رحلتي العائلية الى الأراضي النرويجية - الصفحة 5

مقدام · 29-07-2018, 07:05 PM

اقتباس : المشاركة الأصلية كتبت بواسطة بوصلووح

الله الله شقد حلوو التقرير
ماشاءالله سبحان من وهبهم هذي الطبيعة
ماتوقعت النرويج بهذا الجمال
حسيت من تقريرك انها بلاد هااادية ومريحة
اسلوبك خلاني احس بهذا الاحساس ولا هي فعلا كذلك ؟
الله يعطيك العافية متابعين معاك

الاحلى مرورك وتعليقك الكريم
وبالفعل النرويج بلد هادية ومريحة

توبليرون, فارس من خيال و أبوفيصل معجبون بهذا.

آخر مواضيع مقدام

- الشمال الايطالي ثم الى بورتفينو وجنوه 2019
- رحلة شتوية الى جورجيا (تبليسي وثلوج غودوري)
- رحلتي العائلية الى الأراضي النرويجية
- كرواتيا ... زغرب وروعة بحيرات وشلالات بلتيفيتش
- جولة في ارض الطبيعه (البوسنة) .. مايو .. 2018

توقيع : مقدام

(كن _سفيرا_ لدينك_ ووطنك )
احداثيات وخرائط للاماكن سياحية شمال ايطاليا
موسوعة مقدام الامريكية ..اماكن سياحية.احداثيات.خرائط
احداثيات ومواقع الاماكن السياحية في سويسرا وما حولها
جنيف اين تذهب فيها واين تذهب منها ..
خريطة سويسرا السياحية

مقدام · 29-07-2018, 07:11 PM

اليوم الثاني عشر

الانتقال من سوجندال الى فورديه واللي بنسكن فيها لمدة يومين

مسافة الطرق 105 كم والوقت حوالي ساعه ونصف

وفي الطريق مرينا على

1- النهر الجليدي Supphellebreen

https://goo.gl/maps/EAmrqJjBDFu

N 61° 27.756 E 006° 49.268

2- النهر الجليدي Boyabreen Glacier

https://goo.gl/maps/duUxbTBLdd32
N 61° 28.985 E 006° 45.042

3- شلال Huldrefossen

https://goo.gl/maps/EytsjdV2NyK2

N 61° 26.032 E 005° 59.217

4- بلدة فورديه Fّrde

https://goo.gl/maps/Q8tneAVLt5w

N 61° 27.145 E 005° 51.047

صورة من الطريق

مطل Berge
https://goo.gl/maps/Hs3TDR3Rwmm

في الطريق شفت لافته تشير الى مكان سياحي
ولفيت اتبع اللافتات

وصلنا الى نهر جليدي اسمه Supphellebreen

المكان هادي ومافيه شيء مميز

سيارتنا اخر النهر والطريق للوصول لهذا المكان لازم يتبلل الجوتي فيه

واصلنا طريقنا

ومن بعيد النهر الجليدي Boyabreen Glacier

وصلنا النهر الجليدي وصوره ونحن في الطريق له بعد ما وقفنا سيارتنا

وبعض الصور

العيال استمتعوا باللعب عند البحيرة

مطعم وكوفي عند مواقف النهر الجليدي

وعند مغادرتنا للنهر الجليدي وقفنا عند هذي الطاوله وتغدينا فوقها

صور من طريقنا الى فورديه

وفي الطريق مرينا على شلال Huldrefossen

وقفنا في مواقف قرب مدرسة ونزلنا نمشي الى الشلال حوالي 450 متر

ودخلنا مزرعه في الطريق الى الشلال ومكتوب عليها اغلق البوابه بعد العبور

صور للشلال

وصلنا فورديه وقلنا بناخذ لفه فيها

قبل الذهاب الى البيت اللي يبعد عن فورديه 12 كم
وفورديه بلدة صغيره وفيه مركزي تسوق وبعض المحلات والمطاعم

