التقارير بالنسبة لشخص مثلي يحب الهذرة و الكتابة سهلة
و لكن المشكلة في الصور .. و في المعلومات اللي ممكن تضيع مع زحمة الصور

كتبت تقرير واحد اعتبره ناجح بنسبة 5/10 .. ما ارضاني مئة بالمئة
و لكن لا زلت اقول ناجح لانه اول تقرير لي

كانت طريقتي اني كنت في نهاية كل زيارة اسجل المصروفات و طرق الوصول
و نهاية اليوم اكتب الملاحظات العامة

و لما قررت أنزل التقرير اول شي حولت الملاحظات من الموبايل لكشكول الاعضاء

و قسمت الصور كل يوم بيومه

و كل ما انزل جزء .. اعدل الصور و احملها
و ارتب الكلام بحيث يناسب الصور و التعليقات الخاصة فيها

بس للامانة اكتشفت ان في اشياء كثير ناقصة
و السبب اني اساسا ما احب اصور

فقررت اني ان شاء الله اذا حبيت مكان .. مطعم .. فندق .. مزار سياحي .. اللي يكون
اني اصوره بروحه و اكتب عنه تقرير مفصل
و ما يحتاج تقرير عن السفرة كاملة

اول شي عشان اعطي المكان حقه من التصوير
وعشان اللي مثلا مسافر هالديرة من قبل لكن يبحث عن شي مميز او جديد فيها
يلقى المعلومة بسهولة بدل البحث داخل صفحات التقارير

و في النهاية شكرا لكل جهودكم في اثراء السياحة و معلوماتكم اللي ما نستغني عنها