اسعد الله صباحك بكل خير

ماشاء الله بديت بالمجاكر هههههه

والله تفاصيل رائعه من يومك ببطن الوالده شاغلها في حياتها واشغلت ابوك

الله ماهوب كاتب لك جواز امريكي والا بتفلم بنا والا ماراح نعرفك

الله يحفظ لك والديك ويجعلك من البارين بهما ونحسبك كذالك ان شاء الله

سالفة الوقفه الترانزيت للتفتيش والله متعبه جد

مطار نيويورك كثير يسبه وحسب تجربتك اشوفه عادي

منطقة البحيرات جميله والفندق اللي ماقدرت تلاقي فيه غرف وشكله واطلالته ع البحيره كانه فيه شي من طبيعة اوروبا صح

منتظر بقية الروايه الجميله والمشوقه ياصديقي

للحديث والمتابعه بقيه

مستمتعين

ناطرين نياقرا فولز

.
.
.


صباح السعادة

للناس الطيبة ،،،



.
.
.






بعد غياب الشمس


ودّعنا البحيرة التي أسرت قلوبنا


ثم واصلنا المسير حيث مدينة فيكتور


والفندق التابع لمجموعة هامبتون الرائعة



.
.
.


الطريق زي ما ذكرت سابقا في حدود ساعة ...












وصلنا الفندق بحمد الله

















































رابط لموقع الفندق على بوكينق


https://www.booking.com/hotel/us/ham...or.en-gb.html?





الفندق جيد نسبيا

وكالعادة إجراءات الدخول سريعة جدا

شامل الفطور والإنترنت والكثير من الخدمات المعروفة


.
.

على مقربة من الفندق


الكثير من المطاعم العادية والسريعة


ومول حديث ع حد علمي وإسمه إيست فيو


تعشينا وعيننا من الله خير وعلى النوم ....









.
.
.












في الصباح ،

الفطور كالعادة ،

والهدف شلالات نياقرا ،

والتي تبعد قرابة ساعة ونص تقريبا
















وبما إن اليوم طويل ،


قررنا نطلع لمول إيست فيو القريب



Eastview Mall Rochester New York

















وننقسم إلى فريقين ،


فريق صبايا مختص بالتسوق والمطاعم وخلافه






















وفريق آخر من الشباب ، يطلعوا لأبل ستور وهو بصراحة الهدف الرئيس


















لإنه آيفون ولدي الله يصلحه محتاج شغلة معينة ولازم نسويها عن طريق المتجر


المتجر بطل بصراحة ، وخدمة زي العسل ، وفوقها مافي زحممة يالله لك الحمد ،

.
.
.
.


الشباب نسوا الوقت ، من متجر إلى متجر

لين ذكرونا الصبايا الله يسعدهم بإنه صارت الساعة 4 وإحنا ما طلعنا


.
.











توكلنا على الله

ودايركت على الشلالات


.
.




الجو كان بديع للغاية


والطريق كذلك ، يفتح النفس يالله لك الحمد


أمّا الشوق والتلهف لرؤية هذه الشلالات فهو بلا حدود


وهو أحد رغبات زوجتي الأساسية أثناء زيارتنا للولايات المتحدة الأمريكة


ولو تلاحظا كذلك ، إنه الطريق والخطّة تعدلت بسبب نياقرا فولز وكان بالإمكان


إنه نكمل رحلتنا إلى الجنوب من نيويورك مباشرة بدلا من التوجه شمالا


وخسارة بعض الوقت والأيام ، لكن الحقيقة التي شاهدتها على أرض الواقع


ان هذه المناطق ساحرة حد الثمالة وتستحق الكثير.

.
.
.







قهوتنا طبعا معانا طول الطريق

لإن النظام قبل ما نطلع نظبط القهوة القدوع ومستلزماته


.
.


ع فكرة

الشلالات بحد ذاتها

الجميع صورها وشافها

ولذلك ، كان عندي شغف إنه أشوفها بطريقة مختلفة

وكالعادة ، نستفيد من التجارب الموجودة في الموقع المميز ترب أدفايزر

وبعد الكثير من المراجعات ، حبيت فعاليتين من مجموعة كبيرة من الفعاليات







أول خيار كان هذه الفعالية














حسيتها تعطيك إحساس أكبر وشعور عجيب

خصوصا إنه راح نكون تحت مصب الشلالات مباااااشرة

وكنت أقول كذلك ، إن سعرها جذّاب جدا ( حدود 20 دولار للشخص فقط )





.
.




أما الفعالية الثانية فهي :














وهذي كالعادة ، تجربة من طراز مختلف

أما أسعارها فهي بصراحة ، بلاااااااااااااااااااااااااااش

واللي يعرف أسعار رحلات الهيلوكوبتر في المدن السياحية

راح يشوف إنه السعر هنا ، بنصف بل ربما بربع القيمة الموجودة في منطقة أخرى

.
.





