عشقي لها يزداد عامن بعد عام ( الكويت 2019 )

هاوية الاسفار · 01-07-2019, 12:59 AM

طلعنا من محل المصانع و توجهنا للسالمية

لعصائر المنعش و خذنا سندويشات من كوردو

طبعا رجعنا الشقة الجو حار و ما عندنا مكان نسير نتمشى فيه و ما نبغي مجمعات

طلعنا قبل المغرب و الوجهة سوق المباركية

وصلنا و بدت الدنيا تحمر و تصفر ما ندري هو مطر و لا غبار

و قعدت عشان العيال يلعبون شوي و الجو كان حلو ما كان حار

صلينا المغرب و بعدها دخلها نتمشى شوي في السوق

طلعنا و الوجهة كانت مقهى الشميمري للقاء الغالية على قلبي أم حسين

طبعا قبل السفر كلمتها و قلت يمكن ما نتلاقى هالمره لأني بكون ويا عيال أختي

و المده قصيره يمكن ما يكون عندي وقت لكن ما قدرت أوصل الكويت بدون ما أشوفها

و لا أسلم عليها و أبرار كان عندها عزا خالها الله يرحمه و أمون مسافره فقررنا

نلتقي في المقهى عشان العيال و أبوهم يكونون في نفس المكان

طلبنا غوري شاي

خبز رقاق بالزعتر و بالجبن و العسل

و كباب لحم و شيش طاووق

كلنا و سولفنا و ضحكنا و كنت أشوف اضاءة أقول برق و أم حسين لا ليزر

هذا سوق شرق و شوفوا القطوة متكية عدالنا و اللي ورانا و جدامنا يصارخون من الخوف

الحمدلله اللقاء كان سريع لكن و الله استانسنا و فرحنا بشوفة بعض

و الله يجمعنا دايما على الخير و لا يفرقنا

طلعنا الساعة 10 و نص لأن خلاص بيسكرون و أم حسين وراها مشوار طويل

و طبعا لازم وداعية للعصاير قبل السفر

و رجعنا الشقة نجهز أغراضنا للسفر و خليت زوجي ينزل الشنط لأن الجو كان ممطر

و قلت يمكن نصبح و المطر يزيد

و خلص يومنا على خير نلقاكم يوم مغادرة دولة الكويت و التوجه للدمام

دمتم بود

توبليرون, q8ya metnaqla, الايمان و 1 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الف مبرووك ل * عشقي السفر *	توبليرون	أخبار واعلانات الأعضاء	51	22-10-2021 02:03 AM
الخطوط الكويتية تطلق خط الكويت طرابزون الكويت	Gunner10	تركيا	10	08-02-2018 01:01 PM
الكويت ...وما ادراك ما الكويت	توبليرون	بوابة الكويت	32	21-01-2016 12:38 AM
استفسار يااهل الكويت الكريم وكل من سافر الكويت	جميله	بوابة الكويت	11	31-03-2015 12:54 AM