جولة بريطانية من غلاسكو الى لندن - الصفحة 37

توبليرون · 24-11-2017, 01:45 PM

اقتباس : المشاركة الأصلية كتبت بواسطة q8ya metnaqla

اخخخخ يا ام حسين كل صوره اشوف نفسي فيها والله وإني مشيت في هالسكيك والشوااارع واااي قلبي ردووووووني [emoji174][emoji174]

هههههه قلبنا المواجع عيل

هذا تيسكو الصغير العود يصير ورا الحديقه يبيله ساعه مشي تقريبا عشان توصلين
تصدقين مرة وحدة دشيته ما اشترينا منه الا ماي وفرفر شيكت على انترنتها عندهم ....يبيله نروح العود لي صار في شقة وطباخ وجم اسبوع

وسينمتكم هذا المبنى القديم وناديي القديم
السينما اليديده عند عمارتي ام ثلاث ابراج التولوسو [emoji174][emoji174]

ههههه ودج هناك وتدلينا كل مكان
يا قلبي قلبتي المواجع
زيييزي من المطاعم الايطالية اللذيذه وهذا فرعهم احبه [emoji174]

روعة مكانه بوسط الشارع
خلاص لاتكملين كارديف ام حسين [emoji23][emoji174][emoji174][emoji174]

Sent from my iPhone using Tapatalk

ههههههه متاكدة ما أكمل
يايج الاقوى

q8ya metnaqla, فيصل, ام زياد و 1 آخرون معجبون بهذا.

q8ya metnaqla · 24-11-2017, 01:53 PM

هههههههه اي والله ودي أكون معاكم وادليكم

ههههه كملي والله يجبر بخاطري [emoji174]

Sent from my iPhone using Tapatalk

توبليرون, فيصل و ام زياد معجبون بهذا.

آخر مواضيع q8ya metnaqla

- هُنا إمبــــراطـــوريــ اليــابــان ــــة
- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

توبليرون · 24-11-2017, 10:46 PM

اقتباس : المشاركة الأصلية كتبت بواسطة q8ya metnaqla

هههههههه اي والله ودي أكون معاكم وادليكم

ههههه كملي والله يجبر بخاطري [emoji174]

Sent from my iPhone using Tapatalk

ههههههه خلاص بعد ازبوووع
يوصل المركب

فيصلمعجبون بهذا.

طوق الياسمين · 26-11-2017, 10:18 AM

حلووووة كارديف

مازرتها قبل كذا يلااا نحطها بالخطة ان ربي راد

اول يوم ممتع والسينما وكل شي قريب منكم موقعكم فنان والفندق حلو

اختيار موفق

واحلا شي الشوارع اللي مافيها سيارات احسها مريحة وشرحة

ننتظر باقي ايامكم

توبليرون و فيصل معجبون بهذا.

توبليرون · 26-11-2017, 01:31 PM

اقتباس : المشاركة الأصلية كتبت بواسطة طوق الياسمين

حلووووة كارديف

مازرتها قبل كذا يلااا نحطها بالخطة ان ربي راد

ان شاءالله تروحين لها وتكتبين لنا تقرير نشوفها بعيونكم

اول يوم ممتع والسينما وكل شي قريب منكم موقعكم فنان والفندق حلو

اختيار موفق

كل شي قريب وبعد بتشوفين الباجي

واحلا شي الشوارع اللي مافيها سيارات احسها مريحة وشرحة

اغلب الشوارع بهالمنطقة بدون سيارات وسيارات

ننتظر باقي ايامكم

ان شاءالله الباجي بيعجبج عن كارديف معشوقة ابرار
اسعدني مرورج العسل

طوق الياسمين و فيصل معجبون بهذا.

