجك ما شاءالله مضبوط [emoji1360][emoji1360]
عليكم بالعافيه زعفران من المطاعم الممتازة


Sent from my iPhone using Tapatalk

4 / 8

الخميس

كانت السعادة واضحة على محيا الزوجه عندما أخبرها زوجها أن برنامج اليوم يشتمل على متجر التسوق المعروف المشهور

( هارودز )

قالت الزوجه بسعاده / أخيراً .. بعد خمسة أيام سنرى ( هارودز )

الاب / لحظه .. قبل هارودز في ثلاثة متاحف

الزوجة / ثلاثة !!!

الاب / لا تقلقي .. كلها جنب بعض .. وكلها مجانيه بدون تذاكر .. وكلها تبعد ربع ساعه سيراً على الاقدام من هارودز

البنت الكبرى / لندن مليانه متاحف قرأت عنها في النت .. ماهي هذه المتاحف ؟

الاب / متحف التاريخ الطبيعي .. متحف العلوم .. متحف فيكتوريا اند البرت .

قالت الزوجه متعجبه / 3 متاحف في يوم واحد !! وهل سنلحق على هارودز ؟؟

فطمأنها الاب / المخصص ساعه واحده فقط لكل متحف .. وهارودز حقك يقفل الساعه التاسعة مساء .. يعني معانا وقت .

وصلت العائلة لمحظة مترو ( South Kensington Station ) الملاصقة للمتاحف ..

وكانت البداية بمتحف التاريخ الطبيعي

برضوا زحمه وطابووووووووور طويل .. لكنه سريع .. ودخلنا الساعه 12 الظهر

المتحف يتحدث عن التطور الطبيعي للانسان والحيوانات والحشرات والنباتات

توجد العديد من الحيوانات والطيور الغريبه اللي عمرنا ما شفناها

متحف ضخم وكبير .. لم نكن نتوقع انه بهذا الحجم

معلومات قيمه ومهمه وكثيره حصلنا عليها

الساعه المخصصه للمتحف صارت ساعتين ثم ثلاثة ساعات

ونحن لا نكل ولا نمل

كان متحف ممتع

















ثم ذهبنا ( لمتحف العلوم ) المجاور

المتحف باين من اسمه .. وبه الاجهزة العلمية والصواريخ والفضاء والكواكب والكمبيوتر

متحف جميل ومفيد .. لكن أغلبه مصطلحات علميه انجليزيه



لفه سريعه أبو نصف ساعه .. ثم خرجنا .. وجدنا عرض فني .. شخص يلعب بالفقاعات الهوائية للاطفال .. وقدامه كراسي اراحت العائلة فيه ربع ساعه

ثم توجهنا نحو المتحف الثالث

متحف ( فيكتوريا اند البرت )

أكبر متحف في لندن

وسُمِّي نسبةً إلى الملكة فكتوريا وزوجها الأمير ألبرت

توثّق القطع التي يعرضها المتحف 5,000 سنةٍ من تاريخ الفن في العالم

الخزف والزجاج والنسيج والأزياء الوطنية والفضة والمجوهرات والأثاث والنحت والطبعات الفنية والرسم والصور الفوتوغرافية











اخذنا تقريباً ساعه في المتحف .. وكان بعض الوقت لقسم الجوهرات .. اللي طولت المدام والبنات عنده

خرجنا وعلى هارودز .. في الطريق قالوا البنات / يابابا جيعانين وتعبانيين

ارتحنا في كوستا كافيه .. وجددنا النشاط بكافيه وكم كيكه

المدام / شايف كيف المباني والعماير هنا كيف فخمه , لو اخذت لنا شقه هنا !!

الاب / شايف يا حبيبتي .. لكن كله بسعره .. السكن هنا غالي .. الحي ذا من أغلى احياء لندن !!

وصلنا هارودز





هارودز عباره عن مبنى يتكون من سبعة طوابق واحد منها تحت الأرض ..

يتضمن أقسام مخصصه .. العطور والمكياج .. الملابس الرجاليه .. الملابس والحقائب النسائيه .. الاطفال ملابس وألعاب ..

الساعات .. الهدايا .. الأدوات القرطاسية .. الاحذيه .. حتى البضائع المنزلية من أواني وصحون ، وكمان كتب ومجلات ..

وقسم اثاث البيت والادوات الكهربائية والآلات الموسيقية .. اضافة لمطاعم وسوبر ماركت

والاقسام عباره عن صاله كبيره .. وتجد ركن مخصص لكل ماركه عالميه .. تعرض المنتجات .. وامامها موظف او اثنين او ثلاثه فقط

متجر متكامل من الالف الى الياء

يحتوي فقط على الماركات العالميه الفخمة الراقية .. في كل شئ .. نمبر ون

المدام بعد نظره سريعه في المحل والزباين / يا بنات انتبهوا لابوكم .. المحل زحمه .. وعيونه طايره !!

