X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...




العودة   شبكة و منتديات العرب المسافرون > ارشيف العرب المسافرون > تركيا

 
 
LinkBack أدوات الموضوع انواع عرض الموضوع
قديم 03-10-2015, 11:43 PM   #11

مشرف سابق

الصورة الرمزية Gunner10
 
تاريخ التسجيل :  Jun 2015
رقم العضوية : 4449
الدولة : الكويت
الجنس : ذكر
المشاركات : 2,300



أوسـمـة: Gunner10

كل الاوسمة:1 (more»)
افتراضي


مبين عليك رايق وراح نشوف منك تقرير روعه

كل الود

 

Gunner10 غير متواجد حالياً  
قديم 03-10-2015, 11:50 PM   #12

مسافر متميز

الصورة الرمزية الحتمي
 
تاريخ التسجيل :  Jun 2015
رقم العضوية : 4263
الدولة : أسكن في الشرقية ومغرم بالنمسا
الجنس : ذكر
المشاركات : 336



افتراضي



هلا وغلا بالعريس المفهي ههههه

وش هالتقرير الكشخة .. تصدق ليتني رايح معكم واضح إنك وسيع صدر

لو اني محلك كان ما علمت فندق الهيلتون ان معي احد اصلا !

ابخليها تجلس في اللوبي كأني ما اعرفها
واروح الاستقبال واخلص الاجراءات ثم نروح سوى الغرفة ولا من شاف ولا من درى

خذها خبرة من واحد دايم يجيب اصدقائه في الغرفة والفندق يظن اني لحالي ههههههه

لا تنسى التكملة شوقتني والله يسعدكم وين ما كنتم
ههههههههههه
وش هالتخطيط ولله لو أنا سارقها من بيت ابوها
يوبعدين وش عرفني فكرت انو خلاص زوجتي وبتدخل غصب عنهم
واانا اصلا اول ماجيتهم عطيتهم ورقة الحجز << مسوي كاشخ
وهذا انت قلتها مفهي يعني عادي يجوز اسوي اي شي


ونبارك لك الفوز بالبطاااقة وحظ اوفر يافيصل


اهلين وسهلين
عساني اخذت 10 سوا


يا أخي اسم الشيخ سعود وش يقول ادخل لحالك واذا الله رزقك بعيال ثاني مره اذا رحت وغي رمسموح لهم بالدخول ادلخ لحالك وهم بعدين يدخلون

لو رفض موظف الأمن تدري لازم تروح للشرطه أو البحث الجنائي علشان تدخل ولا تلومهم لصرامتهم

النسيان عادي انا اشوف اذا ما نسيت شيء ما راح تنبسط
حظ اوفر مافيش بطاقة ياحبيبي مافيش بطاقة
هلا وغلا فيصل ومثل ماقلت حلاة السفر في نكباته ههههههه
والحمد لله اللي فزع لي هذاك وفكني من هالحوسة امن وشرطة ووجع راس
بس تعال ليش تكتب ادلخ قصدك ادخل ناقص درجة في الإملاء يامدير

 

الحتمي غير متواجد حالياً  
قديم 04-10-2015, 05:03 AM   #13

مسافر متميز

الصورة الرمزية الحتمي
 
تاريخ التسجيل :  Jun 2015
رقم العضوية : 4263
الدولة : أسكن في الشرقية ومغرم بالنمسا
الجنس : ذكر
المشاركات : 336



افتراضي



أهلا حبيبنا ..

مبرووووك .. وجمع بينكم ربي على السعد والود ( سامحنا لو هي متأخره )

قرأت تقريرك مبتسماً ( سردك جميل وروحك أجمل ) بس راعي واجب أجل قلت لها السفرة على حسابي

هل هي تجربة أولى لتركيا ؟؟؟

وبالنسبة لموضوع الهيلتون وكرت العائلة .. كما ذكر حبيبنا أبو خالد ( البحث الجنائي هو المخوَّل فقط بالسماح لك )

