| | |||||||
مـواضـيـع مـمـيــزة
- ‹( من القطب الشمالي .. هنا فنلندا )› بقلم : فتى دمشق
- ‹(( أُوسَاكا + نَارَا + كُيُوتُو + طُوكيُو ) - يُوليُو 2024 )› بقلم : Boarding Pass
- ‹( هُنا إمبــــراطـــوريـــة اليــابــان )› بقلم : q8ya metnaqla
- ‹( كتكاته في لندن أبريل 2025 )› بقلم : كتكاته
- ~|[= مهرجان التوليب في اسطنبول - ابريل 2025 =]|~ بقلم : نـــواف
1204الاعجاب |
| | LinkBack  | أدوات الموضوع | انواع عرض الموضوع |
| |
10-04-2018, 12:38 AM
| #1 | ||
| مشرفة العرب المسافرون  تاريخ التسجيل : Dec 2014 رقم العضوية : 838 الدولة : الإمارات العربية المتحدة ( دار الحي ) الجنس : انثى المشاركات : 2,671
|  رحلتي الممتعة في الأراضي السعودية 2017
السلام عليكم و رحمة الله و بركاته أولا اشكر كل من ساعدني على نجاح هذه الرحله و توفيقنا باختيار الاماكن و المدن الجميلة و أخص بالشكر مديرنا فيصل و الاخوان آخر فرصة ، ابو حسن ، فارس من خيال ، فهد المنيع و اعتذر بشده عن تأخيري في كتابة التقرير لان الاغلبية ينتظرون على أحر من الجمر سامحوني بسم الله نبدأ رحلتنا كانت بتاريخ 17 / 12 / 2017 مدة الرحلة اسبوعين بدايتها من الرياض و نهايتها في الدمام و تخللها زيارة الكويت الحبيبه و راح اكتب الاماكن بالتفصيل الرحلة هاي يتنا بالنصيب سبحان الله الاهل كلهم في برشلونه و خواتي حجزوا برشلونه و انا خاطري اسافر وياهم لكن كنت قايلة من بداية السنه اذا لنا نصيب السنة بنعتمر و بزور المدينه و طبعا العيال و عيال خواتي كلهم يحنون يبغون برشلونه بس قلت لا اختكم لازم تشتي في الكويت من كم سنه و انا على هالحالة احس صار روتين سنوي بس حلو  طبعا الحجوزات كلها من بوكينج و ما بعور راسكم بالتفاصيل لكن بذكرها في موعدها يوم الأحد بداية الاجازة المدرسية صلينا الفجر و جهزت دلة الشاي و القهوة و الاغراض حطيناها في السياره في الليل و هالمرة ما خذنا القالوصة بس شلينا الكراسي الخلفية و خليناهم في البيت و هذي شنطة التسالي  و هذي درجة الحرارة  طبعا قبل السفر كنت اطلع على حالة الطقس و تبين انه يوم الاحد غائم و امطار غزيرة و انا متخوفة من هالشيء بس الحمدلله طلعنا و الجو صحو و جميل  و احنا في الدرب طرشت واتس اب اودع الاهل و اختي الكبيره كانت في المطار ويا عيالها سايرين برشلونه و اختي الثانية طيارتهم العصر سايرين مكة و الا اشوف اختي مطرشة صور فيديو بيتهم غرقان من كثر المطر قلت بسم الله متى هالمطر كله استوى يادوب تحركنا بعد 10 دقايق ما شاء الله دبي غرقت من المطر و قلت الحمدلله رب العالمين طلعنا قبل المطر و الا كنا بنتأخر في الطلعة و خاصة وقت دوامات 7 و 25 طلعنا و اول محطة وقوف مطعم غنتوت  خذنا سندويشات بيض و طماط و جبن و كيما براتا و شاي حليب و انطلقنا  الجو ما شاء الله من اروع ما يكون  رفيق الدرب توصيه من الدمام  كنا طالبين الحب المصري بس للاسف مخلص وصلنا الحدود الساعة 11 و الحمدلله ما شيء زحمه   خلصنا من جوازات الامارات و دخلنا السعودية و اول واحد جزاه الله خير شاف العيال و يانا و عطانا حلاوة فيكس    و الحمدلله ربع ساعة خلصنا و مسكنا الخط و مرينا على محطة سحاب و العيال يبغون يتغدون بخاري   تو الناس على الغدى بعدها الساعه ما وصلت 11 و نص
| ||
|  |
|
10-04-2018, 01:25 AM
| #2 | ||
| مشرفة العرب المسافرون تاريخ التسجيل : Dec 2014 رقم العضوية : 838 الدولة : الإمارات العربية المتحدة ( دار الحي ) الجنس : انثى المشاركات : 2,671
|
الشوارع كلها فيها تصليحات من اول ما نطلع من حدود الامارات و نبغي نعبي بترول و اسواق راضي المنهالي المحطة اللي فيها مسكرين  بس هذا ما يمنع ندخل للتسوق و خذنا فناجين قهوة لاني نسيت اشتري و كنت ابغي ورق بس للاسف زوجي يابلي فناجين زجاج و ريحتهم استغفر الله منها توكلنا على الله و مسكنا خط الرياض مكة  وقفنا عند محطة ثانية و نزلت اغسل الفناجين بالصابون مرة ثانية بس بعدها الريحة عالقة و المحطة الثالثة فركتهم عدل بالاسفنج و الصابون و الحمدلله اختفت الريحه و هني نزلنا نتغدى   و طلبنا بخاري دجاج   و الحمدلله شبعنا و الاكل كان ممتاز و كملنا الرحلة و هذا بسكويت اسباني لذيييييذ جدا جدا واصلني من شهر و ما جربته  و اول ما كلته على طول طرشت الصورة حق خواتي و وصيتهم يكثرون منه و كل ما حد رجع من برشلونه يابلي كم حبة نسيت اخبركم زوجي كان مشترك في خدمة النت الدولية 35 درهم يوميا و انا المستفيده  اقتربنا من الرياض   ما شاء الله المشاريع قائمة في الرياض   وصلنا شقتنا دار هاشم للوحدات السكنية  حجزنا ليلة ب 309 درهم و كانت عبارة عن غرفتين و صالة و نشوف الشقة معاكم غدا باذن الله دمتم بود 
