ونرجع لكم يا أحلى أعضاء
لأحلى منتدى العرب المسافرون

اليوم الثاني يوم السبت 25 يوم العيد الوطني لدولتنا الحبيبة الكويت

صحينا الصبح طبعا انا وغنيمة اول شي نقعد
طلة بطلة على السيف من الصبح



تجهزنا ونزلنا تحت للريوق

وهذا البوفيه
















البيض







البان كيك والوافل
































شايفين التنور قلت له وين خبز التنور...قال كان عندنا بس الحين مافي
























وهذه طاولتنا










وصل الأومليت









هني يمر علينا العامل ويسألنا شنو نشرب شاي او حليب او قهوة وهذا ركنه بالصورة فوق




طلعنا بعد الريوق وشفت الكافيه وقلت بصوره لكم

لوحة باللوبي



الكافيه اسمه تي غاردن...حديقة الشاي
الكافيه كان فاضي جداا وطلبت من العاملة اني اصور قالت اوكي



























































رجعت للشقة
وبالأصنصير الخدمات المتوفرة بكل طابق



الى 601

يازين البحرين واهلها
لاحظت درجات الحراره وايد حلو الجو
الفندق وايد حلو ونظيف ان شاءالله اذا رحت بحجز فيه
اغلب الكويتيين سافروا بالعيد الوطني سفره سريعه

تكملة اليوم الثاني



بعد الريوق وتصوير الكافيه قلنا مدام الباجي للحين بتريقون ويتجهزون خل نروح نصور حمام السباحة

وهو مع السبا في الدور الثالث وهذا السبا طبعا ما دخلت داخل
بس صور من بره















هني قعدات لحمام السباحة



























للحين المواقف فاضية بالسيف























ورجعنا الشقة ولقينا ربعنا جاهزين وطلعنا معاهم
من الطريج













وصلنا باب البحرين




طبعا مستحيل تلاقون مواقف هني



دخلنا نتبع لوحة مواقف






نزلنا بوحسين وهو راح يصفط بالمصافط
ودخلنا السوق القديم



اشتريت مغناطيسات من هني



اشكثر زحمة هني لحد ما شفت فضى المكان وصورت



ام علي أكيد بيعجبج المكان




ودخلنا محلات الذهب اللي ما ودنا نطلع منها دقاتهم عجيبة وحلوة بس الأسعار نار












وهذا مقهى او محل كله صور قديمة































وهني مسوين أسواق مغطاة وفيها مطعم زعفران ومحلات واكشاك








واكمل المشتراة من أصغر علي




يستاهلون متشوحين بوشاح علم الكويت






هذا المحل حلو فيه كوشيات وصواني على صور مطبوعة



قعدنا نريح هني






اهو هني بسوق بابا البحرين







حلو اسم الكافيه شاي وخبز عجيب الاسم










وطلعنا من باب البحرين ومشينا للمواقف يمكن طبع علينا السعر 300 فلس




وفي طريقنا لمكانا الثاني















طبعا رايحين المحرق




وأنا استانست على القعدة ورا أوسع واريح ....وعن النجرة بين غنومة ودانة





لما وصلنا المحرق بنتي شغلت النت وعلى الخريطة نمشي
النت حطته بنتي ب7 دنانير لشركة فيفا
تقول بالسعودية قوي وممتاز سريع ...اما بالبحرين بطيئ
احنا ما حطينا بس مرة ثانية لازم نحط أقول لكم بعدين ليش










وعجبتني



شوفو وين مشوارنا ....

نكمل معاكم ...وين وصلنا

وصلنا مبتغانا مول السيف المحرق


https://foursquare.com/v/seef-mall-m...8ebaa7e860546f

مول جديد من طابقين وسرداب للمواقف



وقفنا في المواقف




الكراسي نفس اللي بمجمع السيف اللي بمنطقة السيف















هذا الباب الرئيسي ما دخلنا منه طبعا








لحمايتكم



ملعب مسور للأطفال






دانة شافت هالنيل صالون قالت بسوي عندهم












اخذوا منها 5 دنانير بس للأيدي

انا طبعا خليتها ورحت اتمشى وبوحسين قعد بستاربكس شابك على النت
والبنات سابقينا يتمشون ...تمشيت السوق يشبه بتصميمه سوق البوليفارد اللي بالكويت من داخل طبعا

