دبي المتعة الحقيقية - الصفحة 14

سارة محمد · 20-03-2018, 04:21 PM

تسلم الأيادي أم حسين، أمتعتينا بتقريرك الجميل عن دبي وأسعدتينا بكل التفاصيل التي ذكرتيها. أستغربت جدًا من تصرفات سائقي التكسيات التي ذكرتيها في دبي! عندنا في أبوظبي لم أواجه تصرفات كتلك وجميعهم ملتزمون بتعليمات شركاتهم وأي تصرف مزعج للراكب يستطيع الشكوى لدى الشركة. ربما لأن دبي مدينة سياحية ويحاول بعضهم استغلال الزوار.

المهم أختي أم حسين الحمدلله أنكم استمتعتم بوقتكم وتسوقتم وتقابلت مع صديقتك أم على وعقبال الجايات بإذن الله ونرى تقاريرك الجديدة عن دبي وغيرها من الإمارات.

توبليرون و فيصل معجبون بهذا.

مخاوي البر · 20-03-2018, 10:33 PM

الله بالخير ام حسين... عـ قولتكم ي اهل الكويت
***
وش اقول وش اخلي تقرير قمة في الطرح
ان كان من معلومات او من صور او من سرد او من اسلوب...الخ
تقرير حقيقة وبدون مجاملة شامل... كشف لنا بعض من جمال وسحر دبي
وفي عيون ام حسين .. جعلك تسلمين .. ومن تحبين .. آمين
***
الاجزاء الاخيرة جمالها طاغي على روعة وجمال الاجزاء الي سبقتها
لفت انتباهي روعة الصور بصفائها وجمالها عموما
***
الصداقة شي جميل اذا كانت صادقة ومحبة الله لا يفرقكم
***
الله يكثر خير من تكلف وهذا طبعهم وحنا من ربعهم
الكرم الاماراتي معروف من زمان
***
اعجبني مطعم خالد حرية باين الذوق كطعم او كفن فيه
نابع من التراث الاصيل
***
وش قصة التكاسي غريبة معروف عن دبي ونظامها الصارم
والعادل
***
الحمد لله عـ السلامة وعقبال تقاريريك الجاية

لو ما استفدت من تقريرك الا هالصورة

انا ربحان... ماشاء الله لا قوة الا بالله
الله يحفظها لكم جميعا
***
شكري وتقديري لك على هذا التقرير

توبليرون, فيصل و محب طيبة معجبون بهذا.

توبليرون · 20-03-2018, 11:17 PM

اقتباس : المشاركة الأصلية كتبت بواسطة مونامور

تقرير كلمة روعة شوي عليه

من ذووقج حبيبتي

تقرير عسل من وحدة عسل

العسل للعسل انتو اهل الامارات ....ربي يسعدكم

وايد استمعت و انا اقرا تقريرج يا ام حسين ، و استانست اكثر يوم شفت اسمي مكتوب

تستاهلين ولوو نستفيد ونذكر من افادنا لازم واجب علينا

فندق الامارات جراند وايد قريب من مكان شغلي ، لو ادري كنت يتج زيارة

ترى اول مره اعرف انج من الامارات ...لازم تكتبون الدوله تحت اسمكم ربي يحفظكم .....وياريت چان تعرفت عليج وان شاءالله مره ثانيه نتيمع مع كل عضوات المنتدى من الامارات

الموشن جيت من احلى الاماكن في دبي ، بس عندي تصحيح لو تسمحين ، سعر التذكرة لمواطني دول مجلس التعاون و المقمين في دولة الامارات 165 درهم امارتي

اي حطيت السعر بالاول عدلته والا للحين غلط

بوليود ما تشجعت اني اسيرلها ، بس بعد تقريرج افكر اروح لها ، عجبني شكل السمبوسة و البراتا

لا وناسه البوليوود ترى اهي اهم وحده احنا يايين علشانها بناتي وبنات اخوي من محبين الافلام الهنديه وقبلهم ام حسين ههههه والاكل الهندي حلوو بعد

سوق نايف و السوق الشعيي اماكن حلوه في دبي

حلوووه بس الريول ما تساعد على المشي بس الشعبي حلو تمشينا فيه شويه لانه صغير

احلى ما في مطعم خالد حرية صورة عبد الله بالخير

هههههههه عبدالله بالخير مو بس صوره وحده وايد يحليله مونس نفسه بكل مكان
شكراا للمرور العسل يا عسل

فيصل, مخاوي البر و محب طيبة معجبون بهذا.

توبليرون · 20-03-2018, 11:23 PM

اقتباس : المشاركة الأصلية كتبت بواسطة سارة محمد

تسلم الأيادي أم حسين، أمتعتينا بتقريرك الجميل عن دبي وأسعدتينا بكل التفاصيل التي ذكرتيها. أستغربت جدًا من تصرفات سائقي التكسيات التي ذكرتيها في دبي! عندنا في أبوظبي لم أواجه تصرفات كتلك وجميعهم ملتزمون بتعليمات شركاتهم وأي تصرف مزعج للراكب يستطيع الشكوى لدى الشركة. ربما لأن دبي مدينة سياحية ويحاول بعضهم استغلال الزوار.

