X سُعداء بتواجدكم بيننا ونتمنى لكم قضاء وقت ممتع ،نأمل منكم زيارة صفحة شروط الإستخدام ،تفضلوا مشكورين بالتسجيل لإثراء الجميع بخبراتكم السياحية
Loading...







عدد المعجبين77الاعجاب
إضافة رد
 
LinkBack أدوات الموضوع إبحث في الموضوع انواع عرض الموضوع
قديم 14-11-2017, 11:57 PM   #1

مشرفة النمسا

 
 
تاريخ التسجيل :  Dec 2014
رقم العضوية : 838
الدولة : الإمارات العربية المتحدة ( دار الحي )
الجنس : انثى
المشاركات : 2,610



أوسـمـة: هاوية الاسفار

كل الاوسمة:1 (more»)
افتراضي فندق هيلتون العين 2017

السلام عليكم و رحمة الله و بركاته

في هذه الفتره كثرت زياراتي لمدينة العين و السبب هو مراجعات لولدي الصغير في احدى

المستشفيات فالله يحفظ ابنائي و يبعد عنهم كل سو ء دعواتكم

بعض المرات كنا نطلع من دبي وقت الظهيره و نخلص الموعد و نرجع المغرب

لكن طبعا تعب كبير علينا نسير و نرجع نفس اليوم و اذا عندنا تحاليل لازم قبل الساعه

10 صباحا نسوي التحليل فنضطر احيانا نطلع الساعه 7 و نص و مرات كنا نسير قبل

الموعد بيوم و نبات في احدى الفنادق

هاليوم كان موعدنا في الصيف قبل عيد الاضحى و زوجي مسافر فاضطريت آخذ ولد اختي

وبنت اختي و انا اسوق السياره بس بصراحه تعب لانه الدرب تقريبا ساعه و نص الى ساعتين

صلينا الظهر و تحركنا تقريبا الساعة 1 و نص







طبعا كنت مفولة السيارة بترول عشان ما اضطر اوقف عند المحطة مع انه الجمهور

اللي ويايه من تحركنا و هم يقولون ودينا المحطة و انا اقوللهم بوديكم المطعم تتغدون

وصلنا مدينة العين




وصلنا قريب من الفندق و الا الشارع ما يبين عدل الجو مغبر و خفت بصراحه

لاني مواعده اليهال يتسبحون في الحوض و اخاف من الهوا و الغبار يمرضهم








وصلنا الفندق و أول ما دخلت اللوبي هذي كانت ردة فعلي

الريسيبشن ما يبشر بالخير قلتلهم ممكن اشوف الغرفة و طلعت شفتها مجابله

مواقف السيارات و قلتلهم انا حاجزه مجابل الحوض و رجعت الاستقبال قلت ما ابغي هالغرفة

حجزي كان غرفتين قالوا الغرفة الثانية بتتنظف مب جاهزه قلت خلاص بسير اتغدا و ارجع

قالوا عندنا مطعم قلت مشكورين بطلع برع و الجماعه في السياره مقررين يبغون جست

برغر و انا من اسمع طاري البرجر اتنرفز لانه خلاص لاعت جبدي من مطاعم البرجر

طلعنا و اتجهنا الى المطعم





و هذا مسجد الشيخ خليفه بن زايد الله يحفظه و يطول بعمره




وصلنا المطعم و كان فاضي و الناس كلهم يطلبون سفري احنا قلنا بندخل يواعه

ما نقدر نتحمل اكثر





المطعم داخل فاضي اخترنا نقعد فوق








و هذا في السقف





و هذي طلباتنا








و طلبنا عصاير من المحل اللي لاصق في المطعم





الحمدلله شبعنا و انطلقنا للفندق




 

هاوية الاسفار غير متواجد حالياً   رد مع اقتباس
قديم 15-11-2017, 12:21 AM   #2

مشرفة النمسا

 
 
تاريخ التسجيل :  Dec 2014
رقم العضوية : 838
الدولة : الإمارات العربية المتحدة ( دار الحي )
الجنس : انثى
المشاركات : 2,610



أوسـمـة: هاوية الاسفار

كل الاوسمة:1 (more»)
افتراضي

قعدت أسألهم من متى هالفندق موجود قالوا هذا اول فندق في الدولة

من سنة 1971 و هي سنة قيام الاتحاد يعني الحين كمل 46 سنه ما شاء الله عليه

عطيناهم هوياتنا و لازم هويات 4 بالغين لانه زوجي مب ويانا

نشوف وياكم الفندق و الغرف































هذا المسبح من غرفتنا








صلينا و نزلنا متوجهين للحوض

طبعا عيالي نزلوا قبلي ويا بنت اختي و انا بعدني بصور ويا ولد اختي مب راضي

ينزل و انا يايبتنه يفزع لي ويا عيالي













 