لقيت البنات هني ومخلصين قلت لهم انا بقعد هني



عرفتوه شنو هذا



وافل مايستر محل الوافل اللندني






وهني الدخول




قعدت هني




نشوف المنيو























وصلت طلباتي






لذييييذ




وعصيري بما اني ما اقدر أشرب مع الأكل ...طلبت يحطه سفري تيك اواي



هذه مكونات عصيري شي حلوو



العلم معاي ...وبناتي يقولون عطينياه يمه ما عطيتهم ليش ما يابو لهم




ولازم نطمن على زيونة ونشوف كشختها بالعلم واحتفالها بالعيد الوطني





بعدها تمشيت صوب محلات اليهال وشريت بدلة حق زيونه

وتيمعنا عقبها وطلعنا هذا المواقف اهي مو سرداب بس الدور الأول مرتقع






















رايحين منطقة العدلية لمطعم كوكوز للغدا



وهذا من الطريج












العدلية زحمة مافي مواقف عند المطاعم

بالغصب لقينا مكان




المكان اعتقد لمجمع مطاعم جديد




بعد ما لقينا المصفط نزلنا واشوة ان ما كنا بموقف هالبورش
شوفو اشلون توهق راعي الشاحنة
يعني لا يقدر يتحرك لانه بيحوشها بيحوشها
وقف بوحسين عنده يقوله احلق لحيتي اذا طلعت الشاحنة بدون ما تدعم السيارة هههههه هنود ومبتلشين صج





وهذا كوكوز بدون لافته طبعا




دخلنا ولقينا زحمة وطوابير بوحسين عطاهم اسمنا وقال بعد ساعه الا ربع
قلت لهم ها تبون تنطرون ما مانعوا من النطرة

وطلعنا بره نصور على ما يصير موعدنا




الشارع ضيج والحمدلله ان احنا دشينا من الجهة الثانية












حاطين كراسي للاستراحة










ضيعنا الوقت بالتصوير والبنات راحو يتمشون بين المطاعم ويقولون في معرض اكشاك






















هني البنات مصورينه عن المعرض الموجود



عجبتني حييل

















نصور لحد ما نقعد




بس قامو اللي على الطاولة قعدنا قبل لا ينظفونها
وهذه الطاولة






العشيش فوق حلوة بمطعم ثاني



وصول الطلبات اولهم البيبسي والسفن






اول شي وصل طبق غنومة
بطاطا مشوية مع دياي وكربما ومشروم وشغلات وايد









طبق فرفر وهذا كان طبقي بسفرتي مالت النحشة اذا ذاكرينه
صدر دجاج مع المشروم والكريما وبينهم بطاط مهروس




طبق دانه
ربيان مشوي مع عيش



طبق البابا
لحم مشوي مع عيش ....ما عجبه كمل معاي من طبقي



اهم بدوا ياكلون وانا اصور بس كله طبقي يتأخر










وأخيرااا وصل طبقي
صدر دجاج على بطاطا مهروسة وفيه بعد خضار ومشروم الصوص برتقالي وفيه فلفل








هالمرة يقولون ما يسوز النطرة يعني عطوه تقييم 7 / 10

طلعنا بعدها ومشي هضمنا لحد ما وصلنا السيارة




مجسم جمالي







المنطقة كلها مطاعم جديدة وقديمة





















هذا شارع مجمع الدانة واجيان




مجمع الدانة



هني ارض المعارض






اعلان معرض الزهور







وهني قربنا على السيف







ووصلنا فندقنا للراحة والصلاة












بعدها الروحة لسيتي سنتر رحنا بروحنا بتاكسي لأن بوحسين قال انا اييكم بعدين

عجبني هالعطر على الرقم لأنه تاريخ ميلاد يوسف ونفس اليوم كان عيد ميلاده 25 / فبراير / 1991

قلت لها ابي كبير قالت مافي الا هالحجم اخذته واخذت له بلوزتين






تمشينا وتشرينا شوية أغراض وكتب من فيرجن وجم محل
دق علي بوحسين وقال انا بستاربوكس
كم يبيلكم قلت له قاعدين نتمشى
قال : بعد ساعه موعدنا ستار بوكس بس تلفوني مافيه شحن
ادق عليه ماكو تسكر تلفونه
قلت للبنات على موعدنا وتمشينا وخلصنا ورحنا له
ماكو وقعدت احاتي وانطر والبنات يفترون على كل الكافيهات ماكو
راحو غنيمة وفرفر يتعشون بعد ما قصينا تذاكر للسينما لهم وانا معاهم بس

دانه ماتبي تروح نطرت انا معاها والا يبين ابوحسين واسلمه دانه والاغراض وقلت له احنا نرجع بتاكسي
ورحت السينما
قلت يمكن انا تأخرت عليهم
طلع لا اهم اللي متأخرين ههههه



الفيلم حلو تقريبا فكاهي




وهذا كان عشاي شارينه لي البنات معاهم




بعد الفيلم اخذنا تاكسي وللفندق ونومة حلوووة

نشوفكم بأخر يوم ان شاءالله

ماشاء الله

عسى ايامكم كلها اعياد واجازات...

رحلة يومين ممتعة وكلها تحركات رغم قصر المدة إلا ان البرنامج مليان ..

عليكم بالعافية الفندق مرتب وموقعه ممتاز والسوق التراثي حلو ولا يمل وحتى المولات التغيير مطلوب في السفر...


رحلة حلوة والصور احلى ام حسين .. بانتظار التتمة ...