شكرا جزيلا على هالمعلومات الثمنيه

جزاك الله خير


طيب ما فيه مشكلة خذ ليلتين اول ليلة راح تصل متأخر وفي الصباح خذ لك لفة على الاكشاك الموجودة في الشارع اللي امام الفندق وشوف اسعار رحلة الرافتنق وبابات الدفع الرباعي اذا حصلت سعر طيب خذ منهم واذا ما حصلت اتصل على الرجل اللي ذكرته لك سابقاً طبعاً رحلة الرافتنق احجز قارب لك انت والمدام مع المرشد فقط وليس مع قروب اذا خصلت حجوزاتك عندك مولين جنب الفندق الاول اسمه دسكفري مول والاخر اصغر قليلاً اسمه ليبو وموقع عكس اتجاه مول الدسكفري طبعاً ما تحتاج سيارة المولين تروح لهم مشي على الاقدام



حلو جدا ,

ممكن توضح لي موضوع المرشد ؟ , هل تقصد انني احجز للسائق معانا ؟




قبل العصر اذا عندك سائق خليه يوصلك شاطي جمباران او ما يسمى شاطئ الغروب لمشاهده غروب الشمس هناك كذلك توجد الكثير من المطاعم البحرية على امتداد الشاطي

في الصباح الباكر شك اوت من الفندق واتجهه مباشرة لرحلة الرافتنق (تحتاج لملابس غيار) (تبعد عن كوتا ساعة ونصف) بعد الانتهاء من الرافتنق توجهه لمزارع القهوة ثم اذا الى الفندق اللي حاجزة في ابود


ممتاز جد جدا , الفنادق اللي تفضلت فيها رائعه لكن اسعارها مرتفعه مثل ماتفضلت , هل فيه خيارات افضل بالنسبه للاسعار , ؟ واذا بالامكن تعطيني اسم منطقه معينه مفضله للسكن في اوبود ؟

اليوم الثاني في ابود التوجهه الى رحلة دبابات الدفع الرباعي وبقية اليوم تقضية في النتجع لان اغلب منتجعات ابود فخم وسياحه في حد ذاتها لذلك حرام الواحد يدفع مبلغ طائل في المنتجع وما يرجع له الا وقت النوم

اليوم الثالث في ابود شك اوت من الفندق والتوجهه الى البيدقول و بحيرة براتان قبل بحيرة البيدقول فيه مزرعة فراوله ممكن تزورها اذا وصلت البحيرة تدخل مثل ماذكرت لك سابقاً من حديقة المعبد وتاخذ الانش وبعد الانتهاء من البحيرة يوجد سوق شعبي بجانب البحيرة خذ لك لفه فيه ثم تتوجهه الى الحديقة النباتية Botanical Garden بعد الحديقة النباتية ترجع الى كوتا وتستلم الفندق


تفصيل دقيق وجميل جدا

اليوم الاخير في بالي

رحلة الغواصة تشتري التذكرة من الاكشاك مع رحلة الغواصة في نفس الاتجاه زورع حديقة السفاري لكن لك زيارة لبونشاك في هذه الرحلة انصحك انك تروح السفاري اللي في بونشاك افضل من اللي بالي والجو فيها الطف لان بالي ساحلية واغلب الاوقات الجو حار ما يساعد

بالنسبه للغواصه ما اعتقد بجربها مثل ماذكرت ان المدام رعبها هالامور .
وفعلا سفاري بونشاك اتوقع انها افضل , ودي اترك اليوم الاخير استجمام وزيارة اسواقهم الشعبيه او المولات , السؤال هل فيه غير المولين اللي في كوتا ؟ وهل فيه اسواق شعبيه فريبه ؟

السؤال الاهم , هل امدد فترة جلستي في بالي ؟ ولا اكتفي بهالقدر من الأيام ؟


هذي الخطوط العريضة للرحلة واذا فيه اي شي ما يناسب لك راح نضع لك بديل واذا فيه شي تحتاج تفاصيل له راح نفصل لك ونوضح لك


سؤال بالنسبه للرافتنق , هل فيه خطوره ومشقه ؟ لان المدام تخاف من الانشطه البحريه .

الرافتنق هو التجديف في النهر بقوارب مطاطية هناك اكثر من نهر في بالي فيه نفس الفعالية وافضل نهر هو تلاقا واجا وافضل شركة تقدم الخدمة هي شركة BMW

لا توجد خطورةفي التجديف في النهر بالعكس ممتع جداً وشاهدت الكثير من العوائل الخليجية يمارسون هذه الرياضة النسبة للمشقه نعم هناك مشقه لان طول الرحلة حوالي 13 كيلو وبعده فيه صعود درج ما يقرب 200 درجة بس الرحلة تستاهل التعب ومن افضل الانشطة اللي جربتها في جزيرة بالي



اي سؤال في خدمتك