655الاعجاب
16-01-2017, 02:17 PM
| #61 | ||
| مشرفة العرب المسافرون  تاريخ التسجيل : Dec 2014 رقم العضوية : 838 الدولة : الإمارات العربية المتحدة ( دار الحي ) الجنس : انثى المشاركات : 2,671
| 
الله يعافيج لازم نتعلم المصطلحات القديمه الحمدلله كلكم حبيتوا المكان بالفعل قطر تطورت وايد و ما زالت قيد التطوير و ان شاء الله بتكون وجهة سياحيه قريبا هذا المطعم اكيد بيعجبج اذا سرتي
| ||
|  |
|
16-01-2017, 02:56 PM
| #62 |
| مجلس الإدارة  تاريخ التسجيل : Dec 2014 رقم العضوية : 16 الدولة : فضاء العرب المسافرون الجنس : ذكر المشاركات : 31,771 |
|
| |
|
16-01-2017, 08:57 PM
| #63 | ||
| مشرفة العرب المسافرون تاريخ التسجيل : Dec 2014 رقم العضوية : 838 الدولة : الإمارات العربية المتحدة ( دار الحي ) الجنس : انثى المشاركات : 2,671
|
مهتمين بالمعروضات القديمة و تقريبا اغلب المحلات يعرضون أشياء قديمه بالاضافة لمحلات الملابس و العبايات و التصميم الوكره كل شيء فيها حلو
| ||
|
| |
|
16-01-2017, 10:47 PM
| #64 | ||
| مشرفة العرب المسافرون تاريخ التسجيل : Dec 2014 رقم العضوية : 838 الدولة : الإمارات العربية المتحدة ( دار الحي ) الجنس : انثى المشاركات : 2,671
|
صباح و مساء الخير على الجميع نكمل جولتنا في سوق الوكره     و الحين نشوف مطعم النوخذه  الديكورات عجييييييييبه بصراحه ابدعوا جدا جدا في التصميم     ابداع لآخر حد و الالوان و التناسق جميل جدا   المطعم مب بس للأكل لا تقدرون تعتبرونه متحف صغير     فيه عدة جلسات و ترضي كل الاذواق      و هذي آخر صوره للجلسه الخارجيه  للأسف كنا شبعانين و ما عندنا طاقه للأكل و الا الجلوس في المطعم و تذوق الاكلات اكيد بيكون له طابع آخر و شفت المنيو طبعا مهتمين بالاكل الخليجي
| ||
|
| |
|
16-01-2017, 11:13 PM
| #66 | ||
| مشرفة العرب المسافرون تاريخ التسجيل : Dec 2014 رقم العضوية : 838 الدولة : الإمارات العربية المتحدة ( دار الحي ) الجنس : انثى المشاركات : 2,671
|
كملنا التمشية في السوق باتجاه الخروج لكن من مدخل آخر       طلعنا من الوكره و اتجهنا لسوق واقف مره اخرى    رجعنا لمحل الشموس لان بغينا بهارات و قال المغرب توصل بس للأسف ما لقينا شيء و خذنا الموجود      و دخلنا السوق و كانت الزحمه فضييييييعه جدا    سرنا جهة المطاعم و اخترنا مطعم طاجين المغربي   اخترنا جلسه داخليه لانه برع كله شيش و تدخين  ذبحتنا الاضاءة وايد خافته و ما نشوف عدل  طلبنا حريره و بسطيلة دجاج لذيذه و سندويشات نقانق صوصج بس محموس يعني حمسة نقانق بس للأسف كانت وايد حاره و طلبها ولدي الصغير و ما قدر ياكلها  كملنا تمشيه و خذنا عصاير من الاكشاك و ذره مشويه و طلعنا من السوق ما قدرنا نكمل من الزحمه و الحلات نصها سكرت و حصلنا دراجة عند سيارتنا و شوي وصل راعي الدراجه و شاف عيالي قال بتركبون عاد عيالي خاطرهم بس مستحين و قال اركبوا عادي و قعدوا و صورتهم و ذبحوني يمكن 20 صوره او اكثر  و رجعنا للفندق و يوم وصلت اشوف اخويه مطرش واتس اب يقولي سوق واقف بعد انصدمت قلت كيف عرفت يقول طفت وراكم و سحبت جاكيت ولدج و لا حسيتوا فيني قلت و الله من الزحمه ما نحس بشيء طبعا كان يوم سبت لكن اعتقد الاحد اجازه لهالسبب كلهم في سوق واقف
| ||
|
| |
|
16-01-2017, 11:48 PM
| #67 | ||
| مجلس الإدارة  تاريخ التسجيل : Dec 2014 رقم العضوية : 26 الدولة : حبي الكويت الجنس : انثى المشاركات : 26,000
