عشقي لها يزداد عامن بعد عام ( الكويت 2019 ) - الصفحة 6

هاوية الاسفار · 19-06-2019, 04:20 PM

طلعنا باتجاه مركز الشيخ جابر الاحمد الثقافي

وصلنا و المطر ما شاء الله ما وقف قلنا بنتمشى شوي بس زاد المطر و قلنا ندخل أقرب مطعم

كان في خاطري أجربه من كمن سنه بس يوم أوصل الكويت أنسى

لازم أرجع و أكتب كل اللي أبغيه نفس قبل

الجلسات الخارجية كلها مسكره بسبب المطر و المظلات ما فتحوها قلت لزوجي كلمهم عشان

نقعد برع بس كل شي كان مبلول الكراسي و الطاولات

قعدنا مجابلين المخرج و عدالنا طاولة فيها حرمتين و أول ما قاموا غيرنا و قعدنا مكانهم

ديكورات المطعم جميلة جدا و الالوان مبهره و زاهيه

أول الواصلين عصير موز للصغير حتى ما شرب ربعه بس يحن يبغيه

طلبنا شمندر بالطحينه لذييييييذ جدا و عرايس و تبولة

كباب باللبن

كباب دجاج لهاوية الأسفار

و طلبنا بيبسي و ماي و الفاتوره 19.550 السعر مناسب جدا و يعتبر رخيص مقارنة بباقي المطاعم

و الحمدلله توفقنا باختيار المطعم و أعطيه 10من 10 كل شي كان لذيذ و عجبنا

طلعنا نتمشى شوي

ما كملنا 5 دقايق و نزل المطر مرة ثانيه و طلعنا ما قدرنا نكمل التمشي ما عندنا مظلات

q8ya metnaqla, توبليرون, الايمان و 3 آخرون معجبون بهذا.

هاوية الاسفار · 19-06-2019, 05:08 PM

طلعنا و توجهنا لمنطقة الري و أسواق ميركاتو الري و كم سوق بجانبهم و زحمة فضيعه

تشريت أقمشة للمناسبات من ميركاتو و هاي ثاني سنه آخذ من عندهم

و بعدها توجهنا للمكان اللي ما نمل منه سوق المباركية و الجو فضيييييع

وصلنا و ما شاء الله زحمة و المواقف فل

مطاعم جديده في المباركية

اخترنا الجلوس في حلويات كيفك

و نشوف المنيو

و عندهم موالح بعد

و المشروبات

أسعارهم بصراحه ممتازه و ان شاء الله ما تتغير و يرفعون السعر

طلباتنا بسبوسة بالقشطة و كانت لذييييييذه جدا جدا

كريب بالنوتيلا للعيال واحد بالفراولة و الثاني بدون

دلة القهوة لابد منها مع الحلو

و الفاتوره

المكان كان مزدحم جدا و ما في كراسي فاضيه اللي يقوم على طول في حد يقعد مكانه

و في عوايل الله يهديهم يايبين عيالهم و مخلينهم هدد يلعبون و يحذفونا بالكوره اللي عندهم

و الأهل ساكتين في عايلتين ما يعرفون بعض لكن العيال قاموا يلعبون ويا بعض

و أنواع الشطانه كلها فيهم و كل شوي أصارخ عليهم يحذفون الكوره صوبنا

و هم و لا هامنهم و القعده على الشارع ركض الولد و عبر الشارع صوب الالعاب

و الله سلمه ما دعمته السياره و في شايب ركض و وقف

السياره و قعد يصارخ على أهل الولد و بصراحه شكلهم ما كانوا من المدينة يايين من البر

حتى كلامهم غير خلصنا بسرعة و ما ارتحنا أبد في القعده الله يسامحهم و غير اللي يدخنون

الله يكفينا شرهم ما يحسبون حساب للقاعدين أبدا

انتقلنا للسوق و صلينا هناك لأن اليوم ناوين نتشرى عدل و افترينا في السوق فراره

و قعدنا عشان يلعبون العيال شوي

قعدنا تقريبا لين الساعة 10 و بعدها طلعنا و توجهنا لمطعم دندوش في بنيد القار قريب من الفندق

خذنا سندويشات شوارما و كباب و تعشينا في الشقة

سندويشاتهم لذيذه و كل مره لازم ناخذ من عندهم

و عندي وحده وصتني آخذ قهوة كويتيه وايد يحبونها و خذت حقي شوي و قلت بجربها مع رهش بالدبس

