X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين118الاعجاب
إضافة رد
 
LinkBack أدوات الموضوع انواع عرض الموضوع
قديم 08-05-2019, 07:20 AM   #1

عضو قدير

الصورة الرمزية ليمونه حزينه
 
تاريخ التسجيل :  Mar 2015
رقم العضوية : 2615
الدولة : الكويت
الجنس : انثى
المشاركات : 2,711



افتراضي اذربيجان اسحرتني


السلام عليكم ورحمة الله وبركاته
والصلاة والسلام على اشرف خلق الله

————- ،


اذربيجان بلاد النار والرياح والجمال والطبيعه والبساطه والتواضع والاحترام والابتسامه والراحه والأمن والامان والتطور والتقدم


———————- ،


بتسألوني جم سفره وزياره لها بكل امانه لا اعلم ولكن اكتفي ان اقول شي عادي بالشهر مرتين ازورها واحيانا ثلاث مرات من سنة ٢٠١٧ وانا ابحر فيها واتردد عليها


ارتحت لها شفت البساطه بعيون الشعب شفت رقي اخلاق الشعب شفت الامان بكل الاوقات وان تمشيت لحالي باي شارع من شوارعهم وين تشوفون عسكري يشوفكم بوسط السنتر تمشين ويمشي وياكم ويسولف ويقول وين رايحه ويوصلج لي المكان الي تبينه كخوف وطمأنينه لي يا زين بس ضحكته وابتسامته وسوالفه ذاك اليوم ،،،،[emoji85]


المطاعم واخ ع المطاعم شسًولف شحجي يا بطني ويا كرشي اروح وزن الريشه وارجع وزن التمساح ليش يا مطاعم اذربيجان اللذيذه لحوم تذوب قبل لاتوصل البووووء مذاق يخلي الراس يجيه صداع طعم بعد عمرك ماتنساه نفسهم بالطباخ رهيب مقادير الاطباق رهيبه ولذيذه وصحيه ومقيده وفررررررش اصلا تشوفون مقادير اول مره تشوفونها تنحط بالاطباق الاجبان والا الزيتونات والا المربيات والا الفطيرات والصاجات والكعك والا الخضار والدولمه مع الروب يعني الزبادي اللبن والا الشوربه حقتهم رهيبه الماتي اعتقد اسمه مثل التركيه ولكن لذيذه مع لحم مفروم


والا عصير الرمان والكرز والتوت والعنب مشهورين فيهم اي شي حمر مشروب عندهم وطلب مميز وكثير من المطاعم فيها من اسم الرووومان


الاسماك والكافيار الاحمر والاسود والسي فود بمختلف انواعه عندهم


الذبايح والكبسات والمندي والبخار والي يحبه قلب ابو صروال وفانيله موجود عندهم والي تنسى الاتكيت وتاكل بالخمس من تشوف الرز وريحته اخ تذكرت الاكل يايمه يالذاذته


في مطاعم توفر هالاطباق وقت ما انت تكون بالمطعم وفي مطاعم اذا كانت المجموعه كبيره لابد حجز من قبل لاتروحون عشان يتم تجهيزه من وقت وطبخ اللحم المدلل ع العز والدلال


الله يا رحاله شنو بتسولفين عن الكافيهات وانواع الكوفي والسويت الي عندهم خلوني من السويت الكوفي كل كافييه ينادي ويقول قهوتنا احلى من قهوتهم ويارخصها ويالذاذتها تمخمخ المزاج صح وبكل ارض وبقعه يمين يسار ستجد كافييه لاتعد ولاتحصى وحتى بالمولات


واصبح لمزاجي اليومي في اراضي اذربيجان عنوان انا والقهوه عشاق القوقاز


المولات كأنني في مولات تركيا ولكن ارخص واقل عددا منها ولكن كل البراندات موجوده

فيها بازارات متنوعه البضائع ومختلفه المحتوى والسعر



التنقل ما ابسطه هناك بالمدينه هناك تاكسي لندن وتسعيره ثابته مسسعره من قبل الحكومه

تاكسي uber ، Grab عندهم ومتوفر وسهل جدااااا

تاكسي بالعداد تاكسي تتفقون معاه ع تسعيره معينه بكيفكم

سايق وسياره خاصه وبسعر متفق عليه من قبلكم في

تأجير سياره وقيادتها وباسعار مختلفه ومتفاوته ومعقوله



مرشد سياحي في ومتوفر واسعارهم مختلفه


وسيلة التنقل خارج المدينه العاصمه الى اي مكان تسعيره مختلفه ع حسب السياره والسايق

ولكن

عليكم الانتباه السايق الي يطلع وياكم بالروحه نفسه للعوده لانه عادي ماتحصلون تاكسي او سايق هناك يرجعكم للعاصمه او لاي مكان اخر



العمله المتداوله مانات اذا في بلادكم متوفره اخذها واذا مافي اخذ دولار ومن توصل سنتر باكو حولها الى مانات