|
| ||
|
| |
|
17-01-2017, 12:04 AM
| #68 | ||
| مشرفة العرب المسافرون تاريخ التسجيل : Dec 2014 رقم العضوية : 838 الدولة : الإمارات العربية المتحدة ( دار الحي ) الجنس : انثى المشاركات : 2,671
|
جهزت الاغراض و سكرت الشنطه لاني خذت شنطة وحده بس و حطيت فيها ثياب حق يومين و الباقي في القالوصه ما نزلناهم و نمنا استعدادا للمغادره غدا اصبحنا الصبح و طلعنا نتريق في سوق واقف و بالتحديد مطعم الشموس في خاطرنا نجربه من العام اللي طاف  و هاي العربة يوم رجعنا كانوا حاطين فيها تمر و قهوة و مكسرات و فواكه بس للأسف ما قدرت اصور كنت شالة اغراض في ايدي وصلنا لمطعمنا و الحمدلله ما فيه زحمه و اخترنا طاولة خارجيه نشوف المنيو      طبعا وايد خلطات بيض عندهم        و هذا رقم طاولتنا  قعدنا وايد ننتظر حد يعبرنا و يشوف طلباتنا بس كلهم مشغولين داخل لانه طاولتنا عند محل البهارات و ما يشوفونها وصلت طلباتنا بيض و طماط و بلاليط ( شعيريه حلوه )  بيض و لوبا ( لوبيا ) وايد حبيناه و من كم يوم طبقت الوصفه عندي و طلعت لذيذه  سألناه عن الخبز قال عندنا خبز صاج  و طبعا زوجي ما عجبه الصاج و سار يابلنا خبز من الخباز  امس خذت خلطة كركم و زنجبيل يحطونها مع الحليب و اليوم طلبت حليب بالزنجبيل و الكركم قلنا نجرب الخلطة و طلبنا طبعا كرك  و الحمدلله الريوق كان لذيذ
| ||
|
| |
|
17-01-2017, 12:43 AM
| #69 | ||
| مشرفة العرب المسافرون تاريخ التسجيل : Dec 2014 رقم العضوية : 838 الدولة : الإمارات العربية المتحدة ( دار الحي ) الجنس : انثى المشاركات : 2,671
|
تمشينا شوي بس بعدها المحلات مسكره   و دخلنا للكافتيريا اللي ورا فندق ارميله و عنده حلويات شعبيه و هاي العصيده  البثيث  البلاليط  الساقو  خذنا شويه عصيده و بثيث حق الطريج و طعمهم لذيذ رجعنا الفندق و خذنا اغراضنا و اتجهنا الى وجهتنا الجديده ( الكويت ) مودعين قطر الحبيبه و هذيل خيام في بر قطر  وصلنا الجوازات  بعد الجوازات وقفنا عند المحطة الاولى و خذنا قهوة و شاي لان الفندق ما فيه مطبخ و ما لقيت مكان يسوي قهوة عبينا الدلال و انطلقنا  شاطيء سلوى و فيه تعديلات حديثه حدايق و جلسات و سوالف حلوه    دراجات مسافره   جمال على طول الطريق  الشوارع نصها قديمه و النص الثاني حديثه  باقي على الدمام 290  قهوة سعوديه في النخاع    الهوا كان شديد جدا و البروده تزيد قطار سريع      ودعنا الدمام متجهين الى الخفجي و الحمدلله قضينا يومين من احلى الايام في قطر و ان شاء نعيد الزياره مرات و مرات و نشوف جوانب من التقدم و الازدهار دائما فيها و انتظروني قريبا في بوابة الكويت دمتم بود 
| ||
|
| |
 |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| سكة سفر..لدولة قطر(2016) | ملاك | بوابة قطر | 124 | 13-10-2017 10:59 PM |
| رحلة الاستئناس مع أعز الناس -ماليزيا 2016- | ابو ماريا | ماليزيا | 211 | 26-07-2017 05:12 PM |
| رحلة وادي اية في شهر 7/2016 | علي صلاح | بوابة الاردن | 15 | 14-02-2017 09:24 AM |
| أول رحلة جميلة لإبنتي لدولة المغرب | علي زيلعي | بوابة المغرب | 40 | 07-01-2017 01:26 AM |
| تخطيط رحلة صيف 2016 | A_Alhammadi | بوابة سويسرا | 9 | 27-01-2016 06:28 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO
Search Engine Friendly URLs by vBSEO