بقاله لبيع اللحم والدجاج الحلال في فورديه

Best Asia Bazar

https://goo.gl/maps/hXbxct7peQr

وفيها بهارات واجبان وخبز عربي

اخذنا عنده خبز عربي ومرينا عليه مره ثانية عند مغادرة فورديه الى سترين

واخذنا عنده دجاج وخبز عربي واسعاره نفس أسعار فوس وبيرغن

صوره من الطريق الى البيت اللي حجزنا فيه

وصلنا البيت وطبعا دايما قبل الوصول بيوم اتصل بمالك البيت واخبره بموعد وصولنا

وأيضا قبل الوصول بنصف ساعه اتصل فيه للتأكيد

وهذي المرة قبل الوصول تواصلت مع صاحل البيت وكان ترك لنا المفتاح قرب الباب وارسل لي صوره على الوات ساب لمكان المفتاح

البيت جميل وراقي ونظيف ويقع في منطقة هادية وجميلة في بلدة Naustdal القريبة من فورديه

وفيه 5 غرف نوم وحمامين ونصف وغرفة خاصة لالعاب الصغار

بالإضافة الى حديقة صغيرة وبلكونه جميلة

حجزنا في البيت كان لمدة يومين وبسعر 1700 درهم
https://www.airbnb.ae/rooms/3745827

https://goo.gl/maps/9fXGbtL5rD92

صور من البيت

بلكونه جميلة ومنها اطلالات حلوة

البيت من الداخل

اهم شيئ في البيت غرفة العاب للصغار

غرفة النوم الرئيسية

قعدة روقان في خيمة صغيرة امام البيت

والمطر ينزل عليها

حصلنا في البيت شواية باربكيو وسألنا صاحب البيت عن كيفية استعمالها

نريد نسوي عليها لحم مشوي على الفحم

تشوفونها على يمين الصورة

قلت لين ما يجهزون اللحم قبل الشوي باخذ لي لفة في المنطقة وكان معاي احمد ولدي

المنطقة هادية جدا وتصلح للي يحبون الهدوء والطبيعه

ثم رجعنا لشوي اللحم في البيت

وهذا عشانا

وجلسة مسائية في البلكونة

السكن في هذا البيت ممتع ويعتبر بروحه رحلة

هدوء وطبيعه واجواء باردة والبيت نظيف واهم شيئ فيه العاب للصغار

وصاحب البيت كان متعاون

المنطقة اللي فيها البيت يعيبها ان مافيه اماكن سياحية قريبة منها سوى بلدة فورديه وشلال Huldrefossen

يعني المنطقة تصلح لمن يحبون الهدوء والراحات والطبيعه

يتبع >>> اليوم الثالث عشر

بوصلووح, توبليرون, q8ya metnaqla و 9 آخرون معجبون بهذا.

آخر مواضيع مقدام

- الشمال الايطالي ثم الى بورتفينو وجنوه 2019
- رحلة شتوية الى جورجيا (تبليسي وثلوج غودوري)
- رحلتي العائلية الى الأراضي النرويجية
- كرواتيا ... زغرب وروعة بحيرات وشلالات بلتيفيتش
- جولة في ارض الطبيعه (البوسنة) .. مايو .. 2018

توقيع : مقدام

(كن _سفيرا_ لدينك_ ووطنك )
احداثيات وخرائط للاماكن سياحية شمال ايطاليا
موسوعة مقدام الامريكية ..اماكن سياحية.احداثيات.خرائط
احداثيات ومواقع الاماكن السياحية في سويسرا وما حولها
جنيف اين تذهب فيها واين تذهب منها ..
خريطة سويسرا السياحية