وصلنا بحمد الله ...

والشيخ قوقل ماب ما قصّر


ولما قربت ، حصلت الكثير من المواقف العامة

لكنّي إخترت هذا الموقف ، وهذي إحداثياته للي حاب


رابط إحداثيات مواقف شلالات نياقرا

وسعر السيارة يوم كامل ب 20 دولار فقط ،،،

















.
.
.

الجو كان هتان والمطر يتساقط بين فترة وأخرى

خفت بصراحة إنه الأمور تتعقد وتكون الفعالية غير متوفرة

فضلا إنه المفترض أحدزها بشكل بدري لكن قلت راح أسويها على عيني


.
.


وقفنا السيارة ونزلنا بإتجاه الشلالات


ويالله لك الحمد


أول ما قابلنا كشك فعالية ميد أوف ذي ميست


والأسعار كما في الصورة - بلااااااااش -

.
.
.








* أعتذر عن رداءة بعض الصور ، لإنها مأخوذة من السناب *







أخذنا التذاكر ، وتوكلنا على الله إلى المصعد اللي ينزلك تحت

















التظيم أكثر من رائع ، وكل فترة يدخلون قروب مع بعض


لحسن حظنا ، إخترنا مكان ممتاز في مقدمة السفينة


والقروب اللي معانا مخلط ، لكنهم مرحين جدا ونكتة


- بطبعي أدخل مع الناس ، ضحك ومزح وتعارف وهكذا -


.
.
.


طبعا ، زي ما ذكرت لكم ، الأجواء تمطر خفيف ،


لكن بمجرد نزولنا تحت وإقترابنا من مصب الشلالات


زادت الأمور علينا ويعلم الله إنه التصوير كان صعب


لكن الله يخلي الجوالات الحديثة اللي ما تتأثر بالماء كثير


لدرجة إن الصوت في آخر الفيديوهات ، راح ، لكن الصور تمام




شوفي شكلي وأنا لابس وأصور







.
.





بدأنا الفعالية ،،،



شعور جميل وبديع لا يمكن أن تصفه بضع كلمات


تخيل نفسك وأنت تسمع عن أحد عجائب هذا العالم


وتتخيل عظمة خلق الله سبحانه وتعالى


تشاهد هذا التنظيم الرائع والترتيب المميز


والأهتمام الكبير بالسياح وتهئية جميع المرافق لهم



هنا ، تختلط كل المشاعر ،


أما زوجتي وأطفالي ،


فكل واحد عايش متعة بطريقة مختلفة جدا


زوجتي وبعد ما طافت معي بعض أرجاء هذا العالم


تقف أخيرا على بضع خطوات من مصبات شلالات نياقرا العظيمة














أما الأولاد ، مبسوطين بالشلالات ،


وقبلها ، المطر ولا شيء غير المطر


يعني بالعامي العيال اللي يصلحهم ، يلعبون لعبة عجيبة جدا


نتيجتها ، مافي ولا حتة من ملابسهم ما غرقت بالماء


طبعا ، معانا تغييرات ، تحسبا لهيك ضروف


لكني ما خبرت زوجتي وخليتها تستمتع بالفعالية لين خلصت


وبعدها شوط عظيم من الكلام والهوش على العيال


.
.
.







هذه الفعالية تحديدا ،

من أولها لين آخرها ، نزلتها على قناتي في يوتيوب

ولذلك ، لو حاب تعيشها كما عشتها بإمكانك مشاهدة هذه الفيديو
















.
.
.
.













إنتهت الفعالية

.

.

ولم ينته الحديث عن الشلالات ولا عنها


.
.


المقارنة بين الإطلالة من الجانب الكندي والأمريكي


لا ينتهي ، مع الأصحاب والأصدقاء وبعض المتابعين


.
.

أما الخلاصة من وجهة نظري ،


فهذه الفعالية ، أو فعالية الهيلوكوبتر ، تمنحك أعظم شعور


البعض أخبرني كذلك أن الأجواء المشمسة أمتع


ربما ، لكني بصراحة حبيت كل شيء فيها


حتى الجو ، لإنني من عشاقه


.
.

المهم

.
.


طلعنا فوق بإستخدام المصعد كما تعلمون







المنظر من الأعلى جميل كذلك ،


والفنادق الموجودة في الجزء الكندي أفضل بكثير من تلك الموجودة هنا


.
.

تمشينا في الحديقة الموجودة بجانب الشلالات


وتعرفنا أكثر على المكان


يستاهل على الأقل


نصف يوم



.
.