بداياتك رااااااائعة .. أكاد أجزم بأننا سنرتكز هنا بانتظار اطلالاتك وأجزاؤك بشووووق ..
هلا وغلا كتكات والله يبارك فيك وعقبال من تحب
انت تشوف والله اني جد ماقصرت سفرتها على حسابي
وبالفعل كانت اول تجربة لتركيا وكانت من اجمل التجارب للأمانه
وموضوع الهلتون انا فكرت ان حجزي بيدخلني غصب عنهم
حياك ويشرفني وجودك هنا بإستمرار

بارك الله لكما وبارك عليكما وجمع بينكما بخير
صدق مروق تعرف ان بكرة مدارس ليش ماكتبت تقريرك فالاجازة ههههه
جزاك الله خير وحياك الله << وين هديتي حقت الزواج
تصدق توي انتبه ان الاجازة خلصت وهذا يعني ان عندي مشكلة في التخطيط
اجل لاتلوموني يوم اجيب العيد في تقريري

اولا مبروك ع الزواج
ثانيا تقريرك جدا ظريف
و ثالثا متحمسة جدا لمتابعة بقية التقرير

في انتظارك
هلابك
الله يبارك فيك وعقبال احبابك
وان شاء الله اقدر واختم هالتقرير بشيء يجملني
وشاكر لك كلاماتك

 

الحتمي غير متواجد حالياً  
قديم 04-10-2015, 09:15 AM   #14

خبير تركيا

 
 
تاريخ التسجيل :  Dec 2014
رقم العضوية : 325
المشاركات : 435



افتراضي


بارك الله لكما وبارك عليكما وجمع بينكما في خير

اعجبني الموقف في فندق هلتون بجدة..
هنا الفرق بيننا وبينهم وبينن فنادقنا وفنادقهم!!

 

الدوسي غير متواجد حالياً  
قديم 04-10-2015, 09:16 AM   #15

خبير تركيا

 
 
تاريخ التسجيل :  Dec 2014
رقم العضوية : 325
المشاركات : 435



افتراضي


بارك الله لكما وبارك عليكما وجمع بينكما في خير

اعجبني الموقف في فندق هلتون بجدة..
هنا الفرق بيننا وبينهم وبينن فنادقنا وفنادقهم!!

 

الدوسي غير متواجد حالياً  
قديم 04-10-2015, 10:03 AM   #16

عضو قدير

الصورة الرمزية قصة حب
 
تاريخ التسجيل :  Dec 2014
رقم العضوية : 140
الدولة : الكويت - ديرة الخير
الجنس : انثى
المشاركات : 3,441



أوسـمـة: قصة حب

كل الاوسمة:1 (more»)
Talking


ألف مبروووك الزواج
بارك الله لكما وبارك عليكما وجمع بينكما في خير..

ما شاء الله بداية خطيرة وموفقة
تجذب القارئ بشدة وتخليه غصب يكمل التقرير
والله اني سعيدة واضحك وانا أقرأ تقريرك
دمك خفيف ما شاء الله
وخووووووووش ورطة في الهيلتون
زين الله سخر لك هالبني آدم والا كان تفشلت جدام العروس وانت كاشخ
واضح تقريرك بيكون ناري وزي الاشطة
كمل متابعينك شوقتني اعرف باقي تفاصيل رحلتكم اكيد فيها اكشنات كثير
اختكم - قصة حب

 

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

نقره لعرض الصورة في صفحة مستقلة



لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك
قصة حب غير متواجد حالياً  
قديم 04-10-2015, 10:25 AM   #17

خبير سفر

الصورة الرمزية محب طيبة
 
تاريخ التسجيل :  Feb 2015
رقم العضوية : 1974
الدولة : المملكة العربية السعودية ـ المدينة المنورة
الجنس : ذكر
المشاركات : 1,384



افتراضي


بارك الله لكما وبارك عليكما وجمع بينكما في خير

متابعين بشوق وفقك الباري ورعاك

 

آخر مواضيع محب طيبة

- مصر _ _ القاهرة

توقيع : محب طيبة

نقره لعرض الصورة في صفحة مستقلة
محب طيبة غير متواجد حالياً  
قديم 04-10-2015, 12:04 PM   #18

مشرف سابق

الصورة الرمزية احمد الحربي
 
تاريخ التسجيل :  Feb 2015
رقم العضوية : 1735
الدولة : السعودية
الجنس : ذكر
المشاركات : 2,838



