عشقي لها يزداد عامن بعد عام ( الكويت 2019 )

هاوية الاسفار · 19-06-2019, 03:34 PM

صباح و مساء الخير على الجميع

اليوم الثالث

الثلاثاء

9 / 4 / 2019

هالسفره كان غير مخطط لها بتاتا يعني كل يوم نصحى و نقرر وين نطلع و وين نتريق

و مرات تتغير الخطة و طبعا صرنا خبره في الكويت لكنها ما شاء دايما متجدده

طلعنا عشان نتريق و كان مخططي نختار من المطاعم الموجوده في السالمية

و يا مكثر المطاعم عاد زوجي لازم يتحرطم يقول متأكده في مطعم و عندهم ريوق

حلو و أنا اقول اكيد في مطاعم و احنا و حظنا لازم نجرب

و الجو يبشر بالخير صراحة من أحلى أيامنا في الكويت

حصلنا مجمع ذ كيوب و أعتقد هو نفسه اللي تعشينا فيه مره مع السفيرات

اخترنا مطعم دلة و تدلل الاسم و شكل المطعم هو اللي يغريني بصراحه

ديكورات المطعم من الداخل

المطعم فاضي و قررنا نقعد برع و نستمتع بالجو

الوقت كان متأخر و زوجي متعود يقعد من الفجر و يتريق

و احنا الساعه 10 تونا نطلع من الفندق و الجوع 1000

هذا مجمع تجاري و عدال المطعم فندق ايبيس

كان في زوج و زوجته قاعدين و اثنين شباب بعد ما يتريقون على طول يشغلون السيجاره

و هالشي وايد كان يضايقنا نتمنى انهم يمنعون التدخين عل الأقل في المطاعم عشان

الواحد ياكل و هو متطمن انه ما في تلوث في أكله الموضوع هذا عندج أبرار شدي حيلج

الأكل طول وايد

و أول الواصلين شاي حليب

و طلبنا الصينيه بتاع كلو

فول و فلافل و لبنه و قشطة و زعتر و حلوم مشوي ماااااااالح
و قلنا بيض و طماط بس يابت بيض عيون و شكله ما يشهي

الحليب بصراحه كان لذيذ لكن الأكل اعطيه 4 من 10 ما عجبنا

الفلافل يابسه و البيض مب مستوي عدل و الفول ما فيه طعم
و الحلوم مالح و يذبح بس اللبنه و القشطة و الزعتر حلوين

عم بتشتي الدني و نزلت المطرات علينا

و طلعنا و كنا نتجول في شوارع الكويت الجميله

أبراج الكويت أشهر من نار على علم

و رجعنا لمقر اقامتنا لييييش لأن العيال يبغون يتسبحون في الحوض

طلعوا مع ابوهم و أنا قعدت و خذت شور على راحتي من غير ازعاج

و رتبت الاغراض و الشنط عشان ما تعب ليلة السفر

توبليرون, الايمان, namareq و 1 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الف مبرووك ل * عشقي السفر *	توبليرون	أخبار واعلانات الأعضاء	51	22-10-2021 02:03 AM
الخطوط الكويتية تطلق خط الكويت طرابزون الكويت	Gunner10	تركيا	10	08-02-2018 01:01 PM
الكويت ...وما ادراك ما الكويت	توبليرون	بوابة الكويت	32	21-01-2016 12:38 AM
استفسار يااهل الكويت الكريم وكل من سافر الكويت	جميله	بوابة الكويت	11	31-03-2015 12:54 AM