طلعنا من جيثرون مثل المغصوبين وكان ودنا نجلس باقي النهار فيها ... بس ورانا جدول .. كانت الوجهة بعد جيثرون هي امستردام .. والنية كانت نتمشى فيها اليوم بدون هدف .. يعني في السنتر حقها وبكرة الصباح ناخذ الباص السياحي ... والجولة السياحية في امستردام كانت نوعين
- جولة بالباص ( هوب اون ، هوب اوف ) والتذكرة لـ 24 ساعة او 48 ساعة ... ال 24 ساعة ب 21 يورو وال48 ب 36 يورو
- جولة بالبوت في القنوات المائية لـهوب اون هوب اوف بـ 25 يورو ل24 ساعه و36 يورو ل 48 ساعة

ممكن تاخذ تذكرة للاثنين ( البوت والباص ) بـ 29 يورو لمدة 24 ساعة او تدفع 39 يورو للـ 48 ساعة

وامستردام هي مثل ماتقول ويكيبيديا :
أمستردام (بالهولندية: Amsterdam Ltspkr.png) هي عاصمة هولندا وفق الدستور الهولندي[9] وأكبر مدن البلاد من حيث عدد السكان، لكنها وعلى الرغم من ذلك ليست مقر الحكومة الهولندية التي اتخذت من لاهاي مقراً لها.[10] بلغ عدد سكان أمستردام أكثر من 800,000 نسمة ضمن نطاقها الإداري فقط، بينما بلغ عدد سكان منطقة المدينة الحضرية 1,557,905 نسمة، وعدد سكان المنطقة الكبرى 2,332,839 نسمة.[7][11] تقع أمستردام في مقاطعة شمال-هولندا في غرب البلاد. تشكل أمستردام الجزء الشمالي من راندستاد، وهو أحد أكبر التجمعات الحضرية في أوروبا، حيث بلغ عدد سكانه حوالي 7 ملايين نسمة.[12]
كانت مدينة أمستردام في بداياتها قرية صغيرة لصيد الأسماك تقع على ضفاف نهر الأمستل[13] وكان ذلك في أواخر القرن الثاني عشر، لكنها أصبحت فيما بعد واحداً من أهم الموانئ على مستوى العالم خلال عصر هولندا الذهبي (القرن السابع عشر) نتيجة تطور التجارة فيها، وكذلك كانت مركزاً تجارياً ومالياً.[14] توسعت المدينة خلال القرنين التاسع عشر والعشرين، وبُنيت العديد من الأحياء والضواحي الجديدة. أُضيفت قنوات المدينة الواقعة في قلب المدينة والتي بُنيت في القرن السابع عشر إلى مواقع التراث العالمي في شهر يوليو من عام 2010.
بصفتها العاصمة التجارية للبلاد، وأحد أهم المراكز المالية في أوروبا، تُعتبر أمستردام مدينة عالمية بامتياز.[15] بالإضافة إلى ذلك كله، أمستردام هي أيضاً العاصمة الثقافية للبلاد.[16] أمستردام هي مقر للعديد من المؤسسات الهولندية الكبيرة، وهي أيضاً مقر لسبع شركات من شركات فورتون العالمية ال500، من بينها فيليبس ومجموعة إي إن خي.[17] في عام 2012، حصلت أمستردام على المركز الثاني بين مدن العالم الأفضل للمعيشة من قِبل وحدة المعلومات الاقتصادية ،[18] بينما حصلت على المركز الثاني عشر من حيث جودة المعيشة على مستوى العالم من قِبل ميرسر.[19] حصلت أمستردام أيضاً على المركز الثالث في الابتكار عام 2009 من قِبل وكالة (2thinknow) الأسترالية.[20]
تحتضن أمستردام في قلبها أقدم بورصة في العالم، وهي بورصة أمستردام.[21] تحتوي المدينة على العديد من الأماكن الجاذبة للسياح، مثل قنواتها التاريخية، ومتحف ريكز، ومتحف فان غوخ، والكثير من المعالم الأخرى التي جعلت العاصمة الهولندية تستقبل 4.6 مليون زائر دولي سنوياً.[22][23]
https://ar.wikipedia.org/wiki/%D8%A3...AF%D8%A7%D9%85

وصلنا سنتر امستردام وكانت كثير من الاماكن بالطريق تقول وقفوا هنا .... من بدايات الوصول لوسط امستردام واحنا طايحين بحبها ...احنا كنا ناوين نروح لمحل معين وبعده نبدا نتمشى على الارجل ... وقفنا السيارة وكانت المواقف ب 8 يورو للساعة .. والمواقف كثيرة ومتوفرة .. ومتوفر مواصلات كثيرة ( تاكسي ، باص ، ترام )

شي من ريحة لندن








اللي يروح هولندا لازم يجرب الوافل حقهم ...






