حياكم معاي بالجزء الرابع

بداية اليوم الثاني

اول ايام عيد الفطر السعيد

وتهنئة بوقتها للفولو بالانستغرام....ومتأخرة لكم

وهذا اليوم الموعود للمباريات حسب ما كان حسين وابوه يبون

بطولة الدوري الانجليزي

قعدنا متأخر شوي بعد تعب اليوم الاول والطيران

عايدونا العيال وعطيناهم المقسوم من العيدية عيدية غنومه

فطرنا بالشقة شوفوووووا طبخت باول يوم مو تقولون ما طبخت

بيض وعلى حسب الطلب وسخنت الحليب مع شوية هيل انا جايبته معاي

و طلعنا التوست والجبن والعسل وفيلادفيا كاكاو

والعصير

وتريقنا الريوق اللذيذ طبعا بايدي........محد له خلق يصور الريوق

بس اكيد تذكرون المشتروات اللي شروها البارحة من السوبر ماركت وملينا الثلاجه فيها

انقسمنا بعدها الى قسمين

قسم يروح مدينة وييغن ........وقسم يقعد بالسنتر

قسم وايجن انا وحسين وثنتين من البنات

علشان مباراة
فريق تشيلسي ضد فريق وييغن

في ملعب وييغن

القسم الثاني ضلوا بالسنتر

وهم ابوحسين ويوسف وغنومه

تقول ابوي لما يشجع استانس عليه تخبرون الريايل لما يندمجون بالكرة
يحسبون نفسهم هم المدربين للاعبين

طبعا هم قعدوا لمباراة مانشستر سيتي فريق ابو حسين الابدي

مع فريق ساوثامبتون

نشوف رحلتنا القسم الاول وبعدين نشوف رحلتهم

اكثر صور في مكان واحد هني ههههههه

بداية وقفنا عند الاشارة طلبنا تاكسي من الفندق
يالنا تاكسي صغير اهو من شافنا قال ما اروح وييغن واتصل على تاكسي ثاني

ووقفنا تاكسي من اشارة المرور قال اوكي

صعدنا وهذه صور من الطريق

هذه اشارتنا

طبيعه تأسر الالباب

مزارع وخيول

ماكدونالدز

عجبني خلاص مدامه عجبني باخذه لي

انتظار باصات يمكن وشايفين الخريطة لازم بكل محطة انتظار تلاقون الخريطه

وصلنا مدينة وييغن اول شي وقفنا عند مكان تسوق فيه كذا محل

قال يلا نزلوا والملعب وراه واشر لنا قاله حسين لا وصلنا عند باب النادي

فيش اند شيبس

بعد فيش شيبس

وهذا ملعب وييغن

شوفو السياج بعدين اقولكم عنه

اول شباك تذاكر قالوا املكم تحصلون عندنا تذاكر .....قال حسين سالوا الناس وانا بسأل اكيد بن حصل
عندهم ......سالنا كم نفر متواجدقالوا ما في .....والا واحد من السكيورتي قال لنا روحوا الشباك الثاني

ورا الملعب رحنا مشي ومشينا وايد شوفو هني وراه بعد

لا لا مو هني هذه الزاويه الثانية

وهذا مقابل النادي مواقف للسيارات على يمين النادي

مشينا هني الى اخر الممر وعلى اليسار في شباك تذاكر

طبعا سبقونا البنتين قالوا نبي تذاكر لمباراة اليوم

سألتهم تبع اي نادي انتوا قالت الصغيرة تشيلسي ....جان تقول نو اشوة البنت الكبيرة تلاحقت عليها

قالت احنا ما نشجع اي فريق بس جاين نحضر المباراة قالت اوكي هذا المكان مع مشجعي وويغن

والتذكرة بعشرين باوند .....المجموع 80 باوند

اخذنا التذاكر وقامت بنتي تنصحنا لا تشجعون وتنفعلون مع تشيلسي لان الجمهور معاكم كله من وويغن

