السلام عليكم و رحمة الله

انا عضوة جديدة و مسافرة للبوسنة بإذن الله لأول مره

وأحب ارتب امور السفر كاملة بنفسي بدون شركات

بس بالنسبة للبوسنة قريت و شفت كثير بس الى الان احس اني تائهه


سؤالي اهم المدن السياحية ؟؟

علشان اعرف ابدأ بالتخطيط

سفرة مدتها تقريبا 3 اسابيع

ممكن تكون سراييفو + مدينة اخرى

اقتراحاتكم و نصايحكم الله يعافيكم

علما ان السفرة بصحبة اطفال متفاوتين الاعمار

عليكم السلام ورحمة الله وبركاته ..
و طبعا أفضل شي الواحد يرتب اموره بنفسه ..
نرجع للموضوع .. سؤالك عن الاهم .. الاهم من أي ناحية .. لان الاوربيين يعتبرون موستار هي افضل مدينة سياحية و السعوديين يعتبرون سراييفو هي افضل مدينة سياحية .. و ناس تعتبر بيهاتش أفضل مدينة .. وكل واحد له نظرة و له توجه و له رغبة .. لذلك من الافضل قراءة تقارير الاعضاء و عمل برنامج يناسب رغباتكم .. فما يعجبني ممكن ما يعجبك ..
و لكن اعتقد ٣ اسابيع كثيره على البوسنه .. والاطفال ممكن ما يلقون شي يناسبهم في البوسنه ..

يعطيك العافية


انا كان قصدي ابي اعرف اسماء المدن السياحية علشان اعرف احدد الوجهة

سراييفو

ثم موستار

ثم بيهاتش

تقريبا كذا راح يبدأ البحث

وعليكم السلام

حياك الله يا اختي ام خالد

عن تجربه في زيارة البوسنه 3 مرات

اول نصيحه انكم تاخذون الحجز من سراييفو طوال الرحله ولابد ان يكون السكن في فيلا

مع طول الفتره تنخفض قيمة الاجار..

المرتع الحقيقي بالنسبة لي هي سراييفو

ولكن بالامكان ان يكون لكم جدول تنقل وهذا متعب وممتع بنفس الوقت ..

عليكم الذهاب الى فلاسيتش وقرية مدركه ( اجمل بقعه ) فالبوسنه

يايتسا لابد الذهاب لها وخذ يوم كامل مع استأجار فيلا على بحيرة بليفا وانتم فالطريق الى بيهاتش

موستار جميله ولكنها تقع في اقليم الهرسك والهرسك الطقس فيه نوع من الحراره ..

مختصر الرساله

في سراييفو اهم الاماكن اللي لازم تزورونها
السوق القديم
جبل بيشلاينيتسا
بحيرة بروكوشكو
نفق الحياه ( اشهر معالمها )
حديقة نبع البوسنه
التسوق في زينيتسا

اشهر الاماكن في حال الذهاب الى موستار

كونيتس وبحيرة يابلانيتسا
منتجع جنه جنه
موستار والجسر القديم
منطقة الشلالات

اما الشمال البوسني فهو غزير
اول محطة ترافنيك والقلاع والنهر الازرق
فلاسيتش ومدركه ( اقل شي يومين )
وبالطريق الى بيهاتش لابد التوقف في يايتسا واستأجار فيلا على بحيرة بليفا

اما في بيهاتش لاتتوقعوا اكثر من ان تعيشوا الطبيعه
بيهاتش غزيرة بالشلالات واخص شلالات شتبارسكي بوك او مارتن برود
بيهاتش فقط للهدوء والطبيعه وحبذا يكون السكن على نهر اونا..

ومن ثم العوده الى سراييفو

باختصار هو ان البوسنه سهله وسلسه وجميله من جمال قلوب اهلها

واي استفسار اخر بالخدمه

جدول ممتاز يعطيك العافية يابوعبدالله

اسعد الله مساءكم بكل خير

الافضل يكون عندك ٣ مواقع ترتب فيها السكن ..
- سراييفو .. وتزور المواقع القريبة منها
- بيهاتش .. وتستطيع ان تصل الى الشلالات والانهار
- موستار .. كذلك تنطلق منها للمواقع القريبة وتزور كذلك مدينة نيوم على البحر الادرياتيكي


هكذا يكون البرنامج افضل

مادري انا اشوف الاستقرار في سراريفو
وبعد زيارة معالمها الذهاب الى باقي المدن بسيارة
ممكن الفكرة هذي توفر اجار السكن وراي للجميع
وعلى فكره انا ماكد سافرت بس حبيت استفيد وافيد