شوقتيني على أذربيجان وخصوصا لما سولفتي عن الاكل
تعجبني الدوله اللي يكون اكلها لذيذ ومميز

صوره لأكثر من توقيت لنفس الاطلاله من فندق عليه زحمه بالصيف وحتى بالربيع موقعه جبار مقابل البحر وقريب من كل شي


وفي صورة لـ 145 كوفي ولكن له اكثر من فرع باسم مختلف ولكن تبع سلسلة 145 يازينه زيناه


كنت شبه يوميا في المساء اقعد بهالكوفي بعد احنا بنيات زينات مؤدبات نحب نحلل ام السفره ومانام مبجر ولانحب نروح اماكن تخرع وموزينه فوين نروح وين نقعد ومكان أمن الكوفيهات الي تكون بالسنتر ومكشوفه وعليها ناس تدخل وتطلع كذلك رجال امن يتجولون بالمنطقه اسعار الكوفي هذا متفاوته وفيه بعد اطباق سناك وسويتات واطباق غداء وعشاءوفطور وجلساته مختلفه خارجيه وداخليه



انا جربت كل كافيهات 145 بمختلف الاسامي ولكن ادمنت واحد منهم لقربه لي ومادري حبيته وحبيت موظفينه واذا يوم ما مريتهم نطو علي بسناب يقولوليً وينج اليوم تأخرتي
يازينهم زيناه شعب ودود لطيف بشوش متواضع يحترم الصغير قبل الكبير


وفي صوره بعد ل منطقه تبعد عن العاصمه ٤ ساعات بالسياره غبالا



ولي عوده قريبه لتكملة التقرير

واضح ان التقرير بيكون مميز
ان شاء الله نتعرف على مناطق جذب جديدة غير باكو وغابالا
بالانتظار

مبارك عليكم الشهر

وارررررررررحبوووووووو


نكمل موضوعنا الشيق بصور تشويقيه شتويه دلوعيه رومانسيه طفوليه عفويه شيطونيه

مادري ليش احس فصل الشتاء يعني فصل الدلع والوناسه والطفوله والثلج والمطر وخيمه وريحة حطب ودلال القهوه والشاي المخدر

كيف وان كان هذا في بلاد القوقاز بلاد الطبيعه الصيفيه والثلجيه الشتويه


رايحين على وين يا طفله بعمر النضوج المتشتيه بعباءة غبالا Qabala الله يا جمالها الشتوي بمنتجع تدلع اخر دلع والا فيلا وتطبخ القهوه ع نار هاديه وريحة الهيل والبن تعطر جبال قوقاز الثلجيه

والا ذيج الكبسه الشتويه الي تدفي مصارين الكرش قبل لا تطلع للتلفريك وتشوف روعة الجبال ورذاذ المطر والثلوج المتساقطه المتطايره بكل دلع وغنج الله على ذاك النهار الي خلاني اسرح وانا بالتلفريك اشوف خلق الخالق للمخلوق فكيف لا ارفع يدي واشكره سبحان مااجمل الطبيعه بكل تضاريسها

تضاريسها توني قاريتها من كتاب علوم [emoji85]وقلت اوثقها ضروري من كثر ما كررررتها


الو الو يا الي تحبين اذربيجان نبي منج اقتراح حق سكن ل غبالا لو سمحتي؟؟

ابشر من عيوني الثنتين

اختي / اخوي

السكن في غبالا يا انه فندق او فلل او اكواخ نضام فلل صغيره

قريبه تكون ع التلفريك

وهناك فندق وفندق وفندق معروفين في غبالا وفي فندق اخر فوق بالجبل عند التلفريك بحضنه

والفندق الي تحت نفسه فيه فلل واكواخ

فاذا انتم عائله كبيره وبتاخذون اكثر من غرفه اذا الافضل فله

اما اذا اثنين معاريس والا طيور حب والا اصدقاء اخذو غرف بالفندق


انزين خيه لو سمحتي هل اهي بعيده عن عاصمة اذربيجان الي اهي باكو لانه احنا بنقعد اول في باكو وبعدها بنروح غبالا

هلا خويا هلا خيه المسافه يا بعد عيني تقريبا بالروحه ٤ ساعات اذا كان الطريق مزدحم وفي الشتاء تكون الشوارع صعبه اكثر من الصيف ٣ ساعات والعوده كذلك تقريبا ٣٠٠ كم


الله عليها عروس اذربيجان و سويسرا اذربيجان وخاطفة قلوب الشيييييييييبان و الشششششششباب فاتنة قلوب العزابيه ياويل حالي لازم نقدم شكوى للمحافظ يشوف حل ل غبالا