المهم أختي أم حسين الحمدلله أنكم استمتعتم بوقتكم وتسوقتم وتقابلت مع صديقتك أم على وعقبال الجايات بإذن الله ونرى تقاريرك الجديدة عن دبي وغيرها من الإمارات.

تسلمين حبيبتي اسماء وهذا من ذوقج
التكاسي عادي احنا يايين نستانس مايؤثر علينا 3 سواق الباجي محترمين

بس ترى اول مره ادري انج من الامارات ماشاءالله
اليوم ثاني وحده اعرف انها من الامارات
في اسم الدوله تحت الاسم ممكن تكتبون اسم دولتكم

تصدقين وقف واحد من التكاسي عند الاشاره وكلمه سايق تاكسي يقول له ليش دبي زحمه احنا في ابو ظبي مافي زحمه

قال له هذه دبي
دبي جميله بجمال اهلها وطيبتهم
ام علي وانتو اهل الامارات معروفين بالكرم والجود

فيصل, مخاوي البر و محب طيبة معجبون بهذا.

توبليرون · 20-03-2018, 11:29 PM

اقتباس : المشاركة الأصلية كتبت بواسطة مخاوي البر

الله بالخير ام حسين... عـ قولتكم ي اهل الكويت
***

ههههه مساك الله بالخيرات والمسرات

وش اقول وش اخلي تقرير قمة في الطرح
ان كان من معلومات او من صور او من سرد او من اسلوب...الخ
تقرير حقيقة وبدون مجاملة شامل... كشف لنا بعض من جمال وسحر دبي
وفي عيون ام حسين .. جعلك تسلمين .. ومن تحبين .. آمين
***
تسلم يابو فيصل وهذا من ذوقك والله ربي يحفظك ويحفظ حبايبك ..اخجلتم تواضعنا

الاجزاء الاخيرة جمالها طاغي على روعة وجمال الاجزاء الي سبقتها
لفت انتباهي روعة الصور بصفائها وجمالها عموما
***

روعة المكان والجو يساعد في التصوير الجميل شكراا لك

الصداقة شي جميل اذا كانت صادقة ومحبة الله لا يفرقكم
***
الله يكثر خير من تكلف وهذا طبعهم وحنا من ربعهم
الكرم الاماراتي معروف من زمان
***
الله يزيدهم من نعيمه يارب

اعجبني مطعم خالد حرية باين الذوق كطعم او كفن فيه
نابع من التراث الاصيل
***
احسن ما انتشر بالخليج المطاعم الشعبيه

وش قصة التكاسي غريبة معروف عن دبي ونظامها الصارم
والعادل
***
اطمعوا الله يهديهم

الحمد لله عـ السلامة وعقبال تقاريريك الجاية

الله يسلمك وان شاءالله الله يقدرني واكتب تقارير اخرى ان شاءالله

لو ما استفدت من تقريرك الا هالصورة

انا ربحان... ماشاء الله لا قوة الا بالله
الله يحفظها لكم جميعا
***
شكري وتقديري لك على هذا التقرير

الله يجزاك خير يارب
ويحفظ عيالك ويبلغك فيهم
الشكر موصول لك لمرورك العطر

فيصل, مخاوي البر و محب طيبة معجبون بهذا.

هاوية الاسفار · 21-03-2018, 01:26 AM

الحمدلله كانت زياره قصيره لكن اثرها كبير في نفوسكم
من زمان انا و إنتي ننتظر هالزياره و الحمدلله توفقنا و شفنا بعض بس
المده قصيره و ما سولفنا وأيد كنتي على اعصابج و تحاتين الطيارة
بس فعلا لامير وأيد حلو ورائع و أجوائه خياليه
كنت ناويه اوديج شارع السيف بس خوفج من السفره ما خلاچ ان شاء الله المرات اليايه
و الجي بي آر من زمان ما سرت له
من بأجر تبدأ اجازتنا و ان شاء الله نلف دبي في الإجازة و بحاول أسير البرواز
و بصورلج ان شاء الله
و بالنسبة للاكل للتوضيح الحمص ( نخي ) ضيافة المطعم مع الخبز و الزعتر بالزيت
و اللي قلتي فيه دياي هذا متاي و روب و صلصه أكله هنديه
و الخبز بيتزا دياي
و طلبنا لقيمات شوارما كان من ألذ الاطباق ما حطيتي صورته
و بس هذا اللي اذكره
و للأسف كنتي ماكله في مطعم خالد حريه لانه ما قدرنا ناخذ
حلو

استانست وأيد بشوفتج و التعرف على غنومه و ان شاء الله تزورونا
قريب ترى في أماكن يديده فتحوها لا تفوتكم
و الله يجمعنا دوم على الخير و المحبة و أتمنى ألاقي الصديقات اللي بينورونا
تسلمين على التقرير و جزاچ الله خير و عليكم بالعافيه

AL Tunaiji, مخاوي البر, توبليرون و 1 آخرون معجبون بهذا.