البنت الكبرى / اي والله يا ماما .. وش ها النسوان والبنات .. بعضهن كانهن داخلين زواج !!!

البنت الضغرى / عمليات التجميل زايده هنا ههههه !!

المدام / هو أبوكم يعرف عمليه تجميل ولا غيره !! جيبوه هنا !









المدام / أبغى امشي !! أبغى أمشي !!

الاب / سلامات !! تو الناس لنا ساعه فقط !!

المدام / خلاص أبغى امشي !!

الاب / الحين رجيتنا ستة شهور بهارودز !! ونبغين تمشين بعد ساعه !! باقي اربعه أدوار ما شفناها !!

المدام / قلبي يوجعني .. قلبي يوجعني ! ما اقدر اتفرج !! لازم اشتري .. لازم .. وايش اشتري ؟؟ شنطه !! جزمه !! فستان !!

قال الاب لنفسه / هذا اللي كنت خايف منه !!

يابنت الحلال كله موجود زيه في جده .. وبعدين لو اشتريت لك .. لازم اشتري للبنات
يعني الميزانيه حتهتز .. وانتي عارفه البير وغطاه

المدام / طيب خلاص .. خذ لي عطر

الاب / عطر هين .. خفيف على المحفظه .. وش تبغين عطر ؟

فقالت المدام / عطري المفضل ( جان بول جوتيه ) ممنوع في السعوديه .. وكل ما يخلص عندي اطلبه من اخواتي وصاحباتي لما يسافروا اوروبا

الاب / اوكي .. الحمدلله عدت سلامات

بعد الشراء .. لفه ببقية الاقسام

البنت الكبرى / الله يا بابا شوف كيس المخده ذا مره ناعم

الاب / اقول سيبيه من يدك .. سعره 300 ريال !!! >>>> ماخذين بالكم !! كيس مخده !!!!

في الاخير توجهنا نجو قسم الهدايا والتذكارات .. توجد حاجات حلوه وجميله واشترينا بعضها .. شاي عسل مربى فراوله أغراض مدرسيه للبنات حقائب صغيره



متجر هارودز ممتع لا يمل .. يحتاج يوم كامل .. ويمكن كمان أكثر

قضينا فيه حوالي 3 ساعات .. وخرجنا الساعه الثامنه والنصف .. لقينا عرض موسيقى أمام الباب

امام هارودز الشباب الخليجي متجمع !! والشابات !! فاهمين انتم الباقي طبعاً !!!

وبعدها توجهنا نحو متجر ( هارفي نيكيلوز ) القريب من هارودز

هذا المتجر مشابه لهارودز .. نفس الفكره .. للاسف كان مغلق .. كونه يغلق الساعه التاسعه زي هارودز

قالوا البنات / يابابا احنا اليوم تعبانيين .. نبغى نرجع البيت .. مشاوير خمسة ايام هدت حيلنا

رجعنا بالمترو الى الشقه وتعشينا ماك دونالدز ( 25 ) باوند

وبعدها توجه الاب نحو شارع العرب واكمل سهرته على أحد المقاهي يتجاذب أطراف الحديث مع الاخوه الخليجيين

يتبع ..

برنامج اليوم الخامس //

المتاحف الثلاثه المجاوره لبعض

متحف التاريخ الطبيعي + متحف العلوم + متحف فيكتوريا اند البرت

متجر هارودز + متجر هارفي نيكيلوز

استمتاع هالتقرير يابو طنبول قصدي فرفور
من ينسى تقريرك التركي

هاري بوتر زرته اينن وشغل عدل
قصر الملكة مازرناه هالسنه
متجر هدايا الملكة روعه اخذت منه قبل شاي وبسكوت واقلام
الحديقه صغيره وحليوة وتزدحم من جمهور الحرس بعد العرض
لندن آي حلوه بكل وقت
ام اند امز مره قال لي واحد بالمحل انه غير حلال ! وكرهني اني اشتري منه انا وبناتي قال لنا
بس نشتري ملابس
بس انا اشتري منه عندنا ما ابطل احبه

اما هارودز الحمدلله راحت له المدام وشرت اللي تبيه
هارودز اشتر اللي مقرر تشتريه وعلى الهدايا بعدها

ووو بس متابعين معك للآخر


أرسلت بواسطة iPhone بإستخدام Tapatalk