سـكــة سفــر فيهـا مشـاويـر العمــر ( امـريكــا ديسمبــر 2017 ) - الصفحة 30

q8ya metnaqla · 20-03-2018, 01:26 PM

عــدنــــا اليكــــــــم مـــــن جـــــديـــــد

عقب بيت عمي علي امس رديت المنتجع و زهبت عمري حق السفره ..

الاتجــــــاه بـــاذن اللــــه الـــى

ميــــــــــــــــامــــــــــــــــي

وتعنــــــــي مــــدينـــــــة الــسـحــــــــــر

واهي اكبر مدينه تقع جنوب شرق ولاية فلوريدا و ثاني اكبر مدينة في فلوريدا بعد جاكسون فيل ..

و هي مدينة رائده في التجارة والاقتصاد و الثقافه والترفيه و التعليم و في عام 2008 قامت مجلة فوربس بتصنيفها كأنظم امريكية ..

معدلات درجات الحرارة في ميامي

و في عام 2009 نشر ال UBS ان ميامي هي اغنى مدينة امريكية ..

اللغه في ميامي 67 % يتكلمون الاسبانية و 25% يتكلمون الانجليزية والبقية عربي و وفرنسي و ايطالي والخ...

اصبحنـــا و اصبحــح الملك للـــه

اليـــوم : الاحد - اليوم 11 من الرحلة

2017/12/10

قعدت وضبطت اموري و شيكت على موتري و لا اشوف علامة التواير طالعه و في تايرين يبيلهم ضغط ولين كلش مو وقتكم و اكلم الشركة واشوه في واحد يمي بيني وبينهم 5 دقايق ..

رحت الشركة و يشوفون التواير ولا تقول عادي التواير من البروده يصير فيهم مثل انكماش مع المشي و ارتفاع الحراره راح يرتفع ضغطهم ..

عاد انا قلت اكيد و راي سفر 4 ساعات مو اتوهق والله اخليج انتي تيين تاخذيني قالت اكيد ما فيهم شي ..

توكلت على الله و رحت اعبي الموتر و اتريق و بعدين امشي ..

الحرارة في اورلاندو

عبيت الموتر ب 30 دولار

و الى الريوق في ماكدونالدز

الطلب من الجهاز الكتروني و بعدين يوصلك على الطاولة

وصل الـريــوق

و توكلت على ومسكت الخط الى ميـــــــــامـــــي

من اورلاندو الى ميامي 4 ساعات و ربع

عــاد اليــوم المــزاج بو اصيل الله يرحمه
ذيج المره كانت ذكرى و حطيت بالغلط بو اصيل ..

فيديو من الطريج مع بواصيل ..

https://

فيديو 2

https://

فيديو 3

https://

واخذ خط الsun pass السريع من غير ما اوقف عند محطات الدفع للطرق هذا يحسب اوتوماتيكي ..

اهني نسيت اخذ خط اليسار و دخلت مع الزحمه و خط اليسار ماشي و من غير زحمه ..

يا هلا يا هلا في ميامي بيتش

ووصلت فندقي في ميامي ديلانو Delano في اهم شارع في ميامي بيتش كــــولـــن ..

رحت للمواقف ولا يقولي الموقف 60 دولار لليوم قلت لا ما ابي وين مواقف غيركم قال البلوك الثاني شارع 16 ..

يوم الاحد و الويك اند عموما ميامي زحمة مو طبيعية انا قلت اروحح الاحد عشان تخف بس كانت خيال والله ما ابالغ ان قلت عقب ساعه و شوي حصلت موقف ..

اللي حصلتهم اليوم ب 25 دولار ..

وقفتها و نزلت سحبت الجنطة الى الفندق يعني يبعد الموقف عن فندقي مشي تقريبا 10-12 دقيقه ..

وسويت الجيك ان

اسم الفندق : Delano south beach

الموقع الالكتروني :

https://www.morganshotelgroup.com/delano/delano-south-beach?utm_source=Google%20My%20Business&utm_medium =Website%20Button&utm_campaign=South%20Beach

5 نجوم

من 2017/12/10 الى 2017/1213

لمدة 3 ليالي

السعر 265 دينار = 880 دولار شامل الريوق والضريبه

تم الحجز من موقع hotels.com

و ندخل الى الغرفه

هالزاويه وايد حابتها

غرفتي تطل على شارع كـــولـــن اللي عالبحر اغلى ..

غرقة التبديل و الكبت

الحمام عزكم الله

الثلاجة

ونزلت استكشف الفندق

اهني حسيت اني امشي في مسرح
على يمينكم و يساركم قعدات

يتبـــــــــع

مقدام, الايمان, توبليرون و 6 آخرون معجبون بهذا.

آخر مواضيع q8ya metnaqla

- مركاز العرب المسافرون 11
- إندونيسيا استفسارات
- شبه الجـــزيـــرة الايبيـــريـــة ( اسبـــــانيــــا ) 2023
- هنــــا شبــــه الجــــزيــرة الايبيــــريـــة ( البــــرتغـــــال ) 2023
- ريوقنا في the orangery

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

التعديل الأخير تم بواسطة q8ya metnaqla ; 04-08-2018 الساعة 02:02 PM

الريس · 20-03-2018, 01:53 PM

واضح ان بنعيش لحظات حلوه مع ميامي

الله يعطيك العافية

متابع معاك

توبليرون, فيصل, الايمان و 1 آخرون معجبون بهذا.