مكائن الصوف بكل مكان متوفره وموجوده بس يعيبها انها تلزمك ع لمت معين للسحب للعمليه الوحده ٢٠٠مانات

ولكن
في مكينه بشارع نضامي عند ماكدونالدز الكبير يمينه في عده مكائن واحده منهم تسحب ٥٠٠ مانات

اليورو كلش ما انصح احد يجيبه خساااااااااره بالتحويل



الفنادق ياحلوها ويازينها





وللحديث بقيه وتفاصيل اكثر

—————————————
—————————————————























 

ليمونه حزينه غير متواجد حالياً   رد مع اقتباس
قديم 08-05-2019, 07:54 AM   #2

عضو قدير

 
 
تاريخ التسجيل :  Dec 2014
رقم العضوية : 485
الدولة : الامارات العربية المتحدة - دبي
الجنس : انثى
المشاركات : 763



افتراضي


اول الحضور
سبحان الله كنت مخططه ازور أذربيجان بعد عيد الأضحى و قلت خليني اقرا كم تقرير اخذ فكرة عن البلد .


مستمتعين وياج و في انتظار المزيد .

 

سوسو الصغيرة غير متواجد حالياً   رد مع اقتباس
قديم 08-05-2019, 08:40 AM   #3

عضو قدير

الصورة الرمزية ليمونه حزينه
 
تاريخ التسجيل :  Mar 2015
رقم العضوية : 2615
الدولة : الكويت
الجنس : انثى
المشاركات : 2,711



افتراضي



اول الحضور
سبحان الله كنت مخططه ازور أذربيجان بعد عيد الأضحى و قلت خليني اقرا كم تقرير اخذ فكرة عن البلد .


مستمتعين وياج و في انتظار المزيد .


اعز من يشارك وعسى دوم تكونين بكل المحافل اول الحضور

عيد الاضحى يعني بشهر اغسطس
يعني انا اقول وادري انج تاخذين كلامي محمل الجد والمصداقيه واقولج لو ترحلين السفره للشهر الي بعدو وايد افضل لج يكون الجو تعدل وبرد

وبالاول والاخير الراي راييج والقرار قرارج

 

ليمونه حزينه غير متواجد حالياً   رد مع اقتباس
قديم 08-05-2019, 09:13 AM   #4

مسافر متميز

 
 
تاريخ التسجيل :  Feb 2015
رقم العضوية : 2011
الدولة : السعودية
الجنس : ذكر
المشاركات : 366



افتراضي


والله اذربيجان في بالي من زمان لكن ما حصلت الفرصه لزيارتها ...

من كلامك عنهاااااااااا شوقتيني أكثررررررررر لهااااااااااااااا


في إنتظار التفاصيل الجايه ...

 

الــر ا ا يــق غير متواجد حالياً   رد مع اقتباس
قديم 08-05-2019, 10:30 AM   #5

مسافر متألق

 
 
تاريخ التسجيل :  Oct 2016
رقم العضوية : 12785
الدولة : دبي - UAE
الجنس : انثى
المشاركات : 405



افتراضي


كلامج عن الاكل خلاني اجوع اكثر و نحن في رمضان

عليج بالعافية حبيبتي ، متابعين لان ناوين عليها
:e 348:

 

مونامور غير متواجد حالياً   رد مع اقتباس
قديم 08-05-2019, 10:36 AM   #6

مميز تركيا

الصورة الرمزية الفراهيدي
 
تاريخ التسجيل :  Sep 2015
رقم العضوية : 6001
الدولة : ولايـة عـرعـر
الجنس : ذكر
المشاركات : 3,231



أوسـمـة: الفراهيدي

كل الاوسمة:1 (more»)
افتراضي


ماشاء الله موعودين مع

تقرير مميز في هذه البوابة

اتابع اكثر من شخص بالسناب قبل

فتره زار اذربيجان ويمدحونها

متــــــــابعين معاكـ

 

توقيع : الفراهيدي

الفراهيدي غير متواجد حالياً   رد مع اقتباس
قديم 08-05-2019, 11:18 AM   #7

مشرف السعودية

الصورة الرمزية بن قوت
 
تاريخ التسجيل :  Mar 2015
رقم العضوية : 2455
الدولة : الظهران
الجنس : ذكر
المشاركات : 4,564



افتراضي


ليمونة الحزينة
تقاريرها في قمة الروعة
ودايما مميزة في ادق التفاصيل
والاجمل التغريدات على جمال الصور
لاعدمنا التميز وروعة الإختيار



اذربيجان دولة سياحية ناشئة
فيها ثلات مدن سياحية
باكو وقبالا وقوبا

متابعين معك
فابحري بنا في خيالك الواسع
بارض الاذرين

 

توقيع : بن قوت

بن قوت غير متواجد حالياً   رد مع اقتباس
قديم 08-05-2019, 11:46 AM   #8

عضو قدير

الصورة الرمزية ليمونه حزينه
 
تاريخ التسجيل :  Mar 2015
رقم العضوية : 2615
الدولة : الكويت
الجنس : انثى
المشاركات : 2,711



افتراضي اذربيجان اسحرتني



والله اذربيجان في بالي من زمان لكن ما حصلت الفرصه لزيارتها ...

