استيا ماس اليوناني والسفيرات

توبليرون · 14-01-2019, 03:41 PM

استيا ماس اليوناني والسفيرات

‏Estia Mas Restaurant

طلعه حلوه لذيذه قمنا فيها يوم السبت
انا وربعي السفيرات ابرار وايمان ومنال وانا
مع هنادي صديقة المنتدى اللي سبق راحت معانا
واليوم الاختيار المطعم على ابرار المطعم اليوناني
استيا ماس

حسابهم بالانستغرام

المطعم في الديره ببرج كريستال قريب من سوق المباركيه تلاحظون بحسابهم موقعم على غوغل ماب
صور من البرج

اول ما دخلت

وهني تحت السرداب البرج فيه كذا مطعم وكافيه ونادي رياضي وكذلك مكاتب وبيفتح فرع لبنك الخليج

وهذا مطعمنا بالميزانين

طبعا اول الواصلين انا من بعد ابرار ومنال [emoji12]

لقيتهم قاعدين بالقعدات اللي خارج المطعم وهي داخل المبنى في الميزانين
مكانا من تصوير ابرار ويبين العامل الوحيد
والمطعم فاضي بس احنا

واتفقنا ان التقرير هالمره علي [emoji3166]

ميخالف من زمان ما صار علي
صور المطعم

احلى قعده هني تحسسك بالجو اليوناني

أرسلت بواسطة iPad بإستخدام Tapatalk

q8ya metnaqla, namareq و ام زياد معجبون بهذا.

توبليرون · 14-01-2019, 04:13 PM

المهم بديت اصور لكم المنيو من الايباد والاطباق كلها تشوق

السلطات اليونانيه طبعا لا يعلى عليها

المقبلات

الاطباق الرئيسية

المشروبات

لازم اشوف الصحون نظيفه والا لأ وشكلها مريح

بعد ما وصلت ايمان بدينا بالطلب

وكان العامل يوناني يتكلم الانجليزيه وينصح واستانس ان احنا كنا زايرين اليونان

الضيافه كانت الخبز وجبن وطمام وزيتون وزيت وملح خشن

صورنا واكلنا الخبز اللذيذ وراح ياب لنا سلة ثانيه

وصل اول طلب وهو الماء وعصيري محد طلب عصير لانه محدوده العصاير عندهم ليمون وبرتقال ماشفنا غيرها

الماي يوناني المنبع

وعصيري ولما يت هنادي طلبنا واحد ثاني لها

ووصلت السلطه اليونانيه

وچم صوره قبل الاكل

بعدها وصل اصابع الجلاش المحشيه جبنه وعسل

قصها لنا اربع اجزاء لانها كبيره وبعدين على قولة زيونه شيرنغ از كيرنغ

لذيذه وهي حاره

ووصلت بعدها المسقعه

وبعدها البقشه محشيه

وبعدين السيد طبق اللحم مع الكريما والعيش

وبعدها وصلت السيدة سي باس المتلحفه باللوز المقرمش

وطلب هنادي الباستا بالربيان

امبييييه الاكل لذيييييذ كله كله شي خيال
والطعم رووعه

بعدها قلنا نجرب نشرب قهوتهم وشايهم

طلبنا كان اثنين قهوة يونانيه ووحده تركيه وشاي اخضر وشاي احمر لي

انا اعطي المطعم عشرة من عشرة
والسعر على طلباتنا كان 38,500

القعدة والسوالف ما تخلص السفر بديناها بتونس وام زياد الحبوبه

وبعدها عن اليونان ومصر وابوظبي وامريكا ولندن

ومااااا تخلص سوالفنا بس شنسوي الوقت يمضي مثل ما يقولون اهل الأدب

أرسلت بواسطة iPad بإستخدام Tapatalk

فهد المنيع, q8ya metnaqla, namareq و 4 آخرون معجبون بهذا.

توبليرون · 14-01-2019, 04:41 PM

ومن الأدب ندخل على الفن معروضات لفنانيين كويتين
وانا قاعده اشوف جدامي المعرض فيه رسومات ومنحوتات قليله والناس تدخل وتطلع تصور
رحنا انا وامون وهنادي نشوف المعروض وكان عليهم اسعار خيااااااليه
اشدعوه هالاسعار

المهم صورت لكم
وهذه المعروضات

مجسم الديك بسعر750 دينار

وهذه اللوحة ما خلتني افكر اشوف اسعار الباقي
سعرها 5000 دينار

الباجي اقل بالسعر او اكثر ما ثبت عليهم

وهذه المنحوته من الخشب والكتب والسلاسل

بعد فرتنا بالمعرض
شريت من ستاربوكس سندويشات حق الريوق

ومنها الى البيت

والى لقاء اخر مع السفيرات بمكان ما من دولتنا الحبيبه

أرسلت بواسطة iPad بإستخدام Tapatalk

namareq, فهد المنيع, آخـــرفـــرصـــة و 3 آخرون معجبون بهذا.

