مطبخ أعضاء العرب المسافرون

هاوية الاسفار · 07-06-2017, 01:15 AM

السلام عليكم

اليوم اكلتنا الكل يحبها الصغار و الكبار

مندي الدجاج في الدرام الكهربائي ( برميل كهربائي )

وصلني من السعودية قبل رمضان باسبوع تقريبا و قلت لازم اجربه

و هذا الجدر اللي وياه لكن حجمه كبير وايد علينا و نقدر نستخدم جدر اصغر

لكن من الفرحه قلت بجربه

و اول شيء نحمر البصل و بعدها اضيف البهارات الحب مثل ما تحبون

و بعدها ضفت البهارات البودره مثل البزار و الكمون و الكركم و انا طبعا ما احب الفلفل

لكن لازم تحطون يطلع الذ و اضيف ماي حار و اخليه يغلي

طبعا العيش يكون مغسول بدون نقع نحط العيش و ندخل الجدر في البرميل

و الحين نشوف طريقة تحضير الدجاج

قطعت الدياي نصين و خليت الجلد و حطيت بهارات و اضفت صلصة طماطم و المفروض

ما نحطها اذا عندكم لون اصفر يكون افضل او منقوع الزعفران توني تذكرته

و خليته تقريبا يتنقع ساعه كاملة

ندخل السلة الخاصة و نحط الدياي على الشبك

نحط الغطاء و نخليه تقريبا ساعة و نص الى ساعتين

بس لأنه كمية العيش قليلة استوى بسرعه طلعت جدر العيش

و خليت الدياي تقريبا ساعه الا ربع زياده

و هذا مندينا اللذيذ اللي عيزت و انا آكله من لذته

ما عليكم من لون الدياي ما احترق بس لاني حاطة صلصة طماط اللون استوى غامق

سويت وياه دقوس كويتي اقطع بصل صغير جدا و ثوم مهروس و طماط و اخليهم

يغلون لين يذوب الطماط و ابهرهم بملح و شوية فلفل اسود و احمر و بعدين اهرسهم

بالخلاط اللي مثل العصى يعني و هو في الجدر اهرسه

و بالعافيه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سناب شات العرب المسافرون	فيصل	بوابة السوشال ميديا	570	22-11-2023 09:07 AM
العرب المسافرون تقرير الغرب والشرق الامريكي اربع ولايات 2015-2016 ابو طلال*	أبو طلال*	بوابة امريكا	174	28-06-2018 02:32 AM
العرب المسافرون ،، لك كل الشكر	فايز	أخبار واعلانات الأعضاء	10	04-06-2015 10:48 PM
العرب المسافرون # اول شهر #	شارلوك هولمز	عام	33	25-03-2015 06:40 PM
العرب المسافرون	F.A.H.D	بوابة الكاميرات	14	08-03-2015 02:41 PM