معليش يا جماعة ع التأخير انقل لبيت ثاني وكنت مضبط الوضع مع شركة سكاي عشان نقل النت ويوم جاء مهندسهم قال مايركب .. المهم سالفة طويلة ولقيت الحين واي فاي BT يمشي الحال الين يشبكون النت !

اقتباس :  المشاركة الأصلية كتبت بواسطة آخـــرفـــرصـــة رائع يابو عبدالله ما شاء الله جمال المنطقة وسط الثلوج واضح معلومة حلوة واتوقع المنطقة اللي يجيها ثلج دايم ممطوره لذا خضارها يكون ازهى مادام وصلتوا المفروض استمتعتوا بالتلفريك بانتظار جزء ميونخ ولا تنسى تصور الثلج اللي جاكم قريب رحتوا له بالمانيا وجاء عندكم

هلا ابو غسان ... انا ماتوقعت انها تكون بهالجمال والصور مانقلت والله ولا حتى 1% خصوصا داخل جبال الالب شي مره غير سبحان الله العظيم ... وكنا مخططين ناخذ التلفريك من الاصل بس التأخير اللي صار معنا تحت عطلنا خصوصا اني كنت ابي ارجع لان المنطقة الحدودية مره صعبة تضاريسها ولو نزل ثلج اخاف مااقدر اطلع والطقس مررره يختلف تحت عن فوق .. يعني ممكن فوق عاصفة ثلجية وتحت شمس وهذي صارت لنا اخر يوم !!.. وماصورت كثير الثلج اللي جانا خلاص صار عادي زي الشمس عندكم ... عاد فيه احتمال الايام الجاية يرجع ثانيه يقولون ...

اقتباس :  المشاركة الأصلية كتبت بواسطة AL Tunaiji أثلجت صدورنا بهذا التقرير يا ابو عبدالله فعلا معظم التقارير صيفية وتندر التقارير الشتوية هذا لا يعني أنه لا يوجد من يسافر في الشتاء للتمتع بالثلج ، لاكن للأسف أغلبهم لا يكتب تقارير بذلك قرارك ممتاز وخطوة جريئة ونتمنى أن نقوم بمثلها لذلك كتبت تقرير عن منطقة وينتربيرج في ألمانيا ، المناسبة للسياحة الشتوية والثلجية والعائلية بحكم طبيعة المنطقة وتعدد الفعاليات حيث تعتبر طبيعتها أسهل وجبالها أصغر وأسهل للتزلج وهي مناسبة للمبتدئين بالرغم من اني لم أزرها بتقريرك هذا نقلت لنا صورة رائعة ومناظر جميلة ، تبين مدى جمال السياحة الشتوية وكذلك معلومات مفيدة ، تزيل بعض اللبس أو التخوف من السياحة الشتوية شكرا جزيلا ، ومتابعين معك

هلا وغلا ... حياك الله والله يوسع صدرك بالعافيه ويرفع قدرك ... وانا فعلا كنت متخوف من عدة جوانب مثل انه تضييع وقت وتروح الاجازة بمكان ممل وكئيب وتكون محبوس بالسكن اكثر الوقت وايضا مصاريف سفر في غير محلها !! وكنت اي احد بيسافر بالشتاء خصوصا شهر عسل انصحه يغير خصوصا الشتاء في بريطانيا السنوات اللي راحت ممل وكئيب مجرد برررررد وهواء وبدون اي طبيعه ... بس الحمد لله كانت تجربة مره حلوه وانصح بها بقوة .. شكرا لك على وقتك ودعمك .

اقتباس :  المشاركة الأصلية كتبت بواسطة فيصل ما شاء الله عليك يعجبني تدون أي شيء تحسه بيفيد المسافر الثلج جميل الرحلات الشتويه أعتقد لها محبين كثر التلفريك اذا انتظار بيكون ممل للأسف لكن خيره تحياتي

هلا ابو خالد ... اتمنى ان اي احد يمر هنا يطلع بشي بسيط ولو مجرد تشجيع على السفر الشتوة الجاية .... الانتظار ممل فعلا بس مشكلتنا كننا نخاف ينزل ثلج وتصير الطلعه صعبه خصوصا فيه بدائل حلوة بالمانيا ... شكرا لك ابو خالد على المتابعة والتشيجع

اقتباس :  المشاركة الأصلية كتبت بواسطة أم ريمه انسبروك و هالتلفريك من المخططات للصيف ان شاء الله و حتى حديفة الحيوانات تمنيت انكم زرتوها عشان تقول لنا تسوى او لا في انتظار جزء ميونخ

حياك الله ام ريمة ... عشان ماتنسون التلفريك تاخذون تذاكره من فوق بعد النزول من اخر محطة للقطار اللي طالع ... كان ودنا نزور المحطات اللي قبل بس مشكلتنا كان وقتنا ضيق وحدائق الحيوان تحتاج جزء كبير من اليوم ماكان متوفر معنا في الوقت هذا ... مع انه احس تشبعنا من حدايق الحيوان والاكواريوم وماعاد صارت تشدنا ابد ... اتمنى ان الله سبحانه ييسر لكم سفركم ويسعدكم فيه ...
شكرا لمشاركتك وحياك الله

اقتباس :  المشاركة الأصلية كتبت بواسطة عبد الله 1405 ارجوا من الله ان اتمكن من زيارتها

وانا ارجوا ان الله ييسرها لك قريباوييسر لك كل امانيك ويسعدك ... شكرا لمشاركتك وحياك الله


الف شكر لمشاركتكم ودعمكم ... تقريبا كتبت جزء ميونخ وفرزت الصور وباقي ارفعها