17-12-2015, 08:16 PM
|
#11 |
مشرف سابق
تاريخ التسجيل : Jan 2015 رقم العضوية : 1224 الدولة : فلسطين الجنس : ذكر المشاركات : 1,409
| أوسـمـة: مجدي |
كل الاوسمة:2 (more»)
| | 
 |
أعانكم الله أخي مجدي على هذا الجواز
ولكن ما باليد حيله
عموما مهما تحملون من وثائق فأنتم أخوتنا وأبناء جلدتنا ومنهم لله اللي فرقونا بهويات مختلفه ،
بس أكيد لك مواقف كثيره مع هذا الجواز فياريت تحكيلنا أكثر
وفقك الله | | الله يخليك اخوي [emoji257]
والله هذه الهويات عزلتنا فترة طويلة جدا عن محيطنا العربي، تقريبا من النكبة وحتى اواخر التسعينات ما كان حدا بدولنا العربية بعرف انه في فلسطينيين حاملين جواز سفر المحتل، وبعتقدوا انه اذا في عربي او فلسطيني حامل جواز مثل هيك فهو اكيد جاسوس او خاين. ما عدا اخوتنا الاردنيين واللبنانيين هما الوحيدين تقريبا الي كانو فاهمين الموضوع وعارفين الي حصل من تشتيت وتجزئه بحكم الجوار وبحكم انه كثير من الفلسطينيين اصلا هاجروا للاردن ولبنان.
ولكن الحمد لله بداية من القرن الحالي وخاصة في اواخر 3 سنوات، وبفضل الانترنت والقنوات التلفزيونيه وخصوصا الاخبارية مثل الجزيرة والعربية، بدأنا نتواصل مع اخوتنا في العالم العربي، وبدأوا يفهموا القضية اكثر، وكثير منهم اكتشفوا جديد انه في حوالي مليون و 800 الف فلسطيني تم احتلالهم واحتلال اراضيهم وضمهم للدولة الجديدة وتم تطبيق القوانين عليهم بما فيها قانون الجنسية والهوية وهيك اصبح حوالي 20% من عدد سكان الدولة الجديدة من الفلسطينيين اصلا ولكن جوازاتهم اسرائيلية قسرا.
اما بالنسبة للمواقف الي واجهتها فلا تعد ولا تحصى [emoji1]
مثلا في رحلتي الاخيرة لزنجبار، كنت حاكي مع صاحب الفندق عدة مرات وقايله اني فلسطيني. لما وصلنا للفندق كان لازم اعبي استماره بتفاصيلي الشخصية مثل ما مكتوبه بالجواز، فلما طلب مني الجواز اتفاجأت، كيف بدي اعطيه جواز اسرائيلي وانا قايله اني فلسطيني [emoji27] فحاولت اتدارك الموضوع ونقلت التفاصيل وانا فاتح الجواز داخل الشنطه علشان ما يشوفو [emoji2]
وفي مره كنا في مطار الاردن انا وزوجتي والطياره اتأخرت، وكان جنبي قاعد شاب من اخوتنا السعوديين ولابس دشداشه، وزوجتي قاعده جنبي من الجهة الثانية، فبدأت ادردش انا واخوي السعودي عن تاخير الطياره واخذنا الحديث، فجأة زوجتي الله يسامحها ومن غير مقدمات بتقول "زي ما صار معنا بالمطار باسرائيل" [emoji50] وانا بطلع فيها وبقول في عقلي "يا حرمه شو لزوم هالحكي اسا، فضحتينا، اسا بسمعك الزلمه وبشك بامرنا". المهم رفعت صوتي بالحكي مع الشاب على اساس ما ينتبه شو حكت زوجتي ويمكن هي تفهم علي وتسكت. وبعد حوالي كم دقيقه عادت نفس الجمله، فاطلعت عليها بعصبيه يمكن تفهم علي ورحت ناكزها بكوع ايدي فشكلها فهمت علي وسكتت، وبعد ما طلعنا بالطياره قلتلها يا حرمه مانت شايفه مع مين قاعد، الرجل احتمال كبير يفهمك غلط ويشك بامرنا، اسا يعني ما حليلك تقولي اشي ثاني يسر البال؟ [emoji16]
وغيرها مواقف كثيره جدا [emoji4]
sent from Galaxy Note 5 using Tabatalk
التعديل الأخير تم بواسطة مجدي ; 22-12-2015 الساعة 08:12 AM |
|  |
332الاعجاب
.gif)
العرض الشجري
المواضيع المتشابهه 
