حياكم الله اخواني

اخوي كتكات بالنسبة لي الرحلة ما تستحق بس رحلة اليوم الثاني تستحق وبقوة

بس الرحلة خفيفة تخلص الساعة 4 يعني ممكن تخليها لليوم الثاني تخلص 4 والساعة 7 ترجع اسطنبول

لانها تشمل الكثير من الاماكن والمدن واكيد المدينة الاشهر (مدينة تحت الارض)

اليوم العاشر
-
-
-
قبل ما ادخل معاكم تفاصيل اليوم الثاني بكبادوكيا نسيت اذكر بالرحلة السابقة ان بعد ما طلعنا من مصنع الفخار توجهنا لمصنع الخمور نعم ايها الساده مصنع الخمور
(الله اني صائم) بس المرشد قال كيفكم الي ما يبي ينزل من الباص عادي يقدر يقعد والحمدالله ما دخلت المصنع .
-
-
-
في شي مهم بخصوص البالون الي ما يبي يركبه ضروري يسوي الي سويته انا والله يعطي العافيه موظف الفندق قالي اذا تبي تشوف البالونات في السماء اقعد الصبح الساعة 6 شوفهم وبالفعل قعدت الصبح والا السماء كلها بالونات شي خرافي اترككم مع الصور :
-
-
-

-
-
-

-
-
-

طبعا المنظر على الطبيعة شي لا يوصف
-
-
-
نكمل اليوم الثاني وكانت رحلتنا اليوم اجمل من امس لانه فيها مشي وتسلق بسيط والاهم المدينة الي تحت الارض العجيبة واسمها الرحلة الخضراء وسعرها 120 ليرة شاملة الغداء ، مرني الباص الساعة 9.30 في الصباح ومرينا كم فندق معانا لنقل السياح وبعدها توجهنا لاول مكان وهو بانوراما غوروميه:
-
-
-

-
-
-
بعدها توجهنا لمدة 45 دقيقة بالطريق الى كتدرائية سليما لها قصة الي يبي يقرأ عنها يسوي بحث :
-
-
-

صورة من الطريق
-
-
-
بعد الوصول طبعا المرشد يشرح عن المكان وبعدين عطانا ربع ساعة للتجول بالمكان وبعدين رجعنا الباص ونسيت اقول ان المكان يحتاج اذا تذكرة للدخول بس كان شامل ظمن سعر الرحلة
-
-
-

-
-
-

-
-
-

-
-
-

الصراحة المكان رائع جدا
-
-
-
بعدها توجهنا مطعم الغداء تقريبا اخذ معانا ربع ساعة للوصول وكان الغداء اختيار وجبة من الوجبات المتوفرة في المطعم بعدها توجها لمكان جميل جدا كان فيها مشي تقريبا 3 كيلو بمحاذاة النهر وصعود ونزول جميل جدا (هايكنق) في وادي ايهلارا وايضا المكان يحتاج الى تذكرة للدخول :
-
-
-

اسم المكان
-
-
-

-
-
-

-
-
-

-
-
-
بعدها توجهنا للمدينة المعجزة الصراحة شي لا يمكن وصفة وللاسف الكاميرا ما تصور عدل تحت لانه المكان مظلم قليلا وصلنا تقريبا بعد نص ساعة للمكان وايضا المكان يحتاج تذكرة للدخول :
-
-
-

صورة قرب المكان
-
-
-

اسم المكان
-
-
-


مدخل المدينة طبعا تحت برد شديد لازم جاكيت
-
-
-
بعدها توجهنا لمصنع المجوهرات وموظفين المصنع بس اعرفوا اني كويتي اعرضوا على كل شي شافوا برميل نفط هههههههه طلعت وما شريت شي لان الاسعار غاليه
-
-
-
بعدها توجهنا لوادي الحمام وما شفنا ولا حمامه بالوادي
-
-
-

