لندن في يناير 2015

توبليرون · 21-05-2015, 11:05 PM

السلام عليكم

منتدى العرب المسافرون ....المملكة المتحدة

رحلة الى ليفربول

ما لقيت غير هالصورة عن شعار لمدينة ليفربول

ليفربول (بالإنجليزية: Liverpool) هي مدينة تقع في شمال غرب إنجلترا . وهي ميناء على الساحل الغربي ,
ومن أهم المدن الصناعية و التجارية , وتعد منفذاً لتجارة وسط غرب إنجلترا . يبلغ عدد سكانها حوالي 440,000 نسمة (إحصاء 2001).[1].
و مساحتها حوالى 111.84 .
وهذه خريطتها بالنسبة لبريطانيا

https://www.google.com.kw/maps/place/%D9%84%D9%8A%D9%81%D8%B1%D8%A8%D9%88%D9%84%D8%8C+% D9%85%D8%B1%D8%B2%D9%8A%D8%B3%D8%A7%D9%8A%D8%AF%D8 %8C+%D8%A7%D9%84%D9%85%D9%85%D9%84%D9%83%D8%A9+%D8 %A7%D9%84%D9%85%D8%AA%D8%AD%D8%AF%D8%A9%E2%80%AD/data=!4m2!3m1!1s0x487adf8a647060b7:0x42dc046f3f176 e01?dg=dbrw&newdg=1

انديتها الرياضية

ليفربول وايفرتون

المهم نبدي معاكم رحلتنا بهذا اليوم لليفربول

وليش رحنا وشنو كنت بي انا من هناك وشنو صار لنا

المهم نبدي يومنا

قعدنا من النوم عل الساعة 7 وعلى ما تجهزنا ولبسنا كل اللي بالجناط
طلعنا على الساعة 8.30 صباحا من الفندق

الى محطة الباصات في الاجور رود

اول باص اخذناه ونزلنا الى اول محطة بعد الجسر اللي عند فندق الهيلتون

ورجعنا تقريبا للشارع فيه محطة القطار رقم 18 وهو اللي يوصل لمحطة القطارات
أكلنا بررررد لأن صاير الهوا بويهنا ومن كل صوب ....تأخر الباص يمكن ربع ساعة
بعدها وصل

والى محطة قطارات ايوستون
هذه المحطة دايما نروح منها او نوصل لها من الشمال البريطاني مثل مانشستر او بلاكبول او ليفربول
وهي على نفس شارع متحف الشمع

وهذه صور من الباص للطريج لين المحطة
يمنا باص سياحي بيج باص ...طالعين مبجر

وهذا متحف الشمع

ووصلنا المحطة

مزلنا عند المحطة ....ومشينا شوي في ساحة المحطة الخارجية ورايحين نقص التذاكر
ما خلانا بوحسين نقص من النت لأن مو متاكد نروح والا لأ

وهذه المحطة بينت

ووصلنا للكاشيرات وقفنا بطابور صغير .... كلنا
وصار دورنا عند وحدة افريقية ......لطعتنا لطعة عدلة ....بس عرفت انا رايحين لليفربول
قامت تسولف لنا عن فرقة البيتلز ولازم تروحون لمتحفهم وقامت تذكر لنا اساميهم
ومن سوء حظنا نست اسم واحد منهم وكل شوي تعيد اسماء ثلاثة بعد ماذكرت لها اسم واحد
جون لينون بس مصرة على الا ان تعرف الرابع
بوحسين يتحلطم انزين خلصينا عطينا تذاكرنا ويتبسم لها ويقول لها اي اي ههههه مشي معاها
والبنات قالو ملينا ومشوااا ههههه
بالأخير تذكرت اسم جورج مع اني قلت لها بس ما انتبهت المهم طلعوا علينا التذاكر تقريبا 80 الواحد
وسبب الغلا لان بنفس الوقت ماخذينهم
لازم قبلها وبالنت وتشوفون العروض افضل .....رجعنا بسفرتنا من مانشستر ذيك السنة وعلى الأول بارخص بوايد