على السيارة


غيرنا بعض الملابس


والنيّة طبعا ، التفكير في إشباع جوعنا


نسينا كل شيء مع الفعالية ، ولما خلصنا منها تذكرنا الأكل والمطعم ...




.
.



الخيار ، كان مميزا جدا جدا جدا


على الأقل من وجهة نظرنا


خيار من أحد الأقارب


وهو يكمل دراسته في كندا

.
.

يقول لي دامك هنا

.
.

لا تفوت هذا المطعم

.
.












http://www.olivegarden.com/home




خيار ممتاز جدا ، سعره معقول


وكان أحد أهم الخيارات في معظم المدن اللي نزورها


مع الحبيب واللبب تشيز كيك فاكتوري الخيار الأول لزوجتي


.
.
.





لم نقم بتجربة فعالية الهيلوكوبتر كما تشاهدون


ولم أقم بالبحث عنها ،


ربما أن الفعالية التي جربتها أشبعتني


لكن الأكيد



أن الوقت أزف


وخلصناها قبيل المغرب


ولذلك ، فضلّنا أن نقوم بالعشاء


ثم التوجه إلى وول مارت الموجود بالقرب من المطعم


وبعدها التوجه إلى فندق طيب للراحة والنوم بعد يوم حافل وجميل ...




.
.







وكالعادة ،



عضوية الهيلتون تقوم باللازم


مجموعة خيارات طيبة أخترنا أحدها


كان في طريقنا إلى الفعالية التي ذكرها لنا الأخ الإماراتي ....


.
.
.


وميزته يبعد نصف ساعة تقريبا عن المطعم

.
.

و 40 دقيقة عن الشلالات
.
.

.
.









الفندق من الخيارات الرااااااااااااائعة جدا



الفندق جديد جدا ،



والمرافق حديثة كذلك



بعض الصور المتفرقة















































































































إجراءات التسجيل والدخول كالعادة سريعة جدا


خصوصا إذا كنت حاجز من التطبيق


وزي ما قلت لكم


الحجز كان وأنا في المطعم


نمنا وريحنا


ولإن الفندق جديد حبيت نحلل الفعاليات اللي فيه


وطلبت من الإستقبال ليت تشيك آوت ، قال لي لك إلى 3


قلت لا ـ حدي 2



.
.

في الصباح أفطرت بدري


مارست بعض الرياضة


ذهبت إلى وول مارت


وإشتريت زي هالشغلات













لإن عيالي من أفطروا معاي


وهم حابين يجربون المسبح الجديد


وفعلا مافيه إلا أنا وإياهم في المسبح


أخذنا راحتنا وإنبسطنا يالله لك الحمد ،


أما زوجتي فكانت مشغولة بترتيب بعض الأغراض


وتجهيز القهوة والقدوع وفلة الحجاج للطريق



ع فكرة ،


رابط الفندق


هنا للي حاب




Hampton Inn Buffalo-Hamburg, NY Hotel













.
.




أرجو أن يحوز هذا الجزء على رضاكم


لنا عودة بإذن الله


دمتم كما أحبكم

ماشاء الله ويعطيك العافية

الله على نياجرا فولز شي ماراح تشوفه في اي مكان بالعالم
حنا طلعنا من نيويورك على الدلتا 8 الصباح و رجعنا 10 المسا بحوالي 120 دولار

انا صراحة خذت الصنادل التذكارية اللي مع دخول الفيري جبتها معاي البحرين

ما شاء الله عليكم
توقعاتكم تذكرون الصبايا طلعتم اكثر منهن شغف بالتسوق
فعاليات والله سعرها بلاش
اهم شي القدوع

بالعافيه عليكم المتعه والجولات
البحيره مكانها روعه والصور ابدااااع ماشاءالله عليك
اما التسوق لابد منه وتنسى نفسك هههه
يعني وصولكم للشلالات صار على المغارب ؟
الفيديو عيشنا الجو ماشاءالله والصينين بكل مكان
صورة المطعم اللي تعشيتوا فيه ما افتحت معاي
والفعاليه اللي قالك عنها االاخ الاماراتي ما عرفناها

واما متعه السباحه مع العيال شي ضروري لمتعه العايله والتقارب الاسري
والله يخلي ام غسان مضبطه الشغل وتستاهل على هالشي التسوق كل يوم

جميل ياصديقي هذا الجزء
وبالخطه القادمه راح اتجه بنفس خط سيرك
المطعم مايحتاج من افضل المطاعم
وخصوصا انك تقدر في حال انتهت سلطت السيزر تقدر تاخذ مره وثنتين والى ماله نهايه

متابع لبقية ابداعك

أرسلت من SM-G925I بإستخدام تاباتلك