واثقة بالله · 20-03-2018, 05:48 PM

شكرا ....شكرا .....شكرا
على مشاركتنا لك لحظاتك الجميلة..... جعلها دووم يااارب
وشكرا على كم المعلومات اللي زودتينا فيها

التمشي في شوارع امريكا ( بالسيارة طبعا ) متعة بحد ذاتها
شراحة وسعة وخدمات وحدائق ومطاعم ......وشواطئ آآآسرة
دمت بحفظ المولى بحلك وترحالك

توبليرون, ام زياد, فيصل و 2 آخرون معجبون بهذا.

توبليرون · 20-03-2018, 10:30 PM

اشوه ان طمنوج على التواير
الشارع واصيل عيشتينا الجوو
واما الغرفه لا تقولين مو حلوه
اشوفها شرحه وسيعه وحلووه مع اشعه الشمس واللون الابيض روعه
ومتابعين معاج يا عسل وبنشوف جولات ميامي

فيصل, الايمان, قطرية كول و 1 آخرون معجبون بهذا.

ام زياد · 21-03-2018, 12:20 AM

اقتباس : المشاركة الأصلية كتبت بواسطة q8ya metnaqla

اي ام زياد الحمدلله قدرت ازور اماكن كنت اتمنى ازورها في يوم من الايام و زرتها ربي لك الحمد [emoji1431]
ههههه اي مقبرتهم بعد احسها بالليل تخوف اكثر
شفتي الله ستر و الله كلش مو مبين إنهم اجازه بس الحمدلله حصلت احد يفتحه لي [emoji1431]
وايد حلوه الرفقه و خصوصا اذا كانت نفس الميول
المكتبه ابدااااع والله ما كان ودي اطلع منها تصميمها بروحه يبيله تفكير اي والله للاسف صعبه نلاقي جذي في دولنا
لان راح يوفر علي وايد من مصرف و اني اقدر أغطي اكبر عدد ممكن من الاماكن من جذي اقول للكل اذا اول مره تزور المدينه اخذ الباص السياحي ..
تقريبا سوهو في كل مكان بس قبل كانت سمعتها مش ولابد الحين بدت تتحسن سمعة هالمناطق
ههههه " بما اني نسيت بوديج تم شراء اللعلوب "
ام زياد بوديج نوع من انواع الفلفل و عشق كل الكويتين لازم يكون معاهم وين ماكانو وانا نسيته وهذا شكله

تم استبداله وشراء العلوب و هو بعد فلفل وهذا شكله اما اخضر او احمر

اي والله البرد ذبحنا موووت هههههه بس حلووو
بأنتظار عودتج الحلوه مثلج يا ام زياد منورتني في التعليقات الحلوه[emoji253]

Sent from my iPhone using Tapatalk

تسلميلي ابرار العسل ردودك جميله مثلك
شكرا على فك الشفرة..الان فهمت ان البوديج هو مانسميه نجن الهريسه .واللعوب او العلوب هو الفلفل الاخضر الحار.اممممممم واضح ..لما تجي لتونس ماتجيبيش البوديج لان عندنا كثيير

فيصل, الايمان, قطرية كول و 2 آخرون معجبون بهذا.

فيصل · 21-03-2018, 12:42 AM

زين شيكتي علي السياره

الفندق أخلا من غيره

عاد الخطأ بالطريق وتمسك طريق ثاني وارد
المواقف نار

متابعين

الايمان, قطرية كول, آخـــرفـــرصـــة و 1 آخرون معجبون بهذا.

ام زياد · 21-03-2018, 12:45 AM

ابرار..يا سلام عليك وعلى شجاعتك باسم الله ماشاء الله ..جميل انك تلفي من مكان لمكان بروحك
الله يعينك على هالبرد
طلع تمثال الحريه الشهير هاديته فرنسا لامريكا... اول مرة اسمع هالمعلومه وزي ماقال ابو غسان هاذي الهدايا والا بلاش..هههههه ..والفيديوهات اللي تشرح روعه
مبروك عليك الشهاده وان شاء الله دايما متالقه
وااااو روعه الطريق مع صوت حبيبة الكل ذكرى
كنت ساسالك سؤال حول كيف ان رفيق ابوك وهو اسمه علي يزين بيته بزينة الكريسماس لكن بعدما عرفت ان اسم زوجته جلوريا اتضح اللبس
تعرفي ابرار احنا لما كنا بفرنسا كنت اتفنن اني ازين بيتي بالبالونات والانوار والشرئط الملونه واخليه يكتب على لوحات كبيره بالعربي والفرنسي رمضان مبارك وفي العيد يكتب عيد مبارك وهكذا ..الزينه هاذي تبقى من قبل رمضان بيوم او اثنين الى ما بعد العيد..لان زياد كان يسالني ليش بيوت رفاقي مزينه بشجرة الميلاد والانوار وغيرو واحنا لا .. فكمحاولة تعويض مني وحتى يكون مثل رفاقه وبعد ان افهمناه ان لنا" اعيادنا " ولهم عيدهم اصبحت هذه عادتنا كل سنه ولم اتخل عن هالعاده الابعد العوده النهائيه لتونس
مازلت مستمتعه بالتقرير الامريكاني ببصمة وامضاء كويتية متنقله