المشي ممتع مره في وسط امستردام



الميدان الشهير عندهم ساحة دام او دام سكوير وهو من اشهر ميادين المدينة او هو الاشهر واسمه مشتق من وظيفته اللي هي انه عبارة عن سد على نهر امستل والميدان معلم سياحي وسياسي في وقت واحد ... ومن الاماكن المشهورة في الميدان القصر الملكي ومتحف مدام توسو





القصر الملكي ويبين فيها الشرفة الملكية




النصب التذكاري


وهذا النصب على الناس هههه


متحف مدام توسو



كملنا مشي









طبعا هولندا مشهورة بعدة اشياء ( قبقاب الخشب والطواحين الهوائية والوافل والجبن والسياكل والورد ) عندهم اشياء كثيرة



محلات الورد منتشرة اكثر من البقالات



القنوات المائية وهي بالمناسبة تغطي اكثر من 25% من مساحة امستردام ويصل مجموع طولها لاكثر من 100 كلم ...




السياكل وماادراك ماالسياكل هنا .. اذا ماصدمك سيكل فانت مارحت امستردام ....






تقدرون تشترون بصيلات للورد مثل التوليب وغيره باسعار حلوه










بوكينق اللي يبي يشوفهم وجها لوجه







تمشينا في شوارع امستردام فترة طويلة وجربنا شيبسهم العملاق .. وحقيقة امستردام ونيسة مررره وقررنا نرجع لها بكره وناخذ الباص والبوت السياحيات ... منظر القنوات المائية يغري جدا بركوب البوت والتجول في القنوات المائية ومثل ماالشوارع مزدحمه بالسيارات القنوات بعد فيها حقها من الزحمة ... بس الجو جدا كان حلو والناس كانت مبسوطة ...
رجعنا للبيت وضبطنا القهوة وجلسنا نراجع مخطط بكرة ...
1- كيوكنهوف او حديقة اوروبا
2- الزحليقة والمنحدر الثلجي في زوترمير
3- باص وبوت هوب اون هوب اوف امستردام
4- رورموند اوت ليت
الثلاثة الاولى كل واحد بعده عن البيت ربع ساعة وكنا بنغطيهم بشكل حلو ...
صحينا بدري باليوم التالي وبما انه اول شي كان كيوكنهوف وهو :
حديقة كوكينهوف (يعني اسمها حديقة المطبخ وتُعرف أيضًا باسم حديقة أوروبا) (بالهولندية: Keukenhof) هي حديقة في هولندا، وهي من أجمل حدائق العالم وأشهرها على الإطلاق، ولا يتمكن الهولنديون من الإستمتاع بجمالها سوى 3 أشهر فقط في العام؛ لأنها محمية طبيعية تضم مجموعة من أندر الزهور والطيور.
حديقة كوكينهوف تحتوي على أكثر من 7 ملايين زهرة، وعدد زوارها وصل في آخر يوم قبل إغلاقها إلى 825 ألف زائر ..
رابطها على خرائط قوقل
https://www.google.com.sa/maps/place...87!4d4.5463899

