رِحلَة لَندَن - مَارِس 2023

Boarding Pass · 07-05-2023, 04:46 AM

لندن فعلاً أحس يا يحبها الشخص مرّة ، أو يكرههّا مرة ، مافيه وسط !
و الحمدالله أعجبت الجميييييع

الصدق كزيارة أولى للندن ، أحس مرة قليل 12 يوم ، و لكن هذا الوقت المتاح لنا فقط أحس حلوة شهر كزيارة أولى ، بس بإذن الله لنا رجعة ، لأننا ما زرنا و لا مكان غير لندن ..
فيه غير الأرياف ، مدن قريبة ، و فيه مناظر تجنن يزورها السائح ، بس بإذن الله الزيارة القادمة ..

الوقت اللي سافرنا فيه أول شهر مارس ، بالنسبة لنا الجو يجنن ، بس برد صدق مرة ، بس أحس لو بنرجع نسافر لها إن شاء الله ، نسافر كذلك بنفس الوقت ، أهلي جازتلهم أمطار لندن ، و لكن اللي مو حلو فقط إن الملاهي مثل ثروب بارك مسكرة و تفتح نهاية مارس ، و أغلب الملاهي اللي لقيتها ! خواتي كانوا متحمسين لها بس يقولون عادي مو لازم ، أهم شيء الجو حلو ..

كنت خايفة مرة من كثر الفيديوات اللي منتشرة في السوشال ميديا ، سواء كانوا سرقات أو استقعاد الشرطة في الأماكن السياحية أو أو أو ! لدرجة إني رحت لأم حسين قلت وش الوضع ! صدق كذا ، خاصة إن أخوي من غير شر مو معنا ! قالت أبداً ماكو إلا العافية ! و فعلاً الحمدلله صدق ، ماكو إلا العافية !

ماشاء الله أول مرة أشوف منقبات و عبايات سوداء في السفر كثر كذا و لا أحد قالّهم العود .

راح أرفق لكم ملف ، سويته لنفسي عشان أنظّم مخّي شوي بما إني الشخص المسؤول ، فيه :
الأماكن السياحية اللي زرتها فقط + أوقات العمل ( تتغير كل فترة ) + الموقع الإلكتروني + أسعار التذاكر + المسافة بينها و بين الفنادق اللي سكنّا فيها .

الملف المرفق ترتيبه كالتالي :
اللي بالأخضر الفاتح : تسوّق .
اللي بالرصاصي الفاتح : مزارات سيّاحيّة و تمشي .
اللي بالأورنج الفاتح : هاري بوتر ، و فيه أماكن كاتبتها ، صوروا فيها مشاهد ، بس هي أماكن حلوة الصراحة .

و لله الحمد و المنّة خلصت سفرتنا بسلام وَ انبساطة وَ وساعة صدر .. ربي يتممها على الجميع
أي سؤال أو استفسار الآن أو مستقبلاً حنّا بالخدمة ..

الملفات المرفقة

لندن - شهر مارس.docx‏ (42.0 كيلوبايت, المشاهدات 23)

آخـــرفـــرصـــة, AL Tunaiji, توبليرون و 4 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رِحلَة كُوريَا الجَنوبيَّة - ( سِيئُول + جيجُو ) - يُوليُو 2022	Boarding Pass	بوابة كوريا الجنوبية	71	20-05-2025 06:26 AM
جولاي 2023	Reham2013	بوابة سويسرا	7	18-05-2023 06:02 PM
اوربا في صيف 2023	Rema	بوابة سويسرا	3	23-01-2023 01:41 PM
رحلة الى أوروبا 2023	Noorbash	بوابة الدول الاخرى	4	16-08-2022 10:42 AM