ما قدرت اصورها هههه عيونها علينا وهي تقول عن البيتلز

وهذه اهي فرقة البيتلز وقت الشهرة

وهذه تذاكرنا

شوفو السعر القهر ههههه اقول حق بوحسين يقول مرة بالعمر المهم عرفتوا ليش كملوو معاي

المهم بعد ما قصينا التذاكر طلعنا ندور ريوق ....في الساحة الخارجية على ما يصير وقت قطارنا الساعة 10

وهذه الكافيهات اللي موجودة

ادز ورينو وغيرهم

ماكوو غير الحب

بس علشان الكرواسونة العجيبة .......باقي الكافيهات تلاقون مثل كيكاتهم ووسندويشاتهم وأكلهم بكل الكافيهات

الا هالكرواسونة ما لقيت مثلها ...

قلت بقعد برة على ما يطلبون ..... بس القعدة موووت بررد
بس صورت لكم

وصلت الطلبات

وانا اخذت اللي فوق وبنتي خذت اللي تحت وأكلت ...جان تقول ويييع ..فيها لحم
وطلعتها من حلجها الحمدلله ..... قالت ديروا بالكم تفحصت كرواسونتي الحمدلله مافيها الا العافية

قالت :بروح اشتري شي ثاني........اهني قريت اللصقة اللي عليها لقيتها فيجي
قلت لها :تعالي رجعيها لها وقولي لهم
: انا اخذتها مكتوب فيجي عليها ليش فيها هام ..؟
عاد قالت لهم وتأسفووا منها وااايد وخذت توست بدالها

ياريته عندنا هالمحل

طلعنا وقعدت مرة ثانية انطر دانة راحت تشتري لها حليب كاكاو من نيروو
وصورته مجابلني هههههه

وهذه المحطة ودخلنا لها عقبها باتجاه بوابتنا طبعا لازم تنتبهون على الشاشات

الشاشات بكل مكان انا وقفت والربع ما خلو السوق داخل المحطة ومحلاته
وخاصة السوبر ماركت كل شي فيه

بانتظار القطار

واخيراا وصل قطارنا ورحنا له

وقعدت وزهبت التذاكر اللي شافوهم عند البوابة واشروا لنا على القطار او سكة القطار ورحنا
بس لازم بعد ايي واحد بالقطار يمر يتأكد من التذاكر

وتحرك القطار

قطار توه راجع مر علينا

وبانت بعدين عمارات وبساتين وحقول وموانئ شوفوها معاي

وهذا كوكيز شاريته دانه من نيروو كافيه

ميناء

والغيووم تزيد

وصلنا محطة بس ما ننزل احنا ولا غيرنا قطارات

وهذا كبينتنا او قاطرتنا

خيام مادري شنوو

شارع محاذي لنا

ومحطة ثانية

وركبواا هذيل الشباب وقرقة مو راضين يسكتون
تنبط جبدي اذا صارت قرقة مكررة على نفس النمط للصوت...وانا نعسانه هههه
ودانه نااااامت وراهم

اذكر مرة بدلنا القطار من بلاكبول الى لندن بهذه المحطة

محطة كبيرة

شي مرتب

وأخيراا وصلنا ليفربول...وبعد ما نزلنا من القطار مشينا ورا الناس
واللافتات ما تقصر....تقريبا المسافة ساعتين ونص

ساعتين

قطارنا الميمون

وهذيل عجبوني وربعي يمشوون وانا بصور
مو مخليني بس صورتهم ما خليت

وهني طلعنا للتكاسي

تاااااابع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صفحآت من حياتي فِ اسطنبول .. يناير 2015	م.عبدالرحمن	تركيا	73	06-08-2015 05:35 PM
مقتطفات من رحلتي قطر يناير 2015	Fahad Mandi	بوابة قطر	31	28-05-2015 10:14 AM
ثلوج اسطنبول يناير 2015	فتاة الدمى	تركيا	39	06-05-2015 09:48 PM
الطايف احلى يناير 2015	آخـــرفـــرصـــة	بوابة السعودية	72	22-02-2015 04:17 PM
الفعاليات في دبي شهر يناير (1) / 2015	khalid	بوابة الامارات	31	29-01-2015 03:55 AM