الايمان, قطرية كول, آخـــرفـــرصـــة و 2 آخرون معجبون بهذا.

q8ya metnaqla · 21-03-2018, 03:49 PM

اكمل معاكم اليوم الاول في ميامي و جولة الفندق

مكان الــريــوق

الحديقه وحمام السباحه و غرف البانغلو

موقعي الصبح اليومي في هالمكان و عقب تمشي حافيه على البيتش ..
اخييه ولهانه عليها

في احد يعافي السدحه اهني يارباه

الماي دافي وتقدرون تسبحون لاتحاتون

اللي على اليسار بانغلو

يصيرون نفس الشاليهات

الفندق مشهور في هالطاوله بنص الحوض

و اطلع على البيتش

الفنادق على البيتش

ورا رقم 100 الكرووووز رايحه البهاماس
قعدت احاول احجز وانا في اورلاندو للاسف كانوا كلهم فل

و هذي ثانيه طالعه

و ارجع الفندق الى جهة الشارع و اهم شارع كـــولـــن

و طلعت على الشارع ..

الشارع حيوي طول الوقت و المطاعم متوفره فيه ..

و وصلت موقف سيارتي قطيت بعض الاغراض اللي شريتهم
وبعدين دخلت Macy's
ميامي معروفه بسوقها الحلو ..

التنــــــــزيــلات على كيف كيفكم

خلصت من السوق بديت ادور العشا
وهذا فندقي على اليمين

اول شي احلي بعدين موالح

وشريت التارت احلي بالطريج على ما احصل مطعم يعجبني

وانــا امشــي

لقيت حبيبي الثاني Ross
هالمحل عجيب عنده ماركات و كلها برخص التراب ..
اللي ينوي يشتري هدايا ياخذ منه ..

صج مو مرتب و الاغراض زحمه بس وايد يوفر عليكم في الميزانية

و اروح cvs صيدليه و جمعية اتهبل فيها اشياء مو متوفره بالكويت اخذوها .. و كاكاو
و اشتري مأونه حق الليل

تـــذكــري هــذي يــا ام زيـــاد

و اخلص من cvs
و اشوف ولا سبــارو
قلت ما يســــد اليـــوع الحين الا اهو

ترا اليــوع كــافــر

علي بالعافيه و الحمدلله على النعمه ..

تقريبا عشاي بسعر 14 دولار ..

و ينتهي يومي الاول في ميامي
والقاكم في اليـوم الثـانـي

ام زياد, الايمان, أم ريمه و 5 آخرون معجبون بهذا.

آخر مواضيع q8ya metnaqla

- مركاز العرب المسافرون 11
- إندونيسيا استفسارات
- شبه الجـــزيـــرة الايبيـــريـــة ( اسبـــــانيــــا ) 2023
- هنــــا شبــــه الجــــزيــرة الايبيــــريـــة ( البــــرتغـــــال ) 2023
- ريوقنا في the orangery

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

التعديل الأخير تم بواسطة q8ya metnaqla ; 28-03-2018 الساعة 06:21 PM

ام زياد · 21-03-2018, 07:25 PM

وي وي ابرار وخيتي لو كنت نعرف كنت سافرت معاك بس من اجل هالجلسه اللي ترد الروح

انت روحي اشتغلي واعملي اللي تحبي وتسوقي وارجعيلي بالليل تلاقيني في نفس المكان...جمال وفن ياربي
بالهنا ماشريتي وصحتين مااكلتي
"تـــذكــري هــذي يــا ام زيـــاد "..طبعا اتذكرها ههههههه وكل عام وزينته وبالوناته والوانه

الايمان, آخـــرفـــرصـــة و توبليرون معجبون بهذا.

الايمان · 22-03-2018, 01:34 PM

يا سلام على ميامي وايد حبيتها
سكنت فيها عشان ناخذ الكروز الى الكاريبي كانت رحلة لاتنسى

الفندق روعه الغرف شرحه والوانها فاتحه تذكرت فندق ليونارد في لندن
اول مرة اسمع عن ross

الطاولة اللي بحمام السباحه روعه هل لازم حجز والا لا؟

قطرية كول, آخـــرفـــرصـــة و توبليرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اذربيجان صيف 2017	Meme Bahrain	بوابة جورجيا و اذربيجان	66	10-08-2018 03:35 PM
البوسنة - ابريل - 2017	الركيب	بوابة البوسنة	163	08-07-2018 09:38 AM
هنا البحرين 2017	fanda	بوابة البحرين	33	30-05-2018 10:25 PM
صلالة 2017	ramzy21	بوابة سلطنة عمان	4	24-10-2017 03:43 PM