ممكن تعطينا اسمها ابي شريحة

الله يرحم الوالد ويغفر له

منطقة البيغ بين ولندن آي وايد احبهم
ولازم هالعروض والملاهي للسواح
مستمتعين بارك الله فيج

تقرير رائع ربي يسعدك

عندي نية اسافر الى لندن هاليومين
وهذي اول مرة ازور فيها لندن
تقريرك مفصل ومفيد
الف شكر لك

أسعد الله أوقاتكم بكل خير ونبدأ اليوم الخامس من رحلة لندن





بقلكم موقف صار معانا طلعنا باص غلط مع أنه نفس الرقم اللي يودي للإكسفورد بس كان في طريق الذهاب للأعلى والحمدلله لاحظنا بدري ونزلنا وغيرنا الباص يعني لازم تنتبهون لإتجاه الباص



وصلنا وأخذنا جولة في إكسفورد ودخلنا متجر دزني وكملنا مشي ورحنا جوي آند جوس



أخواتي طلبو تونة سبايسي وانا والوالدة دجاج بالأوفاكادو وعصير

الفرع ما شاء الله كله خليجيين وأكثر من أخواننا الكوتيين إكتسحوا لندن الله يبارك لهم يارب والقطريين كذلك











بعدها توجهنا للهايد بارك



















ونحن في الهايد بارك نزل علينا مطر غرقنا منه وبعدها طلعنا نتمشى حولين الهايد بارك ومرينا هاف مليون أخذنا جينجر شوت وسويت تحدي مع أختي وفزت عليها لأول مره هههههههههههه بعدها رجعنا السكن وأخذنا عشاء من ماك وسناكات من البقالة وبكذا أنتهى يومنا الحمدلله


مصاريف اليوم الخامس

مظلة من البريمارك 25 ريال
شحن بطايق الباص 75 ريال
جوي آد جوس 270 ريال
قهوة وشاي 120 ربال
ماكدونالدز 125 ريال
بقالة 40 ريال

اليوم السادس 23 أبريل

راحت أختي مخبز brunsh from home مختص بالمخبوزات والقهوة وجايت لنا ألذ تشيز بيريز أكلته بحياتي وكمان سينامون رولز سوينا قهوتنا وفطرنا منه الحمدلله على جميع نعمه



طلعنا الباص متجهين لقصر باكينجهام



صور من الطريق



مجمع مرتب في مطاعم وكافيهات



متجر الشاي









هوت شوكليت بحليب الماعز كان لذيذ صراحتاً وعجبتني الشوكولاتة البنية أكثر من البيضاء أنا مو من محبين السكر







دخلنا المتجر الخاص بالقصر عندهم قطع جميلة وهدايا



المكان مليان بالسياح وهذي صور من داخل الفناء



















الحمدلله الجو كان لطيف ورشات مطر جميلة ورحنا الحديقة اللي بجانب القصر



ما كملت تصوير قررت أنبسط وأستمتع بالمطر وجمال الحديقة جلست على كرسي وتأملت الطبيعة الحلوة سبحان الله بعدها قررنا نروح السيلفردج



وكذا إنتهى الجزء الأول من هذا اليوم وأعذروني أحاول أختصر قد ما أقدر وكمان في صور راحت من الجهاز للأسف

حلو انكم اخذتو الباص
دايما اقول في تقريري عن اتجاه الباص والخطأ اللي يصير وايد
احنا جذيه مره وما انتبهنا الا بعد مشي مسافه مو شويه
بعدها قمنا نسأل راعي الباص على المكان اللي نبي نروح له يا اما يقول يس او يأشر على الاتجاه الثاني

الهايد بارك ماشاءالله الخضار هذا ما شفناه بالصيف كانت جافه وصفراء


حديقة القصر والمحلات حوالين القصر وايد حلوين

عليكم بالعافية كل ما اكلتو وشريتو ولا تختصرين نبي كل التفاصيل مستمتعين جدا


ملاحظة : احس هالجزئين واحد يسبق الثاني صح ؟

عليكم بالعافيه
اجزاء حلوه وممتعه
ههههههه في كل مكان نطلع لج 😂😂 يموتون عالهبه..
منطقة فكتوريا وايد حلوه احبها تحسين صج انج في لندن