بصراحة ما عجبتني وايد قهوتنا غير محموسة أكثر لا يزعلون ربعي عليه

و خلص يومنا الجميل من بدايته لنهايته و ان شاء تكونون استمتعوا بالاجواء و نلقاكم غدا

بأماكن جميلة و يمكن جديده

دمتم بود

q8ya metnaqla, توبليرون, الايمان و 3 آخرون معجبون بهذا.

q8ya metnaqla · 19-06-2019, 05:37 PM

مركز الشيخ جابر وايد حلو في الأجواء هذي

و فيلا فيروز احبه وايد أكله يعجبني بمستوى ميس

عليكم بالعافيه

ميركاتو خاماته حلوه للدراريع وخصوصا القرقيعان

حزتكم وايد زحمه لان الناس اتجهز حق رمضان

المباركية ما شاءالله متروسه كل شي

وأسعار الكافيه زينه والله ما يستحون هذول عاد انا بسرعه اتنرفز من اللي ما يزفون عيالهم عيب عليهم

دندوووش عليكم بالعافيه

اختيارات موفقة ام علي

والقهوة انا عادي ما ازعل مو من أهلها [emoji1787][emoji1787]
امون خبرة اتعلمج على الزينة

Sent from my iPhone using Tapatalk

هاوية الاسفار, توبليرون, الايمان و 1 آخرون معجبون بهذا.

آخر مواضيع q8ya metnaqla

- مركاز العرب المسافرون 11
- إندونيسيا استفسارات
- شبه الجـــزيـــرة الايبيـــريـــة ( اسبـــــانيــــا ) 2023
- هنــــا شبــــه الجــــزيــرة الايبيــــريـــة ( البــــرتغـــــال ) 2023
- ريوقنا في the orangery

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

هاوية الاسفار · 19-06-2019, 07:18 PM

اقتباس : المشاركة الأصلية كتبت بواسطة q8ya metnaqla

مركز الشيخ جابر وايد حلو في الأجواء هذي

و فيلا فيروز احبه وايد أكله يعجبني بمستوى ميس

عليكم بالعافيه

ميركاتو خاماته حلوه للدراريع وخصوصا القرقيعان

حزتكم وايد زحمه لان الناس اتجهز حق رمضان

المباركية ما شاءالله متروسه كل شي

وأسعار الكافيه زينه والله ما يستحون هذول عاد انا بسرعه اتنرفز من اللي ما يزفون عيالهم عيب عليهم

دندوووش عليكم بالعافيه

اختيارات موفقة ام علي

والقهوة انا عادي ما ازعل مو من أهلها [emoji1787][emoji1787]
امون خبرة اتعلمج على الزينة

Sent from my iPhone using Tapatalk

الله يعافيج
فيلا فيروز حبيته اكثر من ميس الغانم
ميركاتو هاي ثاني سنه آخذ من عندهم بس هالمرة ما عرفت اتشرى عدل كل شي فوق بعض
في ناس عندهم اللامبالاه و كانوا ما شاء الله عايله كبيره الأم و العيال و الأحفاد و الأبو
تسلمين عَل المتابعة

توبليرون و الايمان معجبون بهذا.

توبليرون · 20-06-2019, 03:05 AM

صباح الخير

دله وتدلل هذا قريب فريجنا انا واموون بالسالميه
صح ذاكيوب اللي تعشينا فيه مره معاج واتذكر حزتها كنا نتكلم عن التدخين والشيشه بالمجمعات

المطر يخلي الاجواء والسما رووعه
ميركاتو دخلته مرة وحده ومع بوحسين اللي مايمدني اشوف محل واحد الا اهو مخلص السوق كله

لازم اروح له بروحي والا مع حريم

فيلا فيروز اكلهم احلى بوايد من ميس الغانم

اما العايله الهمج وايد منهم هههه على ابو انهم مستانسين مالهم شغل بالناس
فشلونا ونقدم لج اعتذار وامسحيها بوجهي

مطعم كيفك افتحوا يمه مطعم درب الزلق لولد الفنان عبدالحسين عبدالرضا وديكوراته كلها من المسلسل

يبيلج تجربينه المره اليايه

المباركيه دايما حلوه بتقاريرج
شوقتينا على دندوش لازم نجرب اكلهم

ما يمدينا نجرب كل المطاعم مطاعمنا تتكاثر صيفا وشتاءاا ههههه
متابعين معاج السوالف الحلوه

الايمان و هاوية الاسفار معجبون بهذا.