مقدام · 29-07-2018, 07:20 PM

اليوم الثالث عشر

ريوقي كان في هذي الخيمة

مع هذي الاطلالات

ثم نزلنا نتمشى على بحيرة مضيق فورديه

وهو قريب علينا حوالي 2 كم فقط

https://goo.gl/maps/aXeEfUvmtR92

وقربه كان مرفأ للقوارب وقلنا بنستأجر قارب من عندهم
ولكن للأسف ما لقينا احد في المكتب واليوم كان الاحد

وما أدري هل هي قوارب خاصة او للايجار

بعدها رجعنا للبيت

وهذي عربة خيول ماره قرب البيت

الفترة المسائية وبعد الغدا
قلت لهم بنطلع نتمشى بالسيارة ولكن زوجتي وعيالها قالوا بنريح اليوم وما بنطلع

فقررنا نطلع انا واحمد واخته الصغيرة والبقية بيجلسون في البيت

قلنا بناخذ جولة دائرية
على مناطق Vevring و Stavang ثم الى Eikefjord
وهو طريق يمتاز بجمال الطبيعه فيه وكان بتوصيه من صاحب البيت اللي كنت ساكن فيه

صور من الطريق

طريق جميل وفيه بعض الشلالات

وقفنا في الطريق عند
Ausevik rockcarrvings
https://goo.gl/maps/z17b7JU1tnP2
N 61° 32.460 E 005° 16.785

وهي عبارة عن نقوش ورسومات منحوته على الصخور يعود تاريخها الى العصر الحجري

دورات مياه قرب المواقف

جسور خشبية جميلة توصلك الى مكان الصخور والمسافة بسيطة

صور للرسومات على الصخور

والاطلالة من عند الصخور

ثم واصلنا طريقنا الدائري

وهذي بعض الصور

تضاريس صخرية جميلة

وصلنا الى بلدة Eikefjord

ووقفنا نتمشى فيها

ثم الرجوع الى البيت واللي ما راحوا معانا كانوا يتابعونا على السناب

وصورة ليلية

يتبع >>> اليوم الرابع عشر

بوصلووح, توبليرون, q8ya metnaqla و 9 آخرون معجبون بهذا.

آخر مواضيع مقدام

- الشمال الايطالي ثم الى بورتفينو وجنوه 2019
- رحلة شتوية الى جورجيا (تبليسي وثلوج غودوري)
- رحلتي العائلية الى الأراضي النرويجية
- كرواتيا ... زغرب وروعة بحيرات وشلالات بلتيفيتش
- جولة في ارض الطبيعه (البوسنة) .. مايو .. 2018

توقيع : مقدام

(كن _سفيرا_ لدينك_ ووطنك )
احداثيات وخرائط للاماكن سياحية شمال ايطاليا
موسوعة مقدام الامريكية ..اماكن سياحية.احداثيات.خرائط
احداثيات ومواقع الاماكن السياحية في سويسرا وما حولها
جنيف اين تذهب فيها واين تذهب منها ..
خريطة سويسرا السياحية

بوصلووح · 30-07-2018, 01:39 PM

شنو شعورك وانت تشوف هذي المناظر
انا اشوف الصور و احس انها خيال
فما بالك على الطبيعة هههه
ماعندي شي اقوله غير سبحان الله و الله يرزقنا الجنة
فكرة استئجار البيوت رائعة و موفقة
الله يحفظ لك عائلتك و رحلة جميلة ماشاءالله

مقدام, توبليرون, فارس من خيال و 1 آخرون معجبون بهذا.

مقدام · 30-07-2018, 01:50 PM

اقتباس : المشاركة الأصلية كتبت بواسطة بوصلووح

شنو شعورك وانت تشوف هذي المناظر
انا اشوف الصور و احس انها خيال
فما بالك على الطبيعة هههه
ماعندي شي اقوله غير سبحان الله و الله يرزقنا الجنة
فكرة استئجار البيوت رائعة و موفقة
الله يحفظ لك عائلتك و رحلة جميلة ماشاءالله

ويحفظك اخوي ابو صلووح والاجمل متابعتك

اللي كنت اشوفه بالعين اجمل بكثير عن الصور
وللعلم التصوير كان كله بالايفون

توبليرون, بوصلووح, فارس من خيال و 1 آخرون معجبون بهذا.

