كل انسان يصبح شاعرا اذا لامس قلبه الحب : من بلاد الفلاسفه (اليونان)

q8ya metnaqla · 28-07-2015, 12:26 AM

عيـــــدكم مبــــــــارك وتقــــــبل الله طـــاعتكم

اعتذر على الانقطاع لدواعي السفر وظروفي الصحيه

والحين رديت لكم واكمل باجي الايام من الرحلة

اليــــــــوم الثــــانـــي في اثينــــــــــا

اليـــــــوم الثــــامــن من الســـــفره

درجة الحراره لطيفه

هذيل جم صورة من سطح فندقنا ومكان الريوق

الاكروبوليس من بعيد

بوفيه الريووق

وهذا البرلمان من فوق وتبديل الحرس

كان هناك جالسا ولم يكن هناك
يطالع الاخبار
وكنت في جوارة
تأكلني الافكار .. تضربني الامطار
ياليت هذا الرجل المسكون بالاسرار
فكر ان يقرأني .. ففي عيوني اجمل الاخبار

الاكروبوليس من صوب والبرلمان من صوب خوش منظر بصراحه من فندقنا

وهذا مطعم بالفندق

وجهزنا عدتنا لوجهتنا ورايحين المترو مالهم
بصراحه متروهم وايد حلو ومرتب ونظيف

جهتنا يبيلها تقريبا 25-30 دقيقه مترو وبعدها باص تقريبا 30 دقيقه

ونزلنا المترو

هذيل مكاين التذاكر اللي حجزنا منهم
سعر التذكرة 4 يورو ليوم كامل

وجهتنا الى منطقة اغايا مارينا

من سينتغما الى المحطة اللي نبيها نمر على 9 محطات وال 10 ننزل

وصلنا المحطة المقصوده

وعند اللي واقفين هذيل ننطر الباص معاهم

وصل باصنا
هذا باص الاوت لت ايي ياخذنا من هالمحطة ويوصلنا الاوت لت والخدمه طبعا مجانية

استانس على باصاتهم خصوصا اذا طالعين رحلات معاهم

هذا يعتبر افضل اوت لت في اثينا وفيه كل المحلات تقريبا
ماك ارثر

http://www.mcarthurglen.com/en/outlets/greece/mcarthurglen-athens/

يفتح من 10 ص الى 9 م

احنا وصلنا اول مافتح والحمدلله ماعليه زحمه وخلصنا منه بسرعه

وهذيل بعض الصور من الاوت لت

وخلصنا من الاوت لت رايحين محطتنا

يا ضياع اصواتنا في المدى والريح
القطار وفاتنا
والمسافر راح

يالله ياقلبي سرينا ضاقت الدنيا علينا
القطار وفاتنا
والمسافر راح

وصلنا ساحه سينتغما

وفندقنا اللي عاليمين

وهذي الساحه

البرلمان اليوناني

وفندقنا

قطينا اغراضنا وصلينا وطلعنا خذينا الباص السياحي

راح احط الاماكن اللي مري عليهم في بعضهم نزلنا لهم وبعضهم لا

سعر التذكرة للشخص 18 يورو ويودينا المينا

هذيل صور من التور

هذا متحف الاكروبوليس

نزلنا منطقه الاكروبوليس

ترا قاعدين نتفاوض نصعد ولا لا خصوصا انه الصعده دري والاصنصير لازم تقرير طبي

وبعد المفاوضات تم الصعود يا ويلي ويلاااه

الاكروبوليس

هي هضبة صخرية عالية وسط اثينا . مصطلح اكروبوليس يأتي من صفة ('عالية، وارتفاع ") و اسم (بوليس" مدينة أو بلدة ")، وهذا يعني" المدينة العليا " . وهو معبد يوناني قديم يقع في العاصمة اليونانية اثينا على قمة تل، يعد من أشهر المعابد اليونانية القديمة وكلمة أكروبوليس Acropolis كلمة يونانية قديمة تعني المدينة العالية، وقد اعتاد اليونانيون القدماء لبناء أكروبوليس لكل مدينة ذات أهمية، وكان الأكروبوليس في أثينا له الشأن الأعظم من بين جميع المعابد في المدن اليونانية القديمة، وفي حالة الغزو الخارجي كان اليونانيون يتخذون الأكروبوليس قاعدة حصينة يقاومون القوات الغازية حتى النهاية.