-
-
-

صورة من الوادي
-
-
-
بعدها رجعنا للفندق تقريبا الساعة 6.30 وهنا اعتقد ان اخطأت بعدم مغادرة كبادوكيا في الليل او في الصباح الباكر لاني غادرت الساعة 3 العصر في اليوم التالي وضاع علي يوم كامل وهذا نصيحة للكل ان يغادر في اخر يوم من الرحلة لانه اخر طائرة موعدها الساعة 8.30 والمطار صغير تحتاج ربع ساعة وتخلص الاجراءات
-
-
-
نشوفكم بالجزء الاخير من الرحلة قريبا
كل الود

يعطيك الف عافيه تفاصيل مهمه وجميله وتصوير واضح ودقيق
فعلا كبدوكيا رائعه وجميله وبسيطه
الطبيعه والبساطه والتراث والمتاحف وووو تجمل المكان
مادري ليش ياولد بلادي ما غامرت وركبت البالون تجربه ومغامره حلوه ماتطوف
اعرف ناس تروح مخصوص عشانهم
قريبا ستراني بين السماء والارض
تصويرك بسناب كان رائع واجمل لانها متابعه لايف وتعيشك واقع
سلمت يداك وننتظر باقي التقرير المفيد

مرحبا عادل
بالفعل رحلة اليوم الثاني تبدو اجمل من الأولى.
طبعا فيه العديد من المدن تحت الارض بكابادوكيا .واكبرها وأشهرها هي ديرينكويو وكيماككويو.
سؤالي كم استمرت الرحلة بالمدينة تحت الارض من وقت. وشنو التفاصيل اللي شفتهة.
تحياتي.

ليش اسمهم مداخن الجن ؟



Sent from my iPhone using Tapatalk

قواك الله عادل
هالمدينه ان شاءالله ازورها لان تعجبني مبانيها وصورها مع المناطيد ..
حسافه ماجربت المنطاد چان تصير الرحله احلى من فوق ..
ماشاءالله خووش تصوير .. المدنيه اللي تحت الارض حتى في تونس عندهم قريت مره عنها تقرير في المنتدى ..
اما مصنع الخمووور والله فاضين حاطينه هذيل من ضمن الرحلات خل يلغونه احسن ..

الله يعطيك العافيه على هالتقرير المميز [emoji1362][emoji1362][emoji253]


Sent from my iPhone using Tapatalk

حياك الله اخوي بن قوت

----------------
اختي ليمونه انا فكرت اركب البالون بس الصراحة خفت وكنت افكر بالعيال يتيتمون من بعدني
---------------
اخوي حازم بالفعل في رحلة اسمها الرحلة الزرقاء وكانت لمدينة تحت الارض اخرى اعتقد هي كيماكيو
استمرت الرحلة تقريبا اكثر من نص ساعة لانه كنا مجموعتين اتراك والمشرف يشرحلهم بالتركي والجنسيات الاخرى المشرف يشرحلهم بالانجليزي فتاخذ وقت الجولة وتفاصيل المكان كان يوجد كنيسة تحت وغرف ومنطقة للحيوانات وشياء اخرى المشرف يقول انه للحين ما اعرفوا اشلون كانوا يقضون حاجتهم (اكرمكم الله ) بس يقول فيه طريقة اكيد كانت عندهم
-------------------------
اختي كويتية الناس اطلقوا عليها مداخن الجن لانهم كانوا يعتقدون ان مستحيل بشر تبني هذي المداخن وهذي المدن الي تحت الارض

والله خوش معلومه خليني اقرأ عن تونس وبخصوص المصنع هذا تسويق نفس مصنع الفخار والمجوهرات

تدرون على شي اصلا كانوا مستغربين انهم يشوفون عربي بالمدينة واانا اصلا ما شفت عرب نهائيا والكل مستغرب من عندي اشلون انا عربي وكويتي موجود بالمنطقة حتى بالمطار الشرطي شاف جوازي يقولي عرب سلام عليكم مستغربين

مجموعة صور للمدينة تجت الارض من الانترنت
-
-
-

-
-
-

-
-
-

غريبه مافيها عرب عاد في اكاونت في الانستغرام اسمه دروب ويسون رحلات لها يمكن حيل اقله يكونون زوارها العرب


Sent from my iPhone using Tapatalk