هاوية الاسفار غير متواجد حالياً   رد مع اقتباس
قديم 15-11-2017, 12:46 AM   #3

مشرفة النمسا

 
 
تاريخ التسجيل :  Dec 2014
رقم العضوية : 838
الدولة : الإمارات العربية المتحدة ( دار الحي )
الجنس : انثى
المشاركات : 2,610



أوسـمـة: هاوية الاسفار

كل الاوسمة:1 (more»)
افتراضي

نكمل غدا بمشيئة الله

 

هاوية الاسفار غير متواجد حالياً   رد مع اقتباس
قديم 15-11-2017, 12:53 AM   #4

مشرفة مركز المعلومات

الصورة الرمزية السفيرة *ب*
 
تاريخ التسجيل :  Feb 2015
رقم العضوية : 1728
الدولة : الإمارات الحبيبة
الجنس : انثى
المشاركات : 3,007



أوسـمـة: السفيرة *ب*

كل الاوسمة:2 (more»)
افتراضي

بارك الله فيك وبجهودك الطيبة أختي الغالية هاوية الاسفار

والله يشفي عيالك شفاءً لا يغادر سقماً ويبلغك فيهم يا رب العالمين

تجربة رائعة والغرفة واسعة ونظيفة ما شاء الله

ننتظر التكملة غداً بإن الواحد الأحد

وحفظك الله وأسعدك ورعاك

 

توقيع : السفيرة *ب*


السفيرة *ب* متواجد حالياً   رد مع اقتباس
قديم 15-11-2017, 01:06 PM   #5

مشرفة النمسا

 
 
تاريخ التسجيل :  Dec 2014
رقم العضوية : 838
الدولة : الإمارات العربية المتحدة ( دار الحي )
الجنس : انثى
المشاركات : 2,610



أوسـمـة: هاوية الاسفار

كل الاوسمة:1 (more»)
افتراضي


بارك الله فيك وبجهودك الطيبة أختي الغالية هاوية الاسفار

والله يشفي عيالك شفاءً لا يغادر سقماً ويبلغك فيهم يا رب العالمين

تجربة رائعة والغرفة واسعة ونظيفة ما شاء الله

ننتظر التكملة غداً بإن الواحد الأحد

وحفظك الله وأسعدك ورعاك
آمين يا رب العالمين و يحفظ عيالج
الحمدلله بالرغم من قدم الفندق لكن الغرف نظيفة جدا
شكرا للمتابعه

 

هاوية الاسفار غير متواجد حالياً   رد مع اقتباس
قديم 15-11-2017, 01:31 PM   #6

مشرفة النمسا

 
 
تاريخ التسجيل :  Dec 2014
رقم العضوية : 838
الدولة : الإمارات العربية المتحدة ( دار الحي )
الجنس : انثى
المشاركات : 2,610



أوسـمـة: هاوية الاسفار

كل الاوسمة:1 (more»)
افتراضي

و رجعنالكم مره ثانيه و نكمل الذهاب للمسبح



هذا مسبح للكبار و ممنوع اللي اقل من 15 سنه يدخله




و هذا المسبح للجميع و فيه زحليقه و هي سبب اختياري للفندق




حديقة صغيره للاطفال








مطعم








و هذا الحوض ولد اختي دخل يسبح فيه لانه عمره 15 و عيالي غصب يبغون

يسبحون فيه و طبعا ممنوع





هذي المطاعم الموجوده في الفندق تقريبا 3 مطاعم














و هذا كوفي شوب يفتح بعد الساعه 7








صلينا المغرب و عقبها طلعنا و اول مكان اسير له محلات الخاجه للعطارة





عندهم كل انواع الاعشاب و الادوية و الكريمات و البهارات و كل شيء مثل ما تشوفون

مرتب و منظم و بعدها توجهنا لبوادي مول






تمشينا شوي و عقب قلنا بنتعشى حصلنا مطعم شهريار الايراني




دورنا مطاعم ثانية و رجعنا لشهريار لانه الشكل يوحي بانه اكلهم لذيذ





 

