شيكاغو يونيو 2018 Chicago

ali pontiac · 11-07-2018, 02:49 AM

شيكاغو
اليوم الرابع و الأخير

اليوم الأخير يوم فاضي و ماعندنا اي شي نرتبط فيه فقط كان عندنه تور مع شركة Shoreline Sightseeing

صحينا الصبح وبعد الصلاة و والتجهيز رحنه نفطر في Wildberry Pancakes & Cafe (اخيرا)

وصلنه عنده قالو لنه انتظرو فقط 20 دقيقه، قلت حق زوجتي خل نستقل الوقت و ناخذ صور في الـ Millennium park

رجعنا للمقهى وفطرنا وكان طلبي بيض اسباني، طلبته لأنه حار وكان اكلهم جدا لذيذ وطلبت سمووثي على Red velvet و كالعاده زوجتي بيض وجبن السعر 37.07 دولار

تمشينه شوي و اخذت دونت من Stans's Donuts وله افرع في المدينة، السعر 4.35 دولار

و نزلنا نتمشى على شارع South Michigan Ave بمحاذاة الـ Millinneium Park

وهذي نافورة الـ Crown Fountain

فيديو من اليوتيوب عن النافورة

">" type="application/x-shockwave-flash" wmode="transparent" width="425" height="344">

وهذي حديقة South Garden جنب معهد شيكاغو للفنون

دخلنا شارع S Wabash Ave وكان الجو بارد واخذت قهوة من Dunkin حق اتدفيني شوي عكس زوجتي الي قالت تبقي آيسكريم من ماك

سعر القهوة 2.22 دولار
الآيسكريم 1.33 دولار

تتكذرون لعبة Driver 2 ايام الطيبين؟؟ اول مرحلة من اللعبة كانت في مدينة شيكاغو، و هذي الشارع يذكرني في اللعبة وايد

رجعنه العصر للفندق واخذنا قسط من الراحة استعداد حق التور والي اهوه Chicago Architecture tour حجزته من موقع Viator.com بسعر 87.36 دولار لشخصين

التور عباره عن جولة في النهر ويتكلم فيها المرشد عن الهندسة المعمارية للمدينة و المباني من بداية نشاء المدينة الى يومنا الحاضر، بصراحة التور ممتع وشيق ومعلوماته وايد حلوه وانصح فيه

التور يبدأ الساعة 4:00 العصر في الـ Navy pier بعد الراحة توجهنا هناك

وهذي صور جولة النهر

مبنى شركة Boeing ، انتو من محبين البوينق او الأيرباص؟؟ عن نفسي احب البوينق و لكن احب من الأيرباص الـ A340-600 الي تم استبدالها بالـ A380 ، مع اني ماعتقد اني سافرت على الـ A340

الـ Riverwalk ممر يمتد على جنبي النهر في المدينة و في هالممر مطاعم ومقاهي اطلالتهم حلوه

هذي البناية تشبه الـ Fidget spinner الي بلشو العالم فيه

وانتهت جولتنا في النهر ورحنه لأحد المجمعات في الماقنفسنت مايل

وهذي الـ Water Tower من الأشياء الي اتذكرهم في لعبة Driver

ورجعنا للفندق واخذت اخر صور من الغرفه للمدينه

شيكاغو حلوه وتستحق الزيارة في نظري لمدة لا تزيد عن 4 ايام ولكن تكون جدا جدا بارده من شهر اكتوبر الى ابريل

او ممكن الواحد يخليها تكون محطة توقف للي يسافرون على طول للشاطئ الغربي الأمريكي لتقليل مدة الطيران

نهاية اليوم الرابع والأخير في شيكاغو

اتمنى يكون التقرير يعجبكم و مرجع مفيد للي حاب يزور شيكاغو

تكملة الرحلة بتكون بأذن الله في البوابة الكندية في اول مدينة فانكوفر

الايمان, توبليرون, q8ya metnaqla و 7 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي الزوجية إلى مدينة كييف - جمهورية أوكرانيا - يونيو 2018	almubarakalis	بوابة الدول الاخرى	39	25-06-2020 01:08 AM
مطار شيكاغو	nasoore	بوابة امريكا	9	27-12-2018 11:42 PM
اقتراحاتكم لرحلة من 12 يونيو الى 29 يونيو امريكا	طلال الفدعاني	بوابة امريكا	2	22-05-2018 08:48 PM
السياحة في شيكاغو	روح الامارات	بوابة امريكا	4	26-04-2015 07:51 AM
رايكم بحجزى الى شيكاغو	وردة مكه	بوابة امريكا	3	08-03-2015 09:50 AM