ام زياد · 26-11-2017, 07:11 PM

روعه الاجزاء اللي فاتو وانا الفترة الاخيره كنت مشغوله باكمال التقرير المصري وزي ماقلت سفر ابوزياد وشويه مرض ولله الحمد
المهم اني لحقت على تقريرك الرائع ومش حاقدر اغمض عيني مع تقرير الرائعه ام حسين مش حاقدر اغمض عيني
بلاكبول
ياسلام على الخضرة والجمال
فعلا مشكلة الشقه بدون باب لكن طبعا ان عارفه الاوروبين افكارهم نظيفه ولا يمكن يطلع لكم حد
ضحكتيني لما تخيلت ابو حسين زي الشاويش عطيه هااااااااااااع مين هناك (بالصعيدي )
ياسلام عالابداع والنقل الجميل
حميل جدا الالعاب ومطاعمكم وتنقلاتكم
كارديف ..الفندق جميل جدا وبداية كارديف جميله..مطاعمها روعه لكن انت رحتي فيلم رعب??? ليش ياختي هههههه
بس خالي بالك لا تطيحي لان احنا وصلنا لمرحلة اللي تطيح .........
مازلنا متابعين الجمال الكارديفي

توبليرون, فيصل, عاشقة مسقط و 1 آخرون معجبون بهذا.

توبليرون · 27-11-2017, 02:31 AM

اقتباس : المشاركة الأصلية كتبت بواسطة ام زياد

روعه الاجزاء اللي فاتو وانا الفترة الاخيره كنت مشغوله باكمال التقرير المصري وزي ماقلت سفر ابوزياد وشويه مرض ولله الحمد

الروعه بتواجدكم في تقريري
والاهم شي سلامتك وفراق بوزياد يتعب اكثر ربي يرجعه بالسلامه ويخليكم لبعض

المهم اني لحقت على تقريرك الرائع ومش حاقدر اغمض عيني مع تقرير الرائعه ام حسين مش حاقدر اغمض عيني

انتي الاروع يا عسل

بلاكبول
ياسلام على الخضرة والجمال

سلم من قال
فعلا مشكلة الشقه بدون باب لكن طبعا ان عارفه الاوروبين افكارهم نظيفه ولا يمكن يطلع لكم حد
ضحكتيني لما تخيلت ابو حسين زي الشاويش عطيه هااااااااااااع مين هناك (بالصعيدي )
اي والله بس لازم الواحد ياخذ حذره .....اي هذا اهو بالصعيدي شيخ الغفر هههه

ياسلام عالابداع والنقل الجميل
حميل جدا الالعاب ومطاعمكم وتنقلاتكم

عيونج الجميله

كارديف ..الفندق جميل جدا وبداية كارديف جميله..مطاعمها روعه لكن انت رحتي فيلم رعب??? ليش ياختي هههههه
بس خالي بالك لا تطيحي لان احنا وصلنا لمرحلة اللي تطيح .........
مازلنا متابعين الجمال الكارديفي

ايييي انا اصلا احب اروح افلام الرعب
بس علشان اضحك ههههه
رجعت الكويت ودخلت فيلم رعب ثاني نسيت اسمه

مره رحت فيلم رعب انا واختي وبنتي والله العظيم ان كنا نضحك على الفيلم والحركات اللي تصير فيه
الناس خايفه واحنا نضحك

ايييي الطيحة والله اخاف والعمر يحكم بعد هههه
اخاف اطيح وما اقوم
اسعدني ردج هني ومتابعه ممتعه

فيصلمعجبون بهذا.

توبليرون · 27-11-2017, 03:36 PM

الأربعاء 23 / أغسطس / 2017
كافيه Heaven

قعدنا مبجر وقعدنا البنات وبدلنا ونزلنا ننطرهم
الجوو بارد وقاعدين يوااعه ولازم تجربة المطاعم اللي بالشارع لانها تشوق
وهني بالاستقبال انطر البنات

وراي مدخل مطعم الفندق ...وهناك مخرج طوارئ... ويسار اخر الصورة مدخل اللوبي من الاصنصير اللي نيي منه من بره

ننزل من الاصنصير اللي عند الدرج هني

وهذا الممر نروح للباب اللي يطلع على الشارع

الشارع مفتوح لسيارات البلدية والبضايع ولهم الظاهر وقت محدد بعدين يرفعون الحواجز وما تظل أي سيارة