افتراضي


منتظرين تكملة التقرير


اسلوبك ياخي فيه جذب للمتابعين

 

احمد الحربي غير متواجد حالياً  
قديم 04-10-2015, 06:05 PM   #19

خبير تركيا

 
 
تاريخ التسجيل :  Feb 2015
رقم العضوية : 2001
الجنس : ذكر
المشاركات : 2,535



أوسـمـة: hazim b

كل الاوسمة:1 (more»)
افتراضي


البداية رائعة والأحداث شيقة
موعودين بتقرير من العيار الثقيل
واصل والكل بانتظارك.

 

آخر مواضيع hazim b

hazim b غير متواجد حالياً  
قديم 05-10-2015, 05:40 AM   #20

مسافر متميز

الصورة الرمزية الحتمي
 
تاريخ التسجيل :  Jun 2015
رقم العضوية : 4263
الدولة : أسكن في الشرقية ومغرم بالنمسا
الجنس : ذكر
المشاركات : 336



افتراضي


كانت اكبر طموحي أشوفك
واليوم نحمد الله معي تخاويني
لو سألوني عن حبك !!
قلت لهم رواية بدايتها نظراتك ..بدايتها انفاسك ..بدايتها عباراتك
كنت ولازلت اكتب رواية حبك ، وأتلذذ بكل سطر أكتبه
أتفنن بأحداث تلك الرواية لا أريد ان اتوقف وسأظل أبحر مع احداثها
كنت ولازلت ولن أتوقف عما كتبت
** *** ** ** ** ** **

وبعد ان خربشت خربشة مبعثرة تعالوا نكمل جلستنا وسوالفنا
خاصة انه صرنا داخل الديار التركية يعني الشاي التركي بيحلي الجلسة
الا تعالو على طاري الشاي التركي
انا قبل اسافر كنت اقرأ بعض التقارير والتعاليق تمدح في الشاي التركي
لدرجة اني تخيلت اني بذوق شاي خارق شاي ماله وصف
يعني قلت هالشاي التركي شكلة عسل اصلي مطبوخ
وعلى طول بس طلعت اول يوم من الفندق اول شيء سويته دخلت مقهى عشان اطلب شاي
وتفاجأت يوم جاب لي الشاي انه اقل من عادي
لدرجة ان شاي بوفية ابو علي احلى منه
لكن بصراحة اكثر الشاي هناك يعطي جو حتى لو مو بحلو
يعني لازم تأخذ شاي عشان تحس انك بتركيا

المهم ماعلينا تعالوا نكمل جلستنا ونطلب لنا شاي تركي
بعد ماوصلنا الفندق وقابلني عزيز و ليلى
هذول اللي شغالين في الاستقبال وبصراحة اخلاقهم جدا حلوة
وهذا الشيء لاحظته في اكثر من فندق الاستقبال خلوقين مرة
سلموني الغرفة ودخلت تفاجأت ان الفندق اقل مما كنت اتوقع
يعني انا مختاره بالذات لأن توه جديد والاثاث جديد والصور في بوكنق كانت مغرية وموقعه كان عاجبني على حسب ماقريت عنه
خاصة الاطلالة اللي على البحر
اول مادخلت الغرفة تفاجأت مافيه اطلالة
وللأمانه بالفعل موقعه قريب من كل شيء
يعني يغنيك عن سالفة تاكسي او ترام
مثلاً السوق المصري رحلات البسفور مطاعم السمك تحت الجسر
يعني كل شيء قريب وماتحتاج تاكسي
وصلت مع المغرب صليت مغرب وعشاء جمع وقصر
جوعان ومصدع ومرهق << بس اتظاهر قدام المدام اني قوي
خلصت الصلاة ودورت الجوال عشان اسوي لي جدول حق بكرة
للمعلومية انا جيت تركيا وحاط جدول
لكن يوم وصلت تغير الجدول 180 درجة وكثير من الخطة تغيرت
يعني جزر الاميرات وتل العرائس كانت من ضمن الخطة
لكن كنسلتها ما ادري ليش لكن هذا انا اخطط ولا امشي على الخطة
المهم دورت الجوال وكما ذكرت لكم في الموضوع السابق نسيته مع السواق
وكما ذكرت احداث الطعة الفلم اللي صارت
تداركت الموقف بشاجعة ورجعت الجوال
نرجع ونقول الله يصبر العروسة على هالعريس<< معذور ترى مصدع
وهنا اوضح لكم الصور اللي اعتمدت عليها في تنقلاتي داخل اسطنبول
وكنت راسم اغلب خطة السير منها
والف شكر لزهرة نيسان اللي نزلتها في المنتدى القديم
رغم ان الخطة تغيرت لكن استفدت منها في التنقلات





