شهر عسل سنغافوره

فهداالحربي · 18-09-2017, 01:01 AM

السلام عليكم ورحمة الله وبركاته

صديق لكم جديد ان شاءالله قررت اسافر شهر عسل لسنغافورة 12 يوم في بداية ابريل طبعا الميزانيه 25 الف ريال ولا اول مره اطلع لسنغافورة وحبيت اسالكم كم سؤال لاهل الخبرة

1- هل سنغافورة مناسبة لشهر العسل ؟

2- ماهي اجواءها في شهر ابريل ؟

3- هل التسوق مكلف فيها ؟

4- تحتاج فيزةه لسنغافورة للدخول ؟

5- فيه سواق يتكلم عربي صاحب امانه هناك اتواصل معاه ؟

6- بالنسبة للدخول للالعاب والملاهي مكلف ام بسيط ؟

7- هل يوجد مطاعم عربية في سنغافورة ؟

8- افضل فندق موجود في سنغافورة من خلال تجربه ماهو ؟

اتمنى تفيدوني ولكم من جزيل الشكر والتقدير

توبليرون, الايمان و فيصل معجبون بهذا.

صوت بني تميم · 19-09-2017, 01:14 PM

عليكم السلام ورحمة الله وبركاته
يا هلا وسهلا اخوي فهد
الف مبروك الزواج الله يسعدكم أينما كنتم
---
سنغافورة بشكل عام بلد غالي لكن بلد فخم ورائع يستحق الزيارة بكل تأكيد

نعم مناسبة لشهر العسل فيها منتجعات رائعة وغيرها
التسوق مكلف لكن لو تسوقت من الاوت لت ( الماركات التي عليها تخفيض ) بتكون وفرت كثير
الطقس طوال السنة معتدل مثلها مثل دول شرق اسيا درجة الحرارة في العشرينات وفي شدة النهار توصل بداية الثلاثينات
تحتاج لفيزة للدخول وفيه موضوع شرحه الاخ العزيز ( اخر فرصة ) اسم الموقع iae
نصيحة لا تستعمل غير تطبيق اوبر فهو الارخص والافضل
ايضا عندهم شبكة قطارات ضخمة ومميزة
دخول الملاهي والفعاليات .. الافضل تاخذ بكج لمجموعة اماكن تلقى للوكالات السياحية فروع في المطارات اسألهم عن اسعار البكجات وشوف الي يناسبك
ولو تقارن اسعارهم بأسعار الملاهي عبر دخول موقع الملاهي يكون افضل

فيه مطاعم عربية وفيه مطاعم اجنبية حلال متنوعة مثل ناندوز وكنتاكي وغيره

افضل فندق بسنغافورة وقد اخذ افضل فندق بالعالم ! مارينا باي ساندس
اهم شيء تبحث جيدا في الاسعار من خلال التطبيقات المشهورة مثل اقودا والمسافر وهوتيلز .كوم

عندك ايضا تطبيق تريب ادفايسر يعطيك افضل الاماكان والمطاعم وغيرها حسب تقييمات العملاء

و سلامتك [emoji5]

Sent from my iPhone using Tapatalk

توبليرون, AL Tunaiji و الايمان معجبون بهذا.

Mayed.A · 03-10-2017, 11:08 PM

12يوم؟؟؟؟ اسبوع يكفي فيها لصغرها ممكن تدخل ماليزيا معاها او اي دلوه قريبه منها

مناسبه

بلد راقي ومنظم جدا

قسمها لمنطقتين مثل سانتوزا و المارينا

ما اعرف بس هي حالها مثل باقي الدول الاسيويه لكن تختلف نسبه الامطار من شهر لشهر

اذا بتاخذ ماركات اكيد لكن في محلات عاديه سعرها مناسب و عندهم تاكس فري تقدر تاخذه في المطار بس المهم كل الاشيا الي بتاخذ عليها تاكس فري تسلمها في شنطه منفصله في كاونتر الضرايب

بعض الدول لا وبعضها يحتاج

مارح تحتاج اطل من الفندق يطلب لك تاكسي او تنزل برنامج اوبر .....وفي الاماكن العامه كلها يوجد طابور توقف فيه ويوقف لك التكسي اهم شي احفظ اسامي الاماكان او سجلها في ورقه ,,,,و بيوصلونك

في تذكره للمرور السريع تكون اغلى و ماتوقف في الطابور العادي و فيه التذكره العاديه وعند كل لعبه في لوحه مكتوب كم راح تنتظر لتدخل المهم تتجنب الذهاب وقت الاجازات الرسميه

فيه لكن ماجربتها موجودات في شارع العرب ....كنتاكي و ماك و ناندوز و استاربكس حلال

كل حد و ميوله ....المهم تشوف لك شي بالسعر الي يناسبك
واقرى تقيمات بوكينق بدقه

انا اشوف مشكله سنغافوره ان السكن غالي لان باقي الامور تعتبر معقوله

فيصل و توبليرون معجبون بهذا.