من كلامك عنهاااااااااا شوقتيني أكثررررررررر لهااااااااااااااا


في إنتظار التفاصيل الجايه ...


وراح يزيد الشوق اكثر واكثر ومتأكده بشوف تقرير عنها منك [emoji253]





ليمونة الحزينة
تقاريرها في قمة الروعة
ودايما مميزة في ادق التفاصيل
والاجمل التغريدات على جمال الصور
لاعدمنا التميز وروعة الإختيار




ليه تحرجوني بكلامكم

يستحق المنتدى الكثير منا والظروف احيانا تمنعنا من كتابة التقارير ولكن هالمره كثر ما اقدر بعطي حق للمنتدى بتقارير تفيدكم
التفاصيل جايتكم اسرع سريع باذن الله
التغريدات مجرد بعثره وبوح واعجاب وووو

التميز حضوركم لتقاريري المتواضعه

شكراااااااااا للتشجيع [emoji253]



اذربيجان دولة سياحية ناشئة
فيها ثلات مدن سياحية
باكو وقبالا وقوبا

متابعين معك
فابحري بنا في خيالك الواسع
بارض الاذرين


بلد طلع واخذ البساط من بعض الدول الي كانت ماكله الجو ومزعجتنا بعد وصار عليها طمع وغلاء اسعار من كثر الزحمه

اذربيجان فيها مناطق سياحيه مشهوره عند الخليجيين وعند المستكشفين والمغامرين والي يبحرون بالديار الي يسافرون لها بيقولكم فيها اذربيجان مناطق جميله سياحيه وقريبا في منطقه راح يفتحون الطريق لها للسواح جميله وقريبه

سأبحر بكم بخيال واسع لبلد يستحق ذاك الخيال الواقع والصادق [emoji253]



ماشاء الله موعودين مع

تقرير مميز في هذه البوابة

اتابع اكثر من شخص بالسناب قبل

فتره زار اذربيجان ويمدحونها

متــــــــابعين معاكـ


جميل انك تابعت اكثر من شخص والان تابع تقريري وبتشوف انه مختلف [emoji85] ولا تنطر حد يمدحها بعد اليوم خذ الكلام مني انها تستحق الزياره [emoji253]




كلامج عن الاكل خلاني اجوع اكثر و نحن في رمضان

عليج بالعافية حبيبتي ، متابعين لان ناوين عليها
:e 348:


تابعي يا قلبيي ومن الحين اقولج مبروك عليج زيادة الوزن اذا سافرتي لها يا زين الزيناه بس اكلهم

عيش بالكويتي يعني رز بالسعودي عشان لانزعل احد
عيش ولحم ذااااايب ومشمش وكشمش وكستنه ووكشنة بصل وتعال يا كرش العب بالماعون وادلع

يعافيج قلبي وتابعي لانج راح تزورينها [emoji253]

 

ليمونه حزينه غير متواجد حالياً   رد مع اقتباس
قديم 08-05-2019, 12:03 PM   #9

مشرف السعودية

الصورة الرمزية بن قوت
 
تاريخ التسجيل :  Mar 2015
رقم العضوية : 2455
الدولة : الظهران
الجنس : ذكر
المشاركات : 4,564



افتراضي


التغريدات مجرد بعثره وبوح واعجاب وووو

رفقا بنا يا سيد الكلمات
فانتي انثى..لا تتحمل كل هذا الغموض


ام خيال أنثى فوق حدود المعقول



مجرد بوح

 

الفراهيديمعجبون بهذا.

توقيع : بن قوت

بن قوت غير متواجد حالياً   رد مع اقتباس
قديم 08-05-2019, 12:11 PM   #10

مسافر متميز

 
 
تاريخ التسجيل :  Sep 2018
رقم العضوية : 21730
الجنس : ذكر
المشاركات : 169



افتراضي


متابعين التقرير الجميل

تحياتي

 

ليمونه حزينهمعجبون بهذا.
solo traveller 1 غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
جدول اذربيجان 7 ليالي aziz 11 بوابة جورجيا و اذربيجان 12 15-05-2019 09:30 AM
دبي او اذربيجان . مسافره والجو غيم بوابة الامارات 9 23-11-2018 10:15 PM
اذربيجان صيف 2017 Meme Bahrain بوابة جورجيا و اذربيجان 66 10-08-2018 03:35 PM
اذربيجان abdziz بوابة جورجيا و اذربيجان 6 18-06-2018 02:42 PM
فيزا اذربيجان memo فيزا دول اخرى 8 11-03-2017 02:03 AM

الساعة الآن 03:26 AM
Powered by vBulletin® Copyright ©2000 - 2020, Jelsoft Enterprises Ltd.
Search Engine Friendly URLs by vBSEO