.............................

..........................

...............
هذي في السلطان احمد
كنت ابي خزانات المياء وما احد فهم وش اقصد
ثم طلعت الجوال وأشرت لهم عليها بالتركي << كم انا ذكي

ويالله اصبحنا واصبح الملك لله
خلونا نبدأ احداث اول يوم بعد ماصحينا من النوم
فتحت الشباك لألقي نظرة على الجو وعلى تراحيب تركيا بقدومي
ولكن ياللأسف الارض قريبة مني
احس لو اعطس انطح الأرض من قربها وهنا قررت اطلبهم تغير الغرفة
المهم قالت المدام خلنا نطلع ونتمشى واذا رجعنا يصير خير
هنا قلت في خاطري اي والله صح وشو له المشاكل
شوفوا الارض ياقربها كنت في الدور الثاني او الثالث ما اذكر
واصلا انا مقهور ليش ما عطوني اطلالة على البحر


بسم الله يالله نبدأ وتلحفوا ترى الجو بارد
يالله تعالو اقولكم على طاري الجو بارد
وش احكي وش اقول
بصراحة جوهم حتى لو انه بارد يجيب العافية
يعني مجرد تلبس جاكيت تحس البرد بعد عنك وخلاك في حالك
جو مطر ومو مطر قوي مطر يعطيك ابتهاجة تعيش فرحة قدومك
طيب خلونا نرجع للموضوع واللي مو لابس جكيت رجاء يجلس في الفندق اللين نرجع له نغير الغرفة
طلعنا من الفندق وكان على يمينا البحر مباشرة بس تقطع الشارع
الخطة كانت للسوق المصري وحافظ مصطفى
لأنها قريبة منا
وصلنا حول البحر وكان هذي اول صورة التقطها



بعد ماصورت الصورة اللي فوق التفت خلفي وكان خلفي مباشرة الفندق
قلت لأجل عيونكم اصور لكم وقوفه الشامخ
وكنت احسه يراقبني وين اروح وين اجي الفندق معجب في وجودي
وهذي الصورة
حلو من هذي الصورة اكتشتفت اني كنت بالدور الثاني قبل اطلب تغير الغرفة << ماشاء الله علي

التهيت عن التصوير واكتفيت بالتلذذ بالعيش داخل انفاس ذاك الجو
يزداد الجكيت ضماً لجسمي ليدفئني من برودة الجو
وكلما ازدت دفأة كلما ازدادت سعادتي بجوك ياسطنبول
تعالوا كلمة ليدفئني هل انا كتبتها صح؟؟ احسها صعبة
المهم اذا هي غلط فغضو النظر وانتبهو للبحر
وبعد ان عشت وقت بين اصوات ارتطام الأمواج وانتشار الناس من حولي
ورذاذ المطر من حولنا رجعت لكاميرا جوالي العزيز والتقطت بعض الصور


.......................................