هي أقدم مدينة في أذربيجان قبل 1991م كانت تُعرف باسم Kutkashen

انزين جم ليله تكفي يا طويلة العمر والله يا طويل العمر من ليلتين الى ٣ ليالي ليلتين انتو خالصين كل شي فيها بس الي يبي الراحه والريلاكس والطبيعه ويستمتع فيها يخليها ع كثر ما اهو يبي من ليالي


فيها سوق ومولات ؟ لاطبعا فيها سوق شعبي قديم


فيها العاب للاطفال ؟ اي فيها غابالاند وبتشوفونها اول ماتدخلون لمدينه غابالا ع يمينكم بس ها اقولكم بالشتويه اغلب الالعاب الي فيها مسكره عكس الصيف اي ابوي الدنيا برد يا يمه حتى الاسلاك تثلج وماتشتغل ،،


انزين بعد شنو فيها غابالانروح فيها ؟؟


المدينه القديمه ( ould city )
شلالات غوزيل السبعه (
المسجد الجديد وكان في واحد قديم بعد قريب من السوق القديم
متحف غابالا
مركز او ملعب الرمايه المشهور
تشوخور غابالا معلم تاريخي

حق المستكشفين والمغامرين والرحاله والي يحبون يتعرفون ع كل شي بالدوله مثلي طبعا
[emoji1318][emoji1318]
فيها قريه كلامهم خاص عاداتهم حياتهم كلها خاصه ومن سنين السنين محافظين عليها خلف الله على بعض الناس صارت تتمرد من عاداتها وتقاليد ع منطق التكنلوجيا والتطور والتقدم والسوشل ميديا جعله الماحي[emoji15][emoji380]
اسمها NIJ

ازين نبي ناكل بعد تدرين احنا العرب نحب ندلع البطن نص الفلوس رايحه ع البطن وع السوق وع الردح لبعض منهم اماالمؤدبين الي مايردحون تروح فلوسهم ع الدلع كوفي مساج صالون

اي فيها مطاعم معدوده ومعروفه ومشهوره من قبل السواق والفنادق ولكن ؟؟؟...
عليكم الانتباه منهم عند دفع الفاتوره في منهم يحتال بزيادة اسعار الاطباق فكن حذر


ماراح اذكر اسم واخلي اسم واقطع رزق احد منهم بس انا جربت كذا واحد مع مطعاعن الفنادق


ع طاري الفنادق يا قلبي ياليت تذكرين اسماء الي سكنتي وحجزتي فيهم


فندق قفقاز ريفرسايد
اول فندق اسكنه وتكرر مع مرور الاعوام حبيته وسكنته كان توهم فاتحين ومباشرين العمل فيه والحجوزات كل شي جديد بجديد قريب من التلفريك ماتحتاج سياره

فندق قفقاز كارفانساراي
هذا جديد وقريب من غبالالاند والمسجد الجديد

منتجع وفندق قفقاز توفنداغ مونتاين
بعد حلو وكبييير وفيه شنو يا ترى فيه التلفريك بحضنه يعني لاصق فيه


عفوا استاذه شلون رحتو حق Qabala ؟

عندكم عدة خيارات مختلفه وسبق ذكرتها بأول الحكايه

سياره مع سائق
سياره تستأجرونها من مكاتب تأجير السيارات في باكو



تعبت وانا اكتب عنها

بحط لكم بعض الصور الي الحين تحت ايدي والباقي قريبا جدا


الان مع فقرة ( خذني وخلني )














يعني مستحيه من الثلج [emoji85][emoji23]






الصوره من بلكونة غرفتي

















من المطعم الي بالتلفريك باعلى الجبل قلنا لازم نتدفى وندفي الضلوع


























اللقطه هذي عند شلال





















































































































تحصلونهم بأغلب فنادق اذربيجان الفايف ستار







هاللقطه في غابالا ولكن بفصل الربيع بشهر ابريل ومايو






طبعا هالصوره للنموذج لتسعيره قديمه بعد ماصار عليها دوس وزحمه صار في طمع وزيادة بتعسرة الفيزا كانت ٢٠ للخليج واصبحت ٢٦ دولار نقدي او فيزا

كانت ورقه توزع علينا بالطائره لكتابه بيانات المسافر كامله وبوضوح ودقه

الان

مكائن اكترونيه اول ماتوصلون مطار حيدر عليف
وتملي بياناتك داخل الجهاز وتدفع بعد يا كاش يا فيزا
وتستلم ورقة الفيزا الصغيرونه وتروحون بعدها للتدقيق وختم الجواز والخروج من المطار