الايمان · 20-06-2019, 09:03 AM

عليكم بالعافية ريوق المباركيه احلى شي خصوصا بالشتاء
القيت مول يهبل ولابد من زيارته خصوصا قبل رمضان والعيد
دلة وتدلل نروح نحلي ونشرب قهوه عربيه ولامرة اكلنا فيه

هاوية الاسفار و توبليرون معجبون بهذا.

الايمان · 20-06-2019, 09:10 AM

والله تعبت وانا أقول حق ابرار وربعها وينكم عن المدخنين ليش ماتخالفونهم للأسف ماعندنا تطبيق للقانون بشدة بالكويت وايد متساهلين مع المدخنين
فيلا فيروز وايد اكله حلو واسعاره مناسبة
بالنسبة للقهوه كان قلت لي ادليج على مكان ممتاز يبيع القهوه العربية

هاوية الاسفار و توبليرون معجبون بهذا.

هاوية الاسفار · 20-06-2019, 10:55 PM

اقتباس : المشاركة الأصلية كتبت بواسطة توبليرون

صباح الخير

دله وتدلل هذا قريب فريجنا انا واموون بالسالميه
صح ذاكيوب اللي تعشينا فيه مره معاج واتذكر حزتها كنا نتكلم عن التدخين والشيشه بالمجمعات

المطر يخلي الاجواء والسما رووعه
ميركاتو دخلته مرة وحده ومع بوحسين اللي مايمدني اشوف محل واحد الا اهو مخلص السوق كله

لازم اروح له بروحي والا مع حريم

فيلا فيروز اكلهم احلى بوايد من ميس الغانم

اما العايله الهمج وايد منهم هههه على ابو انهم مستانسين مالهم شغل بالناس
فشلونا ونقدم لج اعتذار وامسحيها بوجهي

مطعم كيفك افتحوا يمه مطعم درب الزلق لولد الفنان عبدالحسين عبدالرضا وديكوراته كلها من المسلسل

يبيلج تجربينه المره اليايه

المباركيه دايما حلوه بتقاريرج
شوقتينا على دندوش لازم نجرب اكلهم

ما يمدينا نجرب كل المطاعم مطاعمنا تتكاثر صيفا وشتاءاا ههههه
متابعين معاج السوالف الحلوه

ويهج ابيض يالغاليه إنتوا مالكم شغل بالناس كل واحد عليه من نفسه و مطعم درب الزلق شوقتيني عشان أجربه
لازم تجربينه دندوش وايد حلوه سندويشاتهم
تسلمين عَل المتابعة يا عسل

توبليرون و الايمان معجبون بهذا.

هاوية الاسفار · 20-06-2019, 11:08 PM

اقتباس : المشاركة الأصلية كتبت بواسطة الايمان

عليكم بالعافية ريوق المباركيه احلى شي خصوصا بالشتاء
القيت مول يهبل ولابد من زيارته خصوصا قبل رمضان والعيد
دلة وتدلل نروح نحلي ونشرب قهوه عربيه ولامرة اكلنا فيه

اقتباس : المشاركة الأصلية كتبت بواسطة الايمان

والله تعبت وانا أقول حق ابرار وربعها وينكم عن المدخنين ليش ماتخالفونهم للأسف ماعندنا تطبيق للقانون بشدة بالكويت وايد متساهلين مع المدخنين
فيلا فيروز وايد اكله حلو واسعاره مناسبة
بالنسبة للقهوه كان قلت لي ادليج على مكان ممتاز يبيع القهوه العربية

الله يعافيج و يسلمج
دله و تدلل يمكن متميزين بالمشروبات اكثر من الأكل
أتمنى السنه اليايه ان شاء الله اذا زرناكم نشوفهم مانعين التدخين و ناخذ. راحتنا
تسلمين عَل المتابعة

توبليرون و الايمان معجبون بهذا.

توبليرون · 23-06-2019, 03:04 AM

ام علي
تشوقت على فيلا فيروز وطلبنا منهم العشا يوم الجمعه

باقي دندوش

يلا بالانتظار

هاوية الاسفارمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الف مبرووك ل * عشقي السفر *	توبليرون	أخبار واعلانات الأعضاء	51	22-10-2021 02:03 AM
الخطوط الكويتية تطلق خط الكويت طرابزون الكويت	Gunner10	تركيا	10	08-02-2018 01:01 PM
الكويت ...وما ادراك ما الكويت	توبليرون	بوابة الكويت	32	21-01-2016 12:38 AM
استفسار يااهل الكويت الكريم وكل من سافر الكويت	جميله	بوابة الكويت	11	31-03-2015 12:54 AM