بعدها توجهنا لحافظ مصطفى
كنت متحمس اذوق طعم الحلقوم اللي عنده وطعم حلوياته
بصراحة بالفعل عنده حلويات حلوة واشتريت من عنده كثير هدايا
وجبتها معي السعودية
وعلى فكرة ابشركم الحلويات مانسيتها في تركيا


.........................................
اكتفيت بهذي الصورتين من حافظ مصطفى بعدها توجهنا للسوق المصري
لكن ماصورت فيه ولاصورة والسبب زحمة الناس ولافيه شيء يستاهل التصوير
كلها محلات مقابله بعض وكل محل فارش بضاعته مقابل الباب
يعني انا يوم دخلته تذكرت سوق المباركية بالكويت
لأني زرت الكويت اكثر من مرة واحب سوق المباركية
فلاينا في السوق المصري وقت طويل وبصراحة تعبنا من المشي
السوق كبير وبواباته كثير
يعني بغيت اضضيع بوابة الخروج اللي ترجعني على الفندق
وأتوقع لو ضيعتها كان رجعت العروسة للسعودية مشي
وتركتني لوحدي اعيش فرحة تركيا
بعدها طلعنا صلينا الظهر في مسجد قريب من السوق المصري
اتوقع مسجد السلمان او مادري وشو
بصراحة ما عرفته
لكن خذيت له عدة صور وبتشوفونها في الحلقة القادمة
لأني صورته في اليوم الثاني
بعد الصلاة قرر معالي السفير انا نروح نتغداء تحت الجسر
وعزمت العروسة على غداء بحري على حسابي
يالله كم انا كريم جايبها تركيا على حسابي وبعد اغديها على حسابي
الله يعطيك العافية يايبه اللي جبت رجل كفو مثلي
لحظة لحظة تعالوا وين رايحين
خلاص هذي اخر مرة امدح نفسي لاتعصبون
تعالوا نكمل واعلمكم بالاحداث اللي صارت في المطعم
رحنا وتغدينا هنا




جاب لنا المنيو
لكن قبل المنيو جاب لنا السمك في عربية او في كرتون او في خيشة
انا مادري لأنه صدمني السمك مافيه اي نظافة
زوجتي اول ماشافت القبقب كبير وكأنه عقرب
صابته قرفه وطلبت نطلع من المطعم وماعاد تبي غداء
لكن مو على كيفها والله تتغداء لا اتفاهم معها تفاهم ثاني<< كفو ياقوي
المهم ترجيتها تجلس << افا وين القوي
المهم تفقنا نطلب سمكه هامور
ظلينا مايقارب 40 دقيقة بعدين جاتنا السمكة الوحيدة
وطلبنا موية قبل تجي السمكة
ومع السمكة طلبنا 2 بارد
خلصنا غداء وللأمانه ما أكلناها والسبب باقي نتذكر منظر السمك ونظافتة
المهم خلصنا ناديت الكابتن << اي كابتن
اي صح قصدي ناديت القرسون وطلبته فاتورتنا
يوم جاب الفاتورة تذكرت الملاحظة اللي قالتها زهرة
يوم تقول تأكدو من الاسعار وراجعو الفاتورة
انا على طول تحملت نتائج غلطتي وعطيتهم 220 ليرة
حساب هالسمكة اليتيمة اللي جابوها لنا
يعني حسابها تقريبا 400 ريال سعودي
المهم ماتكلمت ولاشيء عطيته الحساب وطلعت
خلاص بنرجع الفندق دايخين ومرهقين
وصلت الفندق وطلبتهم اغير الغرفة ويعطيني اطلالة
لكن الاطلالة فل ولافيه فرصة وطلبت دور علوي
والحمد لله خذيت هذي الغرفة
يالله تعالوا نشوف اذا عطست انطح الارض او بعيد

اوك لا واضح انها افضل من اللي قبل
عاد تصدقون هذي الحديقة ما اردي وش اسمها
لكن بصراحة عاجبتني ما ادري لو اشتريها كم سعر المتر
يالله مع السلامة
ترى كتبت هالحلقة على السريع
اتمنى لو هناك اي تقصير او زلل ان تتقبلون تقصيري
ولكم مني كل الشكر والتحايا

 

الحتمي غير متواجد حالياً  
 

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
تنبيه : سأئقي التكسي في أسطنبول النمسا تركيا 30 29-08-2015 08:39 PM
مطاعم أدبس أبابا مطعم أسطنبول التركي فيصل بوابة اثيوبيا 30 27-08-2015 08:09 PM
ميزانيتي للشمال التركي و ربما ,, نقول ( ربما ) تنضم لها إسطنبول أبو عبدالملك تركيا 10 05-03-2015 05:36 PM

الساعة الآن 01:13 PM
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO