الجزء السادس

السلام عليكم

نبدي معاكم الجزء السادس وهو تابع لليوم الثاني

مثل ما قلت لكم احنا انقسمنا فريقين ناس راحت وويغن وانا معاهم

وهذا فيديو دخول اللاعبين ان شاءالله يعجبكم من تصويري المتواضع

واذا سمعتوا اصوات مزعجة سكروا اذانيكم


وهذا مشجعين تشيلسي




وهذا الله يسلمكم اهداء لاخي تشتاق

الهدف الثاني لفريق تشيلسي

وناس ظلت في السنتر
للذهاب الى مبارة مانشستر يتي وساوثاميتون


اقول لكم اشلون حصلوا التذاكر ....قبل السفر حاول حسين وابوه انهم

يحجزون التذاكر من التلفون من الكويت يعني يشترونها من ناس كويتين يكونون شارين التذاكر


ويبعونهم يعني مثل السوق السودا

ما حصلوا ولقوهم باسعار خيالية مثل 120 دينار....رخص لحسين سواها 80 دينار

قال له ابوه حرام تحصلها هناك بعشرين باوند يعني تقريبا 9 دنانير كويتيه

المهم شفتوا احنا اشتريناها من الملعب كما وضحت بالجزء الخامس

اما ابوحسين ويوسف سمعوا القصة

ابوحسين كان متحمس للمبارة من اول ما حجزنا التذاكر وهو يفكر اشلون

انه بيتمتع في المباراة وفريقه ابو الفانيله السماوية ...ويوسف وغنومه مو ذاك الزود مع الكرة

.المهم

راحو من الصبح يدورون تذاكر ما حصلوا ناس عند الملعب ابدااا

وقالوا خلاص قبل المبارة بساعتين نروح

راحوااا وقاموا يدورون التذاكر ما حصلوا كل التذاكر مباعه ....ملعب بالسنتر والعالم عطله

تفرقوا يوسف بروحه وابوحسين مع غنومه على اساس يدورون تذاكر ......ماكو ابداا

والا يوسف يرجع لابوه وقال له ::

يبه حصلت تذكرتين عائلية بعشرين باووند الثنتين

قال له ابوه اشلون الحين

رد عليه قال له يبه خلاص انت ارجع الشقه وانا وغنومه ندش

ههههههههههههههههههههههههه

شوفوا تذاكر يوسف وغنومه

ابوحسين يقول مت من القهر اشلون ما ادش المباراة

ويقول لي بكل بروود ارجع الشقه هههههههههههه

يقول ما خليت قمت ادور واخيراا حصل تذكرة بسبعين باوند

يقول اهني استانست بعد شسوي لو بمية باخذها........تذكرة بوحسين باعوها عليه 70باوند.




نشوف تصويرهم طبعاا


ملعب الاتحاد ...مانشستر سيتي










اهني لما راحوا اول مرة ما حصلوا احد










هني بعد ما حصلوا التذاكر راحوا يتمشون ويتغدون

دشوا محل بريماك وشافوا هالجوتي بسعر عشرة باوند ....وابوحسين يقول حق غنيمة

انتوا تطلبونهم غالي وهني رخيص........يحسب نفس البضاعه

اما بريماك صج بضايعه مو ماركات بس حلووة وهالسنة بضاعتهم وايد حلوة عملية

وموديلات جديدة

شوفوا المطر










فترة الغدا عندهم تغدوا ماكدونالد ....وحلوا من هذا الكب كيك

كله بالسنتر





















حمص.....مانشستراوي





فراولة مو طبيعيه






رجعوا الملعب ...جماهير سيتي

يسقون الملعب وهو مطر؟؟

في الملعب سووا مقابلة تلفزيونيه مع ابوحسين...ويوسف

وغنومه ...طبعاا غنيمة افضل منهم بالانجليزي وجاوبت اكثر















المباراة انتهت ب 3/2 لمانشستر سيتي

برييييييد غنومه....نفس الحلاو المطاط تعرفونه









احنا رجعنا من وويغن وهم توهم راجعين .....وانا من شباك غرفتنا نشوف الجماهير وهي راجعه