هاوية الاسفار غير متواجد حالياً   رد مع اقتباس
قديم 15-11-2017, 01:42 PM   #7

مراقبه عامه

الصورة الرمزية توبليرون
 
تاريخ التسجيل :  Dec 2014
رقم العضوية : 26
الدولة : حبي الكويت
الجنس : انثى
المشاركات : 20,297



أوسـمـة: توبليرون

كل الاوسمة:3 (more»)
افتراضي

اللهم شفاءً لا يغادر سقماً للسلطان
ويبعد عنكم الامراض يعطيج العافيه على السياقة بالدرب
الجو المغبر مو زين للتنفس مع الرياضة والسباحة
الغرفة حلوة وماشاءالله مهتمين فيه بعد شركة عالمية لازم السنع
اختيار حلوو
والغدا حلوو ليش ما تحبين البورغر لذييذ بالعافية عليكم


حلوة المسابح للعيال واوووه اذا واحد صار يسبح بكبير والصغير يبي
والممنوع ما يخليه

مرة جذيه بمنتزه الخيران كانو الكبار يسبحون بالصوب العميق
وابوزيونة كان صغير ويبجي الا بيطب معاهم والمنقد مانعه ويبجي وهذاك ولا بالبال
قلت له خله يجرب قال على مسؤليتج
والله وجرب وما اشوفه الا ينزل تحت ويغرق الا شوي اشوه ان ولد حماتي يمه رفعه بنفس اللحظة
والمنقذ ما كان صوبنا والا جان تشمت فيني ههههه
قلت له شفت خلاص روح هناك وراح معاه ولد حماتي اشوة

الطفل حتى لو يعرف يسبح خطر عليه
السوق حلو والعطار شكله مرتب ونظيف
ننتظر المطعم والعشا

ومنتظرين البقية
تقاريرج اتونس وايد

 

توقيع : توبليرون

لا أكتب الا في العرب المسافرون
اختكم : ام حسين


التعديل الأخير تم بواسطة توبليرون ; 15-11-2017 الساعة 02:10 PM
توبليرون متواجد حالياً   رد مع اقتباس
قديم 15-11-2017, 02:01 PM   #8

مشرفة النمسا

 
 
تاريخ التسجيل :  Dec 2014
رقم العضوية : 838
الدولة : الإمارات العربية المتحدة ( دار الحي )
الجنس : انثى
المشاركات : 2,610



أوسـمـة: هاوية الاسفار

كل الاوسمة:1 (more»)
افتراضي

عندهم كباين و هذا المطلوب













و نشوف المنيو






الصور بروحها تشهي











العصاير و الحلويات





و هذا الحاجز بين الكباين يعني ما نقدر ناخذ راحتنا وايد في السوالف





ضيافة المطاعم الايرانيه معروفه خضرة مع جبن أبيض و خبز تنور حار




بس هالمرة كان وياهم مخللات لذيذه جدا





و نقول بسم الله وصلت الطلبات صحن مقبلات مشكلة


كباب دجاج بدون عيش ( رز )


كباب لحم مع عيش بالرمان





كباب لحم مع عيش ساده





و اخيرا للتحلية لااااااابد من الفالوده الايرانيه





و الحمدلله الاكل كان لذيذ جدا و يستحق التجربة مره ثانيه



و الفاتوره سعرها كان مناسب جدا جدا و يعتبر المطعم رخيص

و نسيت اخبركم ولد اختي ما رضى يطلع ويانا و قعد في الفندق










طلعنا من المول و هذا السهم باتجاه جبل حفيت





رجعنا الفندق و طول الوقت احاتي ولد اختي و طبعا خذنا الباقي من العشا ويانا

و يوم وصلنا اشوفه ما شاء الله عليه طالب برجر ما يتعطلون الشباب

بس ريحة الغرفه كانت سجاير كانه حد مدخن في الغرفة و كلمت الريسيبشن

و على طول يابوا المعطر قلت ما ابغي معطر انا طالبه مكان ما فيه تدخين

بس الظاهر الريحه تدخل من المكيف و بصراحه شكيت في ولد اختي

بس دخلت الحمام و ما كان فيه اي ريحه الريحه بس في الغرفة

و هاي اطلالة المسبح الليليه







كان في موسيقى و صدعه اعتقد من البار الموجود على المسبح

و خلص يومنا على خير

 

هاوية الاسفار غير متواجد حالياً   رد مع اقتباس
قديم 15-11-2017, 02:08 PM   #9

مشرفة النمسا

 
 
