خواطر ابولجين في بلادالهند :

اهلا وسهلا بالجميع ومساكم الله بالخير
مراسلكم من بانكوك ….. مريت الهند ليلتين
كانت من ( اصدم الليالي في تاريخي الحديث )
الهند ( بومباي ) مدينه رخيصه جدا والنهار فوح حر
والمساء معقول مع مطر نتقطع
ولكن لتحصل على وجبه جيده = معركة القادسيه )
/
سكنت جوار المطار في حدود 2 كلم
ومطار بومباي اجمل مافيها بصراحه ( جدا مودرن ومنظم)
موظفوا الجوازات محترمين ويتحدثون الانجليزيه بطلاقه ..
## لازم تاخذ معك نسخه من الفيزا ( الورقه اللي فيها باركود وليست النسخه العاديه ) انتبه

/
اذا عديت الجمارك بعد استلام الحقايب ( توقع 30 دقيقه) انتظار حقيبتك عادي … اشوف رحلتنا والرحلات الاخرى .. هناك مكاتب بيع الشرائح حوالي 30 ريال باقه جيجا ونص يوميا ولكن الشبكه بالهند 70% …
- ستاخذ ساعه في السرا لتحصل عاى شريحه
- ياخذون جوازك ويطابقونه والفيزا ويصورونك هههههه
اتكلم جد … اخذ لي صوره عشان الشريحه ….
بعدها تخرج لتتفاجا بعدم وجود سواقين التكاسي ( مثل الدول الشرقيه الاخرى ) ليس هناك احد … فيه شركات ليموزين .. ومكتب اوبر وغيرها… مريت مكتب اوبر واعطتني كود ووجهتتي الموظفه للمنطقه رقم زيرو … وصلت لقيت شخص ينظم الاكواد وسيارات اوبر نظيفه وحديثه ومكيفه تاتي تباعا لمكان الوقوف وتركب حسب التسلسل … انتظرت ممكن خمس دقايق … شغل مرتب

ولكن مجرد ماتطلع من المطار يتغير الوضع جدا … لا تتوقع مدينه حديثه ابدا… والشوارع غير نظيفه
المهم سكنت ليلتين حاولت اتنقل لكن لكي تذهب الى جنوب بومباي حيث المنطقه الجيده يبغالك وقت طويل بالتاكسي - اطول مما تتخيل -

** من هنا ملاحظه اللي بيجي مومباي يسكن جنوب المدينه حول منطقه كولابا ….
** ان سكنت في هالمنطقه انتبه لوقت رحلتك انطلق للمطار بدري والا صدقني ستصل طيارتك فوق ايران راجعه وانت بالزحمه 😬
التك توك ممكن تطلبه بالتطبيق ( اوبر في مومباي بطل)

** ســـر :
لاتغرك بفنادق الهند حاجتين ( النجوم والتقييمات ) … النجوم نسال الله العافيه بس 😬… والتقييمات 99٪ منها مزوره .. معرفات هنديه في بوكنج