Zj93 · 17-10-2017, 07:24 PM

انا يوم اروحها سكنا بفندق اسمه بان باسفيك الفندق جداًجداً راقي وانصح فيه بشده
ويصير قباله مجمع ماتذكر اسمه

اطلع على بان باسيفيك سنغابور على Booking.com! http://www.booking.com/Share-uAWnoe
هذا اهو من بوكنق .. فيه كذا اسم ماشبه حقه لا تتخربطون

. وفي المجمع فيه مطعم اسمه منهاتن فيش شي جذي مال اكلات بحريه حلال وحلو ..
واغلب التنقلات كانت بالقطارات وكلش ماكانت متعبه و ماكلفتنا وايد ..

واليونفيرسال استيديو كلفنا حوالي 100دينار بحريني يعني1000 ريال سعودي التذاكر +الاكل
اخذنا تذاكر الخط السريع لان مايسوا النطره ساعة ع لعبه بكمل اليوم وانتو ف طابور ..

وابدا ماسوينا شوبنق هناك لان الاسعار غاليه ، ف خلينا الشوبنق لكوالالمبور ..

آخـــرفـــرصـــة, AL Tunaiji و توبليرون معجبون بهذا.

توبليرون · 18-10-2017, 01:00 AM

الف مبرووك ربي يتمم عليكم بالخير
انت شوف التقارير واخذ المعلومات
واذا ودك فيها احجز من الان الاسعار اقل بتكون من اذا حجزت متأخر

آخـــرفـــرصـــة و فيصل معجبون بهذا.

الايمان · 18-10-2017, 12:38 PM

مبروك على الزواج الله يهنيكم
سنغافوره تعتبر من الدول الغالية بالسكن والاكل
وبرأيي 12 يوم كثيرة عليها لان مساحتها صغيره جدا
تقدر تشوف تقاريرنا عن سنغافوره ان شاءالله تستفيد منها

فيصل, آخـــرفـــرصـــة و توبليرون معجبون بهذا.

محب السياحه · 24-10-2017, 11:06 AM

إذا تكرمتوا اريد جدول سياحي لسنغافورة وماليزيا لانكون من تاريخ 1 فبراير إلى 9 فبراير
شاكرا لكم

آخـــرفـــرصـــة و فيصل معجبون بهذا.

آخـــرفـــرصـــة · 24-10-2017, 11:33 AM

اقتباس : المشاركة الأصلية كتبت بواسطة محب السياحه

إذا تكرمتوا اريد جدول سياحي لسنغافورة وماليزيا لانكون من تاريخ 1 فبراير إلى 9 فبراير
شاكرا لكم

المدة قليلة
بس ممكن تقسموها 4 ايام لكل لدولة
سنغافوره يومين وسانتوزا يومين
كوالالمبور 4 ايام وتزوروا منها جنتنق

فيصلمعجبون بهذا.

محب السياحه · 25-10-2017, 08:09 AM

صحيح كلامك
محتمل يكون 4 ليان سنغافورة و 3 ايام لانكاوي ويوم واحد كوالالمبور لأننا زرناهاه من قبل

فيصلمعجبون بهذا.

ATL · 01-11-2017, 10:50 AM

شباب كم تقريبا صرفية الزوجين في اليوم موسعين صدورهم ؟؟؟
1000 ريال سعودي شامل الاكل والتذاكر والمواصلات اوبر ؟؟

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فيزا سنغافوره	be nice	فيزا دول اخرى	9	15-06-2017 09:08 PM
السفر الي سنغافوره	بندر جده	بوابة سنغافوره	4	13-06-2016 01:46 PM
بخصوص سنغافوره	سوآر	فيزا دول اخرى	5	24-12-2015 08:34 PM
تاشيرة سنغافوره	SABER_OK	فيزا دول اخرى	2	29-11-2015 03:42 AM
استفسارات سنغافوره	سوآر	بوابة سنغافوره	4	26-11-2015 02:53 PM