البحرين ...رحت وإلا ما رحت ؟؟

توبليرون · 04-03-2016, 12:30 AM

منتدى أعضاء العرب المسافرون

البحرين

اصبحنا وأصبح الملك لله

صلينا وقعدت الملم أغراضي واجهز جنطتنا انا وبوحسين علشان نسوي التشيك اوت

نزلنا نتريق والريوق نفس الشي شوية تغيير

الممر هههههه لازم اصوره لكم يعني يتغير من الليل والصبح

واللوحات الفنية تزين الممرات

الريوق ما صورته .....اليوم ازحم من امس

واكتفيت بصور امس

المهم نزلنا عقب الريوق وسوينا التشيك اوت

وقعدت انطر الربع باللوبي

وهذا جهاز رش العطر الفواح بالفندق

دانة حطت كتابها وراحت تتريق

تجمعنا وقررنا نمشي نرد الكويت قبل الزحمة

نصيحة من حسين ان بعدين بتصير زحمة وانا زعلانة

بس قال بوخسين بيرحع يودينا مرة ثانية

الله كريم

قلت لبو حسين روح مني وروح مني لف هني
خلك لاخر الشارع السيف على يسارنا

بعد الأشارة لف يسار واخذ الشارع يمين وادخل الفرعي يمين
وبعدها يمين

هذه النوافير اللي عند الأشارة اللي راح نلف عندها

وقلت له يلا وقف عند المصنع

ما يصير امشي بدون ما اشتري ماي اللقاح

دخلت وكان قبلنا في عايلة

قلت يلا على ما يخلصون اصور

عندهم بطول مهياوة ......انا ما قط جربتها ولا عايلتنا

في ناس يحبونها عليهم بالعافية

ياحلو المنتجات البحرينية من الأجار والمعابيج الحارة اللذيذة مع المحابيس

مادري شاخذ وشخلي

صورت لكم الفوائد لصحة الجسم لكل منتج عندهم

واشترينا منهم بعد غير ماي اللقاح
حلوى بحرينية حارة يعني ماله داعي تروحون المحرق اذا مستعيلين
وطلعنا

والجين خلاص بنطلع من البحرين

وزهبنا الجوازات

وحطوا لي هالأغنية خلوني ابجي

ورقة الجمارك والتنبيهات وراها

الأبراج على الجسر يشتغلون عليها

ان شاءالله يسوون مطاعم حلووة فيهاا ومطلات جميلة

لازم اصورها

واختصرت لكم الصور

وبينت الخبر

والحين بعد دخولنا الخبر وعلى نفس الخط رحنا اول محطة بنزين

تصوير البنات

ووقفنا بس مافي ناس

تدرون ليش لأن وقت صلاة الظهر

مشينا عقبها

وقفة فكاهية ههههه
الحين وانا اكتب لكم في بقه بعوضة كل شوي يايه جدامي وعلي بتقرصنتي

و لما شفت هالصورة وانا حيل تكفخ بشاشة اللاب هههههههه احسب البقه بالصورة

شفتوها والا لا

اخذنا راحة بمحطة بنزين ثانية واخذنا لنا تسالي بالطريج
هالمرة البنات انزلوا وتشرواا لنا

عجبتني الغيوم

نتسلى مع البارد

ومشينا بالخط سيدااا

شايفين البعارين

بحيرات الأمطار

الخيام والبر والجو الحلووو

ووابو حسين كل ما نمر يم البعاريبن بااشر لي عليهم يعني صوري

هاااااا الحين يبيني اصور

وهني رحنا لمحطة ثانية نترس بنزين

لأن هناك ما ترسنا السيارة وبعد داخو بالطريج يبون قهوة

اخيراا بينت سيارتنا احنا سابقين حسين

ووصلنا الخفجي

بقينا نشتري فقع لقيناه ب120 ريال وقال اسويه لكم 100

بس بوحسين قال نشتري من داخل الخفجي

مع ان وقفنا عند كذا واحد نفس السعر متفقين

وقلنا بنتغدى واختار لنا حسين مطعم يقول اهو وربعه كله ياكلون عنده

وهذا اهو مطعم سهارى

تركي اللي يطبخ وطبعااا عندنا مترجم استانس عليها لما تكلمه تركي وهو يعرف عربي

طبعا تشجيع البابا يقول لازم تمارس هوايتها

العاب مستهلكة للاطفال

ديكورات الغرف ......الصراحة اللون عجيب
حلاته لون فاتح مو غامق

المطعم يعني غابة والا شي جذيه

المهم طلبنا
دياي مشوي مع العيش

طبقي شيش طاووق

سمك مشوي حق حسين

عيش بالربيان

في قعدات ارضية للي يبي

ننطرهم يحلصون وهذا بالحوش

والحمدلله الأكل لذيذ وهو مطعم تركي
فيه جلسات فوق بعد

ويلا كويتنا تنطرنا

الجمارك السعودية والزحممممة

شوفو ورانا الزحممة

توني اشرب اللبن عقب الغدا

وأخيرااا طلعنا من الجوازات واوول محطة مطعم ناثينز في بنتين ماتغدواا هناك

وانا اشتريت لي باسكن روبنز

والحمدلله على السلامة وصلنا بيتنا

وهذا مشترواتنا من مصنع الجسر

بس طبعا الحلوى اللي على اعلام من المحرق

والسلااااااااااام ختااااااااااااااااااااام

ان شاءالله استمتعوا معاي بهالسفرة الصغيروونة

والتقرير الطوييييييل

وسامحونا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فندق كمبنسكي البحرين ـ وحالياً فندق ويستن البحرين	Bu Rashid	بوابة البحرين	28	14-08-2019 09:21 PM
دليل فنادق البحرين و شقق البحرين رقم الهاتف و الايميل	عامر	بوابة البحرين	23	06-10-2018 12:55 AM
هنا البحرين	fanda	بوابة البحرين	56	23-01-2017 01:27 PM
ميس واهل البحرين	q8ya metnaqla	بوابة الكويت	24	06-07-2015 12:38 AM
كل شخص زار البحرين يدخل	Fahad Mandi	بوابة البحرين	26	20-03-2015 01:27 PM