Haksa77 · 21-03-2018, 10:04 AM

ماشاء الله على الإبداع
أم حسين في أحضان دبي العزيزة
شكراً لك بحجم السماء

توبليرون و محب طيبة معجبون بهذا.

توبليرون · 21-03-2018, 05:23 PM

اقتباس : المشاركة الأصلية كتبت بواسطة هاوية الاسفار

الحمدلله كانت زياره قصيره لكن اثرها كبير في نفوسكم

الحمدلله كانت سفره جمييله وممتعه جدااا

من زمان انا و إنتي ننتظر هالزياره و الحمدلله توفقنا و شفنا بعض بس
المده قصيره و ما سولفنا وأيد كنتي على اعصابج و تحاتين الطيارة

اي والله والحمدلله كل سنه نتشاوف بزياراتج للكويت ...والحمدلله اني زرتكم بدبي وانا ما كنت احاتي بس اللي يرسل لي ذبحني حسين هههه الرياييل يملون من السوق بسرعه

بس فعلا لامير وأيد حلو ورائع و أجوائه خياليه

فعلا وااايد حلوو

كنت ناويه اوديج شارع السيف بس خوفج من السفره ما خلاچ ان شاء الله المرات اليايه

ان شاءالله المره اليايه نطلع معاج وتفريني بالسيف وغيره من الاماكن اللي ما رحت لهم

و الجي بي آر من زمان ما سرت له
من بأجر تبدأ اجازتنا و ان شاء الله نلف دبي في الإجازة و بحاول أسير البرواز
و بصورلج ان شاء الله

ان شاءالله واجازه سعيده ....اجازه غنومه بعد الاسبوع الياي بتبدا وكل شوي اقول لها خل نروح دبي انا وانتي دبي بس من يخلينا

و بالنسبة للاكل للتوضيح الحمص ( نخي ) ضيافة المطعم مع الخبز و الزعتر بالزيت
و اللي قلتي فيه دياي هذا متاي و روب و صلصه أكله هنديه
و الخبز بيتزا دياي
و طلبنا لقيمات شوارما كان من ألذ الاطباق ما حطيتي صورته
و بس هذا اللي اذكره
و للأسف كنتي ماكله في مطعم خالد حريه لانه ما قدرنا ناخذ
حلو

والله الاكل وايد ولذيييذ الله يكثر خيرج لا خالد حريه اكلت شوي تعرفين التكميم واكلت وايد معاج والله وحتى من كثر الاكل عزمت غنومه بعد ما استحي

والصور مادري ليش ما صورت الشاورما لايكون حذفت الصوره بس بدورها والله يكثر خيرج جداا لذيذ المطعم

استانست وأيد بشوفتج و التعرف على غنومه و ان شاء الله تزورونا
قريب ترى في أماكن يديده فتحوها لا تفوتكم
و الله يجمعنا دوم على الخير و المحبة و أتمنى ألاقي الصديقات اللي بينورونا
تسلمين على التقرير و جزاچ الله خير و عليكم بالعافيه

ان شاءالله زيارات يايه باذن الله وما نستغني عن دبي
ونتيمع مع بنات دبي كلهم ان شاءالله

لا شكر على واجب لازم نقدم كل جديد شفناه بالرائعه دبي

هاوية الاسفار و محب طيبة معجبون بهذا.

توبليرون · 21-03-2018, 05:24 PM

اقتباس : المشاركة الأصلية كتبت بواسطة Haksa77

ماشاء الله على الإبداع
أم حسين في أحضان دبي العزيزة
شكراً لك بحجم السماء

تسلم يابو أياس
والشكر موصول لك لمرورك العطر

محب طيبةمعجبون بهذا.

هاوية الاسفار · 22-03-2018, 12:11 AM

اللي بغيتيه أم حسين
الدائري اسمه سرود بالشده على الراء
و المخروطي مچبه طبعا وحده يستخدمونها مثل السفره
و اللي فوقها يغطون فيها الاكل عن الحشرات و عشان ما يبرد الاكل
و هذيل يدي الله يطول في عمره كان يشتغل فيهم من سعف النخيل
اذكر كل ما دخلنا عليه البيت نلقاه ماد ريوله يربطهم بريوله و يشتغل بايده
و كان موجود في كل بيت و لين الحين البعض يستخدمه
والآخر يعلقونه على الجدار كنوع من انواع الزينه
ان شاء الله اذا ييتي اجهزه لج فالج طيب يالطيبه

محب طيبة و توبليرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ميامي الحقيقية ( بقلم/ اسراء الربيعه )	فريق التطوير	بوابة امريكا	12	24-02-2020 07:31 AM
المتعة الحقيقية في آسيا الحقيقية(تقرير كوالا،لنكاوي)	blugrana	ماليزيا	68	25-12-2016 02:38 PM
المتعة والاثارة مع حرب الليزر ( laser warzone )	himzmz	ماليزيا	15	19-02-2015 08:09 PM