رحلتى الى الجميلة المظلومة أمستردام 2019

heshow · 22-08-2020, 04:08 PM

اليوم الثالث - الجزء الثاني

أعتمدت الحكومة الهولندية استراتيجية تم تطويرها من أجل "إظهار ما لدى هولندا لتقدمه إلى العالم بشكل أوضح" في صوره منها لتغيير صورتها النمطية في العالم، فبدءاً من عام 2020 يمكن التعرف على هولندا ومملكة هولندا دولياً من خلال شعار جديد يظهر فيه رمز "NL" إشارةً إلى كلمة "نذرلاند"، إضافةً إلى شعار لنبتة خزامى برتقالية اللون، وفقاً لما كُتب في الموقع الرسمي لحكومة هولندا.

المصدر

ومن الأخبار الجميلة أعلنت عمدة مدينة أمستردام الهولندية عن خطة لإعادة تنظيم حي الأضواء الحمر، المعروف بتجارة الجنس، تتضمن إغلاق بيوت الدعارة الواقعة في وسط المدينة، وتتضمن إنهاء وقوف بائعات الهوى في واجهات المحلات الزجاجية، وإغلاق بيوت الدعارة في وسط المدينة وتحويلها إلى مكان آخر، أو تقليص عدد بيوت الدعارة في وسط المدينة، وفرض تراخيص على وقوف بائعات الهوى في واجهات المحلات.

المصدر

بعدما وصلنا الفندق واستريحنا شويه قررنا ننزل نشوف سنتر المدينة، استخدمنا الترام ووصلنا للدام سكوير وبدأنا نتفقد المكان

وطبعا مفيش أكتر من القنوات المائية في المدينة واللى هتقدر تكتشفها من أول تركب الترام أو التاكسي أو حتى تتمشى، مع ملاحظه أنك تنسى محاولة ركوب دراجات في أمستردام، أهلها محترفين ومش هتعرف تتحرك بيها مهما كنت محترف.

وصلنا للدام سكوير وبيطل عليها القصر الملكي و النصب التذكاري
وهنا كل حاجه قريبه وسهله، وطول ما انت بعيد عن الحي الخاص بالدعارة واللي يعتبر في سنتر المدينة فأنت أكيد هتستمع بالمكان والشوارع والمباني والقنوات المائية والحياة.

طبعاً الموضوع قابل أنك ممكن تصادف منظر مش مريح لك وتحديداً لو معاك عائلتك بس أقدر أقولك ان اللي ممكن تقابله في معظم مدن أوربا هتشوفه في أمستردام مفيش زيادة غير حي الدعارة والذي لا أنصح حتى بالأقتراب منه.

الموقع على خرائط جوجل

معلش النصب التذكاري صوره من الخلف، مصور محترف

ملحوظة: محلات الهدايا التذكاريه منتشره جدا هناك بالأضافة الى إن أسعارها مرتفعه هتلاقي فيها حاجات غير مناسبه وممكن تسبب لك إحراج لو معاك عائلتك

بالإضافة أنك ممكن تاخد جوله فى المدينه بواسطة القوارب

وطبعا المعروف عن أمستردام إن ممكن أي اتنين يشتركو مع بعض ويفتحو متحف خاص بيهم، المدينة مليانة بالمتاحف طبعا فيها اللي يستاهل واللي ممكن يكون محل وصاحبه محوله لمتحف، وعليه كنا محددين أننا هندخل متحفين فقط وهم متحف مدام تسو (الشمع) وزنزانة أمستردام.

مكان المتحفين قريب من بعض واخدنا تكت مجمعه ليهم بحود 26 يورو للفرد و التصوير متاح في متحف مدام تسو وغير ممنوع في زنزانه أمستردام

متحف الشمع مناسب للعائلات هتلاقى تماثيل شمعيه لمعظم مشاهير العالم وومكن تتصور معاهم سلفي، طبعا اول ما تدخل المتحف هتلاقيهم بياخدو صور ليك باوضاع مختلفه على كروما خضرا ولما تطلع هيعرضو عليك تشوف صورك بعد ما ركبوها على معالم هولندا، طبعا فوتوشوب رخيص جدا، الموضوع كله بيفكرني بمصورين الأفراح عندنا في مصر

الأطلالة الشهيرة من داخل المتحف

بخصوص زنزانة أمستردام فهي كانت ممتعه لي جدا من جو التشويق والرعب (مستوى الرعب من خفيف الى متوسط) واللي فيها فكرتها انك بتنتقل على مراحل بين غرف مع مجموعه من الزائرين البالغين ، الغرف دى بتوضح أشكال وطرق التعذيب اللي كانت موجوده في العصور الوسطى مع جول تمثيلي، طبعا الضلمه والأضواء الخافته هي المسيطرة على الجو لرفع مستوى الأدرنالين.

بعد ما خلصنا لفينا شوية وأكتملت الليلة الجميلة بالمطر، وهنا ظهر عيب تاني وهو فوحان رائحة الخمور واللي لاحظتها بعد نزول الأمطار أكتر من مره في سنتر المدينة تحديدا.

وطبعاً لما تجوع كل بطاطس

بعدها تحركنا للفندق بالترام مره تانيه للنوم والأستعداد لليوم التالي.
....

AL Tunaiji, توبليرون, Abu Muataz و 7 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي الي اندونسيا الجميلة	بن قوت	بوابة اندونيسيا	342	28-07-2024 03:25 PM
اوروبا الشرق سنغافورة الجميلة mar 2019	AbdulazizMohammed	بوابة سنغافوره	35	13-06-2024 09:17 AM
رحلتي إلى تركيا الجميلة	بن قوت	بوابة تركيا	34	08-05-2020 10:57 PM
رحلتي الى باريس الجميلة 2017 مجموعة صور	طلال الفدعاني	بوابة فرنسا	20	19-05-2019 03:36 AM
رحلتي الجميلة الى عروس البحر الابيض	glidoes	بوابة مصر	71	28-09-2018 08:57 PM