| ||
|
| |
|
10-04-2018, 11:52 AM
| #3 |
| مسافر جديد  تاريخ التسجيل : Apr 2018 رقم العضوية : 18483 الجنس : ذكر المشاركات : 20 |
حياك الله يمه ببيتك الثاني بين اهلك واخوانك .. مشكورين الاخوان اللي خلوك تطلعين بنتيجه مرضيه عن الاماكن اللي زرتيهن وبانتظار تكملة التقرير
|
|
| |
|
10-04-2018, 02:27 PM
| #4 | ||
| مشرفة العرب المسافرون تاريخ التسجيل : Dec 2014 رقم العضوية : 838 الدولة : الإمارات العربية المتحدة ( دار الحي ) الجنس : انثى المشاركات : 2,671
|
يمكن انت ما جربت الخطوط في المطر بالعكس نحب المطر لكن صعب انك تمشي بالسيارة في هالاجواء الممطرة اولا الشوارع تكون خطره و ما تقدر تسرع و المسافة طويله لوجهتك و راح تتأخر في الوصول احنا تقاريرنا طويله و صعب انه ننزلها في وقت واحد و بعدين بالعكس عشان نقدر نرد على المشاركات و ما في مشاركة تسقط سهوا عاد سامحونا اذا ما فهمتوا أي كلمه راح نترجمها لكم و لا يهمكم الشكر موصول لكم الله يحيك معنا و ان شاء الله تستمتعون بالتقرير
| ||
|
| |
|
19-05-2021, 04:15 AM
| #5 |
| مشرفة العرب المسافرون  تاريخ التسجيل : Feb 2018 رقم العضوية : 17854 الدولة : المملكة العربية السعودية الجنس : انثى المشاركات : 2,208 |
 
|
|
| |
|
10-04-2018, 01:36 AM
| #6 | ||
| مجلس الإدارة  تاريخ التسجيل : Dec 2014 رقم العضوية : 26 الدولة : حبي الكويت الجنس : انثى المشاركات : 25,874
|
| ||
|
| |
|
10-04-2018, 01:59 PM
| #7 | ||
| مشرفة العرب المسافرون تاريخ التسجيل : Dec 2014 رقم العضوية : 838 الدولة : الإمارات العربية المتحدة ( دار الحي ) الجنس : انثى المشاركات : 2,671
|
لا تلوميني أم حسين إنتي اكثر وحده عارفه بالظروف الله يعافيج و يسلمج و الله الفنايين هذيل وأيد يحبهم زوجي و عندي في البيت نفسهم مآخذهم من المباركيه قبل سنتين بس أنا خليته هو يغسلهم في الشارع و تعرفين الرياييل مالهم في هالسوالف  حياج الله في التقرير لازم تكونين في الفيرست كلاس 
| ||
|
| |
|
10-04-2018, 01:57 AM
| #8 |
| مراقب العرب المسافرون  تاريخ التسجيل : Mar 2015 رقم العضوية : 2455 الدولة : الظهران الجنس : ذكر المشاركات : 9,471 |
الله الله بداية رائعه مبدعه دائما كعادتك  اتذكر ان احدا يسال عن شقق في الرياض واستراحة في القصيم  الحمد لله انكي انتي المعنية لاننا موعودين بتقرير كامل عن ثلاث دول مرورا بكم مدينة مرحبا بكم في بلدكم  تحياتي لكي
|
|
| |
|
10-04-2018, 02:04 PM
| #9 | ||
| مشرفة العرب المسافرون تاريخ التسجيل : Dec 2014 رقم العضوية : 838 الدولة : الإمارات العربية المتحدة ( دار الحي ) الجنس : انثى المشاركات : 2,671
|
سامحني نسيت أحط اسمك وَيَا الأعضاء عَل العموم شكرًا لك على تفاعلك معنا في الاستفسار و ان شاء الله ما أخيب ظنونكم لأني شوي نسيت التفاصيل حياك معنا
| ||
|
| |
|
10-04-2018, 07:47 AM
| #10 | ||
| خبير تركيا تاريخ التسجيل : Apr 2016 رقم العضوية : 9016 الجنس : ذكر المشاركات : 5,473
|
| ||
|
| |
|
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رحلتي الاقتصادية إلى الأراضي الماليزية | أبو سعد | بوابة ماليزيا | 287 | 20-11-2019 11:15 PM |
| رحلتي إلى اندونيسيا 2017 | مسافر وبس | بوابة اندونيسيا | 19 | 12-02-2018 06:00 PM |
| الرخصة السعودية اصبحت معترف فيها بالنمسا اعتبار 12 مايو 2017 | alradadi | بوابة النمسا | 13 | 27-05-2016 08:20 PM |
| متاهة Infinity الممتعة (قولد كوست) | زهرة نيسان | بوابة استراليا ونيوزلندا | 27 | 15-04-2015 07:40 AM |
| استفسار مهم بخصوص الأمتعة على متن طيران آسيا .. | Toota2 | ماليزيا | 10 | 31-01-2015 05:20 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO
Search Engine Friendly URLs by vBSEO