من المباراة يعني قريب الملعب

وهذه الخريطة من ايفون حسين..........واضح الملعب

وشقتنا اللي باللون الازرق






يوسف وعدني يعطيني مقاطع يوتيوب لمباراة مانشستر سيتي

بس لاهي مع البر


الجزء القادم بناتي

الجزء الثامن


بعد ما شفتوا رجعنا الشقة وريحنا وصلينا الظهر والعصر جمعا


لقطات لقيتهم منخشين باللاب من تصوير ايفوني

للساحة الصبح بنفس اليوم

طلعنا بنتغدى وقررنا بمجمع الاندريل

هالمرة رحت بتاكسي مالي خلق امشي تعبت .......لا مو كسلانه ..تعبانه ههههههه

وصلنا التاكسي باربع باوندات مكان قريب


ونفس اللممر او الممشى بين بريماك والمول

ممشى جميل وفيه العروض الفردية........مكان حلو الواحد يرتاح فيه

شوفوا تنسيق الزهور اشلون حلووو

ساحة ونيييسة وشرحة

عجبني الورد

الطرارة على اصول













محل المكاين ههههههه

اللي بفترينات جميع محلاته هذه المكاين للخياطه

تذكرون يوم يقولون ان الزئبق الاحمر اللي في المكاين مطلوب والعالم هبت تبيع مكاينها

انا اقول لكم ان هذا المحل وراء هذه الاشاعة علشان يشترون المكاين ويزينون محلاتهم فيه

انا قلت لكم وانتوا بكيفكم

داخل المجمع.......والاتجاه الى قاعة المطاعم

البحث بالخريطة عن المطاعم ومحل بعدين اقول لكم

وصلنا قاعة المطاعم للوجبات السريعة

بعض الطلبات












تسلية ونقنقة





كليرز وفرقة غنومة وتصويرها
















محل للملابس التنكرية وايد عجبنا بس دشينا ضحك ما شريننا منهم شي

صور لجميع الوجوه اللي موجوده اشر ويبونها لك






جسر موصل من المول لمحل سيلفردج

وهذا سلفردج

بضاعة سلفردج طبعاا ما صورت وايد وهذه من البنات ومني

قصة هالجنطة.......غنومة اخذت ابوها وقالت له يبه الله يخليك اشتر لي هالجنطة

والا يوم يشوف السعر قال لها شايف نفسها ببريماك خخخخخخخخخ

وعدناها بجنطة بعد نتايج هالسنة






































































قسم الكاكاوات

شنط باول بوتبك

عطور....وعطر غنومة


احلى توم فورد









بضاعه خاصة بسيلفردج

اشترت بنتي قلب









وهذا يعملون من الوان باختياركم تكرمون نعل ويحطون عليه صورة

راحت عليج يا الزنوبة هههههههههههه

وهذه الادوات اللي يصنعونها...شرينا لدندن






مدخل سلفردج الخارجي

خارج سلفردج قعدات روووعه والاماكن كثيرة وفاضية

وكل الاعمار متواجدين هني

قعدات ونيييسه توسع الصدر

شايفين شاشة عرض للاولمبياد

المشتروات خلوهم عندي وراحوا مرة ثانيه وين؟؟

تابع اليوم الثالث


و الجزء الثامن



كاكاو على تباسكووو ..غالي بعد

بانتظار البنات

وصلت غنيمة .....كانوا حاجزين لعمل بدييكير ومنيكير

في قسم التجميل بسلفردج

للحين ننتظر.....وانا عاجبني المكان

وصلت دندن........ولقطة جماعية للاصابع خخخخخخخخ

اهني دخلنا للمول مرة ثانية علشان نرجع من طريقنا ونتمشى بالمول بعد

محل ديزني لابد منه مو لنا طبعااا


انيس

للبنات




للاولاد

موبتس

ميس بيجييييييييييي

وحبيبها الضفدع كامل






شرينا اغراض وطلعنا






من المول

اهني وقفنا نشحن للانترنت من الكشك اللي قلت لكم

اني شحنت بعشرة باوند للانترنت.....وعنده هذه الكافيهات للوجبات الخفيفة ووالكيك وغيرها

واخذنا تاكسي بعد سهااااله 4باوند






وصلنا الفندق






الخبزة الالمانية الشهيرة

بريلتز بالملح لذيييييذة بس مو مثل مالت ميونخ










وغدا حسين من ناندوز احنا طلبناه له





للحين العصر ما صار الليل .....ريحنا شوي

والا يقول حسين اشرايكم نروح شارع العرب......نتعشى هناك

ولا تنسون انه كان ثاني يوم العيد

محد وافق يروح معاه الا اللي تكلمكم ههههههههههههههههههه

رحنا انا وحسين اخف اثنين بالمجموعه


طبعا اخذنا تاكسي.............قال لنا بوديكم من الشارع الخلفي قلنا له ودنا مكان زين قال اوكي


وصلنا وقال يلا روحو هذا الشارع اللي قبالكم

احنا رحنا والا ما شاءالله مئات من المسلمين وكل واحد ماسك مزمار تعرفونه اللي فيه كذا مزمار مثل مشجعين الكرة



