هــلا بـالطـــش والــرش ومـــاي الـــورد بالقــــرش

q8ya metnaqla · 20-10-2015, 10:15 PM

مسائكم و صباحكم خير

منتدى العرب المسافرون الكويت

هـــلا بالـــطـــش والـــــرش ومـــــــــاي الــــورد بالقـــــــرش

نقولها حق انسانة جميلة وعضوة حبيبة على قلوبنا
هلا فيج مليـــــون بين اهلــــج واحبــــابـــج نـــورتي الديــــرة والســـدرة الصغيره

اقولكم منو كانت بزيارتنا ولا اسكت ممممم

لي يانا وياكم ، خير لفانا ولفاكم ، وشر تعدانا وتعداكم
زور ابن الزرزور ، اللي عمره ما جذب ولا حلف زور ، ذبح بقة وترس سبعة جدور ،
وخلا الشحوم واللحوم على الصواني تدور
ويا حبايبي صلوا على النبي ...
الف الصلاة والسلام علية ..

حكايتنــــا فيهــــــا الخـــــــــالة ام معـــــــــــن
اللي دزت لي ايميل وقالت انا يايه الكويت
ومن الفرحه قلت للبنات انه ام معن ياية
والمسكينة قالت لي لاتقولين لهم بخليها مفاجأه
بس شعقبة يا خالة ام معن عقب ماقلت وطارت الطيور بأرزاقها
ياحلو سوالفها ومقعدها صج ما ينمل منه
وياحلو ذكرياتها في الفتره اللي كانت في الكويت

خـــــــــالة ام معـــــــن نورتي الديــــرة وشــــرفتينـــــــا
وان شاءالله تنـــــــــعاد هالـــزيارة مـــــرات ..

اللي راحوا للعشا ام حسين ومنال وانا
اما امون كانت من المعتذرين ومكانها مبين والله فقدناها كانت في الاردن ..

طبعا بعد السوالف ولقاء التعارف خلاص انطلقنا بالحجي والسوالف

السوالف طعمها وياج غير يا ام معن انا لي شفتج احس اني بخير

وشي اكيد كل سوالفنا عن الكويت في الفتره اللي كانت فيها ام معن ومدرستها وشغلها والشي الثاني المنتدى والسفر وتركيا

بعد المشاورات اتفقنا نتعشا في مطعم كويتي

توكلنا على الله

نروح منطقة الزهراء - جنوب السره - على الدائري السادس
360 مول
اصله : كويتي - من ادارة الشف سامي الشريدة
تقيمي : 10/9
اسم المطعم : كاشونة البيت
الكاشونه يسونها من جريد النخل تحفظ نعمة الله وتعلق في الليوان او تاخذها معاك لي تمشيت ..
الاكل : لذيييييذ - بس المقالي مو ذاك الزود
المكان : ممتاز
السعر : جيدجدا
الخدمة : ممتازه
المميزات : كل شي تمام

بسم الله واطلب ما اشتهيت
وان طاب لك عـــاود ياراعــي البيـــت

هذا شكل الكاشونه

ديكورات المطعم

دار الجيل بس مكشوفه هذي (نطقوا حرف الجيم بالنطق الثاني الكويتي ههههه)

المنيـــــو

يعنـــــا

المقالي وشوربة العدس لذيذه

وصل الحبيب
لبن بالنعناع

شربت بيذان لام حسين وعصير تفاح وكيوي لمنال

هذا الطلب حق ام حسين والناس اللي اتحبه

كبة بطاط لحبيبتنا خــالة ام معـــن

كبة العربانة

وهذيل يا سلام عليهم
اجار ومعبوج ( لفظوهم بالكويتي )

السلطة

( مموش ربيان ) مع دقوس صبارة

مجبوس لحم لذيييذ والدقوس

القبووووط عجيب

وقت الحلوو

كيكة تمر وترميسو بلسان الثور
عماااااار ناطره تعليقك هههه

صب القفشه

يلا صبوا هالقهوه وزيدوها هيل

وهذيل فوق طاولتنا ( نسميه سراي او زهيوي ) بس شنو الجمع مااعرف

وهذا مكان طاولتنا

لي طاب لك عاود يا راعي البيت

وداخله هالبرميت

وينتهي يومنا الحلو وساعات اللي ما حسينا فيها مع ام معن وام حسين ومنال
قعدنا من 6 الى تقريبا 10 ولا حسينا فيهم والله ..