آخر مواضيع مقدام

- الشمال الايطالي ثم الى بورتفينو وجنوه 2019
- رحلة شتوية الى جورجيا (تبليسي وثلوج غودوري)
- رحلتي العائلية الى الأراضي النرويجية
- كرواتيا ... زغرب وروعة بحيرات وشلالات بلتيفيتش
- جولة في ارض الطبيعه (البوسنة) .. مايو .. 2018

توقيع : مقدام

(كن _سفيرا_ لدينك_ ووطنك )
احداثيات وخرائط للاماكن سياحية شمال ايطاليا
موسوعة مقدام الامريكية ..اماكن سياحية.احداثيات.خرائط
احداثيات ومواقع الاماكن السياحية في سويسرا وما حولها
جنيف اين تذهب فيها واين تذهب منها ..
خريطة سويسرا السياحية

توبليرون · 31-07-2018, 12:32 AM

سبحان الله مناظر لما تشوفها تقول ربي ارزقنا جناتك

وايد حلوه الطبيعة والانهار الجليديه حلوه سبحان الله الماي اللي تحت بالنهر احسه بااارد
اما الشوارع وهي ضيقه تخرع بس اكيد مع انتظامهم بالسير مافي خوف
والشارع اللي بالبحر روعه ماشاءالله
البيت حلوو وواسع بس حمام ونص والا حمامين ونص ضحكتني عليهم هههه
الحمدلله البيت ما ينقصه شي وخاصه العاب الاطفال علشان لا يملون
وبالعافيه الغدا والريوق بالخيمه المناظر تخليك تاكل وانت ماتدري عن نفسك
متابعين

مقدام, فارس من خيال و أبوفيصل معجبون بهذا.

مقدام · 31-07-2018, 07:28 PM

اقتباس : المشاركة الأصلية كتبت بواسطة توبليرون

سبحان الله مناظر لما تشوفها تقول ربي ارزقنا جناتك

وايد حلوه الطبيعة والانهار الجليديه حلوه سبحان الله الماي اللي تحت بالنهر احسه بااارد
اما الشوارع وهي ضيقه تخرع بس اكيد مع انتظامهم بالسير مافي خوف
والشارع اللي بالبحر روعه ماشاءالله
البيت حلوو وواسع بس حمام ونص والا حمامين ونص ضحكتني عليهم هههه
الحمدلله البيت ما ينقصه شي وخاصه العاب الاطفال علشان لا يملون
وبالعافيه الغدا والريوق بالخيمه المناظر تخليك تاكل وانت ماتدري عن نفسك
متابعين

الله يعافيج ام حسين

نص الحمام وهو اللي يكون بدون شاور

والبيوت الحمدلله توفقت فيها واكيد اهم شيء الألعاب

توبليرون و فارس من خيال معجبون بهذا.

آخر مواضيع مقدام

- الشمال الايطالي ثم الى بورتفينو وجنوه 2019
- رحلة شتوية الى جورجيا (تبليسي وثلوج غودوري)
- رحلتي العائلية الى الأراضي النرويجية
- كرواتيا ... زغرب وروعة بحيرات وشلالات بلتيفيتش
- جولة في ارض الطبيعه (البوسنة) .. مايو .. 2018

توقيع : مقدام

(كن _سفيرا_ لدينك_ ووطنك )
احداثيات وخرائط للاماكن سياحية شمال ايطاليا
موسوعة مقدام الامريكية ..اماكن سياحية.احداثيات.خرائط
احداثيات ومواقع الاماكن السياحية في سويسرا وما حولها
جنيف اين تذهب فيها واين تذهب منها ..
خريطة سويسرا السياحية

q8ya metnaqla · 31-07-2018, 04:42 PM

بو احمد الخيام في المنتزه تأجير يومي و ساعات و لا فيهم مبيت ؟؟

اشوه ان البيوت اللي تختارهم في العاب لليهال ولا راح يملون مساكين ..

