اليوم الثامن 26 أبريل

هذا اليوم قبل الأخير خصصنا للتسوق

سوينا فطور سريع بالبيت توست وجبن وشاي وإنطلقنا لوجهتنا شارع الإكسفورد ، الوالدة قالت ودوني كوفي وروحو براحتكم ، طلعناها كوستا كوفي في أحد الفنادق والله نسيت إسمه بس معروف الخليجيين يحبون ينزلون في





هاف مليون لولدنا عبدالله الراجحي الله يبارك له



طلبنا للوالدة شاهي إنجليزي وكروسون وإنطلقت ، أخواتي سبقوني لزارا وصيتهم على بناطيل صراحتاً خامة وجودة تنفع رسمي وللسفر مع التيشيرتات وأنا رحت للبريمارك





جلست حوالي ساعة ونص أو ساعتين بدون مبالغة لأني نويت أتقضى زين خاصتاً إن الجودة ممتازة والأسعار رخيصة ، تقضيت لي وللوالدة وخذيت منه لصديقاتي بلوفرات تجنن وخذيت هدايا منه بعدها على ماركسس آند سبانسر لقيت أخواتي هناك حصل منهم خيانة ضدي
هههههههههههههههه بالعافية عليهم راحوا وأخذوا فلافل عجبتهم مرره ، خذينا بسكويت إنجليزي وكوكيز صوغة للجيران والأهل وللبيت بعد

هذه الزهرة معروقة في أحد تطبيقات الورد سعرها 400 ريال سعودي وشوفوا سعرها هنا كم ما تتعدا الـ 40 ريال هههههههههههههههههههه ضاحكين على الناس أروح محل ورد وأسوي باقة ب 100 إلى 150 ريال تجنن تاخذ العقل ومعاها شوكولاتة من باتشي ولا بستاني ما توصل
350 ريال مع بعض وأقدمها هدية ولا هالنقطة وب 400 ريال واضح الموضوع مستفزني هههههههههههههههههه بالعكس نشجع نحن وندعم شباب وبنات الوطن لكن بحدود المعقول خلوها بنص السعر 200 ريال ليش هالمبالغة بالأسعار

[url=https://mrkzgulfup.com/][/

للحين ما قدرت أتخطى طعمه لذيييييييذ جداً ألذ دنش جربته بحياتي بدون مبالغة لكن كان اليوم اللي قبل الأخير للأسف

[url=https://mrkzgulfup.com/][/url



ما شاء الله خذينا شنط صغيرة ما كفت المشتريات لأن بريمارك جودة وسعر عندنا بعض الماركات المعروفة لملابس البيت والملابس اليومية من تيشرتات وبناطيل أخذ منهم أقل بجامة ب 65 ريال ومن بريمارك بجامتين ب 70 ريال وتكرنون الشراريب والله أخذ من أديداس وبوما
ب 60 و ب 70 ريال 3 أزواج ولا تكمل عندي وخذيت من عندهم 10 ب 30 أعتقد غسيل ولبس وقطن ممتاز



رجعنا عند الوالدة ريحنا شوي ، خذيت منه ما عجبني صراحتاً



بعدها على بيتزا هت مطعم الطفولة وكل المراحل العمرية



بعدها رجعنا على الشقة يا دوب نرتب ونجهز أغراضنا شارفت الرحلة على الإنتهاء


وكذا إنتهى اليوم ولله الحمد

المصاريف/
شحن بطايق 100 ريال
طلبات الوالدة 40 ريال
بيتزا هت 180 ريال أو 220 نسيت لكن في هالحدود
البقالة 40 ريال

عليكم بالعافيه
اكل ماركس اند سبنسر لذيذ لو ماخذه بعد الحمص يمي
شكل الدنش 💔💔 فندق امبا ❤❤
بريمارك احلى اتسويقين فيه الصبح اول مايفتح ولا عقب زحمه

أحلى جزء بالسفره السوق وشراء الهدايا
زارا بنطلوناتهم وجاكيتاتهم جودة ورسمية
بريمارك لابد منه ونشتري وااايد ونتفاجأ بالوزن
الكافيه اللي قعدت فيه الوالدة كوستا فندق امبا والحين رجع اسمه ثستيل ماربل ارتش
هذا من الفنادق اللي احبها وااايد

عوافي عوافي الحلو والبيتزا
يختي كل شي هناك حلو ولذيذ
التسوق بالاكسفورد ما ينتهي وما ينشبع منه
بس لازم فلوس ووزن
المشاريع عندنا وايد غاليه وياخذون الدبلات
ماركس سبنسر اكله لذيذ
والبريماك لازم اكثر من ساعه والا ما نستانس
بيجاماتهم واقطانهم وايد حلوة وتكد والدلاغات لازم اخذ مؤنة منهم لي ولابوحسين وهدايا بعد ما تخترب وحتى ما ينقطون ولا يتقطعون

مستمتعين وحسافه بيخلص التقرير

باقي أخر جزء من التقرير ألحين بنزله بحول الله