قلنا اوكي ............الحمدلله ان حسين من النوع اللي يشوف المباراة بدون اي صوت

وتلاقيه يحرق بنفسه وهو ساكت ويفرح وهو ساكت.......بس بعدين اقولكم شنو صار

المهم هذه التيكت

تعرفون انا احنا تقريبا اول ناس جايين للملعب

والمباراة يبيلها بعد ساعة ونص يمكن

قلنا خل نتمشى عند السوق ورحنا طبعاا حريم ما نخلي شي اما حسين قال عطوني تذكرتي

وروحوا انتم ينطر شي اهو

المهم رحنا وهذه المحلات اللي مرينا عليهم ...واحنا نمشي والا سيارات

يقولون لنا عيدكم مبارك .....كل ما مشينا قالوا لنا مجموعه يمكن ثلاث سيارات

استانسنا والله وهم مستانسين وفرحانين وهم يقولون حسينا بالعيد شوي

هذه الساحة للمواقف وخلفها السوق

السوق الصغير فيه جميع الخدمات

بووتس بكل مكان بضايع وادوية ما في مثلها

الجوو رااائع

محلات ماتلان بضاعه عملية مشابه لمحلات بريماك

بريماك اكشخ شوي

مواقف السوق

سيارة الشباب المسلمين اعتقد كانوا باكستانين او هنود

وهني رجعنا للملعب شايفين المسافة صعيرة

حياكم معاي بالجزء الخامس

تكملة اليوم الثاني

اول ايام عيد الفطر السعيد

ونكمل معاكم بعد رجوعنا من السوق ونشوف

وهذا الملعب

وشفنا هالسيارة الحلوووة وطلبنا منها

يجهز لنا

مو مخلي مكان بالسيارة الا معبيه صور المنتجات مالوته

وهذا الشكل النهائي

وهذا بريدي .....ساح الكاكاو على ايدي

اعلانات موجودة عند الملعب لمعسكرات كروية

بدأت الوفوود من المشجعين بالحضور

بعين السمكة ..... ماكو شغل ننتظر

تعبنا من الوقفة بسطنا عل الرصيف

وقمت اصور شوفو شنووو

في صور وايد للنبات عند الملعب بس كفاية لكم ثنتين علشان ما اتاخر عليكم بصور المباراة

محل نادي وويغن

تذكرون الشبك اللي كان موجود

كان مجهزينه لاستقبال لاعبي تشيلسي وباصهم

وكانوا مشجعين تشيلسي واقفين ينتظرونهم اييون ووقفنا معاهم وهذا الاستقبال لهم

واحنا ننتظر طق علينا المطر وخوش مطرة واحنا تونا ما شرينا مضلات

والناس الواقفين كلهم دخلوا متجر نادي وويغن واحنا معاهم ندور شمسيه (مظله) وما حصلنا

اللي تتصفط لقينا ام عصا كبيرة قلنا ما نبي خلاص ...طلعنا ووقفنا تحت الحيط مع باقي العالم

خف المطر ورحنا نصور عند الشبك

ووصل الباص الرسمي لفريق نادي تشيلسي

كانوا ينزلون اللاعبين بذكر اسم كل لاعب منهم ويطلع

مع تصفيق المشجعين....واحنا شفناهم بس من الباص لان كانوا ينزلون وسيدا للمدخل

رحنا الجهة المقابله بنشوف يعني اللي بالباص

وانا حاطة الكاميرا على عيني بصور

والا ما اشوف الا النور............؟؟

هو في ايه يا عالم انا فين هههههههههههههههههههه

لاحظوا ان الصور هني كلها صور بنتي دانه ..............وانا قرصتني نحله على جفن عيني

ما شافت وردة غيري بعد شسوي يعني ههههههههههههه

والله ان عيني قعدت تعورني يومين

بعد نزلوا الاعبين المطر رجع وبقوة هالمرة وما في مكان نقعد فيه

رحت لموظف عند مدخل معاقين قلت له لو محت ممكن ندخل من هني طبعا

شرحت له ان انا مااقدر امشي وايد وولدي بعد ....قال اوكي بس بشوف رقم بوابتكم

قلت له بوابتنا A

قال اوكي ممكن من هنا تدخلون ودخلنا والا تطلع كراسينا فوق بالنص

وعتبة الدرج بالمدرجات عاليه قلنا له ما نقدر بنغير مكانا قال اوكي قعدوا مكانكم

وهو اول المقاعد ........وقعدنا .....راحوا البنات يابو لنا بيبسي ويابو الفطيرة المشهورة بالملاعب الانجليزيه

يقولون يوعانين قلت لهم بالعافية

وهذه صور للملعب اول ما دخلنا طبعا اول ناس ههههههههه

اعلانات الطيران العماني.....وبنك باركليز المشهور

اللوحة ما بطلت اعلانات عن المباراة ودعايات وتهنئة

بعيد ميلاد واحد من الجمهور اهداء لامه

والا تهنئة زواج من قريب للعروسين

ذكر اسمائهم كتابة على اللوحه.......ما يمدينا نصور الا شالوهم

الارض مال تبطح ههههههههه

بالالوان الزاهية

بالابيض والازرق

بدا دخول اللاعبين واولهم هذيل

وبدأوا التسخين والاحماء

شايفين بدأ الجمهور بالحضور

مقابلة تلفزيونيه

حارس مرمى تشيلسي

بيتر تشيك

تسخين اللاعبين

تدريب اللاعبين

لا تباعدون ...راجعين

السلام عليكم
انتظر مشاركاتكم التشجيعية
علشان أكمل الاجزاء
لان ماقدر انزل جزء هني لان راح يثقل الصفحة
وما تفتح الصور بسرعه والا اشرايكم

ياسلام عليك ياام حسين برافو والله عليك شرح ممتع وعيشتينا الجو منتظر هالحلقة الكروية كاني اشوف المباراة لايف زين حصلتوا تذاكر للمباراة لانها بملعب ويغن لو بالاتحاد ومدرجات مانشستر مالك امل ولا قبلها بكم شهر زين ان لقيت بعد


الله يعطيك العافيه وبانتظار الحلقات المقبلة

ام حسين

تقريرك جميل جدا ومشوق

كيف العيد بعيد عن البيت والاهل

انتظر لندن بفارغ الصبر

كملي