عارفين انه مو وقت التوليب لان التوليب شتوي ... بس قلنا نشوف انواع ثانية اكيد ... وصلنا للمكان والا المكان جدا مهجور !!! من الصدمة مافيه صور عندي ... وشلون ..يمكن ضعنا!! ولقيت بوابه ودخلت واشوف عمال يشتغلون واسالهم قال مقفلين بس تعال بعد 5شهور ( ينكت ) ثم قال انها ماتفتح الا شهر مارس وابريل بس ( ماتأكدت من المعلومة ) وباقي السنة مقفلة ... قلنا خلاص اجل مانضيع وقت ونروح على زوترمير عشان الزحليقة ... ماطولنا ووصلناها ( سنو وورلد ) https://www.snowworld.com/en والمواقف مجانية .. ودخلنا وقلنا للموظفة نبي الزحليقة قالت عندنا منحدر ثلجي واحد كبير وواحد صغير ... قلنا لا نبي الزحليقة ووريناها اياها في كتيبهم قالت لا هذي مو هنا !!! كيف ؟ قالت هذي في لاند قراف Landgraaf
وبعدها من هنا ساعتين ونص بالسيارة !!!!
لاحول ولا قوة الا بالله ... وش هالصباح !! قلت وصلنا هنا خلو نشوف المكان ويصير خير

















وافطرنا على اطلالة المنحدر الثلجي .... المكان حلو بس مافيه الا المنحدر الثلجي ... يعني مايستاهل العنوة .. وخلال جلسة الفطور شيكت على المكان الثاني اللي في لاندقراف ولقيته قريب من الاوت لت يمكن 20 دقيقة ... وفيه الزحليقة والتسلق ... فقلنا نكنسل امستردام اليوم ونروح لهذي .... انطلقنا الى لاند قراف تقريبا سعتين ونص بالسيارة ووصلناها وكانت المواقف ب 3 يورور لليوم وكانت شبه فاضية بس عادي لانه يوم جمعه ( يعني دراسة ودوام )








المكان كبير نوعا ما ... وشفنا التسلق وتحتها الزحليقة ... التسلق طلعت صعبه شوي علينا .. ماراح يقدرون عيالي لها ... بس اشوف الناس شكلهم متحمسين فيها ...
https://snowworldwebsite.blob.core.w...34-575-266.jpg

رحنا للاستقبال بناخذ التذاكر ... وصارت الثالثة ثابته ... قالت اليوم مقفلين تعالوا بكره ... وجع وش السالفه ... واحد يقول تعالوا بعد خمس مدري سبع شهور وهذي تقول بكره ... وين نرجع ساعتين ونص وبكره اخر يوم لنا ... ماراح نقضيها خطوط !!! قلت موظفتكم في الفرع الثاني هي اللي قالت روحوا لاندقراف وماقالت مقفلين ... قالت اسفين ومعليش بس اليوم بس للقروبات ... وبالصيف بنكون فاتحين كل يوم ... يمين يسار مررره تقول مااقدر .. قلت خلوا نشوف المكان ونريح بعد المشوار ثم نطلع للسوق ...





المكان كبير وشبه فاضي بس ساحة التزلج فيها ناس











طلعنا من المكان بنمشي واشوف اللي عند التسلق ... قلت خل اسوق الهبل عليهم ... ونروح لهم وطلعوا مدرسة وجت وحده معهم قلت نبي الزحليقة .. قالت مقفلين والموظفين حقينها هنا عشان الطلاب بس دقيقه اسالهم ... جانا واحد وقلنا له قال مقفلين اليوم ..قلت جايين من بعيد ... قال انا مع الطلاب بس يبي لنا ساعة وننزل تحت .. بتنتظرون بتلعبون وحده ... قلت خلاص وانتظرنا ونزل قبل الساعه واروح له قال يلا جب التذاكر وتعالوا .. وارجع للاستقبال وقالت لا مقفلين قلت هو يقول جب تذاكر .. قالت اوكي وطلعت اللفة ب 2.5 يورو ...








اللعبه ذي لها ذكريات عندنا ... ايام التوبوجان في الطايف من 10 سنين يمكن .. مدري الى الحين او لا ؟

بعد ماخلصنا تغير الموظف ... وقلنا له نبي نلعب ... قال مره وحده بس .. قلنا ايه ههه واجيب تذاكر ثانيه ونعيدها ... كانت حلوه ... المكان اجمالا حلو بس ماكان لنا خلقه بعد المشوار والحوسة ....
وفيه عندهم مارثون سنوي يرقون فيه درج رفيع جدا بس مااردي كم ... لقيت هالمقطع عنه بيوتيوب


وهذا مكانها على خايط قوقل
https://www.google.com.sa/maps/place...71!4d6.0197461

...
اترككم هنا والقاكم بجزء السوق والطواحين الهوائية