بن قوت · 15-01-2019, 01:25 AM

السلام عليكم
سجل تالقك اصبح منهاج لنا
كنتم اهل للترابط والمحبة الصادقة
أهل للجمعات الطيبة

ماشاء الله الله يديم عليكم هذي المحبة

المطعم والاكل يفتح النفس
ديكورات وفخامة واكيد انتم اهل ذوق

مجسم الديك

750

كمية الاكل قليلة جدا

شكراً لكم

ام زياد, توبليرون, الــر ا ا يــق و 1 آخرون معجبون بهذا.

فهد المنيع · 15-01-2019, 08:31 AM

الله يديم المحبة بينكم .. وهالاجتماعات والصداقات من اهم ثمرات المنتدى .

مشكورين على الصور والمطعم الحلو وعليكم بالعافية .

بن قوت, آخـــرفـــرصـــة, توبليرون و 1 آخرون معجبون بهذا.

q8ya metnaqla · 15-01-2019, 08:44 AM

تسلم الايادي ام حسين
الاكل لذيذ ومثل ما قلتي انا أعطية 9.5/10
خصمتها منه يبيله اشوية زيادة في الاكل
ويستاهل الزياره المطعم

Sent from my iPhone using Tapatalk

بن قوت, آخـــرفـــرصـــة, ام زياد و 1 آخرون معجبون بهذا.

آخر مواضيع q8ya metnaqla

- مركاز العرب المسافرون 11
- إندونيسيا استفسارات
- شبه الجـــزيـــرة الايبيـــريـــة ( اسبـــــانيــــا ) 2023
- هنــــا شبــــه الجــــزيــرة الايبيــــريـــة ( البــــرتغـــــال ) 2023
- ريوقنا في the orangery

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

ام زياد · 16-01-2019, 09:29 PM

حبيباتي
ان شاء الله دايما متجمعين ومبسوطين ومستانسين
الاكل مبين روعه بالف هنا وشفاء
والمطعم جميل جدا والطراز اليوناي يعجبني جدا بالابيض والازرق
جميل انكم استفتحتو جمعتكم بالحديث عن تونس واهل تونس..تسلموا وان شاء الله اشوفكم كلكم هنا
الرسوم والمجسمات رعبني سعرهم ههههه مجسم الديك اكثر من 200 يورور واللوحه يالطيف ممكن انا ارسملك احسن منها هههههههه
المهم استانستوا

آخـــرفـــرصـــة و توبليرون معجبون بهذا.

توبليرون · 31-01-2019, 01:51 AM

اقتباس : المشاركة الأصلية كتبت بواسطة بن قوت

السلام عليكم
سجل تالقك اصبح منهاج لنا
كنتم اهل للترابط والمحبة الصادقة
أهل للجمعات الطيبة

ماشاء الله الله يديم عليكم هذي المحبة

المطعم والاكل يفتح النفس
ديكورات وفخامة واكيد انتم اهل ذوق

مجسم الديك

750

كمية الاكل قليلة جدا

شكراً لكم

يعطيك العافيه وجزاك الله خير

الاكل لذيذ والكميه بالعكس ممتازه لشخص واحد واحنا دايما نطلب ونتشارك بالاطباق لنجرب اكثر
والديج واايد يضحك شكله شايف نفسه مع السعر هههه

آخـــرفـــرصـــةمعجبون بهذا.

توبليرون · 31-01-2019, 01:52 AM

اقتباس : المشاركة الأصلية كتبت بواسطة فهد المنيع

الله يديم المحبة بينكم .. وهالاجتماعات والصداقات من اهم ثمرات المنتدى .

مشكورين على الصور والمطعم الحلو وعليكم بالعافية .

اللهم آمين ويديمها عليكم
العفوو وهذا واجبنا لنقدمه لبيتنا الثاني المنتدى

آخـــرفـــرصـــةمعجبون بهذا.

توبليرون · 31-01-2019, 01:54 AM

اقتباس : المشاركة الأصلية كتبت بواسطة q8ya metnaqla

تسلم الايادي ام حسين
الاكل لذيذ ومثل ما قلتي انا أعطية 9.5/10
خصمتها منه يبيله اشوية زيادة في الاكل
ويستاهل الزياره المطعم

Sent from my iPhone using Tapatalk

تسلمين ابرار
انا عندي الكميه كافيه ههههه مكممه
اما الاكل صج لذيذ ويبيلنا طلعه قريبه

آخـــرفـــرصـــةمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بازار والسفيرات مره ثانيه	توبليرون	بوابة الكويت	20	24-12-2018 03:38 AM