هااااام يا حبايب بخصوص استئجار سيارة يا أصخاب الخبرة

رائد بومريم · 30-12-2017, 07:27 PM

اكرر واقول

ابتعد عن القياده في اسطنبول

تجربة القياده ممتعه لكن في اسطنبول مرعبه

اذا كنت بتروح بورصه او صبانجا انا اقولك لاتروح الا بسياره

لماذا لاننصحك بالقياده في اسطنبول ؟؟

من الواضح انك رحت اسطنبول من قبل

انت شفت الزحمه؟؟

زحمة لدرجة ان الحركه متوقفه او شبه متوقفه خصوصا مع ضيق الشوارع عند السلطان احمد وتقسيم وحتى شيشلي

ماتفك الزحمه الا من الساعه 8:30 فالليل

بقولك موقف صارلي ( ادري طولت عليك .. تحملني شوي )

قلت لراعي التاكسي ابغى اروح المطار الساعه 7 المغرب
قالي متى رحلتك؟؟
قلت له الساعه 1 فالليل بس ابغى اروح بدري لاني ابغى اتمشى هناك جنب المطار فيه محلات
(اقصد مطار صبيحه)
قالي بجيك على الساعه 10 فالليل
قلت له ليه؟؟
قال اذا طلعنا الساعه 7 المغرب بنوصل مطار صبيحه الساعه 11 فالليل
واذا طلعنا الساعه 10 فالليل بنوصل الساعه 11 فالليل
انت بتوصل على الساعه 11 في كلا الحالتين بس لانه الساعه 7 مابعد تفك الزحمه فبنتاخر وبيحسب عليك العداد اكثر

وفعلا طلعت الساعه 9 تقريبا وكانت الزحمه قد خفت كثير ومشت الشوارع

فيه شغله ثانيه ومهمه
شوارع اسطنبول فيها مرتفعات تروع
انا كنت ماخذ قير عادي بس عشان انزل الشنط في الفندق وبعدها برجع السياره لاني كنت جاي من صبانجا

تخيل مع ذا الزحمه وكل سياره لاصقه في السياره اللي قدامها واللي وراها وعندك قير عادي وانت على شارع مرتفع ... يعني اذا تترك البريك بتصدم في اللي وراك ... يعني لازم تقوم السياره بسرعه ولاتخليه ترجع ولا سانتيمتر واحد ( الا اذا بتاخذ قير اوتوماتيك هذا شي ثاني)

اسف على الاطاله

بس المترو افضل خيار في اسطنبول

مخاوي البر, بوصلووح, alostaaz و 2 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بخصوص استئجار سيارة بطرابزون	قلم رصاص	بوابة تركيا	33	19-08-2018 11:14 PM
أسعدكم الله سؤال بخصوص استئجار سيارة	أبو أسامة	تركيا	8	12-03-2016 05:42 AM
إستفسارات من أصحاب الخبرة قبل التقديم لتأشيرة السياحة لأمريكا	hamdy79x	فيزا امريكا	20	31-01-2016 01:42 PM
استفسار بخصوص استئجار سيارة في ميلانو	مقدام	بوابة ايطاليا	0	28-07-2015 09:20 PM
استشارة بخصوص استئجار سيارة	أبو أسامة	تركيا	12	11-04-2015 10:11 PM