لمعلومات اكثر
https://ar.wikipedia.org/wiki/%D8%A3%D9%83%D8%B1%D9%88%D8%A8%D9%88%D9%84%D9%8A%D 8%B3_%D8%A3%D8%AB%D9%8A%D9%86%D8%A7

في نوعين للتذاكر
في بسعر 12 يورو واتدخلنا تقريبا 7 اماكن تاريخيه مثل : الاكروبوليس - المسرح - معبد زيوس - المكتبه الوطنية وجم شي مااعرف اساميهم .
والثانية بسعر 6 يورو بس للاكروبوليس

احنا اخترنا اللي ب 12 يورو

طبعا تعبنا وتهاوشنا واحنا صاعدين
وهذيل الصور اللي صورتهم

اللي صار واللي خلانا نقرر نصعد ترا اهم الشياب والعياييز لان كنا نتطنز على اعمارنا نقول احنا شباب وموقادرين وهذيل ولاهامهم وشكبرهم وصاعدين يعني صار في تحدي
هذا المكان تشوفون اثينا منه

هذا المسرح من ضمن التذكره
اسمه the theater of dionysus
من المسارح المفتوحه في اثينا وتقام عليه مهرجانات تكريم لالهتهم ديونيسوس اللي مسمي المسرح عليه ويشيل هالمسرح 17000 متفرج ..
لمعلومات اكثر
https://en.wikipedia.org/wiki/Theatre_of_Dionysus

بعد ما متنا من الحر ومطر خفيف نزلنا المتحف للاكروبوليس
وسعر الدخول 5 يورو

ولا هامهم ش واحنا عيونا وحالتنا حالة

لقطت جم صورة بالخفا

الليقو بالمتحف

انتهينا من المتحف وطلعنا ناخذ الباص اللي يودينا مينا بيرايوس piraeus prt
مينا اثينا القديم ويعتبر من اهم موانئ العالم الى وقتنا الحالي وتم بنائة في القرن الخامس قبل الميلاد ..
لمعلومات اكثر
https://ar.wikipedia.org/wiki/%D8%A8%D9%8A%D8%B1%D8%A7%D9%8A%D9%88%D8%B3

وهذيل صور من منطقه المينا

هذا احد الملاعب اللي عندهم

اهني اكادمية ومسوين عرض للازياء

نزلنا بس ماحبينا المكان ماعرفنا وين نروح سأل اخوي رفيجه وقاله خل يروحون هالمنطقه ميكروليمانو mikrolimano وخذينا تاكسي لي المنطقه
منطقه حلوه وكلها مطاعم بحرية

قعدنا في هالمطعم

راح ازعجكم اشوي بكثرة الصور

على شط بحر الهوا رسيت مراكبنا

رسينا يا شواطي الشوق رسينا والاماني فوق

فيديو

المقبلات

المفروض نطلب سيباس يس مافي للاسف واكتفينا بالريبان

وفاتورتنا

وهذيل صور خارجية

ورجعنا منطقتنا بعد هالرحله
حاشنا اليوع رحنا دشينا هالمحل وبعدين شرينا عشا من ماك وردينا فندقنا

واحنا طالعين من ماك ولا نشوف هالمظاهره اعتقد كانت عشان بعد عن ازمتهم الاقتصادية صورة هالصورتين ودخلنا فندقنا تعشينا ونمنا ..

وانتهى يومنا الثاني في اثينــــا
ومابقى شي على نهاية التقرير

مجدي, عامر الزعابي و مسافر لحالي معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فيزا الشنغن اليونان Greece	mr.alhussain	فيزا شنغن	20	12-08-2018 05:48 PM
الحب الأبدي	توبليرون	بوابة البحرين	54	22-04-2015 01:54 AM
تحذير ( عدم تأجير الجت سكي )	BKK	بوابة تايلند	22	07-04-2015 10:13 PM
اريد استخراج تأشيرة الي اليونان	hesham assi	فيزا	1	06-02-2015 01:28 PM