والكل يزمر وغير هرنات السيارات يعني الجوووووو عييييييييد

والراس طاااااااااااط طاااااااااط

محل تركي للبقلاوة الشرقية

ما ادري ليش تذكرت العضو البداية فكرة هني ههههههه

دخلنا المطعم انا وحسين وطلبنا لنا





















تعشينا وطلبنا للربع اللي في الشقة


طلعنا تمشينا شوية والحين احنا نبي تاكسي والشارع ما فيه ولا تاكسي

طلبنا من عمال المطعم يتصلون عل تاكسي لنا........فندقنا بعيد عن هالشارع بمنطقة ثانية

قال لنا نص ساعه ويوصل ......رديت سألته واتصل على التاكسي
قال له مافي مجال اوصل الشارع مسكر من الزحمه
اتصل بواحد ثاني وثالث الكل يقول انت مجنون ما في مجال .........طلعنا بره وسالنا رجال البوليس

يا حليهم واقفين ومنظمين السير ويشوفون المارة

قال لنا اهني ما تحصلون لازم تمشون مسافة خمس الى عشر دقايق يمكن

تحصلون تاكسي

مشينا وكل شوي نوقف ولا في مجال للسيارات انها توقف زحمة

والعيد طلع عندهم نفسنا في العيد الوطني مسيرات وزمارات احنا رش اهم زمارات


وكل شوي ندق على تاكسي من المطاعم وما فيه مجال .....تاخر الوقت والمحلات خلاص بعضها قام

يسكر وانا وحسين شايلين اكل الربع ونمشي هههههههه

فيني بجية هههههههه تذكرت السالفة التعب

المهم قام حسين ياشر على السيارات ويقول لهم بس وصلونا لجدام يمكن نحصل تاكسي

وماكو الكل سياراتهم متروسة اوادم وين يخلون ربعهم...وربعنا كل شوي يدقون علينا تلفون ها شصار وشصار.......بوحسين يقول ايكم قلت له
ماكو فايدة ماتقدر تدخل السياير

المهم بعد مدة والا سيارة صالون فيها واحد بس ........وقفه حسين وقال له قال اوكي

طلع الريال حليوووووو اسمر اصله افريقي .........قلت حق حسين يخرع بروحه ... قال لا امشي

ركبنا واتفقنا على انه يوصلنا ب25 باوند

قلنا امش وصلنا المهم ويقول مسكين اوكي 25 قلت له اوكي

ويمشي فينا ليل وظلمة وما تشوفون الشارع وبسرعه بعد.......وانا حاطة ايدي على قلبي

قلت الحين يودينا حق ربعه وهات يا خطف .....اول مرة اخاف جذيه

المهم اخذنا نسولف معاه طول الطريج ساعات يرد علينا ويضحك وساعات ينتبه للشارع

واخيرااااااا وصلنا الفندق ....قلت له كم قال 25........ويقول اند فور مي 30 قلت له
يرحم والديك لو قايل 100 الحين عطيتك خخخخخخخخخ

بس صج تجربة مخيفه .......
بس علشان لا اظلمه مسكين قاعد ينكت معانا يمكن حس اني خايفه
وحسين يكلمه عن الكرة .........وصلنا والا ربعنا يضحكون علينا ههههه
ويقولون وين العشا هههههه قلت لهم هاكم بارد ....بس سخنوه بالمكرويف







شارع الشرم او شارع العرب يوم ثاني مونفس اليوم

من تصوير حسين..........انا حرمت بهالسفرة اطبه مرة ثانية ههههه

















ووويعطيكم العافية على طولة بالكم معاي بهالجزء الطويل


وموعدنا مع ونااااااااسة الكبار قبل الصغار

تابعوني

واذا حبيتووووو الاجزاء

لايكولي ......يعني غصب لايكولي...ههههههههه


والحين لكم المايك عطونا ارائكم ومشاركاتكم





يتبع

جزء ممتع جدا

الحمدلله ربي اعطاكم على نيتكم وماسوى فيكم شي


كملي متابعة بحماس

ما فيه زي البلاد
الله يحفظ لكم بلادكم

هاللحظات غرام مشجعي الكوره





ماالومك بشارع العرب ما تطبينه


كأن فيه بعد تقرير ثاني عن لندن

الجزء التاسع
اليوم الرابع وهو يوم الثلاثاء

في هذا اليوم قررنا الذهاب الى مدينة بلاكبول

قسم يدخل البليتشر بيتش

وقسم يروح مباراة لكرة القدم .......ما ادري بالضبط بين منو ومنو

طريقة الذهاب هناك بالقطار مع تبديل بمحطة ثانية

وهالمرة بتكون الوصول مو لمحطة القطارات الرئيسية اللي كنا دايما نروح فيها

لا هذه محطة صغيرة وعبارة عن موقف عادي كأنه موقف باص ...ولا يوجد اي مبنى لسكة القطار عنده