وطلعنا بالشارع وأول مطعم شفناه كافيه هيفن وقررنا نتريق فيه

شكله يشووف ومزحوم ولازم تطلب وبعدين يعطونك رقم تحطه على طاولتك ويوصلون الطلب لك

الناس قاعدين داخل واحنا قعدنا بره اكو احد يهد الجوو الحلوو ويقعد داخل

ورقم لأول الطلبات

ورقم الباجي

كاباتشينو لي

الجوو روعة

ووصلت اطباق الأومليت

البنات يطلبون وايت فلات وانا رديت على الكاباتشينو

والتوست المحمش مع الزبدة

الحمدلله على النعم
نعطيه 7 / 10 شوي محمشين البيض والتوست زيادة

وبالقرب منه محل رحلات سياحية

وتمشينا بالشارع الى آخره وشفنا القلعة

في حديقة خلفها بس مارحنا وعلى يمينها بعد محلات ومطاعم وكافيهات

اليمين جعلنا الله واياكم من أصحاب اليمين

آخر شارعنا ومقابل الباب للقلعه يوجد هذا المطعم الهندي اشك انه هندي من الترجمة للعربية احسه خليجي
بلاليط

كرك كاردف

ورجعنا لشارعنا

ومن شارع فرعي تبين هالكنيسة القديمة

ومن آخر يبين الملعب الأولمبي

علم كارديف مرفوع لكل الشارع .....
وشايفين الاعمدة عند سلة القمامة هذ الحواجز للسيارات

ومن السكيك اللي تودي لنفس طريقة الشارع ومنها للمول الموجود بعدين أقول لكم عنه

وهني بناخذ التكسي بنروح ..... وين

فيصل, طوق الياسمين, q8ya metnaqla و 5 آخرون معجبون بهذا.

توبليرون · 27-11-2017, 03:43 PM

CARDIFF BAY

قررنا بعد الريوق نروح كارديف باي واخذنا تاكسي من المواقف اللي يم الساعه هني

ورحنا واسفة ما اذكر كم اخذ التاكسي بس سعر مناسب
وعلامة التاكسي

ومن الطريج

تقريبا وصلنا

وهني وصلنا ونزلنا

المنطقة كلها مطاعم وكافيهات وقعدات حلوة

شي حلوو

هالبنات مجلبين يلعبون ما انتبهوا اني بصور ...قلت لهم ممكن اصور قالو يس وراحو يحليلهم بسرعه وخروا

وهني لازم افكت السناب

وتصوير للمنطقة

ذكرني اسم البار باسم ولدي قناص بس كتبته غلط بالسناب ههه مااشوف من الشمس

كان في سباق قوارب شراعية

شايفين الدرج الخشب هني كشك لرحلات بحرية وكان في ريال يبيع التذاكر وهو بره الكشك ويقول ان المركب بيمشي يلا تعالوو
وراح له بوحسين وقال له بكم قال له سعر قال بوحسين لا غالي هههه بيفاصل بوحسين
قال له يلا اعطيك 2 كبار و3 صغار وطلع سعر التذاكر كلها 15 باوند

وهني يتفاصل معاه بوحسين طلع حليو ويضحك

وصعدنا المركب كله كراسي امام وخلف

النورس بالافكت عطى منظر حلوو للصورة

وهني صور الكانون للجولة البحرية

خووش مكان للمبنى والبلكونات روعه

وهالكافيه حلوو

لقياس ارتفاع الماي

قارب شراعي

مركب ثاني

طفل باكستاني قاعدين اهله جدامنا ....تعرفون اللي يطلع جدامك بكل لقطة وامسح واصور مره ثانية

يتبع.....

فيصل, طوق الياسمين, ام زياد و 5 آخرون معجبون بهذا.

توبليرون · 27-11-2017, 03:43 PM

وهني رجع المركب

بيوت للناس الهاي من سياراتهم يبين

حلوو المبنى قديم

محطة وقود

ومل بوحسين وطلع يشوف زيونة

شوفو منو ياينا

من سناب غنومة

سامحوني على الصور الوايد بس ما حبيت اطوف شي

نتابع بالجزء الياي..

فيصل, طوق الياسمين, ام زياد و 5 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جولة في هايد بارك ( لندن ) .. Hyde Park	فريق التطوير	بوابة بريطانيا	16	05-06-2017 01:32 PM
قرية بريطانية للبيع	احمد الحربي	البوابة السياحية	24	02-05-2016 05:07 PM
السفر من دولة والرجوع من دولة اخرى	Sajamug	فيزا	8	21-12-2015 03:00 PM
رحلتي إلى بريطانية وبعض مناطقها	أميره	اوروبا	29	03-11-2015 11:42 PM