فعلاً بوكينج رغم انه موقع معروف ويفترض يكونون حريصين على سمعتهم الا ان الشكاوي كاثرة عليهم في الفترة الاخيرة.. اللي صار معي أني حجزت عن طريق بوكينج فندق في جده واخترت غرفة بمواصفات معينه وكانت المميزات المعروضة في الموقع مع الصور تحمس جداً والسعر مناسب وتفاجأت لما وصلت ان موظف الاستقبال في الفندق قال ان ماعندهم غرفه أصلاً بهالمواصفات وتنرفز وانفعل وقال ان احنا ثالث عائلة تحجز نفس الغرفة المعروضة وان الغلط من بوكينج سبب لهم مشاكل مع النزلاء لانه ماشال الصور ولا عدل على الخيارات رغم ان الفندق نبهوهم اكثر من مره ان هالغرفة غير متوفرة في الفندق أصلاً .. وعطونا غرفه صغيره وسيئة بنفس السعر ولما رفضت وطلبت يرفعون لنا الحجز لجناح او غرفة اكبر كنوع من الاعتذار على غلطتهم تعذر بأن الفندق مليان والحجوزات فل وقدموا لنا سلة فواكة مجانية كإعتذار!!!!!

خاطبت بوكينج ولا حياة لمن تنادي الى يومكم هذا!!!

الله يعوضك خير
وشكرا لك لنقل تجربتك في موقع بوكنج

الله ييسر لك وتاخذ حقك ولو ان هذولا نظامهم نظام مقاضاه وهذا شغله لوحده انا بصراحه تنقلت بين عدة برامج حجوزات ولكن الاكثر مع بوكينق لان فيه ميزه تعدد الفنادق والخيارات اللي صعب تحصلها في برامج اخرى بصراحه ولكن الامل توه بادي في تطبيق المسافر مع وجود ملاحظات عليه من نقص الخيارات في الفنادق وفي تفاصيلها الداخليه ولكن لعدم وجود بديل اضمن نبقى معه لين الله ييسر ويجي تطبيق يحطمهم تحطيم


أرسلت بواسطة iPhone6 s بإستخدام Tapatalk

الله يعطيك الصحه