وهو اخترناااااه لانه قريب جدااا عند البليتشر بيتش


مدينة بلاكبول


للي يحب يتعرف عل مدينة بلاكبول لكم هالرابط

http://duwal.com/ar/travelguide/europe/england/blackpool


احنا نحبها لانها حلوة للكبار والصغار ولجوها البارد صيف وشتاء

ولان سفرة 2010 ما رحنا لها قلنا هالمرة لازم نروح


انا والبنات ويوسف رحنا للبليتشر بيتش .....البليتشر بيتش هذه مدينة ملاهي
فيها اكبر افعوانية واسمها بيبسي

ابو حسين وحسين ظلوا يتمشون لحد ما يصير وقت المباراة


نشوف محطة بيكاديلي مانشستر للقطارات قريبة رحنا لها مشي

من خمسة الى عشرة دقايق المسافه






وهذا من الخارج
مكان وقوف السيارات لتنزيل الركاب فقط

وفي للتكاسي باب أخر




الناس مسافرة




شفته أثري صورته لكم ههههههه

قريب من البوابة








داخل المحطة كان كتير عجقة





كانت في فرق رياضيه تبع الاولمبياد برحله يمكن لمانشستر






ريوقنا كرواسنات وسندويشات مع عصاير من المحطة






مكاين لشراء التذاكر

انا هني بس قاعدة انتظر اللي يقصون تذاكر من محل الانفورميشن











شوفوا جوانب المحطة وانا قاعدة ووراي ارصفة القطارات والبوابات

امامي شايفين محلات وكافيهات ومطاعم

على اليسار شايفين الدور العلوي ماخذ شكل دائري

على اليمين

محل تقديم المعلومات والمساعدة طبعاا

وهنا يبين لكم البوابات ولازم تدخل من بوابتك بعد مو تروحون لرصيف

ثاني بعدين ما تقدرون تعبرون...........على فكرة انا اللي اصور هني مو اللي ورا السواد

لما قرب موعد رحلتنا رحنا للبوابة .....مشينا للرصيف 14

صعدنا سلالم بعدين ممر طويل...بعدين نلف لممر ثاني ومن بعده ننزل سلالم للرصيف


اول ما وصلنا شفنا قطار قلنا له لمحطة برستون قال لا

على فكرة مو تتقيدون بالموعد ممكن تروحون على اي قطار يتجه لنفس محطتكم

هذا الرصيف وشايفين المباني وراه

هذه السلالم اللي نزلنا منها واستحليناها بالقعدة

والا شوي والا ايووون مجموعه كبيرة من المسافرين وسعنا لهم طبعااا

صرنا قاعدين طابور ههههههههه طبعا مو كلنا العيال بعضهم واقف

شوفوا الناس واقفين











الساعه ولوحات المواعيد لكل قطار

الرصيف المقابل وما يطل عليه

وصل قطارنا

مناظر من القطار واللوحات الاعلانية

اماكن قريبة من المحطة البيكاديلي

قنوات مائية وقعدات جمييله

من الطريج

محطة من المحطات ولاحظو العلامة والجهاز لساعدة فاقدي السمع

وهذا جهاز للمساعدة

وصلنا محطة برستون نزلنا لتبديل القطار

والانتقال للرصيف الاخر بصعود درج والخروج من الجهة الثانية

العلامات بكل مكان للمساعده

لوحة مواعيد الوصول للقطارات

ومن الجهة الثانية

قطار أبيض

قطار بنفسجي

قطار ازرق

ومشى القطار الثاني تغيرت القطارات من حيث الحداثة والقدم

بس تعتبر القديمة جيييييييدة


هذا لي

مناطق سكنية ........اخذت هالسطرة لي ولمتابعي التقرير بس ما نعطي اللي بعد هالجزئين ههههه

محطة قبل الاخيرة

اراضي زراعية........كان مناي في كل سفرة بالقطار اني اصور

البقر او الخيول ........ما اقدر ابد السفربالقطار متعه

واللي تشوفه بالطريق روووووووعه اقل شي تقدر تقول عليه.......بس سامحوني صور المزارع ما اقدر القطها عدل

يتبع.......شوي خليكم معنا