اقتباس : المشاركة الأصلية كتبت بواسطة فيصل كله يترقع الا نكبةابوعبدالاله
والله يا هو موقف
أجل بيروح الهند زوجك يا ليالي
هههههههههه انت شايف والله ياهو نشف دمي وزعل الرجال وزوجته وزوجتي وضحك الحاضرين
الله المستعان

صراحة المواقف من الاخر ههههههه
انا اقول خلي الفضايح مستورة هههههههه
لانه مواقفي اغلبها مع مجانين
ابو عبدالاله ذكرتني بنفسي مرة وانا طالعة من معهد كنت اخذ في دورة والوالد يستناني برا لما طلعت لقيت سيارة نفس نوع ولون سيارة الوالد وفتحت الباب وجلست بكل ثقة ومبتسمة واسلم الرجال مصدوم ما تكلم انا لما شفته صرخت وفتحت الباب ونزلت وهو يضحك وانا نفسي اختفي من المكان ههههههههههه بحياتي ما انساه هذا الموقف من يومها اطالع في اللي جو السيارة قبل لا اركب

يسعد مساكم جميع

كل موقف احلى من الثاني الله يسعدكم

عاد موقفنا هذا صار في ادنبره في سكن فخم جداً يعني نكبة

حجزوا لنا فيلا جديدة بقراطيسها أول ناس تسكن فيها و اليوم أول يوم لنا فيها
الديكور كله ارماني الساعة 11 ليلاً و الجو رائع قلنا نطلع أنا و أم غسان بحديقة الفيلا الخاصة
نرجع أيام الرومانسية

نحاول نفتح الباب القزاز ما كو فايدة نحاول من هنا و هنا ماش
رحت اجرب على باب ثاني مثله مدري الا صوت الانذار يشتغل و كل شوي الصوت يزيد
اللي صار أم غسان عرفت أن اللي ماسك الباب بلاستيك احمر راحت جابت مقص و قصته
و هو حق الامان و مربوط بالدفاع المدني
ياسلام آخر شئ كنا نحتاجه هذا الصوت المزعج قلت أروح للاستقبال يوقفون الصوت
يوم خرجت و هم يسوون عملية اخلاء لجميع النزلاء هههههههههههههههه
احترت كيف ادخل عليهم و كيف افاتحهم بالموضوع فشيلة و الله
و المصيبة أن اللي بالاستقبال موظف جديد أول ليلة يداوم وده يبكي الدموع بعيونه
مسكته على جنب و قلت له أهدأ تراني اعرف المشكلة و يدربي رأسه وراي
و هو لابس تنوره لبسهم الاصلي ما ينفع معنا الايتكيت

قلت المشكلة هنا هذا الباب ماهو مضبوط الشركة ما ركبت البلاستيك مضبوط
قال : كيف عرفت ؟ قلت له أنا خبير أمن و سلامة معتمد لازم اخرج منها
اتصلوا على الدفاع المدني و بلغوهم انهم حلوا المشكلة و لا كانوا بالطريق
و طفوا جهاز الانذار عن الفيلا لين يصلحون الخلل
و اليوم الثاني و هم مرسلين لي باقة ورد و اعتذار

و الله حنا اللي مفروض نرسل لكم بس عاد الظروف ما تسمح
و بدل ما كانت ليلة رومانسية قلبناها خناق
بس الى هذا اليوم و أنا ماسكها عليها كل ما راحت تفتح باب اقولها المقص معاك
كنوع من التعويض عن تشويه السمعة لما وصلت لندن رحت لهارودز
و اشتريت شوكلاته و ارسلتها لهم و كتبت عليها
" شكراً قضينا أيام لا تنسى "
و بين السطور " سامحونا "

ابو غسان وش هالموقف
مدري ليه تعاطفت مع الموظف الجديد شكله قال اللي هذا اوله ما عاد ابي هالدوام