بس البيوت واطلالاتهم روعه الاجواء سبحان الذي ابدع اتهبل

وناسه شويتوا مع الاجواء هذي حلو الباربيكيو في هالمناطق

سبحان الله فعلا تحسها غير في الشتا و الصيف الاجواء مختلفه تماما

قواك الله مقدام

مقدام, توبليرون, فارس من خيال و 1 آخرون معجبون بهذا.

آخر مواضيع q8ya metnaqla

- هُنا إمبــــراطـــوريــ اليــابــان ــــة
- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

مقدام · 31-07-2018, 07:32 PM

اقتباس : المشاركة الأصلية كتبت بواسطة q8ya metnaqla

بو احمد الخيام في المنتزه تأجير يومي و ساعات و لا فيهم مبيت ؟؟

اشوه ان البيوت اللي تختارهم في العاب لليهال ولا راح يملون مساكين ..

بس البيوت واطلالاتهم روعه الاجواء سبحان الذي ابدع اتهبل

وناسه شويتوا مع الاجواء هذي حلو الباربيكيو في هالمناطق

سبحان الله فعلا تحسها غير في الشتا و الصيف الاجواء مختلفه تماما

قواك الله مقدام

الخيام في منتزه Voss Active Klatrepark
اعتقد انها للايجار ومش متأكد اذا كانت للايجار اليومي او بالساعات

والحمدلله البيوت توفقت فيهم . بيوت نظيفة وواسعه وفيها العاب

توبليرون, فارس من خيال و أبوفيصل معجبون بهذا.

آخر مواضيع مقدام

- الشمال الايطالي ثم الى بورتفينو وجنوه 2019
- رحلة شتوية الى جورجيا (تبليسي وثلوج غودوري)
- رحلتي العائلية الى الأراضي النرويجية
- كرواتيا ... زغرب وروعة بحيرات وشلالات بلتيفيتش
- جولة في ارض الطبيعه (البوسنة) .. مايو .. 2018

توقيع : مقدام

(كن _سفيرا_ لدينك_ ووطنك )
احداثيات وخرائط للاماكن سياحية شمال ايطاليا
موسوعة مقدام الامريكية ..اماكن سياحية.احداثيات.خرائط
احداثيات ومواقع الاماكن السياحية في سويسرا وما حولها
جنيف اين تذهب فيها واين تذهب منها ..
خريطة سويسرا السياحية

مقدام · 31-07-2018, 07:34 PM

اليوم الرابع عشر

وهو يوم المغادرة الى سترين

بالأمس كنت تواصلت مع صاحب البيت اسأله عن وقت المغادرة

وقلنا له اذا نقدر نغادر بعد الغدا على شان ناخذ راحتنا ونتغدى ونطلع وقال ما عنده مانع
مع العلم ان وقت المغادرة على حسب المذكور في موقع Airbnb كان الساعه 12 الظهر

وسألني عن وجهتنا القادمة وقلت له بنروح الى سترين

وقال لي انتبهوا لان الطريق الأسرع الى سترين بيكون مغلق بسبب الامطار القوية اللي نزلت قبل أسبوعين وتسببت في انهيار جزء من الطريق وذلك في طريق النزول من الطريق الجبلي قبل الوصول الى Utvik والأفضل تورحون بالطريق الأطول

وللعلم الطريق الأسرع كان طوله 121 كم ومدته ساعتين والطريق الأطول طوله 146 ومدته

ساعتين و 43 دقيقة وفيه ركوب عبارة

بعد الإفطار رحت الى سوبر ماركت Coop Extra

https://goo.gl/maps/PJHvjNxrtGt

واشتريت سمك للغدا واخذت بوكيه ورد وكيك هدية لصاحب البيت

صورة لاطلالة البيت

حديقة البيت

بعد ماتغدينا مرينا على البقالة اللي تبيع حلال في فورديه
واخذنا منها دجاج وجبن وخبز

صور من الطريق الى سترين

في الطريق مرينا على

شلال Eidsfossen

https://goo.gl/maps/FD4g6yRkAaF2
N 61° 45.363 E 006° 14.908

شلال حلو وصغير

وقفنا في الجهة المقابلة للشلال
ونزلنا العزبة والفراش وجلسنا مقابل الشلال والعيال يلعبون

ثم واصلنا طريقنا الى سترين مرورا بالقرب من

ساندان Sandane

ووصلنا الى مكان ركوب العبارة

Anda Ferjekai

https://goo.gl/maps/van9uY8ixDS2

واللي تنقلنا من Anda الى Lote
وسعر العبارة كان 193 كرونة حوالي 86 درهم

صورة ونحن ننتظر وصول العبارة

صور من العبارة

صور من الطريق الى سترين

بعض الخرفان على جانب الطريق
اشكالها حلوة واكيد بيكون لحمها احلى

وصلنا الى البيت اللي استأجرناه في سترين

بيت واسع ونظيف ويتكون من 4 غرف نوم وحمامين وحديقة خارجية فيها بعض الألعاب

ويقع في منطقة مرتفعه شوي عن سترين والطريق له سهل

ويبعد عن سنتر سترين 2 كيلو ونصف حوالي 6 دقايق فقط

https://www.airbnb.ae/rooms/18717101
https://goo.gl/maps/yJqRsKWnTsC2

البيت استأجرته لمدة 5 أيام بمبلغ 7880 درهم اماراتي

صور من البيت

حديقة صغيرة وفيها بعض الألعاب وجلسة جميلة مقابل البيت

صالة للجلوس في الدور الأرضي

وبجنبها جلسة للتلفزيون

وطاولة طعام وبجنبها المطبخ

والدور العلوي فيه صالة جلوس و 3 غرف نوم وتكرمون حمام

يتبع >>> اليوم الخامس عشر

توبليرون, q8ya metnaqla, فارس من خيال و 8 آخرون معجبون بهذا.

آخر مواضيع مقدام

- الشمال الايطالي ثم الى بورتفينو وجنوه 2019
- رحلة شتوية الى جورجيا (تبليسي وثلوج غودوري)
- رحلتي العائلية الى الأراضي النرويجية
- كرواتيا ... زغرب وروعة بحيرات وشلالات بلتيفيتش
- جولة في ارض الطبيعه (البوسنة) .. مايو .. 2018

توقيع : مقدام

(كن _سفيرا_ لدينك_ ووطنك )
احداثيات وخرائط للاماكن سياحية شمال ايطاليا
موسوعة مقدام الامريكية ..اماكن سياحية.احداثيات.خرائط
احداثيات ومواقع الاماكن السياحية في سويسرا وما حولها
جنيف اين تذهب فيها واين تذهب منها ..
خريطة سويسرا السياحية

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي الممتعة في الأراضي السعودية 2017	هاوية الاسفار	بوابة السعودية	235	02-06-2021 06:01 AM
رحلتي الاقتصادية إلى الأراضي الماليزية	أبو سعد	بوابة ماليزيا	287	20-11-2019 11:15 PM
رحلتي العائلية لفرنسا	Abeeralsuhaim	بوابة فرنسا	3	19-02-2018 04:33 PM
رحلتي العائلية	جوري وياسمين	تركيا	18	24-10-2016 05:40 PM
استفساراتي العائلية للسفر إلى الأراضي التركية ؟؟ أرجو من الجميع الدخول	wanted	تركيا	4	15-02-2015 08:04 AM