تاريخ التسجيل :  Dec 2014
رقم العضوية : 838
الدولة : الإمارات العربية المتحدة ( دار الحي )
الجنس : انثى
المشاركات : 2,610



أوسـمـة: هاوية الاسفار

كل الاوسمة:1 (more»)
افتراضي


اللهم شفاءً لا يغادر سقماً للسلطان
ويبعد عنكم الامراض يعطيج العافيه على السياقة بالدرب
الجو المغبر مو زين للتنفس مع الرياضة والسباحة
الغرفة حلوة وماشاءالله مهتمين فيه بعد شركة عالمية لازم السنع
اختيار حلوو
والغدا حلوو ليش ما تحبين البورغر لذييذ بالعافية عليكم
ومنتظرين البقية
تقاريرج اتونس وايد
آمين
الحمدلله ما كان وايد غبار عند الحوض بس هوا خفيف
و الشارع من دبي لين العين كله سيده ما فيه يمين و يسار و هذا الحلو في شوارعنا
الحمدلله الغرف نظيفة وايد و البرجر ما احبه كله دهون عاد كنت بوديهم مطعم راقي
بس ما رضوا
تسلمين

 

هاوية الاسفار غير متواجد حالياً   رد مع اقتباس
قديم 15-11-2017, 02:39 PM   #10

مشرفة النمسا

 
 
تاريخ التسجيل :  Dec 2014
رقم العضوية : 838
الدولة : الإمارات العربية المتحدة ( دار الحي )
الجنس : انثى
المشاركات : 2,610



أوسـمـة: هاوية الاسفار

كل الاوسمة:1 (more»)
افتراضي

قمنا الصبح و لازم نتريق في الفندق و هذا اهم اختيار عندي يوم احجز فندق

في البلاد طبعا مب خارج البلاد



و نشوف البوفيه








ما شاء الله متنوع و فيه كل ما لذ و طاب



العصاير










الاجبان و اللحوم البارده









البيض




و هذا اختيارنا




طلبت شاي حليب و الا اشوفه يايب الغوري و حاط 7 اكياس شاي
قلت بل بيذبحنا بس يوم شربته فعلا كان لذيذ




كان في لاعبين لنادي المحرق البحريني الظاهر عندهم مباراه و المطعم ما شاء

الله كله من البحرين
الحمدلله تريقنا من الريوق الحلو و انطلقنا الى المسبح بعد لازم في الدخله و الطلعه

طبعا لازم كل مره نتأخر في الخروج و نسألهم قبل لين متى نقدر نقعد

يقولون عندكم ساعة او ساعتين زياده

و طلعنا الساعة وحده و نص

نسيت اصور كان في مصحف بس ما لقيت سجادة صلاه





و سرنا المستشفى و قعدنا تقريبا ساعه و نص و عقبها انطلقنا ندور مطعم

و صديقنا القوقل دلانا على برياني بوت






احب الصحون السوده احس فيهم فخامة




و هاي طلباتنا سمبوسة خضار جيكن بتر برياني دياي








و دجاج بدون عظم نسيت اسمه و عصاير ليمون بالنعناع




و الحلو راس مالاي ( الابيض ) و جلاب جامون ( البني ) متروووس شيره





طبعا برياني بوت غني عن التعريف و اكلهم لذيذ الحمدلله خلصنا و انطلقنا

عائدين الى ديارنا

لكن الجو يصيح و يقول خلوكم في العين






الدنيا مغيمه بس ما صادفنا المطر






و سمعنا بعدين انه نزل مطر خفيف عندهم

الحمدلله وصلنا بالسلامه و كانت تجربة السواقة متعبه و ما افكر اعيدها مره ثانيه

و ان شاء الله زياراتنا عجبتكم و انتظروني في فنادق أخرى في مدينة العين

دمتم بود




 

هاوية الاسفار غير متواجد حالياً   رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
الغرف الديلوكس في فندق هيلتون رمسيس القاهرة تونسية متنقلة بوابة مصر 17 10-09-2018 01:10 PM
تجربتى فى فندق رمسيس هيلتون الراحل بوابة مصر 14 28-05-2018 01:21 AM
فندق هيلتون طرابزون waleed700 تركيا 10 15-04-2017 10:07 AM

الساعة الآن 03:39 AM
Powered by vBulletin® Copyright ©2000 - 2019, Jelsoft Enterprises Ltd.
Search Engine Friendly URLs by vBSEO