وبالاخير يا ام معن نورتي وشرفتينا وزورينا بعد ..
وشكرا ام حسين على الصور والتصوير ..

آخر مواضيع q8ya metnaqla

- مركاز العرب المسافرون 11
- إندونيسيا استفسارات
- شبه الجـــزيـــرة الايبيـــريـــة ( اسبـــــانيــــا ) 2023
- هنــــا شبــــه الجــــزيــرة الايبيــــريـــة ( البــــرتغـــــال ) 2023
- ريوقنا في the orangery

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

التعديل الأخير تم بواسطة q8ya metnaqla ; 07-11-2015 الساعة 01:46 PM

آخـــرفـــرصـــة · 20-10-2015, 10:29 PM

مساء النور

المطعم حلو

و الضيف مفاجأة

كل التخمين طلع خطأ

بالعافية عليكم

fanda · 20-10-2015, 10:42 PM

الله الله
باين القعده كانت جدا حلوه من الكلام الحلو الي اشعرتينه في بداية التقرير يا أبرار
صج الضيفة مفاجأة ما توقعتها
قعدات المطعم حلوه والقبوط شهاني بهالليل
عليكم بألف عافيه وعساكم دوم متيمعيين في خير وفرح

هاوية الاسفار · 20-10-2015, 11:12 PM

بالعافيه عليكم
و يا حلو اللقاءات و الجمعات من ناس تغليها و احلى مفاجاة
و ان شاء تكون لنا تجربه في هالمطاعم الزينه بس لا تبخلون علينا بالتقارير
تسلمون جميعا و الله لا يفرقكم

شارلوك هولمز · 20-10-2015, 11:34 PM

ماشاء الله لقاءات رائعه ومتميزة بااعضاء منتدانا الرائع

ماشاء الله البوابة الذهبية " الكويتية " لاتزال دوووما نشيطه باهاللقاءات تسلمون جميعا

الاكل مبين لذيذ ولسان عصفور تنبلع اما الثور جديدة ذي ياابراروه ههههههه خوفي بكره ذيل البقرة ههههههه

حياها الله ام معن وكل الشكر لكم ع الاستضافه كرما من يومكم

الله يعزكم .. امون فتاة نيويورك صدق مكانها مبين ومتأكد انه لو بيدها جت ولو التقتها ام معن لاحبتها

ام حسين ام الكل ولازال اقول ام بحنانها كانا اولادها الله يخليها لمنتدانا ولنا .. ابراروه المشاكسه مهندسة اللقاءات كل الشكر لك جهدك واضح

منال اعتقد نمارق كل الشكر لج

ام معن اهلا وسهلا ونبي تقرير ج عن دار الصبآح

منتدانا كل الحب لك .. وانتظروا قريبا لقاء رااااااااائع

هولمز

توبليرون · 21-10-2015, 12:33 AM

يه يه يه
اي جذيه التقارير الحلوووة والمقدمات الروعه
شفتي ليش خليناج انتي تكتبين التقرير لأنه طالع من القلب
بدون مجاملات صج كانت القعدة حلوة ووناسه مع ام معن ربي يحفظها ذكريات كويتيه وصج تحسون انها من أهل الكويت مو غريبه ابدا
روح حلوه ومرحه وأخلاق
ابرار انتي قلتينا بس صج كانت مفاجأة ما توقعت حضور ام معن
القعدة ونيسة وأختيارنا للأكل بغيناه كويتي أصيل حق ام معن
ترى يا جماعه ما أكلت وايد ... شبعت من السوالف هههه
يازين القعده معاج يام معن وان شاءالله لنا لقاء ثاني وثالث ورابع
شكراا ابرار شكراا منال وامون سهمج العافيه
ويام معن ان طاب لج عاودي للكويت