18-03-2015, 07:05 PM
| #11 | ||
| مشرفة العرب المسافرون  تاريخ التسجيل : Dec 2014 رقم العضوية : 838 الدولة : الإمارات العربية المتحدة ( دار الحي ) الجنس : انثى المشاركات : 2,671
|  رد: فندق دوست ثاني ( ابوظبي )
مثل ما شفتوا فطورنا كان شوية و الحمدلله حسبولنا لشخصين بس بعد ما خلصوا العيال سباحه نزلنا الغرفة و خذنا شاور و اليوم كان الجمعة قعدت انا و العيال و زوجي سار المسيد يصلي خليت عيالي يلعبون في الصالة و قلت لهم انا بدخل بصلي و اقرا قرآن ما ابغي اسمع صوت عالي دخلت الغرفة و سكرت الباب بس كنت اسمع صوتهم واضح جدا كانهم ويايه في الغرفة شكيت انهم قاعدين عند باب الغرفة طلعت ما حصلتهم كانوا في الصالة يلعبون بس صوتهم واضح جدا عاد هني استويت المحقق كونان و قلت ابغي اعرف ليش صوتهم واضح جدا عندي  اكتشفت السر اخيرا شوفوا هاي الصورة شفتوا الستارة ورا التلفزيون المنطقة هذي مفتوحة على الصالة ما قدرت اصورها لاني ما كنت ابغيهم يكتشفون المكان تعرفون اليهال اذا شافوا الممر بيلعبون رايحين و رادين و طبعا المكتبة موجوده و التلفزيون و هذا خطر عليهم بعدها طلعنا نتغدى و امس يوم كنا نتمشى عند الوحدة مول لمحت مطعم و قلت لازم نجربة و سرنا المطعم و هو سفرة اسطنبول موقعه في شارع محمد بن زايد المطعم فيه مثل كباين بس مب مغلقة بالكامل و هني الكبينه الاخيرة المطعم دورين الارضي فيه المطبخ و ركن للحلويات الفريش مثل الكنافة و البقلاوة و الدور الاول فيه الجلسات و الكباين و هذا المنيو صحن المقبلات اعتقد كان باذنجان مع حمص لذييييييييييذ طلبنا كان اسكندر دجاج و كباب اعتقد كان اسمة الملكة او السلطانه نسيت .gif "(7)") و باستا بيضاء للعيال عصير ليمون بالنعناع و اعتقد فراولة الحمدلله الاكل كان لذيذ و عيبنا و اخيرا حلينا بطبق كنافة و لازم تركيش كوفي هذي اللوحة فيها ايات قرآنيه خلصنا و طلعنا من المطعم و اول اشارة ناخذها يمين يكون الوحدة مول يتبع
| ||
|  |
|
18-03-2015, 09:28 PM
| #12 | ||
| مشرفة العرب المسافرون تاريخ التسجيل : Dec 2014 رقم العضوية : 838 الدولة : الإمارات العربية المتحدة ( دار الحي ) الجنس : انثى المشاركات : 2,671
| رد: فندق دوست ثاني ( ابوظبي )
و شوفوا اهني احنا عند المطعم و فندقنا يبين نسيت اراويكم هاي الاطلالة من الصالة ستاد محمد بن زايد و هني المبنى البيج اللي بالعرض هذا الوحده مول سرنا الوحدة مول و تسوقنا و لعبوا العيال و بعدها رجعنا الفندق بعد المغرب و على طول للمسبح مع انه كان ظلام و باقي يمكن نص ساعه طبعا بعد السباحة كنا تعبانين و ما نقدر نطلع فقررنا الاكل يكون تيك اوي طلع زوجي و حصل مطعم عنده بروستد و خذ 4 عصاير تخيلوا ب 70 درهم  و هذا البروستد وياه حلقات بطاط و حمص بصراحه الاكل ما كان وايد حلو كله زيت و البطاط مقلينه في نفس الزيت حق البروستد حسينا بطعمه و خلص يومنا اليوم الثالث تريقنا من مطعم زهرة لبنان و هذا مطعم معروف في مدينة ابوظبي و عندهم فروع وااااااايد في بوظبي ريوقنا كان فول و فلافل مع احلى فتة بالحمص بصراحه كانت لذييييييييييييييذه عمري ما كلت مثلها تقييمي للفندق جيد جدا لكن الركن في الاستقبال ما كان يليق بالمسلمين لوجود المشرب الشقة كانت واسعة جدا و خاصة الصالة و تقدرون تحطون سرير اضافي في الصالة و المفروض يكون فيها اريكة تتحول سرير موقع الفندق ممتاز في قلب ابوظبي و كل شيء متوفر عدال الفندق اتمنى ان التقرير نال على اعجابكم و انتظروني في تجربة اخرى قريبا
| ||
|
| |
|
19-03-2015, 08:48 AM
| #14 | ||
| مجلس الإدارة  تاريخ التسجيل : Dec 2014 رقم العضوية : 26 الدولة : حبي الكويت الجنس : انثى المشاركات : 25,920
| رد: فندق دوست ثاني ( ابوظبي )
| ||
| |
|
19-03-2015, 10:03 AM
| #15 | ||
| مميز العرب المسافرون  تاريخ التسجيل : Dec 2014 رقم العضوية : 620 الدولة : المملكة العربية السعودية الجنس : ذكر المشاركات : 7,228
| رد: فندق دوست ثاني ( ابوظبي )
| ||
|
| |
|
19-03-2015, 04:38 PM
| #18 | ||
| مشرفة العرب المسافرون تاريخ التسجيل : Dec 2014 رقم العضوية : 838 الدولة : الإمارات العربية المتحدة ( دار الحي ) الجنس : انثى المشاركات : 2,671
| رد: فندق دوست ثاني ( ابوظبي )
الله يعافيج الغالية السباحة اهون انا عيالي يتخبلون على الدراجات كل أسبوع يبغون يركبون تسلمين عَل المرور
| ||
|
| |
|
19-03-2015, 04:41 PM
| #19 | ||
| مشرفة العرب المسافرون تاريخ التسجيل : Dec 2014 رقم العضوية : 838 الدولة : الإمارات العربية المتحدة ( دار الحي ) الجنس : انثى المشاركات : 2,671
| رد: فندق دوست ثاني ( ابوظبي )
تصدق ياخوي اول شيء ادوره في الفندق اللي بحجزه هاي المكينه اذا متواجدة على طول ااكد الحجز الله يعافيك تسلم عَل المرور
| ||
|
| |
 |
| الكلمات الدلالية (Tags) |
| ابوظبي, ثاني, دوست, فندق |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| فندق ستاي بريدج ابوظبي ( staybridge ) | هاوية الاسفار | بوابة الامارات | 30 | 04-12-2018 10:20 AM |
| ارض الحبوش ثاني اكبر دولة سكانا في القاره السمراء | أبوهمس | بوابة اثيوبيا | 15 | 19-07-2015 08:53 AM |
| لولو اسفار للشقق الفندقية - ابوظبي | MOBARKI | بوابة الامارات | 22 | 31-05-2015 09:35 AM |
| تقرير مصور لتجربتي مع منتجع فرنجي باني لنكاوي Frangipani | أبوعبدالله (الاسفار ) | ماليزيا | 7 | 19-03-2015 03:46 AM |
| تجربتي في فندق كابيتال حياة ابوظبي | هاوية الاسفار | بوابة الامارات | 37 | 16-03-2015 12:58 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO
Search Engine Friendly URLs by vBSEO
